المساعد الشخصي الرقمي

مشاهدة النسخة كاملة : افلام وبس .... وحصريا الأقوى منها



ابوالشرع
12-02-2007, 05:58 AM
اخواني, اخواتي اعضاء منتيديات الحصن
يسعدنا ان نفتتح هاذاالصفحة لإبراز الموهبه الكتابية لقصص الأفلام القصيرة

على من يجد في نفسه القدرة على انتاج فلم قصير الكتابه هنا..... وبس
************************************************** ***************
**************************
****** اخر الأفلام *******
**************************

فيلم امريكي


سيارة مسرعة تصدم كلب إمرأة عجوز
يصاب ‏الكلب تتصل العجوز بـ 911 ــ
ثلاثة سيارات شرطة تطارد سيارة المشبوه التي تنطلق ‏بسرعة
‏يراوغ المشبوه من سيارات الشرطة ... يطير فوق سيارة الشرطة الأولى فتصدم ‏باص طلاب مدارس
‏يسبح تحت سيارة الشرطة الثانية فتسقط في النهر وتغرق
‏بقيت ‏سيارة واحدة ... إنها تستمر بالمطاردة
‏يطلق الشرطي المقدام النار على عجلات ‏سيارة المشبوه ... فتنفجر العجلة لتتقلب سيارة المشبوه ثم ترتطم بمحطة للوقود ........ ‏بوم .... نال المشبوه جزاءه ومات حرقاً
‏النتيجة = تضرر باص مدرسة ‏وسيارة الشرطة الأولى وموت تلميذ + غرق الشرطين
‏وسيارتهما + موت المشبوه وحريق ‏بالمحطة + وقبلة في النهاية بين اثنين ليس لهما أي علاقة ‏بالموضوع

************************************************** ********


‏فيلم مصري

"‏بحبك يا زيزي " _ " بحبك يا حنفي بس لازم ‏شقة لو حتى أوده واحدة كفاية"
‏حنفي بالشركة تعرض عليه رشوه ويقول : " أنا ما ‏أبعش ضميري "
‏العصابة تلاحق حنفي وتبدأ المطاردات
أصوات تشحيط عجلات السيارات ‏وهي تمشي بسرعة 10 كيلومتر
‏حنفي يموت قائلاً العبارة الشهيرة
" ‏أتـلـتـني ‏يا مجرم "

************************************************** *******

فيلم مكسيكي مدبلج

روزاليندا عندها من الفريد خمسة أولاد وهي ‏حامل السادس
‏قرر الاثنان بأن يتزوجا
‏أما ماريا فهي حامل من أخو زوجها ‏رينالدو إلا أن زوجها لا يدري ، ولوسيانا تريد أن تتزوج من إغناسيو إلا أنها لا ‏تعلم أن ابن عمها هو خالتها
‏ينتهي المسلسل بعد حوالي عشرة قرون حيث تحل جميع

المشاكل في آخر خمسة دقائق من الحلقة ‏الأخيرة


************************************************** ******


فيلم هندي

يحبها ‏وتحبه
‏تغني له ربع ساعة
‏يغني لها ربع ساعة
‏فجأة كل الذين حولهم يبدأون ‏بالرقص.. وتظهر أصوات الموسيقا لا أدري من أين وهم في الجبل
‏ابو البنت يغضب من ‏بنته التي أحبت ذلك الشخص الفقير ، ثم يقوم يحبسها
‏يأتي حبيبها إلى نافذتها ‏ويغني لها ربع ساعة ، تغني له ربع ساعة
‏وفجأة يبدأ الحراس وأبو البنت ‏بالرقص
تأتي صديقة البنت لتزورها في غرفتها ... وتسألها عن حبيبها
البنت تغني ‏ربع ساعة
ورفيقتها تغني ربع ساعة
يسمع الأب ابنته وهي تغني فيرحمها ويعفو ‏عنها
يتجه الأب لبيت حبيبها ويطلب منه يزور بنته ويوافق على زواجهم
‏يهرول ‏الحبيب فرحان إلى حبيبته ويغني لها ربع ساعة
‏تغني له ربع ساعة
‏ويبدأ خدم ‏البيت بالرقص
يعود ابن عم البنت من السعودية تاركاً عمله هناك
في الهند لم ‏يعجبه الوضع .. فقام بقتل حبيب الفتاة
تصيح الحبيبة وتبكي على قبر حبيبها
‏ثم ‏تغني بحزن ربع ساعة ثم تموت ..
‏لم ينته الفيلم هنا
‏روح الحبيبة وروح ‏الحبيب تجتمعان وتغنيان ساعة ونصف وبعدها يكتشف الأحبه أ نهما ‏أخوان

