آخـــر الـــمـــشـــاركــــات

دردشة وتعليله وسواليف.. » آخر مشاركة: عاشق الحصن بريد الاعضاء » آخر مشاركة: محمد العزام اهلا بكم ..رمضان كريم » آخر مشاركة: حسان القضاة شو عم تسمع هلا » آخر مشاركة: حسان القضاة ما هو سبب تواجدك في المنتدى والى اي حدّ يستمر او ينتهي إنتسابك له ؟ » آخر مشاركة: قلعتي أبدية مرحبا » آخر مشاركة: محمد العزام " أميــــرةُ قـوسِ النَّصـــــر" » آخر مشاركة: قلعتي أبدية ~ إبريـــــــــــــــــل ~ » آخر مشاركة: حسان القضاة اسئلة مهمة بالفوتوشوب في المطابع 2019 » آخر مشاركة: المصمم يزن جبريل صاحب المركز الاول فى مجال تنزيل الملفات كامل مدي الحياة IDM 6.32 » آخر مشاركة: siiin همسات وأشوق » آخر مشاركة: حسان القضاة ""أيلـول""... » آخر مشاركة: قلعتي أبدية تبليغ عن رسالة زائر بواسطة راشد مرشد » آخر مشاركة: أميرة قوس النصر اشتقنالكم » آخر مشاركة: Mahmoud Zaben تُراهات ما قبل النوم ... » آخر مشاركة: قلعتي أبدية شو مزاجك اليوم... » آخر مشاركة: قلعتي أبدية قبول بلاغ عطل ثلاجات كلفينيتور 01092279973 & 0235700997 وكيل كلفينيتور (م .الجديدة) » آخر مشاركة: الوكيل1 قبول بلاغ عطل ثلاجات هوفر 01154008110 & 0235699066 وكيل هوفر (م.6اكتوبر) » آخر مشاركة: الوكيل1 قبول بلاغ عطل ثلاجات جنرال اليكتريك 01207619993 & 0235700997 وكيل جنرال اليكتريك (الز » آخر مشاركة: الوكيل1 قبول بلاغ عطل ثلاجات كاندى 0122026130 & 0235682820 وكيل كاندى (الهرم) » آخر مشاركة: الوكيل1
النتائج 1 إلى 5 من 5

الموضوع: ثرثرة حروف وفشة خلق

  1. #1
    المديرة العامة
    تــايــكـــي
    الصورة الرمزية دموع الغصون
    تاريخ التسجيل
    Mar 2011
    الدولة
    وطن يسكنني
    المشاركات
    20,909

    افتراضي ثرثرة حروف وفشة خلق


    شباب الأمة
    كثيراً نسمع هذه الأيام بمطالبة بالتغيير ..
    مطالبة بالإصلاح ..
    مطالبة بالتطوير ..
    هنا وِقفة بين نفسي وبين قلمي و بين مجموعة افتراضيات من مجتمعنا الصغير ..
    من عالمنا ..
    من ملاحظتي لعدة أمثلة حية ..
    من استفسارات ومشورات و أخذ الرأي ..


    وِقفه أقرب ما تكون لنظرة تأمل تحليل لواقعنا
    من منظوري الخاص ..
    قد تصيب هذه النظرة و قد تخيب بعيون البعض – حتى لو خابت هي تمثل فئة من مجتمعنا لا يمكن نكرانها أو التغاضي عنها -
    لا يهم الآن الأهم أن نتفق بأن هناك نظرة ...


    الشباب اليوم ..

    يتغنى بفلسفة الكلمات وعزف أجمل الألحان والتغني بالأخلاق العالية والمثاليات البنائه و مدح الذات و طرح مثال – صار معه / معها – ليوثق لعبة الكلمات

    كلنا يطالب و كلنا يذم وكلنا يمدح وكلنا يدّعي بأننا الأفضل ..
    عند طرح موضوع للنقاش تتهلهل علينا المقترحات لحل حلقة قد تكون بحاجة إلى – شدّ –
    عند النزول إلى الشارع نرى الكثير يحارب الواقع لكن - ماسك السيف بالعكس – يحارب نفسه بسيفه بأفكاره بمعتقداته بنظرته للحياة
    يجلد ذاته ويطعن مبادئه ويغتال أخلاقه
    بغباء .. بعنجهية .. بفتور .. بلا مبالاة ..


