المساعد الشخصي الرقمي

مشاهدة النسخة كاملة : ==========الحب...ماله و ما عليه...القسم الأول*==========



احمد العمري A J A
03-10-2008, 12:15 PM
==========الحب...ماله و ما عليه...القسم الأول*==========




الحـــــــب


هية كلمة مشهورة....رائجة...ذائعة الصيت.
مين فينا بعمرو ما حب؟
حب أمو وأبو..وأخوتو؟
حب أشخاص من خارج الأسرة...أو من داخلها؟

الحب هو الولاء للشخص او للشيئ الي حبيناه...لسبب أو لتاني.
و الولاء الو والإخلاص ...والتضحية..في سبيل محبة هالشخص.

الحب بيولد دوافع داخلية...محركها القلب..فالعواطف...و من ثم الأحاسيس..وآخر شي بيجي فيها العقل.

و للحب درجات...درجة المحبة العادية أو اذا بدنا نسميها..الاستلطاف..وبهالدرجة الشخص قد يعمل شغلات كبيرة للطرف التاني..بس بحدود المقدرة.
وفي الحب الحقيقي...الي بيعيش يا حبيبي...الحب الحقيقي..هو درجة بيوصللها الفرد بيكون مستعد لأي شي بيطلبو منو الحبيب.
مستعد لعمل أي شي لضمان سعادة الحبيب.
مستعد يسمع كلمتو من دون تردد او تفكير...وقلبو هوة قائدو و مسيرو...بدون منازع.


قالوا...ومن الحب ما قتل...
يعني من الحب...مو كل الحب...بعض منو يعني.
وهو الحب الحأيئي الآتولي..

الحب شغلة أمرنا فيها الله سبحانو وتعالى...لما قال النبي عليه الصلاة والسلام:
( لا يؤمن أحدكم حتى أكون أحب أليه من والده، وولده ، والناس أجمعين.) .
والحب في الله...والبغض في الله..من الإيمان...بمعنى أن تحب الشخص..لا تحبه الا لله..وليس لماله أو لشكله أو لجاهه..أو لغرض دنيوي.

والحديث الشريف المعبر بهذا المجال يقول فيه صلى الله عليه وسلم:
(ثلاثُ من كنّ فيه...وجد حلاوة الإيمان ، ان يكون الله ورسولُهُ أحبًّ إليه مما سواهما ، وأن يحب المرء لا يحبه إلا لله ، وأن يكره أن يعود في الكفر كما يكره أن يقذف في النار)...يعني يا جماعة الخير...بالحب في أسرار..
ولاحظو انو حلاوة الإيمان مفتاحها الحب...حب الله ورسوله...حب العباد...لوجه الله..يعني خالص بدون مصالح ..حب بدون منفعة و بدون بزنس.


الحب هو علاقة بتربط قلبين ببعض..أو بتعلق قلب بتاني....من طرف او تنين.
ولما يوصل الشخص لهي المرحلة...مرحلة الحب الخالص الحأيئي...رح تختلف حياتو...بدأً من التصرفات العادية...للانفعالات الاشعورية..حتى للعادات الي كان متعود عليها.

بيربط بين الحبيبين...حاسة سادسة قوية...قد تصدف بشكل متكرر...قيام التنين بالتفكير بنفس الموضوع بوقت واحد..
أو الكلام عن نفس القصة ..أو التلفظ بنفس الكلمات بوقت واحد...وكل هادا من توراد الخواطر..بسبب ديمومة التفكير ببعضن.

وقد تصل المسألة الى التنقل عبر الأثير...للخواطر والأحاسيس...
ومن أشد الغرائب الي صارت ..انو شخص تسبب بضربة على الرأس لشخص بيحبو كتير...لدرجة انو احترئ ألبو بساعتها..من شدة ألمو على هالشخص.
ومن حبو الو ...حاول انو يحس بالضربة عنو...وهادا الي صار.
الي صار انو الوجع كان براس الشخص الي عم يتفرج...والي أكل الضربة ضحك وما تألم أبداً.

الحب...مو كلمة حلوة ...أو هدية أو رسالة عشئ و بس!
الحب شغلة كبيرة كتير....بتروح الامراض...وبتبني و بتفتح بواب المستأبل...وبتسرع من اسلوب حياتك..
بتخليك ناطر بكرا...لتبدا نهار جديد...و حياة جديدة ..

Memo
03-10-2008, 06:10 PM
وانا بحبك في الله يا احمد