عرض للطباعة
السسلام عليكم
كييف الحال ؟ يارب تكونو بخييير
عندي كم استفسار عن الجامعات بالاردن
اول شئ حابه اقدم اما ع الاردنية او الهاشميه
بس قالولي الاردنية صعبه صحيح هالكلام وشو الفرق ؟
اممم وكمان حابة اسئل عن سكنات الاردنية لانه سمعت كلام مش منيح
رغم غلاء اسعارها
وعن جامعة آل البيت وجامعة الزرقاء الاهليه
بشو بتنصحوني ؟؟
خصوصا اني من طلاب السعوديه وخااايفه ما امشي
التخصصات اللي حاباها اما علوم حاسب او ادب انجلش
بنتظركم ..
هلا فيكِ .. بما انك حابه حاسوب او ادب انجليزي .. ففي فرق بينهم .
اذا كنتِ منيحه بالرياضيات .. والبرمجه فأنصحك بالحاسوب .. وحسب رغبتك ..
بالنسبه لكل الجامعات تقريبا نفس الصعوبه ... اما السكنات فالواحد هو وضميره ..
انا اتخرجت من الاردنية في سكن طالبات داخل الجامعة قريب جدا على كليتك والي بعرفه انه مراقب وممنوع البنات يطلعو بعد ال7 السكنات داخل الجامعة قريبة جدا على كليتك اذا كانت كلية الملك عبد الله لتكنولوجيا المعلومات عفكرة فيها مختبرات كتيرة ومجهزة وبنصحك بالاردنية واي شي انا جاهز لاستفساراتك بالتوفيق
اللي بعرفه انو كل السكنات في كل المملكة بنحكى عنها نفس الحكي ، بمعنى انو كل واحد ينضح بما احتواه إناؤه ، يعني ما تهكلي هم السكنات المهم تلاقي سكن كويس ومريح وصديقاتك فيه يكونن مناح وخلي الباقي ع الله ..
بالنسبة للجامعات ما عندي كتير خبرة ، لكن بنصحك بالأردنية ، لا تدوري ع سهولة التدريس والمنهاج لإنو كله متل بعضه بأغلب الجامعات الحكومية ..
كل التوفيق
في فرق بين انك تسألي عن جامعات حكومية او جامعات خاصة
من اقوى الجامعات الحكومية , الجامعة الاردنية
بس بالنسبة للشهادة اذا حابه ترجعي تشتغلي ببلد تانيه ف ما حدا صار يسأل من اي جامعة , المهم من الاردن وبس
انا طالب بجامعة الزرقاء وبطلت اهلية , نص حكومي ونص خاصه :)
بالنسبة للتخصصات بنصحك تدرس ادب انجليزي افضل وإله مستقبل , وطبعاً الخيار برجع الك بالأول وبالأخير وحسب ميولك :)
وبالنسبة للسكنات في سكنات منيحة بشارع الجامعة سكن طالبات ومواصلاتك بتكون سهله لوين ما رحتي :) بس انتي وحظك مع الطالبات اللي راح يسكنن معك والله يوفقك يا رب:)
واي خدمة احنا جاهزين :) :)