دردشة وتعليله وسواليف..

[هدوء عاصف]

دخلت ... ورجعني هالمكان للأيام الجميلة ، ادفع اجمل ما حصلت عليه في حياتي مقابل اني ارجع لهديك الايام .. مر الزمن وتغيرت كتير شغلات ، وتغيرنا وكبرنا ، بس قلوبنا لسا مليانة حنين ولساتها صبية ، نفسي اشوف حدا منكم هون ، ارتمي بحضنه .. واشكيله ، واشكيله ، واحكيله عن هالدنيا شو عملت فيي ويحكيلي عن هالقاسية شو عملت فيه ، ايام ، بنصير ندور عن صديق ونتمنى لو ما خسرنا بحياتنا ايا صديق ...

[طوق الياسمين]

دخلت ... ورجعني هالمكان للأيام الجميلة ، ادفع اجمل ما حصلت عليه في حياتي مقابل اني ارجع لهديك الايام .. مر الزمن وتغيرت كتير شغلات ، وتغيرنا وكبرنا ، بس قلوبنا لسا مليانة حنين ولساتها صبية ، نفسي اشوف حدا منكم هون ، ارتمي بحضنه .. واشكيله ، واشكيله ، واحكيله عن هالدنيا شو عملت فيي ويحكيلي عن هالقاسية شو عملت فيه ، ايام ، بنصير ندور عن صديق ونتمنى لو ما خسرنا بحياتنا ايا صديق ...

ممممم الدنيا فانية اعمل لآخرتك مساؤك سعيد

[دموع الغصون]

رجعت لذكريات كتير, قرأت كتير مواضيع, اشتقت وحنيت وتعلمت
في ناس لسا ع تواصل معهم وناس كتير انقطعت أخبارهم
لو بالغلط حد شاف هالرد يحكيلي وين وصل بالدنيا

[هدوء عاصف]

دموع الغصون ...
هالمكان بالذات ، فيه ، ما بشوف الردود بالغلط ، بدخل عامداً متعمداً ومع سبق الإصرار لحتى اتطمن على اخبار أي حدا منكم ، بحمد الله انك انتي بالذات لسا موجودة بيناتنا ...
بالنسبة الي ، التغيرات الجذرية اللي صارت معي بالفترة الماضية كفيلة لأحكيلك انها الحياه لفت فيي 180 درجة تماما متل زاوية المنقلة ، أشياء للأفضل وأشياء الحمدلله قد تكون للأسوأ .. شتقتلكم

[دموع الغصون]

يا هلا هدوء منيح يلي بتدخل عامد متعمد لنطمن عليك .. حاول كتر منها هي الدخلات
الله يوفقك ويعطيك ليرضيك .. طبيعي بمراحل الحياة في الأسوأ وفي الأفضل ,, ومين ما بيشتاق لناس متلكم
اعطيني موجز باخر اخبارك

[هدوء عاصف]

تسلمي يا دموع الغصون كتير فرحت لما دخلت وشفت ردّك.
قبل سنتين تعرضت لإصابة بالغة بشغلي ، سقطت من على ارتفاع 6 امتار وهالإصابة عملت عندي تعطّل ونسبة عجز توقفت على اثرها عن شغلي ، كنت مفكر انو هالإشي سيء ودمرلي حياتي ، لإنو طبيعة شغلي كانت بالمشاريع الكبيرة ولازم اضل اتحرك واطلع وانزل ، الحمدلله الضمان والشركة اللي كنت فيها ما قصروا وحصلت على تعويض ممتاز يمكن ما اجمعه بـ10 سنين شغل ، شركة أبراج العرب اللي هي تابعة للمناصير شغلتني بعد فترة العلاج بشركة ضمن مجموعتها بشغل مكتبي كتير مريح ، اشتريت بيت بمدينة الشرق في الزرقاء ، سكنت فيه سنة وبعدها أجرت البيت واستأجرت في دابوق قريب جدا من مكان شغلي ، فإرتحت جداً حتى من ناحية الروحة للشغل ، لا زلت بمشي بصعوبة لكن اتعودت على النظام الجديد وما فيه أي معيقات الحمدلله ، اجتني بنت عاشت سنة وتوفت بسبب جرثومة ، وبرضو الحمدلله ، للآن ما عندي أطفال ، عايش حياتي وراضي باللي قسمه الي ربي ، يمكن اللي حصلت عليه كتيرين مش قادرين يحصلوا عليه ، فلشو التشاؤم ، وصدقيني اذا فيه اشي بفرحني بهالمرحلة فهو شوفتكم وسماع اخباركم
طمنيني انتي عنك شو صار معك بهالغيبة؟ نحكي مبروك؟

[دموع الغصون]

هدوء والله الحمد لله على السلامه ما على قلبك شر وبشر الصابرين وما شاء الله عليك انسان رائع وطموح جدا .. ان شاء الله الجاي احسن واحلى
مبسوطه بتواجدك هون كتير
اخباري اه باركلي الحمدلله كملت ماستر وبشتغل حاليا اموري تمام
ازا رح تكون موجود هون رح يكثر تواجدي

[هدوء عاصف]

يا ريته الف الف مبروك فرحتيني والله ، وانتي كمان انسانة ناجحة ومثال وقدوة لكتير شباب وبنات ، عقبال ما نحكيلك يا دكتورة ‎:-)‎
والله يا دموع الغصون بالنسبة الي رح اضل هون لحتى اشوف كمان وكمان من الأعضاء على الأقل نتطمن عليهم ‎<3‎

[دموع الغصون]

ان شاء الله يارب حاليا مأجله موضوع الدكتوراه
كون بخير

[هدوء عاصف]

شكراً دموع الغصون من زوقك ‎;-)‎