آخـــر الـــمـــشـــاركــــات

دردشة وتعليله وسواليف.. » آخر مشاركة: عاشق الحصن بريد الاعضاء » آخر مشاركة: محمد العزام اهلا بكم ..رمضان كريم » آخر مشاركة: حسان القضاة شو عم تسمع هلا » آخر مشاركة: حسان القضاة ما هو سبب تواجدك في المنتدى والى اي حدّ يستمر او ينتهي إنتسابك له ؟ » آخر مشاركة: قلعتي أبدية مرحبا » آخر مشاركة: محمد العزام " أميــــرةُ قـوسِ النَّصـــــر" » آخر مشاركة: قلعتي أبدية ~ إبريـــــــــــــــــل ~ » آخر مشاركة: حسان القضاة اسئلة مهمة بالفوتوشوب في المطابع 2019 » آخر مشاركة: المصمم يزن جبريل صاحب المركز الاول فى مجال تنزيل الملفات كامل مدي الحياة IDM 6.32 » آخر مشاركة: siiin همسات وأشوق » آخر مشاركة: حسان القضاة ""أيلـول""... » آخر مشاركة: قلعتي أبدية تبليغ عن رسالة زائر بواسطة راشد مرشد » آخر مشاركة: أميرة قوس النصر اشتقنالكم » آخر مشاركة: Mahmoud Zaben تُراهات ما قبل النوم ... » آخر مشاركة: قلعتي أبدية شو مزاجك اليوم... » آخر مشاركة: قلعتي أبدية قبول بلاغ عطل ثلاجات كلفينيتور 01092279973 & 0235700997 وكيل كلفينيتور (م .الجديدة) » آخر مشاركة: الوكيل1 قبول بلاغ عطل ثلاجات هوفر 01154008110 & 0235699066 وكيل هوفر (م.6اكتوبر) » آخر مشاركة: الوكيل1 قبول بلاغ عطل ثلاجات جنرال اليكتريك 01207619993 & 0235700997 وكيل جنرال اليكتريك (الز » آخر مشاركة: الوكيل1 قبول بلاغ عطل ثلاجات كاندى 0122026130 & 0235682820 وكيل كاندى (الهرم) » آخر مشاركة: الوكيل1
صفحة 2 من 5 الأولىالأولى 1234 ... الأخيرةالأخيرة
النتائج 11 إلى 20 من 45

الموضوع: جلسات رمضانية

  1. #11
    المديرة العامة
    تــايــكـــي
    الصورة الرمزية دموع الغصون
    تاريخ التسجيل
    Mar 2011
    الدولة
    وطن يسكنني
    المشاركات
    20,909

    افتراضي رد: جلسات رمضانية

    الوردة الأردنية
    راقت لي كثيراً مشاركتكِ
    عشيتنيا ايام رمضان بعيونك و باجوائكم الأسرية
    اجواء واقعية وقريبه للقلب و بصراحه بتمنى عيشها بتفاصيلها وروعتها
    بتمنى الله يتقبل منك الصيام والقيام ويتقبل دعواتك
    انبسطت كتير بتواجدك هنا
    والله لا يحرمنا من احلى لمه واحلى عيله عائلة الحصن العامر بأرواحكم
    كوني بالقرب دوماً

  2. #12
    المديرة العامة
    تــايــكـــي
    الصورة الرمزية دموع الغصون
    تاريخ التسجيل
    Mar 2011
    الدولة
    وطن يسكنني
    المشاركات
    20,909

    افتراضي رد: جلسات رمضانية

    الدعوة الآن


    لــ



    قلعتي أبدية




    ننظر مشاركتك

  3. #13
    كبار الشخصيات الصورة الرمزية الوردة الاردنية
    تاريخ التسجيل
    Feb 2011
    الدولة
    الاردن
    المشاركات
    3,260

    افتراضي رد: جلسات رمضانية

    اقتباس المشاركة الأصلية كتبت بواسطة دموع الغصون مشاهدة المشاركة
    الوردة الأردنية
    راقت لي كثيراً مشاركتكِ
    عشيتنيا ايام رمضان بعيونك و باجوائكم الأسرية
    اجواء واقعية وقريبه للقلب و بصراحه بتمنى عيشها بتفاصيلها وروعتها
    بتمنى الله يتقبل منك الصيام والقيام ويتقبل دعواتك
    انبسطت كتير بتواجدك هنا
    والله لا يحرمنا من احلى لمه واحلى عيله عائلة الحصن العامر بأرواحكم
    كوني بالقرب دوماً
    شكرا لاستضافتك اختي دموع
    وانا فخورة جدا لاني من عائلة الحصن وبينكم

    يسلمو كتير Mr_HelL على تصميم التوقيع

  4. #14
    كبار الشخصيات الصورة الرمزية قلعتي أبدية
    تاريخ التسجيل
    Oct 2010
    الدولة
    بَيْنَ قَلْبِي والسَّمَاء
    العمر
    44
    المشاركات
    972

    افتراضي رد: جلسات رمضانية


    " الطفولة "
    1- كم كان عمرك بـ أول رمضان صمت فيه .. وكم يوم صمت .. ؟؟
    11 سنة؛ صمت رمضان كُلَّه...

