آخـــر الـــمـــشـــاركــــات

دردشة وتعليله وسواليف.. » آخر مشاركة: عاشق الحصن بريد الاعضاء » آخر مشاركة: محمد العزام اهلا بكم ..رمضان كريم » آخر مشاركة: حسان القضاة شو عم تسمع هلا » آخر مشاركة: حسان القضاة ما هو سبب تواجدك في المنتدى والى اي حدّ يستمر او ينتهي إنتسابك له ؟ » آخر مشاركة: قلعتي أبدية مرحبا » آخر مشاركة: محمد العزام " أميــــرةُ قـوسِ النَّصـــــر" » آخر مشاركة: قلعتي أبدية ~ إبريـــــــــــــــــل ~ » آخر مشاركة: حسان القضاة اسئلة مهمة بالفوتوشوب في المطابع 2019 » آخر مشاركة: المصمم يزن جبريل صاحب المركز الاول فى مجال تنزيل الملفات كامل مدي الحياة IDM 6.32 » آخر مشاركة: siiin همسات وأشوق » آخر مشاركة: حسان القضاة ""أيلـول""... » آخر مشاركة: قلعتي أبدية تبليغ عن رسالة زائر بواسطة راشد مرشد » آخر مشاركة: أميرة قوس النصر اشتقنالكم » آخر مشاركة: Mahmoud Zaben تُراهات ما قبل النوم ... » آخر مشاركة: قلعتي أبدية شو مزاجك اليوم... » آخر مشاركة: قلعتي أبدية قبول بلاغ عطل ثلاجات كلفينيتور 01092279973 & 0235700997 وكيل كلفينيتور (م .الجديدة) » آخر مشاركة: الوكيل1 قبول بلاغ عطل ثلاجات هوفر 01154008110 & 0235699066 وكيل هوفر (م.6اكتوبر) » آخر مشاركة: الوكيل1 قبول بلاغ عطل ثلاجات جنرال اليكتريك 01207619993 & 0235700997 وكيل جنرال اليكتريك (الز » آخر مشاركة: الوكيل1 قبول بلاغ عطل ثلاجات كاندى 0122026130 & 0235682820 وكيل كاندى (الهرم) » آخر مشاركة: الوكيل1
صفحة 1 من 4 123 ... الأخيرةالأخيرة
النتائج 1 إلى 10 من 37

الموضوع: الشعب يريد الاصلاح

  1. #1
    كبار الشخصيات
    عضو مؤسس
    الصورة الرمزية محمد العزام
    تاريخ التسجيل
    Sep 2008
    الدولة
    الاردن
    العمر
    39
    المشاركات
    13,960

    افتراضي الشعب يريد الاصلاح

    اولا ...قبل الدخول بالموضوع اوضح لكم شيء صغير بانني اردت ان اكمل موضوع المذلة القومية العربية ولكن اخترت بالنهاية ان اقترح موضوع جديد بهذا الاسم

    بسم الله وعلى بركة الله نبدأ ... ونعلن حالة الحداد على انفسنا ولكن ليس لثلاثة ايام او لاسبوع بل سنعلن الحداد اعواما ودهوا وكان يجب ان يعلن هذا الحداد من سنوات طويلة لاننا اموات ولكن احياء ..نموت نموت ولكن لانومت خلقنا للحياة كالف روح واستغفرك ربي ..نبدل كل يوم روح وبكل روح وجه كاذب وتفاصيل تختلف عن باقيها ....

    نستمتع بشهوات حياتنا ونتقاسم همومنا مع احباءنا وننسى ان نناجي ربنا الذي هو من خلقنا ...نجلس على سجادة الصلاة ونناجي ونرفع ايدينا ونقول يارب وبعدها نمسك بمغريات حياتنا ونتغنى بصوت من يسمعنا ونقول بلغتنا لازم نتمتع بحياتنا ...اعتقاد الشعوب والامم الجاهلة بان تطورنا مقتصر على من يخلفنا بدفة حكمنا وتخرج من افواههم لازم نطور ولازم نعمل وسنقضي على البطالة وسنرفع مستوى المعيشة وبعدها يقرعون كاس خمورهم ولاضرر ....هلكت امة تنصت لهذه الافواه ..بفترات معينة استمتعت كثيرا بعملي لانني وجدت فيه شيء من لاشيء ...وجدت باننا كشعب وليست كافواه باننا مذنبون بحق الحياة ...وجدت مايبكي القلب عندما ترى هذا الشعب كم هو لامبالي كم هو هذا الشعب استحقر نفسه قبل ان يستحقر تلك الافواه ...

