آخـــر الـــمـــشـــاركــــات

دردشة وتعليله وسواليف.. » آخر مشاركة: عاشق الحصن بريد الاعضاء » آخر مشاركة: محمد العزام اهلا بكم ..رمضان كريم » آخر مشاركة: حسان القضاة شو عم تسمع هلا » آخر مشاركة: حسان القضاة ما هو سبب تواجدك في المنتدى والى اي حدّ يستمر او ينتهي إنتسابك له ؟ » آخر مشاركة: قلعتي أبدية مرحبا » آخر مشاركة: محمد العزام " أميــــرةُ قـوسِ النَّصـــــر" » آخر مشاركة: قلعتي أبدية ~ إبريـــــــــــــــــل ~ » آخر مشاركة: حسان القضاة اسئلة مهمة بالفوتوشوب في المطابع 2019 » آخر مشاركة: المصمم يزن جبريل صاحب المركز الاول فى مجال تنزيل الملفات كامل مدي الحياة IDM 6.32 » آخر مشاركة: siiin همسات وأشوق » آخر مشاركة: حسان القضاة ""أيلـول""... » آخر مشاركة: قلعتي أبدية تبليغ عن رسالة زائر بواسطة راشد مرشد » آخر مشاركة: أميرة قوس النصر اشتقنالكم » آخر مشاركة: Mahmoud Zaben تُراهات ما قبل النوم ... » آخر مشاركة: قلعتي أبدية شو مزاجك اليوم... » آخر مشاركة: قلعتي أبدية قبول بلاغ عطل ثلاجات كلفينيتور 01092279973 & 0235700997 وكيل كلفينيتور (م .الجديدة) » آخر مشاركة: الوكيل1 قبول بلاغ عطل ثلاجات هوفر 01154008110 & 0235699066 وكيل هوفر (م.6اكتوبر) » آخر مشاركة: الوكيل1 قبول بلاغ عطل ثلاجات جنرال اليكتريك 01207619993 & 0235700997 وكيل جنرال اليكتريك (الز » آخر مشاركة: الوكيل1 قبول بلاغ عطل ثلاجات كاندى 0122026130 & 0235682820 وكيل كاندى (الهرم) » آخر مشاركة: الوكيل1
صفحة 1 من 2 12 الأخيرةالأخيرة
النتائج 1 إلى 10 من 11

الموضوع: رسالة من طفلة الى رئيس الحكومة

  1. #1
    كبار الشخصيات
    سيدة الحصن
    الصورة الرمزية أميرة قوس النصر
    تاريخ التسجيل
    Dec 2007
    الدولة
    جرش
    العمر
    35
    المشاركات
    16,426

    رسالة من طفلة الى رئيس الحكومة

    عمو رئيس الحكومة الحباب



    أنا اسمي سلمى

    بيضلو البابا والماما يتخانقوا فوق راسي

    وبيضلو زعلانين ومكشرين

    وعم يتخانقوا على المصاري

    وأنا بخاف كتير لما بيعيط البابا

    وبزعل وببكي كتير لما بتبكي الماما



    ياعمو ليش ما بتزيدولهون المصاري شوي

    لحتى يشترولنا بندورة وبيض وتطعمينا الماما جظمظ

    أنا بحب الجظمظ كتير

    وبحب اللحمة بس ما بيشترولي ياها أهلي إلا قليل





    مبارح ياعمو أخي محمد كان مرضان كتير

    والبابا اخدو على المستشفى بنص الليل

    والماما كانت عم تبكي

    ولما رجع كمان تخانق البابا والماما على المصاري وعيط البابا كتير وقلها من وين بدي جيب حق الدوا بنص الليل



    وأخي سخن كتير وأنا سهرت جنبه

    وحطيت مي باردة على راسو

    والبابا كان عم يستنى يصير الصبح

    ومن بكير دق على باب الجيران

    واخد منهون مصاري ليجب الدوا





    أنا يا عمو زعلانة كتير منك

    لانو سألت البابا من وين بتجيب المصاري

    قلي من الشغل

    قلتلوا ووين بتشتغل

    قلي عند الحكومة

    وأنا شفت صورتك مبارح بالتلفزيون معك كتير عالم عم يزقفولك

    وأنت وعم تقص شريط

    وسألت الماما عنك وقالتلي هادا رئيس الحكومة

    يعني أنت رئيس البابا بالشغل

    قلت لأبعتلك هل الرسالة بلكي بتعطيه للبابا مصاري أكتر لأنو البابا بيستاهل وبضل يقول للماما انو تعبان من الشغل وبيشتغل بالليل وبشوفوا عم يقرا ويكتب على وراق كبيرة اسمها ددابير - اضابير