    2- شو كان يعنيلك رمضان بالطفولة ؟ بشو مرتبط بموقف معين بأكله معينه ... ؟؟

    كان يعني لي أولاً اقتراب العيد وشراء الجديد وكعكة العيد تُطِل مع أول يوم في رمضان، كان يعني لي التفكير في الخالق ولماذا الصيام ولا أصل لقناعات سوى اطمئنان قلبي والرضى والتسليم، كان لقمر الدين والقطايف جزء مهم تختلط المشاعر بهما، كان للهدوء والنظرات العائلية المتبادلة جزء هام في نشوة الأمان وأن الكون بخير. كان أخي يكبرني بسنة يفطر ويأكل الحلويات وبالذات الهريسة اللي كنت أحبها وأنا أتفرج مصر على الصيام

    - 3 اكتر فترة اطفال أو برنامج أطفال ولهلا مخزن بذاكرتك ومرتبط برمضان .. ؟؟
    سبانك

    - 4 أول مره سألت أهلك شو رمضان .. !! ليه بتصوموا ..!! مزكر شو جاوبكوا ؟؟
    مش متذكر أول مرة، فقط كنت على الطريقة أسير حيث هم سائرون، وأفكر

    - 5 شو الطقس الخاص الموجود برمضان بزكرك بطفولتك ؟؟
    لما كان والدي يوخذنا بالسيارة عصراً إلى السّهل نركض و نلعب قبل الإفطار، ذكريات الفمتو وخصوصا قمر الدين يقتلني، فذكرى والدتي تعصر قمر الدين بيديها يكاد "يشلعني" من الاعماق.
    6 - اكله كنت تحبها برمضان ؟
    لا شيء على وجه الخصوص سوى طلبي الدائم للمربى والعسل حتى لو كان المنسف على الطاولة
    - 7 اكتر لعبة كنت تلعبها برمضان ؟
    اكثر شيء "الحجلة" ثم "الطويمة" و"طاق طاق طاقية"
    - 8 أصدقاء كانو يشاركوك لحظاتك الخاصة برمضان ؟
    لم يكن أصدقاء طفولة على التحديد
    9 - كيف كنت تستقبل العيد ؟
    أستقبله على مرحلتين: الأولى لم أكن أعرف كيف أعبر عن السعادة بشراء الملابس الجديدة والفرد الجديد والاهم من ذلك التقاط كعكة العيد من يد والدتي قبل الذهاب لصلاة العيد مع والدي صباحاً.
    والأخرى أصبحت، قد أقول لا شيء!، بعد أن أصبح المستقبل يَقْدُمُ بالذاكرة تَحْتَلّ كل شيء؛ تحتلني وتأسرني.
    " الآن "
    - 1 ما هي الطقوس الروحية الخاصة بهذا الشهر ؟؟
    قراءة القرآن و قصص الصالحين والاستماع للخطب الدينية.
    -2 موقف يتكرر كل رمضان .. ما هو ؟؟
    الصّياح غالباً قبل الإفطار بلحظات لأقل الأسباب.
    3 - شو شعورك أول ما يبدأ برمضان و آخر يوم برمضان ؟؟
    أول رمضان أحس بالأمان فِعلاً بعد اشتياق، وآخر رمضان يكون عندي كآخر شعاعٍ للشمس وقت الغروب؛ أكاد أصرخ أن عودي!...
    - 4 مكان لازم تروحله برمضان ؟؟
    ذلك المكان حيث الجميع سائرون إليه لا محالة!...
    - 5 برأيك اين تكمن الأجواء الرمضانية في مدفع الإفطار .. السحور .. الليالي الرمضانية ؟؟
    لا أسمع مدفع الإفطار ولو سمعته لألهمني؛ فصوت المدافع مع قول ( الله أكبر) يأخذ ولا شك بالروح إلى أعلى نفحات ترتبط بكلمة "تضحية"
    السحور يجمع ويؤلف، فيه شعور بالاهتمام ووحدة الحال.
    ليس لكلمة ليالي رمضانية وجود بشكل عام ولكن يحصل ذلك وبشكل ما في بعض الأيام حين تجتمع العائلة جميعاً وتتبادل الحديث والضحك وغيره!...
    -6 أكثر عبادة بتتقرب لإلها وتكثر منها في رمضان
    الدُّعاء