    لما الشباب يطالب بإصلاح وتغيير
    لما يطالب بحقوقه
    لما يرفع شعارات
    لما يرفع صواته ويحكي لا
    لا شو..!! ولا لماذا ..!!
    نفكر بالعقل و شوي شوي أنت عم بطبق شعاراتك ..؟؟!!
    أنت عم تسمع لصوتك وصرخاتك ..؟؟!!
    أنت عاطي واجباتك لتطالب بحقوقك ..؟؟!!
    أنت شو قدمت لغيرك لحتى تنتظر من غيرك مقابل ..؟؟!!
    أنت شو بنيت و شو عمرت بهالبلد لحتى تطالب باصلاح و تغيير..؟؟!!


    أنت عم تهدم ماعم ترمّم
    المفروض نحنا ما نرمّم .. !!ولا نطالب ببناء المفروض..!! ؛ نحنا نكمل بناء .. نحنا نحمل لواء الأجداد ونوثق عهد الأباء و نمضي لنسلم الرآية للأبناء ..


    أفكارنا .. أعمالنا .. أهدافنا .. أولوياتنا ..
    المفروض نكون واقعيين مع أنفسنا حتى نكون واقعيين مع أسرتنا مجتمعنا واقعنا
    ما ينطبق على الشباب والواقع

    رح احكي العكس انا عممت و هلا رح خصص والشاطر يفهم هي ثرثرة حروف وفشة خلق

    يا ابو الشباب يا باني أمجاد الأمة ، يا بنت يا أنثى يا نصف المجتمع يا مربية الأجيال

    انتو التنين مع بعض بتتسمو المستقبل ..
    فيكو بكون الأمل و منكو بستمد الوطن العزيمة ..



    تعالو نحكي حكي دواوين – حكي الشارع -
    يا ابو الشباب يا معذب قلوب العذارى كنت واقف هيك زهقان الدنيا هكلان هم باكيت الدخان خلص ؛ كيف رح تجيب باكيت تاني!! و هكلان هم الدين والموبايل و طلعتك مع الشباب بتكون غرقان بين همومك فجأه بتزلزل الارض بتبطل متوازن لما تشوف مزه قدامك بتنسى حالك و بتنسى كل همومك وبتبدأ برحلة البحث العلمي كيف بدك تزبط هالمزه وتصير حصتك وبتلبش تخفف دمك و تخترع أفضل الآساليب و بتبلش تعيد النشيد تاعك يلي بتحكيله لكل بنت – الله لا يشبعك بتكون رقم ∞ -
    طبعاً هاد النشيد ما بكون copy & paste لا ..!!!!لازم كل بنت زبطتها تترك اثر بأسلوبك وتستعين فيها بكم كلمه ومصطلح جدد ولو لتكون cool وتواكب العصر .


    نجي للبنت نشوف شو مالها ..!!!
    البنت يا ويلي شو هي البنت مزه من الآخر بتكون مطاوشه مع أمها أربع مرات على الطلعه و امها مطاوشه ابوها واخوها خلي البنت تطلع هي بدها تضل مخنوقه بالبيت خليها تعيش حياتها – البنت بتكون ورى باب الصاله عم تسمع هاد الموشح وعم تتذكر ظلم الحياة وقسوتها و خيانة الحبيب السابق و عم تتتغنى على الآطلال و تهجي جنس آدم وترثي حياتها و تنتظر آدم بحلة جديد تخليها تغيّر فكرتها عن جنس آدم بالمختصر new look -
    هي وين رايحه هيها هون
    هاد لو ابوها عرف عن الطلعه
    بتروح البنت بتكمل كل شغل البيت بكير و بتبلش رحلة البحث عن اجدد لبسه عندها ساعتين على المرايه واربعه وهيه تطاوش مع كركبة الغرفه لتلاقي اكسسواراتها وموبايلها وبتطلع
    رحلة العمر بس مو مع دالاس مع أبو الشباب


    هلا لحظة اللقاء الرومنسي – وما ينطبق على المجتمع ينطبق على مواقع التواصل الاجتماعي و الموبايل و المسن و الشات ... الخ -

    لما يبلش ابو الشباب بنشيد تاعه هي بتتقل ويمكن ما تتقل يعني هون بتلعب حسب الوتر- يمكن هي تبلش بالنشيد مو مهم مين ينشد المهم انه موجود – في ببداية الحكي نشيد

