أبي العزيز ..بكتبلك هذه الرساله بعد غياب طويل واتمنى اني اكون مش مقصر ..
من سنة 1996 توقفت الحياه بينا وكنها الكره الارضيه بطلت تلف زي كل يوم وتغيرت حتى اشكالنا وصارت اسمائنا مختلفه عن اول و صارت بدون طعم
...
امي اختلفت معالمها وكبرة بالسن وبطلت قادره على حملنا بس احنى اليوم حاملينها وهي امي الوحيده الي ما تغيرت ومثل ما هي ..
صدق انو كل العالم تغير وتطور وامي مثل ما هي ..قلب ابيض وابتسامه رونقها المحبه ..حتى انا تغيرت وامي ما تغيرت ...
امي الوحيده الي ما عجبها المايكرويف ولا قشارة البطاطه وكل نسوان العالم فرحو بيهن

مش عارف كيف بدي اوصفلك ,الشتاء الي بطل شتا ولا الصيف صيف الضروف باتت غريبه والعالم كلو دخل ببعضو وما بتعرف مين مع مين ولا مين ضد مين ....والله بطلنا نعرف مين صادق ومين كذاب بالدنيا ...
......
والله يابه بعد ما رحت انت من هون والدنيا عجبت فينا وبطلنا قادرين واحنا لسه شباب وبطل فينا عزيمه واحنا لسه شباب .
.
كل شي تغير والخبز صار ينخبز بسرعه بس ما اله طعم وكل اشي صار غالي وبالعلالي..
...
وانا عارف يابه انو جرة الغاز كان بدينار وتسعين قرش مع الجلده على ايامك وانا عارف انو كان في كرسي بالباص اسمو كرسي ابو الشلن بس هذا كلو راح والوضع اوشك على الانتهاء....
.
...جيل اليوم غريب عجيب مش عارف كيف بدي اوصفلك اياه ..بتهاوشو وبتصادمو اكثر ما بيسلمو على بعض ..
ما بيصلو وبطقسو على البنات الا من رحم ربي .والي بصلوا بالجامع قلال كثير ..
حتى ملابسهم تغيرت (ذاكر البنطلون الي مره انمزع من عند الركبه ومنعتني اطلع اللعب فيه .
صدقني لو اطلع بيه هسا الناس بفكروني مشتري بنطلون جديد

وعلى فكره يابه ..( صدام حسين اعطاك عمره )
والملك حسين كمان الله يرحمه
...
انت عايش بداخلي يابه وانا ان شاءلله اني بصلي وبدعيلك بالرحمه لانو الرسول عليه الصلاة والسلام قال و ولدً صالحا يدعو لهُ واتمنى اني اسمع عنك كل خير
.....
بالرساله الجايه بحكيلك بتفاصيل الدنيا اكثر ...
ابنك المخلص دوما والى الابد ...
الله يرحمك ..
سعودابوحنك