    -7 بكل صراحه لما تجوع شو بتعمل .. بتقرأ قرآن !! بتصلي !! بتنام !! بتطاوش !! بتعصب !! ؟؟
    حين اجوع أفضل النوم؛ لأنه النتيجة الأفضل لي ولمن حولي؛ وبشكل عام فأنا قليل العصبية إلا في الجوع
    8 - هل أنت ممن يهجرون القرآن ولا يتذكروه إلى بهذا الشهر ؟؟
    كَلَّا
    - 9 كم مره بتختم القرآن برمضان .. وبالعادة كل كم بتختم القرآن ؟؟
    في أفضل حال"مرة"
    -10 أكثر آية بتستوقفك و بتأثر فيك ؟
    "وَنُرِيدُ أَن نَّمُنَّ عَلَى الَّذِينَ اسْتُضْعِفُوا فِي الْأَرْضِ وَنَجْعَلَهُمْ أَئِمَّةً وَنَجْعَلَهُمُ الْوَارِثِينَ"
    "فَلَمَّا اسْتَيْأَسُواْ مِنْهُ خَلَصُواْ نَجِيًّا قَالَ كَبِيرُهُمْ أَلَمْ تَعْلَمُواْ أَنَّ أَبَاكُمْ قَدْ أَخَذَ عَلَيْكُم مَّوْثِقًا مِّنَ اللّهِ وَمِن قَبْلُ مَا فَرَّطتُمْ فِي يُوسُفَ فَلَنْ أَبْرَحَ الأَرْضَ حَتَّىَ يَأْذَنَ لِي أَبِي أَوْ يَحْكُمَ اللّهُ لِي وَهُوَ خَيْرُ الْحَاكِمِينَ"
    " لَا تَدْعُوا الْيَوْمَ ثُبُورًا وَاحِدًا وَادْعُوا ثُبُورًا كَثِيرًا"
    "وَقَدِمْنَا إِلَى مَا عَمِلُوا مِنْ عَمَلٍ فَجَعَلْنَاهُ هَبَاء مَّنثُورًا"
    "أَهُمْ يَقْسِمُونَ رَحْمَةَ رَبِّكَ نَحْنُ قَسَمْنَا بَيْنَهُم مَّعِيشَتَهُمْ فِي الْحَيَاةِ الدُّنْيَا وَرَفَعْنَا بَعْضَهُمْ فَوْقَ بَعْضٍ دَرَجَاتٍ لِيَتَّخِذَ بَعْضُهُم بَعْضًا سُخْرِيًّا وَرَحْمَتُ رَبِّكَ خَيْرٌ مِّمَّا يَجْمَعُونَ"
    " وَإِذِ ابْتَلَى إِبْرَاهِيمَ رَبُّهُ بِكَلِمَاتٍ فَأَتَمَّهُنَّ قَالَ إِنِّي جَاعِلُكَ لِلنَّاسِ إِمَامًا قَالَ وَمِن ذُرِّيَّتِي قَالَ لاَ يَنَالُ عَهْدِي الظَّالِمِينَ"
    "وَلَمَّا رَجَعَ مُوسَى إِلَى قَوْمِهِ غَضْبَانَ أَسِفًا قَالَ بِئْسَمَا خَلَفْتُمُونِي مِن بَعْدِيَ أَعَجِلْتُمْ أَمْرَ رَبِّكُمْ وَأَلْقَى الألْوَاحَ وَأَخَذَ بِرَأْسِ أَخِيهِ يَجُرُّهُ إِلَيْهِ قَالَ ابْنَ أُمَّ إِنَّ الْقَوْمَ اسْتَضْعَفُونِي وَكَادُواْ يَقْتُلُونَنِي فَلاَ تُشْمِتْ بِيَ الأعْدَاء وَلاَ تَجْعَلْنِي مَعَ الْقَوْمِ الظَّالِمِينَ"