    بيجيب ددابير وبياخد ددابير , وبيتأخر كل يوم على الغدا يعني بيشتغل كتير ليش ما عم تعطوه مصاري

    حرام يا عمو البابا حرام

    أنا بحبو كتير وبس أكبر بدي اشتغل وساعدو وأصرف على أخواتي

    بس ما رح اشتغل عندك بالحكومة





    بدي صير شرطية مرور متل جارنا أبو فيصل

    كل يوم بياكلوا لحمة

    أو بدي صير مسؤولة متل أبوها لربا عنا بالمدرسة

    ويصير عندي سيارة وشوفير



    أنا كل يوم يا عمو برجع مشي والبيت بعيد

    وبخاف كتير وأنا عم قطع الشارع كلو سيارات

    مرة وأنا وصغيرة لما سألتو للبابا ليش ما عنا سيارة , ضحك كتير وبعدين حاشني وبكي وبكيت معو وما فهمت شي

    وبعدين لما كبرت عرفت أنو السيارة بدها مصاري كتير والبابا مامعو



    وأنا هلأ عم جمع مصاري بدون ما قول للبابا بدي اشتريلوا سيارة

    صار معي 13 ليرة

    ورح ضل صمد ليصير معي مصاري كتير

    يعني شي 50 ليرة

    واشتري لبابا سيارة ليوصلنا على المدرسة

    ويجيب الماما من الشغل الضهر لأنو الماما كمان عم تتأخر كتير







    أولت مبارح نطرتها أكتر من ساعتين أدام الباب بهل البرد , وكل ما بسألها ليش بتتأخري بتقلي اسألي يلي عمل العطلة يومين

    بس ما يكون أنت يا عمو اللي عملت هيك

    حرام عليك الماما عم ينشغل بالها علينا كتير

    وما عم تلحق تعملنا غدا

    وأنا عم ابرد كتير بالشتي مع أنو الماما عم تلبنسي كنزة أخي محمد لما كان صغير تحت الصدرية

    بس ما عندي جاكيت والبابا صار بيوعدني من تلات عياد يشتريلي جاكيت

    وما اشترالي بآخر عيد شي .. وأنا قلت لحالي حرام وما ذكرتو

    يلا بس أكبر بدي اشتري لبس كتير

    واشتري لفحة وطاقية صوف كمان وكندرا زهرية وكولون أبيض جديد

    لصير أميرة وأتجوز أمير

    وبدي اشتري تخت زيادة لانو اخواتي عم يحشروني كتير بالتخت يلي عم نام فيه

    وبدي اشتري لعبة فلة من عند سبيس تون

    وبدي زفت الحارة وركب حنفية فيها مي للشرب

    وبيت ما بتنقطع الكهربا فيه

    وبدي اشتري بيضة يلي فيها لعبة عرفتها هي يلي بتطلع بالتلفزيون

    وبدي اشتري للبابا موبايل وللماما سوارة

    يالله أنا بحب الماما كتير , الماما كتير زعلانة

    مبارح بالليل قعدت جنبنا ونحنا نايمين بالتخت تطلع فينا وتبكي شفت دموعها من تحت اللحاف

    كنت عاملة حالي نايمة.. غطيت راسي وبكيت

    يمكن سمعتني , شالتني من التخت حاشتني

    الماما بتحبني كتير

    والبابا بيحبني كمان أنا أصغر وحدة بين أخواتي





    امبارح اشترالي صندويشة شاورما

    طعميتوا منها لقمة

    بس قلي لا تقولي لاخواتك

    بس أنا اشتهيتلون ياها كتير

    وهي شغلة كمان بدي اعملها بس اكبر

    بدي اشتري لاخواتي شاورما من عند عمو البياع



    شوف يا عمو مبارح وأنا عم رتب البيت

    شلت صباط البابا وشفتو مبخوش

    ويمكن صرلو زمان عم يلبسه هيك

    وإذا بدي قلو يشتري واحد جديد

    بدو يقلي ما معي مصاري





    والبابا موظف بالجامعة

    وعيب يروح على الجامعة هيك

    فبعتلك هل الرسالة ياعمو بلكي بتديني شوية مصاري , بين ما اكبر لاشتري للبابا صباط





    يا عمو أنا بحبك كتير ومبين عليك كتير طيوب

    وما بترضى البابا يروح عل الشغل هيك
    ايه عمو


    أم بيسان

  2. #2
    جسر الحياة
    زائر

    افتراضي رد: رسالة من طفلة الى رئيس الحكومة



    إن شاء الله بتفرج يا بنتي وبتشتري أحلى صباط لباباكي



  3. #3
    عضو مؤسس الصورة الرمزية تحية عسكريه
    تاريخ التسجيل
    Oct 2008
    الدولة
    العاصمة- عمان
    المشاركات
    20,003

