طفولة عضو..!!؟

[الوسادة]

[align=center]


[flash1=http://www.d-3mr.com/up/uploads/files/domain-a09260dc8a.swf]WIDTH=450 HEIGHT=650[/flash1]


طفولة عضو..!!؟؟






مســـــائكم فـــل ويـــاسمين / صـــباحكم ورد وجوريــــ كيـــــــفكــــم

أخـــوانـــي / أخــــــواتي / زوارنـــا الكـــرامـ أنـ شــاء الله تـــمــامـ

موضوعــي عبـــاره عــن طفــــولة

كـــل عـــضوية في منتـــدى الحصن
كـــــيف كـــانت ؟؟
وكــــيف قضـــاها ؟؟
وأيش الذكــــريــــات الي لازالــــت محفــــوره في ذاكــــرته
ألى الأن ومســــتحيل يــــنســـاهــا











الفكـــــرهـ عبـــاره عن أستـــضافهـ


نــستضيفهـــا لكـــل مــشـــاركـ في منتـــدانــــا الغـــالي







والمطلــــوبـ من الضـــيف أن يجـــاوب


على الأسئـــله المطـــروحه في الموضـــــوع

ولاتخـــافونـ كلـــها لطـــيفهـ وخفـــيفـــهـ









عمـــومآ بـــعد مـــاينتهي العــضو من الأجـــابه على أسئلتنـــا


يختـــار عضو آخـــر مـــكـــانـــهـ ويقـــوم بــأرســـالهـ

رســــالهـ على الخـــاص لأخبــــارهـ

بختـــيـــارهـ له في موضوعـــنا ورجـــائي مـــانبــغــى تـــــــأخيــر

وتعــــطيل للموضــــوع أبغـــى حمــــاس
ونشــــــــاط من كــــل ضيــــف الله يســــعدكــــم يــــــاربـ
الموضوعـ شـــيق وفيـــه نـــوع مـــنـ المـــرح والفــــرفــــشـــهـ
<< طـــبعـــآ بذكــــريـــــــاتكــمـ الطفولــــيه الحلــــوهـ











&المهـــــله يومينـ فقط $











الاسئلهـ












1) نشيد كنت تحبه أيام الطفوله ؟؟






2) شخصيه كرتونيه كنت تحبها ؟؟






3) كيف كنت ايام طفولتك

شيطاني ولامؤدب ؟؟







4) ماهي المواقف التي عرضتِ

فيها اهلك للاحراج؟؟







4) هل كنتِ شخص ذو شخصيه قويه

أم مغلوب عليه ؟؟











5)موقف حصل في طفولتك

كان له دور في تغيير مجرى حياتك؟؟







5) اكبر عيديه جمعتها كم ؟؟

ومن مين ؟؟







6) يوم كنت صغير/ هـ

وش هي تسريحتك المفضلة ؟؟







7) يوم كنت صغير

تلعب بكمبيوتر العائله ؟؟







8) اكبر مغامره

قمت فيها وانت صغير..؟؟؟











9) من هو الشخص

اللي يقع دائمأ في شر اذيتك..؟؟؟







10) يوم كنت صغير

كنت تترأس عصابه ام انك كنت عضو فيها فقط؟؟







11) من كـان يدلعك أكثر

أبوك ِ او أمك ؟







12) اســم دلعك بالطفوله لحد الان ينادونك فيـه ؟؟

وماهو ؟؟







13) بطفولتك كنت تبكي

إذا ماجلست بالاول بالطابور اوالفصل ؟؟











14) عندك عضويه بالسن توووب ؟؟





15) كنت دبدوب وانت صغير او نحيف..؟؟؟





16) هل عندك لعبه موجوده من صغرك إلى الآلآن ؟؟؟

وماهي ؟؟







17) وش اكـثـر حلاوة كنـت تحبها ..؟





18) وش اسم اول مـدرس درسك ..؟













19) هـل كـنت تـعانـي مـن اخـطاء


فـي مخـارج الحـروف ..؟







20) ونت صغير يشبهوك على مين من العائله..؟؟؟





.

.












اذا فيه مجال صورتك وانت صغير..؟


والســـــؤال هذا


(( أختــــيـــــاري / موأجـــــــباري))

/

دمتم بخير
ودي لكم


نبدأ بأول عضو و هو ( هدوء عاصف )


و بنتمنى من كل عضو ينهي الأسئلة ان يرشح عضو للإجابة على نفس الأسئلة و هيك ..........
[/align]

[ورده السعاده]

فكرة كتير حلوووة وبرضه بتساعد انه نتعرف على بعض اكتر..