    -11 أكثر شيء سيء بتعمله برمضان هيك موقف بتكرر و نفسك تتخلص منه ؟؟
    عدم انتظام النوم، وقلة التركيز احياناً
    -12 شو هي الظواهر الإيجابية والسلبية يلي بمجتمعك أو بعيلتك بتظهر بهذا الشهر الفضيل ؟؟
    الايجابية هي كثرة التواصل والاهتمام، والسلبية فيها هي ازدياد العصبية وعدم النظام
    -13ما هي المتعة الروحية الخاصة التي تشعر بها أثناء الصيام ؟
    الجوع؛ لأنه ليس جوعاً وإنما التزام لتحقيق أمر أراده الله وتعظيمٌ لشعائر الله
    -14 هل تحافظ على صلاة التراويح يومياً .. بالمسجد ولا بالبيت ؟
    ليس يومياً وقد تكون في البيت أو المسجد
    -15 أول شي بتعمله بس تكمل فطور ؟؟
    عادةً ما أشغل اللابتوب ويكون المنتدى كم أوائل المواقع التي امر بها، وطبعاً الايميل الخاص بي...أكل القطايف وشرب العصير
    16 -احلى أكله بتحب تاكلها برمضان ؟؟
    ما في شيء على وجه الخصوص بس يمكن "كبسة"
    17 -احكيلنا شو بتعمل بيومك بالتفصيل ازا ممكن ؟
    أصحو إذا نمت، وأغادر للعمل الساعة الثامنة لأصل قبل العاشرة للعمل وحتى المساء لأعود البيت الخامسة وأقوم ببعض الأعمال البيتية أو النوم حتى ما قبل الأذان بوقت يسير ثم بعد الإفطار أقوم للصلاة والجلوس أو النوم، قد أصلي التراويح في المسجد أو النوم لأصحو ليلا وحتى أذان الفجرن وقراءة القرآن تكون في أي وقت وغالباً قبل الإفطار.
    -18 أكتر موقف محرج مر معك برمضان ..!!
    لا أذكر
    19 -أكتر موقف مضحك ..!!
    لا أذكر
    -20 أكثر موقف مؤثر ..!!
    طاعنٌ في السن يقوده طفل وبدا يستجدي الناس المال. لم أعلم كيف أعطيه دون أن يعلم الطفل!...أعانني الله ونجحت والحمد لله
    -21 هلا سؤال خاص للمدخنين .. بس يجي ببالك دخن شو بتعمل
    لا أدخن على الإطلاق
    -22 سؤال خاص لعشاق الارجيله انو اول بجهز قبل الآذان الأرجيله و لا المي ؟؟
    لا أعرف لها طعماً على الإطلاق
    -23 فرجينا على شو رح تعزم الأعضاء ..!!! مقبلات وطبق رئيسي و شرب و حلويات و ارجيله ودخان لشباب ؟؟
    المقبلات سلطة خضار مع ذره طبعاً،الطبق الرئيس كبسة،الشراب تانج مركز وتمر هندي وقمرالدين، الحلويات قطايف وسمبوسة، طبعاً ما في دخان ولا أرجيلة وكُل واحد على دارُه.
    -24 شو هو الشعور يلي بتحسه بس تدخل المنتدى برمضان ؟؟ يتغير عليك شي او عادي ؟؟
    رغبة في اللقاء مختلفة عن السنة كلها ، وكذلك رؤية الستايل
    -25 أمنية خاصة لالك .. أمنية عامة
    أن ألتقي بعينيها
    -26 هديه منك لكل الأعضاء شو رح تهدينا
    جاهز لأي طلب خاص، وأفكر حين ألقى بعضاً من ذكريات على ورق، أن أبثها لكم هنا في هذه الزاوية أو غيرها ولا أعدكم.
    وليس أفضل من إهدائكم آيات من كتاب الله وأطلبكم جميعاً أن تقرأوا الفاتحة مع انتهاء السطر.
    أتمنى لكم التوفيق وان نلتقي بعد عقودٍ هنا إن شاء الله.
    31430_1158495290.jpg
    -27 دعوة من الأعماق لـمن ..!! وما هي ..!!
    للقدس،،،
    فَكَّ الله أسرك،
    وجعلني ممن يستشهد في سبيل الله فيكَ ولك

    .
    سيدتي دموع الغصون،
    أشكر لك هذه الاستضافة
    حماكِ الله ووفقك
    وندعو يوماً نرى فيه
    "ضحكات الغصون"
    .
    في أمان الله
    .
    التعديل الأخير تم بواسطة قلعتي أبدية ; 08-01-2012 الساعة 03:31 PM سبب آخر: خاص1

  5. #15
    المديرة العامة
    تــايــكـــي
    الصورة الرمزية دموع الغصون
    تاريخ التسجيل
    Mar 2011
    الدولة
    وطن يسكنني
    المشاركات
    20,909

    افتراضي رد: جلسات رمضانية

    قلعتي أبدية
    كالعاة تضفي حروفك عطر لا يوصف و عبق مرتبط فقط بروحك
    عشنا معك اجواء رمضانية بحته بجمال التفاصيل وروعة العادات
    اجواء روحانيه تتمازج مع براءة الطفولة و روح الكلمات
    انبسطت كتير باجاباتك واستمتعت وانا بقرأهم
    بشكرك شكر كبير كتير على المشاركة
    بتمنى انت تكون كمان انبسطت و استمتعت واسترجعت ذكريات جميلة
    لروحك باقات من القرنفل

  6. #16
    المديرة العامة
    تــايــكـــي
    الصورة الرمزية دموع الغصون
    تاريخ التسجيل
    Mar 2011
    الدولة
    وطن يسكنني
    المشاركات
    20,909

    افتراضي رد: جلسات رمضانية

    الدعوة الآن لــ


    صديقة بنت شديفات



    ننتظركِ

  7. #17
    صديقه بنت الشديفات
    زائر

    افتراضي رد: جلسات رمضانية

    " الطفولة "
    1- كم كان عمرك بـ أول رمضان صمت فيه .. وكم يوم صمت .. ؟؟
    كان عمري 6 سنوات اكمن يوم مو كثير ،،