    المجتمع مثل الاسرة فيها الحاكم والمحكوم ...فيها الامر والناهي ..فيها المسيطر والمسيطر عليه ..فيها العلاقة والتعاون ... فيها الاصلاح وفيها حب الشفافية والكثير الكثير ..
    نقطة وسطر جديد

    نتحول الان الى الكلام العامي .. كلام الهجايص زي مابسموه اخوانا اللي باعتقادهم حرووا بلدهم ..ماعلينا ... طيب برايكم وفكروا بهالشي كثير ... قدرت الاسرة الاردنية بمفهوم الاسرة توصل لحد معين من انها تطالب بالاصلاح وانها تلوم المصلحين وبتشاطروا بالحكي وكلمة يا اخي وين هالمصلحين .. يا اخي وين بتروح هالمصاري ووين بتروح هالمساعدات ...الطرف الثاني برد عليه بابتسامة اكيد انسرقت ...برجع الطرف الاول بكلمة يارجل هالحيتان اكلتنا ...برد عليه الطرف الثاني وكلها لربك يازلمة ...وبنفس القعدة صاحب الضيافة ..يا ام فلان وين كاسة هالشاي ..بترد عليه من جوا ماضل سكر ...روح واداين من هالدكانة ...بحك راسه هالزلمة وبالفعل بروح ...وبنص القعدة بشربوا كاسة الشاي وباخر القعدة تدخل بنته مروحة من الجامعة ...لبس شو ...مكياج شو ...عطر شو ....اسم الله عليها ....كاينة بحفلة مش بجامعة ....ولما تدخل ماتحكي لاسلام ولا شي ...غير كلمة (هاي ) وتحكي لضيفهم (عمو ) .... وتدخل تبوس الماما وتحكيلها يا ماما شو محاضرات وشو ضغط الدراسة كانت صعبة كثير ومن هالحكي الفاضي والله اعلم اذا كانت حضرة هالمحاضرة والا لا ...صار وقت الاسترحة بعد هالغدا اللي مابتعدى شي بسيط نظرا للضروف المادية الصعبة ..بدها تنام هالبنت تمسك تلفونها وتبعث sms حبيبي انا اتغديت هيك وهيك (طبعا كذب ) وحبيبي انا بدي انام هلا ...دراسة تطنيش ...شغل البيت تطنيش ...والصلاة تنجمع بوقت واحد ..واخر الليل السهر على التلفون ...اللي بتكون موفريته ومانعة حالها من الاكل بالجامعة تشحن فيه تلفونها رصيد ...يمكن هالشي مستغرب ..بس واقع وبصير ...وين هالاصلاح بالبيت ...نبلش من اول السطر ...ومانعرف شو نحط ...علامة استفهام ...تعجب ...سؤال ...
    اتفقنا انو الاسرة زي المجتمع ...وين الرقابة ...وين الشفايفية ...ووين حسن التدبير ... ووين التشدد ...ووين الصدق ...والاهم الللي بيربطنا بهالشغلات ...وين قيمنا وسلوكنا للدين ...بمجرد ان نسمع صوتنا لغيرنا عورة ....فقط

    نقطة وسطر جديد




    سنعود مرة اخرى

  2. #2
    صديقه بنت الشديفات
    زائر

    افتراضي رد: الشعب يريد الاصلاح

    كلامك من واقع مؤلم نعيشه ..

    صحيح بكل حرف .. لكن الاصلاح لن يعم في الاردن الا اذا قام كل ولي امر يريد الاصلاح
    بـ اصلاح نفسه وبيته اولاً .. وهكذا ينتشر الاصلاح

    اما للرقابه والشفافيه و و
    كلها يسبقها ثقه زائده تتحول فيما بعد الى خراب زائد


    ...


    بـ انتظار البقيه
    يعطيك العافيه

  3. #3
    المديرة العامة
    تــايــكـــي
    الصورة الرمزية دموع الغصون
    تاريخ التسجيل
    Mar 2011
    الدولة
    وطن يسكنني
    المشاركات
    20,909

    افتراضي رد: الشعب يريد الاصلاح

    متابعة بصمت حتى لا أشوه إبداعك ..
    متابعه

  4. #4
    كبار الشخصيات
    عضو مؤسس
    الصورة الرمزية محمد العزام
    تاريخ التسجيل
    Sep 2008
    الدولة
    الاردن
    العمر
    39
    المشاركات
    13,960

    افتراضي رد: الشعب يريد الاصلاح

    عدنا


    هاد بحكيلكم ابو فلا عنده فلان ...نايم طول اليوم بفراشه وبحسب ...ليش ...ليش ...ليش .... طبعا مع التنهيد وبرد عليه كاظم لاتتنهد ....
    اول ليش حكاها ليش ماعرفت ازبط هالبنت الفلانية
    ثاني ليش حكاها ليش ما اختصرت هالجامعة وهالسنين ومادرست
    ثالث ليش حكاها ليش ليش هالبلد وضعها هيك
    .......... طيب ليش .............