------------------------------------------The End-------------------------------------------------

incredibleimagination
12-02-2007, 06:11 AM
الله يا ابو الشرع الله
والله لأعلق واصفق والله لأعلق واصفق:eh_s(9)::eh_s(9)::eh_s(9)::eh_s(9):
شوف شوف كيف عملها ابو الشرع .والله انه اكثر من رائع ,كثير هيك يا مان
سوكووووووووووووووووووووووووووووووول يا ابن الصحراء:eh_s(15):
بوعدك يا مان اذا صار معي مصاري انتجلك هالافلام الحلوة:eh_s(9):
واستنى مني فيلمين ثلاث بس لبكرة لأنه بدي انام ناو

incredibleimagination
12-02-2007, 06:28 AM
يا جماعة في شب محترم ومبدع وذكي جدا .طبعا اكيد الكل بعرفه اللي هو ابو الشرع وعمل موضوع كثير حلو وتعب عليه الله يعطيه العافية.
بس بسبب الحروب الاهلية وبسبب الغيرة من اخينا بدون ذكر اسامي skandah اللي ما لقي رد يليق بأبو الشرع .يعني عجزت الحروف ان تصف شعوره skandah تجاه ابو الشرع.راح صاحبنا skandah بعمل مزحة صغيرة مع صديقه .
يا حرام يا مان:eh_s(14)::eh_s(14): .ولعت:eh_s(14)::eh_s(13):

ابوالشرع
12-02-2007, 06:34 AM
على راسي يا incredibleimagination
كبير من يومك, و الك نظرة
صقر لييييييك علامات في الجبال
الإزفلت بيشتكي منك
ههههههههههههه
عراسي والله الشباب
و الله محييك:eh_s(9):

ساره
12-05-2007, 12:20 AM
مساء الخير ابو الشرع ..موضوع بيجنن وانا رح اكتب محاوله بتمنى تعجبك

فلم اردني عادي

بنت بالشارع بتستنى بتكسي ، اجا تكسي وسألها لوين بالاول ولما اتأكد انها مو رايحه مكان فيه ازمه اخدها وطبعا ما شغل العداد ، طبعا طول الطريق وهوه بيتزانخ وبعلق وبحاول يفتح مواضيع وهيه بتحاول تسكرها ومو هامه غير انها توصل ، طبعا سائق التكسي هوه ما بيشتغل على تكسي ( دائما ) صاحبه مريض وهوه اشتغل مكنه ..هوه رجل اعمال او معلم ، ومع هيك بيكون طابع كرت باسمه انهسائق تكسي وطبعا رقم الموبايل بالخط الكبير وبيعطيها الكرت وبحكيلها احكي باي وقت وانا بترك الدنيا وباجي .. وطبعا بيجيه تلفون وهوه سايق السياره بيكون يحكي وبطول بالحكي وبيفتح مواضيع غريبه وغامضه حتى يشد انتباه البنت يالي بالتكسي ..وفجاءه بوقفه رقيب السير لانه بحكي تلفون وبخالفه .. وبعد المخالفه ..بضله يحكي وما بيسكتت عن المخالفات والمهم ما بيسكت بالمره وبس :)

ابوالشرع
12-05-2007, 08:15 AM
احلى سارة
جد فلم اردني عادي و لمستي الواقع المر لبعض شفيرية التكاسي

و حتى يعرفوا .....احنا صاحينلهم.......ههههه

بانتظار افلامك الجديدة

ابوالشرع
12-05-2007, 08:22 AM
فلم اليوم مسروق .......ههههههههههههه
------------------------------------------------------------------------

اسنان فوفو يئبر البي.....و المسخم عواد
***************************

عند طبيب الاسنان .....