    2- شو كان يعنيلك رمضان بالطفولة ؟ بشو مرتبط بموقف معين بأكله معينه ... ؟؟
    كانت اله نكهه غير ،، مرتبط عندي بـ بنت جيرانا كنت دائمآآ انا وهي لقبل الاذان

    3- اكتر فترة اطفال أو برنامج أطفال ولهلا مخزن بذاكرتك ومرتبط برمضان .. ؟؟
    مو متذكره

    4- أول مره سألت أهلك شو رمضان .. !! ليه بتصوموا ..!! مزكر شو جاوبكوا ؟؟
    سألتهم ،، حكولي انه هو شهر نصوم فيه عن الاكل والمعاصي ونتقرب لربنا اكثر ونزيد الطاعات ،،

    5- شو الطقس الخاص الموجود برمضان بزكرك بطفولتك ؟؟
    كل الاهل موجودين ،،

    6- اكله كنت تحبها برمضان ؟
    الكبه ،،

    7- اكتر لعبة كنت تلعبها برمضان ؟
    بيت بيوت

    8- اصدقاء كانو يشاركوك لحظاتك الخاصة برمضان ؟
    بنت جيرانا ،، لولو

    9- كيف كنت تستقبل العيد ؟
    العيد عالم آآخر كان بالنسبه الي كنت من الصبح ما ارجع على البيت ،، غير الملابس الجديدة والحلو والزيارات

    " الآن "
    1- ما هي الطقوس الروحية الخاصة بهذا الشهر ؟؟
    تكثيف العباده وقيام الليل ،،

    2- موقف يتكرر كل رمضان .. ما هو ؟؟
    الامتحانات ،، اختي تكون هون بأغلب ايام رمضان

    3- شو شعورك أول ما يبدأ برمضان و آخر يوم برمضان ؟؟
    شعور حلو لانه البركه تعم بكل مكان // لكن لما ينتهي شعور محزن

    4- مكان لازم تروحله برمضان ؟؟
    بيت جدتي

    5- برأيك اين تكمن الأجواء الرمضانية في مدفع الإفطار .. السحور .. الليالي الرمضانية ؟؟
    الفطور ،،

    6- أكثر عبادة بتتقرب لإلها وتكثر منها في رمضان
    قراءه القران والصلاه

    7- بكل صراحه لما تجوع شو بتعمل .. بتقرأ قرآن !! بتصلي !! بتنام !! بتطاوش !! بتعصب !! ؟؟
    اخر ثنتين //

    8- هل أنت ممن يهجرون القرآن ولا يتذكروه إلى بهذا الشهر ؟؟
    لا ،
    9- كم مره بتختم القرآن برمضان .. وبالعادة كل كم بتختم القرآن ؟؟
    مره واحده

    10 – أكثر آية بتستوقفك و بتأثر فيك ؟
    سوره الرعد كامله //

    11- أكثر شيء سيء بتعمله برمضان هيك موقف بتكرر و نفسك تتخلص منه ؟؟
    العصبيه ،،والزعل قبل الفطور

    12 – شو هي الظواهر الإيجابية والسلبية يلي بمجتمعك أو بعيلتك بتظهر بهذا الشهر الفضيل ؟؟
    صله الرحم ،، صلاه التراويح بالمسجد ،،

    13- ما هي المتعة الروحية الخاصة التي تشعر بها أثناء الصيام ؟
    التقرب من الله ،، والاخلاص بالعمل له

    14 – هل تحافظ على صلاة التراويح يومياً .. بالمسجد ولا بالبيت ؟
    الاغلب نعم ،، بالبيت ،،

    15 – أول شي بتعمله بس تكمل فطور ؟؟
    صلاه المغرب ،،

    16- احلى أكله بتحب تاكلها برمضان ؟؟
    منسف معه كبه //

    17- احكيلنا شو بتعمل بيومك بالتفصيل ازا ممكن ؟
    في هالمره اعمالي محدوده اطلع على الجامعه وارجع تقريبا على الثلاثه نبدا نحظر للفطور ،، وبعدها اسهر مع العيله او احكي مع صاحباتي
    ،،


    18- أكتر موقف محرج مر معك برمضان ..!!
    ما صار

    19 – أكتر موقف مضحك ..!!
    لحظه نتائج التوجيهي ماحدا اكل عنجد شي يضحك

    20- أكثر موقف مؤثر ..!!
    ليله القدر ،، اعشق تفاصيلها

    21- هلا سؤال خاص للمدخنين .. بس يجي ببالك دخن شو بتعمل
    اكيد مو الي

    22- سؤال خاص لعشاق الارجيله انو اول بجهز قبل الآذان الأرجيله و لا المي ؟؟
    كمان مو الي

    23 – فرجينا على شو رح تعزم الأعضاء ..!!! مقبلات وطبق رئيسي و شرب و حلويات و ارجيله ودخان لشباب ؟؟
    احم احم ،،
    اول شي شوربات ،، شوربه عدس لاني بحبها والي ما بوكل منها هو حر
    مقبلات عندي فقط لا غير متبل ،
    تمر هندي ،، وكنافه بما اني عازمكو يعني
    اما الطبق الرئيسي اوزي ومعها كبه وسلطه
    دخان ما حدا يدخن عنا شو بدكو اموت