    بنام على الحان الحب وبصحى على المسجات الرومانسية ...امسك تلفونه الله اعلم شو نوعه ..ماخذه من جمعية وقاعد بقسط بحقه كل شهر ب10 ليرات وبكون رقم ميمي عنده ورقم سوسو ورقم رورو ...وبكون حاط نغمة خاصة للبنت السوبر ومسميها باسم حياتي والا روحي والا مابعرف شو ...بصحى على رنة تلفون من حياته ومابصحى على دفش ابوه لالو برجله كل يوم الصبح (سبحانك ربي على حكمتك ) ...بصبح ابو فلان بدفش بابنه ولك اصحى ياهامل روح ودور على شغل وفلان بنص عين ماهو سهران الليل ومش قادر يصحى ...تدخل ام فلان ولك يازلم مالك على هالولد شوي شوي عليه بلاش يسمعك حد من الجيران وبيحكوا ببهدل بابنه وببطلن بنات الناس يطلعن عليه ...ويطلع ابو فلان من هالموضوع ولا كانه صار شي ....وتقعد هالام مع ابنها ..ماتزعل من ابوك وتصير تطبطب عليه ...وهو طبعا مابعرف شو القصة وبس يصحى بياخذ مصروفه من امه وبيطلع مع اصحابه وكالعادة بشبابنا برفع شعراته وبنزل بنطلونه والحكي المايع ...تعال واتفرج ...شغل تشتريه وتحطه بمتحف على قد ماهو مرتب ...من برا ......ومن جوا .......


    هاد واقع وبنعيشه ...


    نقطة وسطر جديد



    سنعود

  5. #5
    المديرة العامة
    تــايــكـــي
    الصورة الرمزية دموع الغصون
    تاريخ التسجيل
    Mar 2011
    الدولة
    وطن يسكنني
    المشاركات
    20,909

    افتراضي رد: الشعب يريد الاصلاح

    بإنتظار عودتك

    بس مجرد سؤال فضولي هون الخلل بالمجتمع يلي تارك هالشب هيك ولا بالشب نفسه ولا بالأم ولا بالأب ؟؟

  6. #6
    كبار الشخصيات
    عضو مؤسس
    الصورة الرمزية محمد العزام
    تاريخ التسجيل
    Sep 2008
    الدولة
    الاردن
    العمر
    39
    المشاركات
    13,960

    افتراضي رد: الشعب يريد الاصلاح

    الخلل واضح دموع ...بالشب ...انا على اطلاع كامل بمستوى الشغل والعمالة واللي قاعد بصير بوضع الشباب مش باطلاع كامل ...
    الشغل موجود ...بس مابدنا ثقافة العيب تضل موجودة ...بعرف كثير شباب بيدرسوا وباخر النهار بيشتغل براتب بسيط مابتجاوز 150 دينار ..لانو حاس بالوضع وحاس بالهله اللي تعبوا عليه ... انا كشخص وفرت لاكثر من 20 شب وظائف بهالراتب ..بس تعال اشتغل ولاتضل نايم بالبيت ...اصرف على حالك وماتساعد اهلك او اذا بدك تساعدهم ساعدهم بس ب10 دنانير فقط

    والله يادموع في عندك الشباب اللي بقدر يكافح مش دايما بنحكي انو عايشين بوضع صعب وضروف اقتصادية صعبة ..طيب اتوكل على ربك واشتغل باقل شي ..
    انا اخر سننتين بامعتي كنت اسهر الليل وانا بشتغل بمحل انترنت واصبح على جامعتي بس الي اقدر اخفف عن اهلي

    المجتمع في ملامة لاله ...بس الحق الاكبر على هالشب

  7. #7
    المديرة العامة
    تــايــكـــي
    الصورة الرمزية دموع الغصون
    تاريخ التسجيل
    Mar 2011
    الدولة
    وطن يسكنني
    المشاركات
    20,909