يسلموو يا رائعه (يا بطه)...

[هدوء عاصف]

[align=center]شكرا "هدّول" على الإستضافة ويسلمو يا رائعة ، رح اجاوب عن الاسئلة ان شاء الله [/align]

[الوسادة]

[align=center]عادي هدوئة خد راحتك معك يومييييييييين و اهلا و سهلا بهالئامة و بهالعين

[/align]

[طوق الياسمين]

الموضوع بجنن

[هدوء عاصف]

[align=center]على بركة الله نبدأ



1) نشيد كنت تحبه أيام الطفوله ؟؟
لما أتخيل أغاني أيام طفولتي مباشرة بخطر ببالي أغاني الأطفال لـ "ريمي بندلي" و "ماجدة الرومي" ، كانت من أكثر أغاني الأطفال شهرة في الثمانينات ، مش متل اليوم ، عندك آلاف المنشدين والمغنيين للأطفال على أكثر من وسيلة كان على الفضائيات او الإذاعات او على النت ، على ايامي ما كانت لا فضائيات ولا غيره ، كل اللي بعرفه انو كانت قناة "الاردنية" بتشتغل 6 ساعات باليوم واحنا وحظنا يا بجيبوا للأطفال يا ما بجيبوا :upset8:



2) شخصيه كرتونيه كنت تحبها ؟؟
ههههههه "توم سوير" مهو اصلا انا كنت اشبهه لما كنت صغير ههههههه
بس في عدّة افلام كرتون كنت احبها وانا صغير متل "جزيرة الكنز" خصوصا لما عرضوها لأول مرة ، و "السنافر" ، "ساسوكي" ، "جرين دايزر" ، " جونكر" ، "حكايات عالمية" ، "حول العالم في 80 يوم" وكتيييييييييييير من المسلسلات الرائعة



3) كيف كنت ايام طفولتك
شيطاني ولامؤدب ؟؟

إحم إحم ، والله عندي بشهادة صف أول كاتبتلي المعلمة عند خانة السلوك (مشاغب)
بس انا اجمالا كنت مؤدب وأمور ، مهو بعد هداك التقدير صرت دغري هههههههه



4) ماهي المواقف التي عرضتِ
فيها اهلك للاحراج؟؟

اخخخخخخخخ منك لازم تذكريني هههههه، مرة كنت براجد على ابن جيراننا بالحجار وكنت عالسطوح قام إجا حجر على سيارة واحد كان صافف تحت البناية معه سيارة "هامر" وانكسر الزجاج الأمامي ، قال بقولوا "الهامر" جامد ، انا لسا للوم مش فاهم كيف انكسر بهالسهولة!! او انو الحجر كان كبير ما بعرف
ما علينا .. المهم انو صاحب السيارة شافني وطلع ع بيتنا وحكا للوالد وانا انكرت وصرت احلف انو ما دخلني هههههههه ، كان عمري اياميها6 او 7 سنين ..




4) هل كنتِ شخص ذو شخصيه قويه
أم مغلوب عليه ؟؟

لا كنت جامد جدا .. وصاحب كلمة وموقف .. الحمدلله ، وما كان حدا يطلع معي براس وجوابي ع راس لساني ، زيّك يا "هدولة"





5)موقف حصل في طفولتك
كان له دور في تغيير مجرى حياتك؟؟

ممممممممم .. لما نحكي عن موقف بغر من مجرى الحياة بدو يكون موقف صعب متل وفاة او فقدان عزيز سواء بسفر او بعد ، واكيد رح اتذكر موقف صار لمعلمة درستني بصف تالت كنت احبها ومتعلق فيها ، كانت امي التانية ولا زالت ، وفجأة بيوم غابت عن المدرسة .. ولا بقولوا انها ماتت بحادث لما كانت رايحة عند اهلها بجرش .. انا انصدمت وعشت الصدمة لسنين طويلة .. ويمكن غيّر فيي هالموقف كتير اشياء صعب اشرحها




5) اكبر عيديه جمعتها كم ؟؟
ومن مين ؟؟

يا عيني على هالسؤال .. بس حطي باعتبارك يا هدولة انو ما كانت ورقة "الخمسين" على ايامي يعني اكتر عيدية وكانت بالنسبة الي ثروة كانت 20 دينار من خالي .. وبعدها بطلت اشوف لا 20 ولا 5 ولا تعريفة




