فحص البكارة يثير جدلا بالأردن
فحص البكارة يثير جدلا بالأردن
كشفت تقارير أردنية عن تنامي ظاهرة توجه مئات الشبان المقبلين على الزواج، لإجبار الفتيات اللائي يرغبن في الارتباط بهن، بإجراء فحص طبي للتأكد من وجود غشاء البكارة، والحصول على تقرير طبي بذلك.
وبحسب ما كشف عنه مسؤول أردني، فإن 1200 فتاة لجأن لفحص "البكارة" بطلب من عرسانهن، قبل الزواج، وذلك في العام الماضي فقط, معتبرا أن ذلك رقما كبيرا "ويشكل مؤشرا خطيرا في ثقافة المجتمع".
وأشارت التصريحات التي أدلى بها رئيس المركز الوطني للطب الشرعي الدكتور مؤمن الحديدي، حفيظة علماء الدين ووجهاء المجتمع المحلي، حيث اعتبروا ذلك، تراجعا ثقافيا وأخلاقيا لدى الأردنيين.
وأكدت طبيبة أمراض نسائية، أن غشاء البكارة، الذي يعتبر في العرف رمزا لـ"طهارة المرأة" بأنه غشاء رقيق، يمكن أن يتهتك قبل الزواج، لأسباب كثيرة غير العلاقات المحرمة، مثل ممارسة بعض الرياضات، أو وقوع حوادث معينة تؤثر على المنطقة الحساسة لدى الفتيات.
وأكدت الطبيبة في حديث لقدس برس أن غشاء البكارة يمكن أن يتمزق "لأهون الأسباب، كتوجيه تيار ماء قوي جدا إلى المنطقة الحساسة مما يؤدي إلى تهتكه".
علامة العذرية
وأوضح أستاذ الشريعة والفقه في الجامعة الأردنية الدكتور محمد القضاة رأي الشرع قائلا إن "المعيار بين البكر والثيب هو الفعلة الجنسية ليس إلا" مشيراً إلى أن غشاء البكارة "ليس هو العلامة الحقيقية على العذرية".
ويرى القضاة أن الطب الحديث "استطاع أن يقوم بإعادة الوضع إلى ما كان عليه" موضحاً أن عمليات الترقيع التي بدأت "تكثر في الآونة الأخيرة أثارت عدداً من الإشكاليات للفقهاء".
كما أوضح أن "علماء الشريعة انقسموا حول جواز هذه العمليات إلى قسمين، منهم من أباحها ولكن بشكل محدود وبضوابط محددة للغاية، ومنهم من رفضها واعتبرها تدليساً وخداعاً للرجل".
جرائم شرف
وكشفت تقارير عديدة للمركز الوطني للطب الشرعي، عن أن عددا من الفتيات اللائي قتلن على خلفية "جرائم شرف" كن يحتفظن بغشاء البكارة، الأمر الذي يشير إلى عدم تورطهن بأي علاقات جنسية.
وقال المراقب الاجتماعي فؤاد الأحمد، إن ظاهرة فحص غشاء البكارة قبل الزواج "شيء خطير جدا، ومؤشر على عدد من التراكمات الأخلاقية السيئة في المجتمع".
وأشار إلى أن أكبر التحديات التي تواجه المجتمعات هي "تنامي عدم الثقة بين أفراده" مؤكدا أن ذلك ينمو حينما "تسود العلاقات المحرمة.. وحينما يقرر الشبان الذين مارسوا مغامرات كبيرة مع عدد من النساء أن يتزوجوا".
وأشار الأحمد إلى أن الشبان الأردنيين لم يكترثوا بالفحص الصحي للزوجين قبل الزواج، وهو الأهم، بينما توجهوا نحو إجبار الفتيات على فحص بكارتهن.