    افتراضي رد: الشعب يريد الاصلاح

    حلو كتير يكون عندنا قناعة ورضا للأسف شبابنا كتير تفكيره سطحي من هالناحية أولوياته بتتغير يوم عن يوم وعم يتراجع فكره وقدرته على تحمل المسؤولية
    لكن الخطأ الأكبر على المتجمع وعلى الأهل بنظري هم الأساس يلي وصل الشب لهون
    لو المجتمع رفض هيك نوعية من الشباب كان حصرنا وجودهم لكنه استقبلهم بالأحضان و الأهل كانو الرافد الأساسي للمجتمع
    شبابنا ضحية المجتمع و الأهل
    وما ينطبق على المجتمع المصغر ينطبق على المجتمع بشكل عام

  8. #8
    كبار الشخصيات
    سيد الحصن
    الصورة الرمزية هدوء عاصف
    تاريخ التسجيل
    Oct 2009
    الدولة
    الأردن
    العمر
    41
    المشاركات
    21,880

    افتراضي رد: الشعب يريد الاصلاح

    يعطيك الف عافية "محمد العزام" وكلامك واقعي وبنعاني منه في مجتمعنا ، بس برأيي كل المجتمع عليه لوم ومعهم الدولة والحكومة ، البيت ممثل بالأب والأم مقصرين والشب والبنت مقصرين والوزير مقصر وعامل النظافة مقصر ومدير الدائرة مقصر ، عدم وصول مطالبنا بالإصلاح لأهدافها لغاية الآن برأيي سببها انو احنا مجتمع متناقض يختلف كلامنا عن افعالنا واهدافنا عن واقعنا ، للأسف احنا من ناحية الوعي ما وصلنا لدرجة كافية من الوعي ، تعال يا محمد للي قايم وعاملك حاله زعيم وكله وطنيات وغيره عالبلد لو انه اختلف بالرأي مع واحد تاني ما بوافقه بآرائه فكرك كيف بكون نقاشهم؟
    انا مرة على احدى صفحات الفيسبوك واحد مسمي صفحة بإسم وطني انا لما قرأت الإسم بصراحة تخيلته صلاح الدين ولا الظاهر بيبرس او تخيلته مارتن لوثر العرب ، احد التعليقات بقول "احنا بحاجة للإصلاح لإنو البلد كلها فساد من الوزير لأضغر مواطن" ، ويا حزرك شو ردّوا عليه اعضاء البيج وصاحب البيج؟ اتهامات بالخيانة والعمالة وهيك بلد ما بتتشرف بأمثالك اشي قال عنه يهودي واشي قال عنه انو سلفي واشي قال عنه ما بعرف ايش ، يعني اذا بالحوار نعتبر راسبين بشو جايين نلوّح ونحكي؟!
    المهم .. احنا بدنا وعي اجتماعي وسياسي ، كيف بالله واحد ما بفهم بالسياسة بطالب بإعتصام وفض اعتصام! وكيف واحد ما عنده منطق اجتماعي بيجي وبلقي خطابات متناقضة في اغلبها مع متطلبات وحاجات الشعب؟ ولك ما انت عايش بهالمجتمع اطلب اشي بمس حاجاته وابعد عن المثالية ، بيجيك واحد بدو يشتغل وينهي موضوع البطالة ، يعني الدولة بدها توظف كل الشباب هيك فرد مرة!! معناتو خلص الدولة تقعد وتصرف كل مصاريها على راتبك انت وصاحبك وصاحبه ، اي اذا رواتب النواب التقاعدية صارت ثقل على كاهل الدولة كيف بدها تدفع رواتب 100 الف موظف جديد؟!
    روح اشتغل بإيدك وانحت يا ابو مكتب انت .. الواحد منهم صار همه يشتغل بمكتب تحت الكونديشن ، والبلد مليانه حرف وصنعات ومش ملاقية ابن بلد يشتغل فيها ، يخلف على المصريين والسوريين اللي بيجو وبشتغلوا بصب الباطون والبلاط والقصارة ، يا عمي ولاد هالبلد كبار على هالصنعات ، الله سترنا وما كان عنا نفظ كان هالشعب تجبّر والله اكبر!!
    معلش طولت بالحكي محمد بس كلمة اخيرة ، مبارح صارت طوشة باليرموك باالاسلحة البيضاء ، يعني هيك شباب بدخل عقلك انهم شغل اصلاح؟ هدول هن اللي خربوا البلد ، الشباب المش متربية ، الشب اللي زي هيك فكرك لو استلم وظيفة بالدولة بعيده عنه انو يسرق وينهب ويوكل بالحرام يعني فارقة معه اصلا؟؟! احنا تافهين للأسف وما رقينا لمطالب الإصلاح ، ومن هون لنرقى ونصير بنقدر نطالب بالاصلاح خلي هالقائمين على البلد والفاسدين منهم يوكلوا ويسرقوا شو عليه؟ ما احنا بنستاهل ، وكما تكونوا يولّ عليكم!