دخل فوفو مع أمه .... عند طبيب الاسنان ....
فوفو سكان دابوء ... حس واوا بطاحونته وهو بيوكل سنيكرز ذات يوم ....
الماما قررت أخده على دكتور الاسنان ... كل شي ولا توني يصير واوا ....
مسكين ما بيتحمل ....

عند دكتور الاسنان .... " يالله حبيبي شاطر .... ايوه .. كمان شوي .... وهي خلصنا "
خلع سنه ... وتعي يا جنية الاسنان خدي سن توني الخربان . وأعطيه سن الحليب ...
وطلع فوفو من عند دكتور الاسنان بدون ولا واوا ...

بعد فوفو على طول فات عواد ....
عواد سنه مكسور لانه البابا ( أبوه ) فقعه بوكس بنص وجهه
لانه اشترى بالبريزه اللي اعطاه اياها راس ابو العبد.... عشان يتحلى ... أبوه قبعت معه ... ليش ما اشترى حامظ حلو ووفر الباقي .
بده يعلمه ويطلعه زلمه ....

الدكتور : "افتح ثمك وله .... بقولك افتح ثمك ... بلعن شرفك هسا ... افتح ثمك بقول "
وعواد متنح .... الكو رب والي رب ما انا فاتح ثمي
ام عواد : " عواد حبيبي على شو اتفقنا .... يا ميمتي افتح ثمك شوي ... يا حبيبي بشتريك شقلاطه بجيبلك راس ابو العبد غصبن عن ابوك "
" يا ميمتي افتح ثمك شوي "
افتح ثمك .... ما انا بفاتح ....
" يالله حبيبي شاطر انت ... بطلنا نسوي سنانك .. بس افتح ثمك شوي خلي الدكتور يطلع اصبعه .. هسا بتقطعله اياه "

وبعد جهد جهيد ... فتح عواد ثمه .... والدكتور طلع اصبعه ... والاضرار مش كبيره ... 3 قطب وربك سلم .

وخلع عواد السن ... ورماه بالشمس .... يا شمس خذي سن الحمار (عواد) وهاتي سن الغزال ....

سن الحمار راح ... بس ظل عواد .... وما اجى سن الغزال.


العبره من القصة ( مورال اوف ذا ستوري) : ما توكلوش راس ابو العبد :eh_s(2):

incredibleimagination
12-08-2007, 07:18 AM
اعزائي المشاهدين اعضاء المنتدى الكريم
اقدم لكم اليوم الفلم الاردني الذي طال انتظاره والحائز على سبع جوائز نوبل:)

في الصباح الباكر استيقظ ابو السمير _ الذي يبلغ من العمر 50 سنة _ وتناول افطاره وخرج ملوحا بمفتاح باص الكيا ليوصل معلمات القرية لمدارسهن . وفجأة وفي الطريق تفاجأ ابو السمير بمخالفة 20 دينار بسبب استخدام الباص للأجرة (يا حرام يا ابو سمير,انمسكت)


ينهي ابو سمير مشواره الصباحي بعد ايصال كل المعلمات لمدارسهن.وفي طريق العودة يتفاجىء ابو سمير بخمسين دينار _ العجال ماسحة والغماز مكسور والمساحات ما بشتغلو وما في حزام امان (يا مسكين يا ابو السمير) .صاحبنا ابو سمير بتذكر انه الدنيا اخر شهر فيزيد من دعسة الديزل مسرعا للبنك ليستلم راتب التقاعد (150دينار ). فبمر الله يخليه لمرته واولاده وبدفع فاتورة المي والتلفون والارضي ولسه ما شحن موبايله.