    وبعد لحظات التزبيط الأولى التي لا تتجاوز بعض الأجزاء من الثانيه
    بتلبش هي دخيل رموشها شو حلوين خجلانه البنت وهو ببلش فارد عضلاته ورافع كتافه – كتاكيت حب لسا أول تجربة الهم عدنان ولينا -
    وببدأ الحديث الحلو.. شو شدك لالي .. بفكر فيك ليل نهار .. أنت غير عن الكل .. أنت رجعتلي الثقه .. أنت أحلى شي بحياتي .. ليه أنا دون الكل – مو مهم مين بحكي المهم الحكي هو نفسه شب بنت بداورو عليه –

    First step مو ظروري من مين
    وصلنا لزمن السرعه والتكنولوجيا خلص بكير يا معلم
    أول ما يعرفو اسماء بعض بنسوها بستبدلوها بدلع وإذا كانو مزبطين وضعهم بلا دلع بلا هم
    بنزلو غزل وتعداد باجهزة الجسم كامله من هظمي لعصبي لتنفسي ... الخ
    هون الرخصنه على أصولها
    لما تكون البنت حصتك أو مزتك حتى لو كانت الخسه
    ياعمي اثقل شوي وانتِ يا مستوره اثقلي شوي
    لو فيكو الخير و رح يثمر اللقاء بينكوما بكون هيك استعراض للكلمات

    .
    .

    أساس أي وجود على الكرة الأرضية إطار بجمّل العلاقة بزيد من رونقها ولمعانها وما بتكمل الا فيها
    هاد الاطار الاحترام
    الاحترام بزمنا شبه مفقود


    .
    .


    كيف وليه
    هلا أبو الشباب لما بده يزبط المزه المفروض يحترم حاله ويحترم اهله وشرفه وعرضه
    والبنت لما بدها تركض ورى ابو الشباب وتحلم فيه ليل نهار تتقي الله بحالها و بأهلها
    وانتو التنين اتقو الله بمجتمعنا
    حرام عليكو ما خليتو شي ما شوهتو معناه

    باسم الحب شوهتوا كل المفاهيم
    كل شي بتعملوه تحت مسمى الحب
    الوطنيه شوهتوا معناها
    الانتماء بطلتوا تعرفوه
    الأنوثة و الرجوله بطلتوا تعرفوها
    نظرتكو للحياة نظرة .... - خليني ساكته احسن –


    يا أبو اصلاح يا أم اصلاح – مين اصلاح هو ثمرة هالحب -
    شو الاصلاح يلي بدك ياه ..؟؟!!
    شو التغيير يلي بدك ياه ..؟؟!!
    شو الشعارات يلي بدك ياها ..؟؟!!
    شو مقدم لتاخد ..؟؟!!
    شو عارف عن بلدك ..؟؟!!
    شو عارف عن عاداتك وتقاليدك ..؟؟!!
    شو عارف عن تاريخك ..؟؟!!
    السؤال الاهم ..
    شو عارف عن دينك ..؟؟!!

    يا محجبه يا ملتزمه يا تقيه يا نقيه يا عفيفه شككتيني انه فاطمه بنت الرسول –صلّ الله عليه وسلم – ماتت
    يا تقي يا حفيد عُمر يا شجاعة صلاح الدين يا سقراط زمانك يا لقمان عصرك


    أنتو وين ..؟؟!!
    متى رح تصحو ..؟؟!!
    ما تحكيلي انا نظلمت بحياتي ..
    الحياة ضدي ..
    الظروف صعبه أقوى من كل شي
    يلي مر علي ما مر على غيري
    بكفي هيك حجج – حجة المفلس هي –
    كل سوالفكوا سوالف حصيدة

    ثرثرة حروف و فشة خلق
    28 / 8 / 2012
    11.30 PM

  2. #2
    كبار الشخصيات الصورة الرمزية الوردة الاردنية
    تاريخ التسجيل
    Feb 2011
    الدولة
    الاردن
    المشاركات
    3,260