    24- شو هو الشعور يلي بتحسه بس تدخل المنتدى برمضان ؟؟ يتغير عليك شي او عادي ؟؟
    لا ،، شعوري كان يتغير السنه الماضيه الصراحه شعرت عنجد انه في رمضان

    25- أمنية خاصة لالك .. أمنية عامة
    الي ،، انجح واجيب علامات منيحه انا وكل الطلاب ،،
    امنيه عامه يعم الامن والاستقرار على جميع البشر ،،


    26- هديه منك لكل الأعضاء شو رح تهدينا


    27- دعوة من الأعماق لـمن ..!! وما هي ..!!
    لوالدي ومن احب ،، احفظهم يا رب من كل مكروه ورضا عنهم و وفقهم لما تحب وترضا ،،

    شكرآآ لكـ دموع ،،

  8. #18
    المديرة العامة
    تــايــكـــي
    الصورة الرمزية دموع الغصون
    تاريخ التسجيل
    Mar 2011
    الدولة
    وطن يسكنني
    المشاركات
    20,909

    افتراضي رد: جلسات رمضانية

    اجواء رمضانية ممميزة
    راق لي كثيرا تواجدك هنا و بوح روحكِ وحروفكِ
    عيشتينا اجوائك الرمضانية بكل تفاصيلها
    الله يتقبل منا الصيام والقيام
    يسلمو كتير صديقة على المشاركة
    بتمنى تكوني انبسطتي معنا متل ما نحنا انبسطنا بمشاركتك

  9. #19
    المديرة العامة
    تــايــكـــي
    الصورة الرمزية دموع الغصون
    تاريخ التسجيل
    Mar 2011
    الدولة
    وطن يسكنني
    المشاركات
    20,909

    افتراضي رد: جلسات رمضانية

    الدعوة الآن لـ



    هدوء عاصف



    ننتظر مشاركتك

  10. #20
    كبار الشخصيات
    سيد الحصن
    الصورة الرمزية هدوء عاصف
    تاريخ التسجيل
    Oct 2009
    الدولة
    الأردن
    العمر
    41
    المشاركات
    21,880

    افتراضي رد: جلسات رمضانية

    36 سؤال يا ظالمة ، والله تعب عالمجتمع هيك .. بس تكرم عينك رح اجاوب ، مش جميلة لا تفهميني غلط


    1- كم كان عمرك بـ أول رمضان صمت فيه .. وكم يوم صمت .. ؟؟
    6 سنوات .. بجوز صمت 10 ايام منه ، كان اياميها رمضان متل هالأيام بيجي بالصيف

    2- شو كان يعنيلك رمضان بالطفولة ؟ بشو مرتبط بموقف معين بأكله معينه ... ؟؟
    والله بدك الصحيح كنت استنى الوالد "الله يرحمه" لما يروح من التراويح لإنو كان يجيبلي شغلات زاكية دائماً ، ولما بتقولي طفولة اكيد من رح يكون "مجدرة او مقلوبة او كرشات" ، يعني اكلات الطفل شيبس وعصير وما شابه.

    3- اكتر فترة اطفال أو برنامج أطفال ولهلا مخزن بذاكرتك ومرتبط برمضان .. ؟؟
    ربما "السنافر" كان وقتها بنعرض لأول مرة ..

    4- أول مره سألت أهلك شو رمضان .. !! ليه بتصوموا ..!! مزكر شو جاوبكوا ؟؟
    مش متذكر ، يمكن ما سألتهم حتى بس حد علمي من وانا صغير وانا بعرف ليش الناس بتصوم ، ابو العُرّيف انا

    5- شو الطقس الخاص الموجود برمضان بزكرك بطفولتك ؟؟
    اجواء التراويح ووقت السحور.

    6- اكله كنت تحبها برمضان ؟
    من زمان ولليوم "العوامة".

    7- اكتر لعبة كنت تلعبها برمضان ؟
    بأول ايام الطفولة التزلّج "والتزلج عند الطفل الأردني هو ان يحضر الطفل شقفة خشبة او بلاستيك ويصعد بها الى اعلى "طلعة" بحارته ومن ثم يهبط بها حتى اسفل الطلوع بطريقة المتزلّج" ، طبعا كنا وقتها بالجوفة وكانت احلى مجازفة لما كنا نوصل لتحت ونقطع الشارع بسرعة فائقة وصولا لمجمع رغدان ، اسرع وسيلة للوصول الى المجمع بهداك الوقت ههههههه
    بآخر ايام الطفولة تطورت لأمور وانضبينا بالبيت وصرنا نلعب عالكمبيوتر ونلعب بالبلايستيشن..