رد: فحص البكارة يثير جدلا بالأردن
إللي بده يتزوج من وحدة هو متوقع او شاك بشي بأخلاقها ليش بده يتزوجها؟
وبعدين غشاء البكارة مش هو مقياس الشرف اصلا
ياما بنات عملن عمايل كبيرة وصغيرة وكن ما زلن عذراوات
رد: فحص البكارة يثير جدلا بالأردن
اقتباس:
المشاركة الأصلية كتبت بواسطة shatnawi_king_CS
إللي بده يتزوج من وحدة هو متوقع او شاك بشي بأخلاقها ليش بده يتزوجها؟
وبعدين غشاء البكارة مش هو مقياس الشرف اصلا
ياما بنات عملن عمايل كبيرة وصغيرة وكن ما زلن عذراوات
انا جد مستغربة ؟! سبقتني يا عبادة بالسؤال؟
رد: فحص البكارة يثير جدلا بالأردن
طب مالكم معصبين
والله انا معاكم!!!!!!!:db465236ff:
رد: فحص البكارة يثير جدلا بالأردن
[align=center]عادي ناس يكون عندها شك باللي رح يرتبط فيها لانه بكون اكيد عامل العمايل
بس الهبلة اللي بترد عليه ليش
انا برأيي اللي ما عنده ثقة فيها من الاساس ما في داعي للارتباط
اهم اشي الثقة من دونها اتوقع اساس الارتباط معدوم
وبعدين اذا وصل مجتمعنا لهاي المرحلة معناها الوضع خطير كتييييييير
انا مستغربة انه في هيك اصلا !!!
[/align]
رد: فحص البكارة يثير جدلا بالأردن
انا بفسرها اهانه للبنت الي بده يرتبط فيها , يعني عم بطعن فيها عينك عينك وبشك فيها
هالبنت رح تكون مرتك فعيب عليك تطعن فيها وتشك بالصوره الوقحه هاي,,
رد: فحص البكارة يثير جدلا بالأردن
يعني هي الصراحة مثل ما حكيتو انه اذا شاك فيها ليش يرتبط من الاساس
بس انا صرت اشوف ظاهرة بطل فيه ثقة من قبل الشباب يعني انا كثير بشوف شباب عندهم اختيار البنت اصعب من امور الحياة اللي عاشوها مثلا انا بعرف واحد لو تعرفوا انو خطب 7 مرات وكانت نهايتهم الفشل لاسباب مختلفة ومن هالاسباب غشاء البكارة واسباب اخرى انو مثلا اكتشف انها كانت بتحكي مع غيره او كان الها قصص قديمة بالحب وما الى ذلك
بس بالنهاية ما بنقدر نحكم على الطرفين مين الجاهل ومين العاقل وبعدين البنت اذا بتكون واثقة من نفسها تعمل هالتحليل وبالعكس وقتها ما رح يكون في اهانة الها
شكرا
رد: فحص البكارة يثير جدلا بالأردن
انا برأيي انو عادي ...اغلب الحالات التي بتفحص بتكون زواج تقليدي يعني بكون ما بعرف البنت وامه اختارتله اياها فشي طبيعي يعمل هالفحص لأنه اصلا ما في شي لسه بربطه بالبنت لا مغعرفة ولا حب ولا شي...ولا تحكولي ما ضل زواج تقليدي لسه الزواج التقليدي موجود وبكثرة .... وممكن في بعض الحالات الاخرى اللي بتكون من شخص بده يرتبط بوحدة وبحبها بس كان الها ماضي مش ولا بد او البنت جريئة زيادة عن اللزوم او هبلة زيادة عن اللزوم مع الشباب وبتكون هي كمان بتحبه بس لحتى يكون على بينة وما ينتهي كل شي بعد ما يقع الفاس بالراس بعمل هالفحص ...لأنه مهما الشب كان يحب البنت بس لما توصل الشغلة لشرفها بمسحها من قلبه ومن عقله وبلعكس بحتقرها وبسميها بالوسخة وبرميها زي ما برمي الحذاء....هاي هي الحالات اما غير هيك اصلا ما بخطر عباله هالفحص
رد: فحص البكارة يثير جدلا بالأردن
اهانه مهما كانت الثقه ومهما كانت النتائج مضمونه , هالبنت واثق منها تفضل مش واثق لا تطعن بشرف العالم
اذا انت يا شب صاحب سوابق وشايف العجايب اذن انت الوسخ وانت عديم الشرف والاخلاق ومش كل الناس زيك هاي رسالتي لهيك شباب بطلبوا هيك فحص
رد: فحص البكارة يثير جدلا بالأردن
http://www.youtube.com/watch?v=DTJBJ7F2Ms4
هاي اثبات عكلامي :db465236ff:
وبالنهاية للبنت الحق انها ترفض او تقبل