    افتراضي رد: ثرثرة حروف وفشة خلق



    كثيراً ما أرى خصوصا على موقع الفيس بوك تَذمراً من العرب ومقارنات غير مُنصفة تُظهر مدى جهل العَرب ونَعتهم بالتخلف والرجعية وإظهار الغرب بعقلية ناضجة وكأنّهم ملائكة !
    ما أراه بنظري أنّ الغرب ليسو أفضل منّا ! ولكنْ الفرق بيننا وبينهم أنّهم لا يَنتظرون الغلط لَ بعضهم ويشهرون به لِ يُبينوا جَهلهم أو أخطائهم !
    هُم لا يملكون سوى المال لكن حقيقةً أكثر نسبة طلاق وانتحآر ونفسيآت " محمضة " تجدهم بالغرب ! لأنّ الجوّ الذي يمتلكونه يُسبب الإكتئاب وهم لا يُحبون الإرتباط بأسرة فتراهم يبتعدون عن أمّهم " بحجة القانون " في أكثر سن يحتاجون أن يكونوا وسط عائله فيه ناهيكَ عن المشآكل الطآئفية والعصآبآت ، حتى لا يستطيع الانسان أن يأمن على نفسه لشراء حاجياته ! وأيضاً اكثر واقوى الدول الغربية هي مُعادية للاسلام وُمحاربة للحجاب والجلباب وقامعة لمن يقيمون فيها لهم ، ومع هذا نقف نصفق لهم بِ سذاجة !
    يملكون المآل والمظآهر والدولة الجميلة والنظيفة ولكنْ يفتقدون لِ سلام دآخلي وهو الاسلام ! ليسو أفضل منّا الا بشيء يزول من كل الانسان وهو المال !
    حسناً تصافينآ ... لذا اذا كان هناك 10% من العرب جاهلون رجعيون لا يستحقون لقب العرب
    لا يسعنا ان نَحرم ال 90% في دائرة الرجعية والتخلف والجهل والكُره والحقد !!
    عندما نعتز بعروبيتنا حقاً ... سنكونْ قوماً راقياً !

    يسلمو كتير Mr_HelL على تصميم التوقيع

  3. #3
    المديرة العامة
    تــايــكـــي
    الصورة الرمزية دموع الغصون
    تاريخ التسجيل
    Mar 2011
    الدولة
    وطن يسكنني
    المشاركات
    20,909

    افتراضي رد: ثرثرة حروف وفشة خلق

    الوردة هلا مشاركتك كتير حلوه وبتحمل فكره ساميه لكن مو مناسبه لموضوعي
    انا ما عم قارن العرب بالغرب لكن الموضوع عم يحكي عن واقعنا
    عن رجعيتنا وتفكيرنا كشباب عن المطالبة بشي مو من حقنا
    عن تقصيرنا و اخطائنا انا ما بنكر انه في مجموعة ماسكه بالعروبه وبالاسلام الصح لكن ماينا ننكر او نتغاضى عن باقي الفئات
    بتمنى شوف تعليقك على الموضوع
    انبسطت كتير بمداخلتك

  4. #4
    كبار الشخصيات
    عضو مؤسس
    الصورة الرمزية محمد العزام
    تاريخ التسجيل
    Sep 2008
    الدولة
    الاردن
    العمر
    39
    المشاركات
    13,960

    افتراضي رد: ثرثرة حروف وفشة خلق

    تبعات المقارنة بين العرب والغرب ليست بدافع وليس هناك سبيل بالمقارنة بينا وبينهم ....لانه بالنهاية احنا الافضل بكل شيء



    بالنسبة لموضوعك دموع ...هالشي ملاحظ عليه وحلو تعبيرك بشكل عامي او بطريقة الحكي لانه ماقدرنا نوصل هالمفاهيم بلغتنا الفصحى يمكن لانه في ناس مابقدروا يستوعبوها من اول مايقراها

    نظرتنا عن الدين اللي طول عمرنا بنعتز فيه ونفتخر باننا تحت راية الاسلام الها اكثر من جانب واكثر من وجهة نظر

    لحتى نحترم دينا صح .... نتبع الكثير من الامور ومع هيك الدين يسر وليس بعسر ... بس في قواعد اساسية لازم نمشي عليها وهي نابعة من مبدا الاخلاق والعفة والطهارة لاي انسان ...فمثلا شو فايدة البنت المحجبة وهي من داخلها مابتحترم لادينها ولا عاداتها ولا حتى نظرة اهلها لالها والثقة اللي بينها وبينهم
    والعكس صحيح شو فايدة البنت اللي بتكون بغير اللبس المحجب ومن داخلها بنت بتحترم العادات والتقاليد ونظرة اهلها لالها بس مابتعرف هالبنت انها عبارة عن فتنة وبتمشي بالشارع بحيث اي شخص بيطلع عليها بينفتن بمحاسنها .....هاد من ناحية

    من ناحية ثانية ... نحكيها بشكل واضح ومفهوم لحتى الكل يستوعب هالفضفضة ....صراحة قمة الانحطاط وقمة الرذيلة وقمة السخرية بالنفس وقمة انعدام للاخلاق

    بالنسبة للبنت وبالنسبة للشب صراحة ماشوهوا اسم الحب ولكن شوهوا اسم الدين لانه لونظرنا لمسمى الحب بنلاحظ حتى فيه اختلاف عليه من ناحية حرام او حلال وبمجرد سماع الشب لصوت البنت او العكس فهو مكروه ومجرد ماجلس الشب مع البنت فهو حرام لان الاختلاط حرام بين الجنسين

    شو يعني حب وشو يعني اتعرف على شخص في حياتي واحكي واطلع معاه وانام على كلمة حياتي منه وهو ينام على كلمة حبيبي مني يافتاة الاسلام اتقي الله في شرفك وعرضك وكرامتك واتقي الله في اخلاقكك واتقي الله في نظرتك للحياة ...لاتدعي الشيطان يفقد عقلك ولاتدعي اي شخص يلعب بمشاعرك ولاتدعي الرذيلة منهج لحياتك
    حددي وجهة حياتك بالطريقة الصحيحة وابتعدي عن كل مايمس بسمعتك وشرفك لان الحياة لم تخلق لهذا السبب

    ايها الشاب اتقي الله ايضا في اهلك واتقي الله في امورك واتقي الله في بنات الناس

    ولو عرفنا نغير او حتى ننسى اسم الحب لانه هو الشغل الشاغل للفتاة او الشب بهالايام ...صرنا نفطر بقصص حب ونتغدا باسم الحب وبنام على اسم الحب وهو بالنهاية شي تافه .... نتطلع لامور اهم من هيك حياتنا الحاليه بدنا شباب واعي ومثقف بدها شباب قوي ومتين .... مش شباب بعيشوا قصص غدر وخيانة ومدمرين واللي منزلي صوره على الفيس وهو مدمر واللي بيحكي مع هاي وبيحكي مع الف غيرها وكلهن بيحكلهن بحبك وبموت فيكي ...ماشاء الله الاخ قلبه كبير وبيوسع لاكثر من شخص ...والبنت بالمثل ....فالجميع يتحمل المسؤولية بكل شي


  5. #5
    المديرة العامة
    تــايــكـــي
    الصورة الرمزية دموع الغصون
    تاريخ التسجيل
    Mar 2011
    الدولة
    وطن يسكنني
    المشاركات
    20,909

    افتراضي رد: ثرثرة حروف وفشة خلق

    مشكور محمد على التعليق والتعقيب
    لكن بنظري الحب أسمى من هذه العلاقات الحب الصادق الشريف الذي يخضع لقواعد ولمبادئ
    انا مو ضد الحب انا مع الحب لكن انا ضد هذه العلاقات التي تصنف من ضمن انواع الحب وباطر الحب
    المبدأ ليس بتحليل وتحريم الحب و العلاقات
    الموضوع هو عن ما يقدمه الشباب و ما ينتظره هل هو متكافئ هل هناك مقارنه
    خضوع الشباب لرغباتهم ونزواتهم تجاهل العادات والتقاليد والدين والمبادئ و أيضاً يتجاهل شعاراته التي يتغنى بها ليل نهار
    يتنسى كل شيء في لحظة قد تفقد المجتمع بأسره التوازن و الرقي والعطاء والمصداقية

    انبسطت كتير بمشاركتك محمد مع اختلاف الاسلوب لكن بالنهاية النتيجة والهدف واحد

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. حروف أسرتني
    بواسطة إن الله يراك في المنتدى الأعمال المنقولة
    مشاركات: 5
    آخر مشاركة: 03-27-2012, 03:51 PM
  2. خروف البخيل؟؟
    بواسطة HAWATMEH في المنتدى الحانة
    مشاركات: 6
    آخر مشاركة: 04-29-2010, 01:30 AM
  3. الحديد يرشح نفسة لمنصب نائب رئيس اتحاد الكرة
    بواسطة ادارة المنتدى في المنتدى الاخبار العاجله من وكالات الانباء الاردنية
    مشاركات: 0
    آخر مشاركة: 09-13-2009, 06:30 PM
  4. ثرثرة قلب
    بواسطة khaled aljonidee في المنتدى المنتدى العام
    مشاركات: 3
    آخر مشاركة: 08-17-2009, 10:02 PM
  5. من كان لديه غيرة على نفسة وديينة فيتعض
    بواسطة ابو نعيم في المنتدى المنتدى العام
    مشاركات: 0
    آخر مشاركة: 09-07-2008, 04:27 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •