مقاله بعنوان (سُفهاء يتحدثون في امور العامه )
اكتب لكم من مقتنيات تفكيري واتمنى ان اكون صريحا ..

اول اشي مين السفيه ؟؟

لو تطلعت بمجتعنا شوي وتأملت رح تلاقي شخصيات على مستوى قسم منهم ارائهم مهمه وعندهم نفوذ وقسم عندو شعبيه وبناقشو وبتحدثو بأمور العامه ..

بس اصعب اشي بالدنيا انك تكون منافق على الوجهين يعني واحد بحكي عن اضرار التدخين وهو بدخن لدرجة انه مش مقتنع بالكلام الي هو بحكيه

لمن يطلع واحد ويحكي عن الدين والعباده وينتقد بعض الناس واخر اشي هو ما بصلي ولا بصوم هذا ايش بدك تحكي عنو !

بس المشكله هون بالناس على فكره ,
لانهم بتابعو هؤلاء الاشخاص وبحيوهم على كلامهم وبوقرو شخصيتهم ...

مثلا وعلى سبيل المثال . الرقاصه الي بترقص بالملاهي الليليه : لو تطلعت حكت عن الاخلاق الحميده والمجتمع انت شو ردة فعلك هون ؟

من الاخر الي بدو ينتقد اي شئ لازم هو يكون منتظم ومش اعوج قبل لا يحكي ...

واحنا العرب مشكلتنا مشكله ,لانا بنشجع سفهاء انكر عروبتنا وقالو عنا عالم ثالث ,
سفهاء في العالم لا دين ولا اخلاق حميده, لا شرف ولا اخلاص ولا عهد ولا امانه,
سيماهم في وجوهم كفار كفااااااااااااار بطشو وافسدو وخربو وبالاخر احنا العرب بنصفقلهم ليش ما بعرف والله نفسي اعرف ,
واحد بيسأل احنا كيف بنصفقلهم ؟

انت لمن تعمل لايك على صفحة شكيرا وبهمك شو قالت وشو صرحت وايش رئيها بالعرب فانت صقفتلها علما انها سافها تتحدث بامور العامه ...

انت لمن تنشر صور واحد تافه مدقدق وحاط خاتم بخشمو وباذنيه معلق حلق ولابس سنسال ذهب وطول نهارو يحكي كلام وسخ بذيء وبيرقص مع بنات لا دين ولا عنوان واخر اشي بطلقوا عليه ( مطرب راب )
فهون انت لمن تنشر انو هذا الشب قال و صرح وتحدث فانت صقفتلو وهو سفيه يتحدث بامور العامه ..

واحد بيحكي عن فساد اخلاق الشباب والشابات في المجتمع على التلفزيون وهو مقضيها بالبارات ومع بنات الليل .
و واحد بقول انو في فساد كثير بالبلد بس لو اخذ منصب رح يوكل الاخضر واليابس .

واخر بقول ما النا غير الله في هالدنيا وهو ما بصلي .

وغيرو بقول نحن العرب لن نتنازل عن فلسطين وهو اصلا تنازل عن شخصيتو ودينو بتراهات الدنيا ...

وهناك ناس بتسمع وبصفق لهاؤلاء السفهاء وبتحس الناس هذوله مغمى عليهم بهالدنيا..

البعض ضد الفساد وهم فاسدين اصلا .

والبعض بيحكي عن بنات الناس وفضايح البنات ونسي اختو الطاهره بالبيت ..

يا اخي عبر بس خليك منطقي ,
اكذب بس لا تزودها ,
اكتب وانشر بس خلي عندك احساس ,
ناقش وانتقد بس بضمير ,


بختم هذا الكلام بقول النبي المصطفى اللهم صل على سيدنا محمد

(إن الله لا يُغير بقوما حتى يُغيروا ما بأنفسهم )
صدق رسول الله


سبحانك اللهم وبحمدك ، أشهد أن لا إله إلا أنت أستغفرك وأتوب إليك

سعودابوحنك