6) يوم كنت صغير/ هـ
وش هي تسريحتك المفضلة ؟؟

وانا صغير كان شعري ناعم وبجنن .. انا ما كان الي تسريحة مفضلة لاني يا دوب كنت فاهم شو يعني تمشيط بس اتوقع اشي عادي ومش مميز يعني تمشيط عالماشي وتسبيل شعر ويا دار ما دخلك شر




7) يوم كنت صغير
تلعب بكمبيوتر العائله ؟؟

وانا صغير ما كان اختراع الكمبيوتر واصل الوطن العربي ، كان عنا "أتاري" وكنت العب فيها ومجنن الدنيا فيها ، بتقدري تعتبري لو كان كمبيوتر اني رح اكون مستلمه دايما



8) اكبر مغامره
قمت فيها وانت صغير..؟؟؟

فتت المقبرة بنص الليل أدوّر على حفّاية اخوي الضايعه هههههههههههه
كنا بالنهار نلعب جنب المقبرة وضيّع حفايته بس المشكلة انو اكتشفنا انها ضايعة بعد ما وصلنا البيت!! فصرنا نتذكر وإلا اكتشفنا انو لما لعبنا بالبركة شلحنا حفاياتنا وهو عادروّح حافي من كتر ما كان هبّول ، المهم غابت الشمس وفتت عالمقبرة وضعت فيها وما عرفت كيف اطلع ، والله كريم طلعت بس من الجهة التانية ههههههههههه




9) من هو الشخص
اللي يقع دائمأ في شر اذيتك..؟؟؟

واحد كنت مستلمه عنا بالصف وكنت دايما حاطط حطاطه واضربه ههههههههههه ، بس بتعرفي وين المصيبة؟ انو بعد مرور السنين طلع ابن عم نسيبي هههههههههههههههههههه ، وكتير بتذكر هديك الأيام ، طبعا لغاية الآن ما اخد مني تفسير ليش كنت مستلمه ، بجوز كنت اغار الله اعلم




10) يوم كنت صغير
كنت تترأس عصابه ام انك كنت عضو فيها فقط؟؟

اه كنت رئيس ورئيس مش عادي ، وكنت مترأس اكبر عصابة للإستيلاء على اللوز والليمون اللي بالارض اللي جنب مدرستنا هههههههههههههه
بس مرة لعبت بخلية نحل تحت شجرة لوز وهجم علينا النحل وبعدها عملوا علي انقلاب واطاحوا برئاستي هههههههههههههههههه



بكرة بتابع معكم باقي الأسئلة


[/align]

[الوسادة]

[align=center]



4) هل كنتِ شخص ذو شخصيه قويه
أم مغلوب عليه ؟؟

لا كنت جامد جدا .. وصاحب كلمة وموقف .. الحمدلله ، وما كان حدا يطلع معي براس وجوابي ع راس لساني ، زيّك يا "هدولة"







7) يوم كنت صغير
تلعب بكمبيوتر العائله ؟؟

وانا صغير ما كان اختراع الكمبيوتر واصل الوطن العربي ، كان عنا "أتاري" وكنت العب فيها ومجنن الدنيا فيها ، بتقدري تعتبري لو كان كمبيوتر اني رح اكون مستلمه دايما



8) اكبر مغامره
قمت فيها وانت صغير..؟؟؟

فتت المقبرة بنص الليل أدوّر على حفّاية اخوي الضايعه هههههههههههه
كنا بالنهار نلعب جنب المقبرة وضيّع حفايته بس المشكلة انو اكتشفنا انها ضايعة بعد ما وصلنا البيت!! فصرنا نتذكر وإلا اكتشفنا انو لما لعبنا بالبركة شلحنا حفاياتنا وهو عادروّح حافي من كتر ما كان هبّول ، المهم غابت الشمس وفتت عالمقبرة وضعت فيها وما عرفت كيف اطلع ، والله كريم طلعت بس من الجهة التانية ههههههههههه






[/align]

هههههههههههههههههههه يا عليك يا هدوئة ضحكتني هههههههه



و اكيد انا طالعة لهدوئة جوابي عراس لساني هههههه
و زكرتني بالأتاري هادي كمان تبعت الأشرطه يللي بتنحط و الكيبورد ههههههههههههههه الله يقطع شرك يا هدوئة





يللا بنستناك بكره معلش غلبناك

[هدوء عاصف]

هههههههههههههههههههه يا عليك يا هدوئة ضحكتني هههههههه



و اكيد انا طالعة لهدوئة جوابي عراس لساني هههههه
و زكرتني بالأتاري هادي كمان تبعت الأشرطه يللي بتنحط و الكيبورد ههههههههههههههه الله يقطع شرك يا هدوئة





يللا بنستناك بكره معلش غلبناك

لا ان شاء الله ما في غلبة بس مشان التسلسل ونطوّل الشغلة هههههههههه

هلا بـ "هدولة"

[طوق الياسمين]

والله انك ضحكتني

[هدوء عاصف]

[align=center]إحم إحم بدنا نكمل مع الأسئلة
انتو كيفكو اليوم

المهم:



11) من كـان يدلعك أكثر
أبوك ِ او أمك ؟

والله إمي اللي كانت تدلّع وضلت تدلع لحتى صرت نمرود وكبر راسي ههههههههه




12) اســم دلعك بالطفوله لحد الان ينادونك فيـه ؟؟
وماهو ؟؟

بصراحة ما كان الي اسم دلع وكان ينادوني بإسمي ، وحتى لما صار الي اسم دلع واللي اخترعته "هدولة" كان اسم ولا اله علاقة بإسمي الحقيقي واللي هو "هدوئة" ههههههههه



13) بطفولتك كنت تبكي
إذا ماجلست بالاول بالطابور اوالفصل ؟؟

حسب اللي الحالة اللي ذكرتيها لأ .. بس بكيت مرة وحدة وهي لما سجّلتني امي بالمدرسة بالصف الأول وبعدها بجوز مرتين زغنّونات لما كنت اشوف بيتنا من ساحة المدرسة مهو كان بيتنا قريب من المدرسة الإبتدائية ، فلما كنت اشوف البيت واتخيّل كيف امي متريحة من قرفي انا واخوي وانا بالمدرسة بندب حظي اصير اعبّر عن غيظي بالبكاء





14) عندك عضويه بالسن توووب ؟؟
هدولة ما فهمت عضوية شو؟ انا بعرف انو السن توب كان عصير ايام كنا صغار




15) كنت دبدوب وانت صغير او نحيف..؟؟؟
لا دبدوب ..
مهي ضلت امي تدللل وتدلل وتدلل فليش ما بدي اصير دبدوب




16) هل عندك لعبه موجوده من صغرك إلى الآلآن ؟؟؟
وماهي ؟؟
اه عندي .. سيارة سباق صغيرة ، طبعا هاي اللعبة اللي صفّت من الألعاب اللي كانت عندي ولقيتها بالصدفة مع الكراكيب ، ما يروح فكرك لبعيد وتفكريها سيارة بريموت ، سيارة من هدول إم الربع ليرة




17) وش اكـثـر حلاوة كنـت تحبها ..؟
والله الوالدة معوديتنا على الحلو دايما ، فما في نوع معيّن ، عندك الهرايس بأنواعها وليالي لبنان والبسبوسة والرز بحليب يعني من كلو بحبوا ومن وانا صغير




18) وش اسم اول مـدرس درسك ..؟
المس هيام




19) هـل كـنت تـعانـي مـن اخـطاء
فـي مخـارج الحـروف ..؟

لأ الحمدلله وللآن كمان




20) ونت صغير يشبهوك على مين من العائله..؟؟؟
ههههههههه لو اقولك رح تضحكي .. انا الوحيد عن دون اخواني مابشبهوني عن حدا ، يعني الناس اللي بشبوهني بس هاد الحكي وانا صغير ، بس مع الأيام صرت اشبه خوالي وبعد ما تعدّيت العشرين صرت اشبه خالي محمد





اذا فيه مجال صورتك وانت صغير..؟
والســـــؤال هذا
(( أختــــيـــــاري / موأجـــــــباري))

"هدولة" ما عندي مانع لما تتوفر رح انزلها هون لإنو بصغري الى عدد محدود جدا من الصور يا 3 يا 4 بس ، بدهم عملية بحث ، وبس اروّح رح اعمل وحده منهم سكان وانزلها تكرم عيونك

وتسلمي يا قمر عالإستضافة كلك زووووووق [/align]