    والسلام

  9. #9
    كبار الشخصيات
    عضو مؤسس
    الصورة الرمزية محمد العزام
    تاريخ التسجيل
    Sep 2008
    الدولة
    الاردن
    العمر
    39
    المشاركات
    13,960

    افتراضي رد: الشعب يريد الاصلاح

    مشكور هدوء ...سلطت الضوء على اكثر من نقطة واكثر من وجع بنعاني منه بهالمجتمع ...بس كيف الطريقة لنتجاوز هالشي ...

    برايي حاليا مافي

    بحكيلك اذا الشعب يوما اراد الحاية ..وين الحياة اللي بده يبتغيها الشعب

    انا مع كل واحد بيحكي انو في فساد ...في ارتفاع بالاسعار ...في سرقات ...في واسطات .......موجود هالشي ..بس ياترى مش وصلنا احنا كشعب انو يقال عنا بالشيطان ..لانو الساكت عن الحق شيطان اخرس واحنا هيك ...

    قبل فترة عملت قعدة مع رجل اسموا مسموع بهالبلد والكل بيعرفه ببرامجه اللي بقدمها ...طلبت منه بس حماية صغيرة زي الحصانة يعني ...يقدملي اياها
    كنت بدي اعمل سلسلة زيارات للحيتان اللي احنا بنعاني منهم بمجتمعنا ..حكالي طيب انا معك وبقدملك الحماية ...بس بشرط مابدي يكون شخص واحد بدي مجموعة شباب وتسموا حالكم تحت مسمى رابطة او هيئة لحتى اقدر اوفرلكم هالحماية

    ياحزوكم ..ولا واحد رضي يمشي معاي من هالشباب ..واللي طول نهارهم بدنا وبدنا وبدنا ...طيب يا اخي لاتنام انت وغيرك يطلبك مطالبك ..واذا مابدك انت تطالب ..معناه اخرس ولا تحكي






    هاي نوع من الاملة البسيطة اللي رح تقدم لمل هيك شعب نايم ...رح يقدم اكثر لتشوفوا وين الخلل بالزبط

  10. #10
    عضو ذهبي الصورة الرمزية علاء سماره
    تاريخ التسجيل
    Mar 2012
    الدولة
    الاردن
    العمر
    34
    المشاركات
    609

    افتراضي رد: الشعب يريد الاصلاح


    والله يا محمد أنت على راسي
    فعلا هذا حال البنات والشباب بس البنات ملاحظ أكثر
    والشباب بتلاقي أبوهم ما معو النكله او بقعد بعصب على ابوه او بدي كتب
    او بو خذهن او بروح يعمل أشياء بشعره

    او بالنسبة للشعب الله ايعينه شو بدو يعمل الي لازم يتحركو ما بتحركوا
    او مالهم بالسياسة


    رائع رائع رائع

صفحة 1 من 4 123 ... الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. | الشعب يريد إنهاء الإستسلام | فريق الوعد للفن الاسلامي |
    بواسطة هدوء عاصف في المنتدى منتدى الصوتيات والمرئيات الإسلامية
    مشاركات: 0
    آخر مشاركة: 05-18-2011, 06:19 PM
  2. الاصلاح السياسي قي الاردن من اين والى اين
    بواسطة المعتز ابوشنب بني حمد في المنتدى المنتدى السياسي
    مشاركات: 3
    آخر مشاركة: 03-22-2011, 02:06 AM
  3. استراليا تحث سريلانكا على الاصلاح والمصالحة - رويترز
    بواسطة ادارة المنتدى في المنتدى الاخبار العاجله من وكالات الانباء الاردنية
    مشاركات: 0
    آخر مشاركة: 11-08-2009, 12:00 PM
  4. ريال مدريد يريد سيلفا..وسيلفا يريد برشلونة
    بواسطة الحصن نيوز في المنتدى صدى الملاعب
    مشاركات: 0
    آخر مشاركة: 06-24-2009, 07:21 PM
  5. ريال مدريد يريد سيلفا..وسيلفا يريد برشلونة
    بواسطة الحصن نيوز في المنتدى صدى الملاعب
    مشاركات: 0
    آخر مشاركة: 06-20-2009, 08:30 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •