الثلاثاء الماضي روحت الساعة 6 من الكلية كان عندي امتحان متاخر في كليتنا المصونة مش هون القصة وصلت لمجمع عمان وركبت باص جرش اربد كالعادة الباص كان فاضي فعقدت وصرت استنى الباص يتعبى .
طبعا السايق حاط اغنية ما تعبت حالي افهم شو بتحكي بس اتاخر الوقت والناس ما عبت الباص صرت احلل كلمات الاغنية وياريتني ما حللت
((نامت عليكي الحيطة شلون تنامين وانا استناكي للساعة اثنين))!!!!!!!!!!
وياريت وقفت بس على الكلمات لالا كمان صوت الموسيقى اللي حرام ينحكى عنها موسيقى تعزف وبصوت عالي وفي ناس بالباص قاعدة طربانة!
جد تنرفزت وقلت اروح اشتري اشي بجوز منة اضيع وقت ومنة بتعبى الباص وبخلص الشريط هاد.
دخلت الدكانة لقيت نفس المغنية بس باغنية مشهورة ( بس اسمع مني )!!
ورجعت على الباص لقيت نفس الاغنية بتكمل ( اسمع بس اسمع )!!
اللي بدي افهمه صح في اشي اسمة ذوق بس برايي هاد اسمة انعدام ذوق يعني شو نامت عليكي سليمة !!
وكيف وصلنا لهون لا كلمة ولا ذوق ولا حتى حس فني المصيبة هاد الشريط مطروش طرش واذا صاحب الباص او السايق طلع بفهم ومزوق ما حطه بطلع واحد في الباص من وبحطها .
وين هاي الاغاني ( عيب حتى يتنحكى عنها اغاني )من الطرب والاغاني الصح
وشو خلص فعلا الذوق من الناس لحتى توصل فيهم انهم يسمعوا لسارية وغيرها !!
وشو رح يجي بعد هيك جد ممكن انة ننحدر اكثر ؟
مش عارف شكلي مكبر القصة .....
مواقع النشر (المفضلة)