    8- اصدقاء كانو يشاركوك لحظاتك الخاصة برمضان ؟
    كل الأصدقاء كانوا يشاركوني برمضان وبغير رمضان.

    9- كيف كنت تستقبل العيد ؟
    بالجديد اكيد


    " الآن "

    1- ما هي الطقوس الروحية الخاصة بهذا الشهر ؟؟

    الإكثار من قراءة القرآن ، وطبعاً تقليل طق الحنك مع البنات لا بمزح

    2- موقف يتكرر كل رمضان .. ما هو ؟؟
    معي ولا مع غيري؟
    معي :: لا بد انو بيوم من ايام رمضان اصحى على اساس بدي اتسحر وما اصحى الا وهو بحكي "الصلاة خير من النوم" ويا سبحان الله بهداك اليوم وعلى غير العادة لازم اكون ميت عطش ، وع فكرة صارت قبل كم يوم.
    مع غيري :: "بالله يا شيخ البخاخ بفطّر ولا لأ؟؟؟؟؟؟"

    3- شو شعورك أول ما يبدأ برمضان و آخر يوم برمضان ؟؟
    بأول يوم بحس بأجواؤه ، وبحس انو لازم اجتهد بهالشهر لتعويض التقصير يلي صار على مدار العام ، بنهاية الشهر بحس حالي انو كان لازم عملت اكتر واني مقصر ، جد رمضان بمضي بسرعة!

    4- مكان لازم تروحله برمضان ؟؟
    المقبرة.

    5- برأيك اين تكمن الأجواء الرمضانية في مدفع الإفطار .. السحور .. الليالي الرمضانية ؟؟
    السحور اكتر شيء ..

    6- أكثر عبادة بتتقرب لإلها وتكثر منها في رمضان
    قراءة القرآن ..

    7- بكل صراحه لما تجوع شو بتعمل .. بتقرأ قرآن !! بتصلي !! بتنام !! بتطاوش !! بتعصب !! ؟؟
    لأ بشغل التلفزيون وبنزل تقليب بهالمحطات ، اذا ما جابت نتيجة بعبي سطل مي وبطلع اسقي بالزريعة ع باب البيت

    8- هل أنت ممن يهجرون القرآن ولا يتذكروه إلى بهذا الشهر ؟؟
    الحمدلله خلال العام بقرأ القرآن لكن ليس كما يجب ، الحمدلله اني مش من اللي بهجروا القرآن.

    9- كم مره بتختم القرآن برمضان .. وبالعادة كل كم بتختم القرآن ؟؟
    بالعادة 3 مرات ، وحتى الآن صرت مرتين ... الحمدلله

    10 – أكثر آية بتستوقفك و بتأثر فيك ؟
    هي اكتر سورة مش آية .. وهي سورة الإسراء

    11- أكثر شيء سيء بتعمله برمضان هيك موقف بتكرر و نفسك تتخلص منه ؟؟
    انو اول الشهر بكون ملتزم كتير وبآخره بصير ملتزم شوي .. اشي مزعج الصراحة .

    12 – شو هي الظواهر الإيجابية والسلبية يلي بمجتمعك أو بعيلتك بتظهر بهذا الشهر الفضيل ؟؟
    ايجابية :: الإكثار من الصلوات بالبيت وبالمساجد ، بتعطي أجواء ايمانية خاصة ..
    السلبيات :: عصبية الناس واستغلال التجار للناس وكتير شغلات.

    13- ما هي المتعة الروحية الخاصة التي تشعر بها أثناء الصيام ؟
    بحس اني كتير كسبان بالصيام لإنو من اكتر العبادات اللى ربنا بكافيء فيها عباده.

    14 – هل تحافظ على صلاة التراويح يومياً .. بالمسجد ولا بالبيت ؟
    بالمسجد والحمدلله والسنة الله بعتلنا امام بمسجد صدام بصلي التراويح من العشا والوتر بنص ساعة ، هاد شامل الضريبة والمقبّلات كمان D:

    15 – أول شي بتعمله بس تكمل فطور ؟؟
    بقعدلك عالبلكونة وبمسكلك قنينة التمر الهندي وبنزل فيها

    16- احلى أكله بتحب تاكلها برمضان ؟؟
    المقلوبة .. برمضان وغير رمضان.

    17- احكيلنا شو بتعمل بيومك بالتفصيل ازا ممكن ؟
    ببلش يومي الساعة 3.30 الفجر بتسحر وبعدها بصلي الفجر وبطلع ع دوامي
    بوصل مشروع الدوار السادس الساعة 6.30 او 7 وهو موعد بدء الدوام ، وسريعا سريعا بتصير الدنيا الظهر فيه استراحة ساعة بنصلي وبنقعد ننكّت انا والشباب وبعدها بنرجع بنكمل للساعة 2.30 وهو موعد نهاية الدوام وبعدها بروح وبوصل البيت ع4 العصر بضرب دش وبصلي العصر وبقرأ قرآن وبعدعا يا بنام يا بتصفح النت يا بطلع برة اتفقد الشجرات والبندورات والفلفلات والورد والدوالي وبنكش وبسقي لقبل الاذان ، بدخل وبساعد المدام بتحضير السفرة وبنقعد نستنى أذان المغرب ، بعد الفطور بصلي المغرب وبحضر مسلسل "فرقة ناجي عطالله" للساعة 9 بقوم بتوضا وبروح للتراويح وبرجع عال9.45 او 10.00 وبتكون الخيارات المتاحة اما ارجيلة عالبلكونة او طلعة مع المدام او اكلة قطايف ، المهم عالـ 11 بحضر "الولادة من الخاصرة" على ابو ظبي1 وبعدها بروح انام عالـ 12 ..

    18- أكتر موقف محرج مر معك برمضان ..!!
    انا باخد معي عالشركة قنينة مية صحة مشان بين كل فترة وفترة اتمضمض لإنو الجو حر وانتي بتعرفي الوضع ، وكمان ما فيه بالمشروع مي نظيفة ، فمرة وانا ماسك القنينة ورافعها زي اللي بدي اشرب ولا مديري فايت علي وعاد زي اللي مسك علي ممسك "وعلى شو نازل فينا مواعظ؟؟؟" موقف محرج وبحسسك قديش انك مظلومة بهالحياة

    19 – أكتر موقف مضحك ..!!
    لما زوجتي "تجوع" .. يا الله شو بتصير هادية ههههههه ، نيالي وقتها انا

    20- أكثر موقف مؤثر ..!!
    لما اشوف العمال بشتغلوا وهن صايمين

    21- هلا سؤال خاص للمدخنين .. بس يجي ببالك دخن شو بتعمل
    ما بيجي ببالي الدخان وانا صايم مستحيل

    22- سؤال خاص لعشاق الارجيله انو اول بجهز قبل الآذان الأرجيله و لا المي ؟؟
    المي طبعاً .. هبل اللي يهبله اللي بفكر بالأرجيلة قبل اي اشي

    23 – فرجينا على شو رح تعزم الأعضاء ..!!! مقبلات وطبق رئيسي و شرب و حلويات و ارجيله ودخان لشباب ؟؟
    اوك جينا للإشي اللي هو ..
    بعزمكم على ورق دوالي وكوسا ، كطبق رئيسي ، ومقبلاته كالتالي :: كبة شامية ، سلطات ، فتّوش ، شوش برك .
    المشروبات :: مي هههههه ، عصائر ، تمر هندي
    الحلويات :: قطايف بأنواعها وعوامة
    ارجيلة على معسل تفاحتين "فخفخينا او ملوكي كل واحد وحسب خبرته"

    وبنضل مقصرين معكم


    24- شو هو الشعور يلي بتحسه بس تدخل المنتدى برمضان ؟؟ يتغير عليك شي او عادي ؟؟
    آه بتغير .. يمكن زمان كان اله اجواء اجمل من هالايام ، ما بعرف ليش ، يمكن كانت اللمة اجمل ..

    25- أمنية خاصة لالك .. أمنية عامة
    ينقلع بشار الكلب ويموت طخ او شنق ..

    26- هديه منك لكل الأعضاء شو رح تهدينا
    للشباب :: بهديكم مسابح وسجاجيد للصلاة .. عسى ان تذكركم.
    للبنات :: لكل وحدة حجاب وعباءة ، مشان تتذكر انها بالحجاب اجمل واروع.

    27- دعوة من الأعماق لـمن ..!! وما هي ..!!
    دعواتي لكم اعضاء منتديات الحصن ربي لا يحرمني منكم ونضل سوا على طول وما نفقد حد منكم لا قريباً ولا آجلاً ..



    كل الشكر "دموع الغصون" على اتاحة الفرصة لإلي للمشاركة بهالموضوع الرائع .. حبي واحترامي للجميع

صفحة 2 من 5 الأولىالأولى 1234 ... الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. كريكاتيرات رمضانية
    بواسطة عُبادة في المنتدى منتدى الصور
    مشاركات: 54
    آخر مشاركة: 08-24-2009, 10:05 PM
  2. مفارقات رمضانية
    بواسطة أميرة قوس النصر في المنتدى الحانة
    مشاركات: 2
    آخر مشاركة: 08-24-2009, 06:35 AM
  3. استشارات رمضانية
    بواسطة ashrafwater في المنتدى منتدى رمضان شهر الذكر والقرآن
    مشاركات: 2
    آخر مشاركة: 09-15-2008, 04:40 PM
  4. طرائف رمضانية
    بواسطة ashrafwater في المنتدى منتدى الصور
    مشاركات: 3
    آخر مشاركة: 09-15-2008, 03:13 PM
  5. سواليف رمضانية ..!!
    بواسطة بنت الاردن في المنتدى كلام الناس
    مشاركات: 2
    آخر مشاركة: 07-30-2008, 10:30 AM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •