المشاركة الأصلية كتبت بواسطة (dodo)
مساء الخير اخ هدوء
1-ما أجمل شيء احببته فـي المنتدى ؟
2-احد علماء النفس قال ذات مرة : أنه باستطاعة الانسان العيش من دون اصدقاء فما رايك أنت؟
3-شو تعنيلك في هالكلمااات
البحر =
السماء =
المسجد الحرام =
الحب =
الصديق =
4-كم سـاعه بتضل تتصفح بالمتدى ؟
5-عضو تعجبك شخصيته ؟
6-عضو شفتة و عضو حاب تشوفه
7- كلمة اخيرة لجيمع من في المنتدى ؟
مساء الخير اخ هدوء
مسا الفل
1-ما أجمل شيء احببته فـي المنتدى ؟
حبيت فيه يختي يا دودو شغلة غريبة ما بتصير بأماكن تانية بجوز انتي عشتيها معنا وهي انو صعب كتير الواحد يبعد عنّه ، ما بعرف بهالمنتدى فيه احساس غريب بتملّك اي عضو بنتسب اله انو ما بقدر يبعد عنه وكتير اعضاؤه بنحبّوا وبتحسيهم قراب منك كإنك بتعرفيهم من زمان ..!
2-احد علماء النفس قال ذات مرة : أنه باستطاعة الانسان العيش من دون اصدقاء فما رايك أنت؟
يعني هو بفرق "عيش" من عيش!!
الواحد بعيش من دون اصدقاء بس ما بتكون حياته حياة!!
لحتى تكون الحياة كاملة بمعناها ومفهومها الكامل لازم الواحد يكونله اصدقاء مقرّبين يفهمهم ويفهموه .. اي الجنّة من دون ناس ما بتنداس فكيف بحياتنا المليانه مشاكل وتعب وروتين ، ما بيمشي الحال بدون اصدقاء ابداً !
3-شو تعنيلك في هالكلمااات
البحر =
راحة البال في مشاهدة أمواجه .. بحبه كتير
السماء =
بتعطي طاقة ايجابية للنفس خصوصاً بالليل الهاديء ، بحب اتطلع بالنجوم على الدوام.
المسجد الحرام =
البيت العتيق قِبلة المسلمين ومعجزة الخالقِ القائمة الى قيام الساعة ، أقدس بقعة على وجه الأرض.
الحب =
غذاء الروح .. وشفاء الأسقام .. لا نعيش بدون الحب!
الصديق =
صديقي الحقيقي بئرُ أسراري وناصحي في اوقات الشدّة وفي أخطائي.
4-كم سـاعه بتضل تتصفح بالمتدى ؟
والله بالساعات ، ولما ما بكون فاضي بتلاقيني على الدوام بتصفحه من الموبايل ، بتواجد في المنتدى على مدار الساعة لشوف كل مشاركة على حده ، ما بقدر ما اتصفحه بالساعه 3 او 4 مرات !!
5-عضو تعجبك شخصيته ؟
هديل (الوسادة) صديقتي المقرّبة .. يا ريت لو كل الناس تتعلم كيف تضحك وتنسى همومها حتى بأوقات شدّتها .. ايضاً بتعجبني شخصية زيد مراد
6-عضو شفتة و عضو حاب تشوفه
شفت كتيرين :
حسان - غسان - محمد العزام - احمد الزعبي - معاذ ملحم - عبدالله الشرفا - محمد حورية.
وبتمنى اني اشوف جميع الاعضاء ، متل زيد وقلعتي ابدية وطوق الياسمين والعقيق الاحمر وانتي دودو
7- كلمة اخيرة لجيمع من في المنتدى ؟
جميع الاعضاء انتم قلبي .. أحبّكم جميعاً دون اي استثناء او تحفّظ
أرجو ممن غادرونا ان يعودوا ولو لمجرّد زيارة ، فقد اشتقت اليكم كثيراً
أعتذر لأي عضوٍ أسأت اليه ولو بمجرد كلمة ، لم أقصد أبداً الإساءة لأحدكم ولو للحظة ، جميعكم في قلبي دائماً ..
أشكركم على عطائكم .. وعلى صداقتكم .. وعلى كل شيء
مواقع النشر (المفضلة)