بترن عليه ام سمير وبتوصيه عشوية خضرة(طبعا هو ما بقدر يحكي لأ) فبروح بشتري الخضرة وبشتري علبة حليب 400 غرام لأبنه الله يخليه . ولسه المسكين ما وصل البيت و قابل اولاده اللي بستنو باّخر الشهر(يا ويلي عليك يا ابو سمير) . وبالطريق يا جماعة (صف عاليمين يا كيا اخضر)
الله رحمه لابو سمير هالمرة _ما تخالف_


ما بدي اطول عليكو ولا اخبي عليكو.بوصل ابو سمير البيت معه خمسين دينار وقسم ياللي بتقسم و وزع ياللي بتوزع وعيش يا ---------------.
وفي النهاية بقرر ابو سمير ان يسافر ويدرس ويشتغل _لساته شب والمستقبل قدامه.
الله معك يا ابو سمير:eh_s(8):

منار المومني
12-12-2007, 12:36 PM
شكرا على الافلام :eh_s(15)::eh_s(15):

ابوالشرع
12-13-2007, 03:01 AM
نورت الصفحة يا منار
وهينا ملحمين حالنا بدنا ننزل شغلات جديدة بس عن قريب ان شاء الله

و اذا في عندك افكار لشي فلم بتمنى مساعدتك

MR.X
12-13-2007, 03:34 AM
:eh_s(7):

الله يقويك يا كبير من يوم يومك انت ابو الافلام يا صاحبي.....



http://www.ibnalislam.com/up/uploads/ee9160d7a5.bmp



حبيب البي ابو الشرع:eh_s(20):

darkman
12-19-2007, 03:40 AM
نورت الصفحة يا منار
وهينا ملحمين حالنا بدنا ننزل شغلات جديدة بس عن قريب ان شاء الله

و اذا في عندك افكار لشي فلم بتمنى مساعدتك


فيلم 2008 من انتاج شركة زقلاب لافلام الاكشن
المشهد الاول مع الخلفية الموسيقية مونامور البطل علي بلوطة يمتضي ظهر الفرس مسرعا لانقاذ فتاة احلامة
المشهد الثاني 500 كم المسافة للوصول مع صوت اقدام الفرس درقد درقد درقد درقد .......,>ن
المشهد الثالث لا يجد فتاة احلامة فينتحر مع الخلفية الموسيقية للربابة و يرافقها غناء smanthaFox باغنية هدى الزرزور

THE END

ابوالشرع
12-20-2007, 10:58 AM
فيلم 2008 من انتاج شركة زقلاب لافلام الاكشن
المشهد الاول مع الخلفية الموسيقية مونامور البطل علي بلوطة يمتضي ظهر الفرس مسرعا لانقاذ فتاة احلامة
المشهد الثاني 500 كم المسافة للوصول مع صوت اقدام الفرس درقد درقد درقد درقد .......,>ن
المشهد الثالث لا يجد فتاة احلامة فينتحر مع الخلفية الموسيقية للربابة و يرافقها غناء smanthaFox باغنية هدى الزرزور

THE END


حلوة من عزيزي darkman :eh_s(15): :eh_s(15):

و كونو عندك هالموهبة بتمنى ما تقطعنا من جديدك

و احلى شركة زقلاب :eh_s(9):

تحية :eh_s(7)::eh_s(8):

Xitooo
12-20-2007, 11:53 AM
حلوة من عزيزي darkman :eh_s(15): :eh_s(15):

و كونو عندك هالموهبة بتمنى ما تقطعنا من جديدك

و احلى شركة زقلاب :eh_s(9):

تحية :eh_s(7)::eh_s(8):




مش شركة زقلاب هاي عند السد ... دارك مان متأثر البرحلات مع فادي على السد

هههههههههه

روان
12-20-2007, 06:34 PM
شو شباب وين الافلام ..طيب مقالب ..ما فيه قصص مقالب ، نهفات صارت معكم :):eh_s(22):

كـــــــــــــــل عــــــــام وأنــتم بخير