    افتراضي رد: رسالة من طفلة الى رئيس الحكومة

    لا حول ولا قوة إلا بالله

  4. #4
    عضو ذهبي الصورة الرمزية HAWATMEH
    تاريخ التسجيل
    Nov 2009
    الدولة
    الاردن عمان
    المشاركات
    323

    افتراضي رد: رسالة من طفلة الى رئيس الحكومة

    هذه الرساله ليست على مستوى فردي فهي تحدثت عن واقع كثير من الاطفال في الاردن وخصوصا القرى الاردنيه التي لايعلم خفايا الحياه فيها الا الله عزوجل وان شاء الله يلاقي رئيس الحكومه والمسؤؤلين وقت لقرأءه هذه الرساله وانا اسأل عدد سكان الاردن 5مليون طيب لو كان عدد السكان 30 مليون شو رح يصير ومع ذلك يبقى تراب الاردن عزيزا شكرا اميره على هذا الموضوع الرائع
    اللهم لا اله الا انت سبحانك اني كنت من الظالمين]

  5. #5
    عضو مؤسس الصورة الرمزية تحية عسكريه
    تاريخ التسجيل
    Oct 2008
    الدولة
    العاصمة- عمان
    المشاركات
    20,003

    افتراضي رد: رسالة من طفلة الى رئيس الحكومة


  6. #6
    كبار الشخصيات الصورة الرمزية candle of dark
    تاريخ التسجيل
    Jan 2010
    الدولة
    jordan
    المشاركات
    1,060

    افتراضي رد: رسالة من طفلة الى رئيس الحكومة

    يالله شو اثرت هالقصة فيني
    شكرا كتييييييييييير مها
    والله يفرجها ع الجميييع يااا رب

  7. #7
    عضو مؤسس الصورة الرمزية تحية عسكريه
    تاريخ التسجيل
    Oct 2008
    الدولة
    العاصمة- عمان
    المشاركات
    20,003

    افتراضي رد: رسالة من طفلة الى رئيس الحكومة


  8. #8
    تاج النساء
    زائر

    افتراضي رد: رسالة من طفلة الى رئيس الحكومة

    الحق عليها اكلت شورما من دون ما اطعمي اخواتها لئيمة

  9. #9
    عضو مؤسس الصورة الرمزية شذى البنفسج
    تاريخ التسجيل
    Sep 2007
    الدولة
    Canada
    العمر
    36
    المشاركات
    3,611

    افتراضي رد: رسالة من طفلة الى رئيس الحكومة

    لسا في ناس اوضاعها اسوأ من هيك بكتيييييييير وما عم تحكي ..
    مشكورة مها ..
    أحب حرف ::~ الذال ::~ليس لأن الحرف يعنيني كثيراً..
    أو أنني أحـب شخصاً بهذا الإسم..

    ولـكن لأنني أجده بعيداً عن كل صراعات الحروف ..
    حيث يقطن في الركن الأيسر من (( الكيبورد ))
    أحـــب أن أعيش مثله ..
    بعيداً عن مشاكـل البشـر..



  10. #10
    كبار الشخصيات
    سيد الحصن
    الصورة الرمزية هدوء عاصف
    تاريخ التسجيل
    Oct 2009
    الدولة
    الأردن
    العمر
    41
    المشاركات
    21,880

    افتراضي رد: رسالة من طفلة الى رئيس الحكومة

    [align=center]
    شكرا يا مها
    [/align]

صفحة 1 من 2 12 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. الملك : العمل الجاد سيحول التحديات إلى فرص العام الحالي
    بواسطة معاذ ملحم في المنتدى أخبار الأردن
    مشاركات: 7
    آخر مشاركة: 03-10-2010, 12:29 PM
  2. دستور المملكة الأردنية الهاشمية
    بواسطة Sad Story في المنتدى شؤون برلمانية
    مشاركات: 5
    آخر مشاركة: 01-05-2010, 07:09 PM
  3. الشيخ تركي الكايد عبيدات
    بواسطة معاذ ملحم في المنتدى شخصيات أردنية
    مشاركات: 4
    آخر مشاركة: 09-14-2009, 11:07 PM
  4. من هم : المنظمة الصهيونية العالمية ,أريئل شارون ,إيهود باراك
    بواسطة Sad Story في المنتدى المنتدى السياسي
    مشاركات: 0
    آخر مشاركة: 12-07-2008, 05:30 AM
  5. ألقوانين الأساس في ما يسمى بدولة اسرائيل
    بواسطة Sad Story في المنتدى المنتدى السياسي
    مشاركات: 4
    آخر مشاركة: 12-06-2008, 10:06 PM

الكلمات الدلالية لهذا الموضوع

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •