أنهيت الدراسة الجامعية؟ أسرد لنا تجربتك الدراسية وفرص العمل التي حصلت

[L A R A]

مرحبا بكم هنا
كثير من الأعضاء هنا هم من ذوي الشهادات الجامعية.
نعرف جميعاً أن هذه الشهادة لم تأتي عبثاً, أتت نتيجة تعب وسهر ليالِ,
ومواجهة مصاعب كثيرة خلال التعليم وبعدها,
فأطلب من كل منكم أن يسرد لنا:

المصاعب التي واجهته بعد التعليم الجامعي
فرص العمل التي أتيحت أمامه
كيف رضاه عن نفسه؟
هل شعر أن تعليمه الجامعي أفاده كما توقع منه قبل التعليم الجامعي؟
وكل ما يخطر ببالكم في هذا المجال..

اليكم ايها الخريجين , نتوجه , فعسى كلمة او جملة تغير مجرى حياة , او تأثر في نفس , او تشحذ همة ...
لا ريب , تعرضتم لمواقف شتى .. من مقابلات عمل , توبيخات عمل , اخطاء بالعمل , استغللت في وظيفتك ( كونك جديد يعني) , رضيت بالموجود والموجود ما رضي فيك ,
حصلت معك مشاكل في المقابلة الاولى ؟؟؟ , تفوهت بكلمة ندمت عليها مع مسؤولك ؟ ؟؟؟

اسردوا لنا ما حصل معكم ؟؟ او بالاحرى , يومياتكم !! فعسى تتشابه المواقف !!!

في انتظاركم !!

من يبدا؟؟

[احساس المطر]

شكرا l a r a موضوع مميز ويا ريت جميع الاعضاء يالي تخرجو يفيدونا فيه حتى نستفيد منهم

[Shift]

وانا بضم صوتي لصوتكم ..
ومنتظر اللي يدخل ويقول ..
بس علي ما أظن ان اغلب الموجودين اصلا طلبه يعني !!

[prince89]

السلام عليكم
احلى تحية لجميع طلاب كلية الحصن الجامعية الخريجين منهم و الطلاب

بداية هذه اول مشاركة لي بهذا المنتدى الرااااااائع
و اتمنى ان اكون صديق دائم لكل الاعضاء

انا خربج من كلية الحصن الجامعية تخصص محاسبة 2006

يعني صارلي اكتر من سنتين متخرج

بالنسبة للحياة بعد الجامعة و العمل ,, اش تاني و عالم آخر
انا بالنسبة الي الحياة العملية احلى بكتييييير من الدراسة و حمل الكتب و الامتحانات

نيجي لما بعد التخرج
اول شي بالنسبة للمحاسبة فالحمد لله سوقها ماشي و بتلاقي شغل فيها وين مكان , و ازا بتفتح الجريده راح تلاقي كتير
بالنسبة للشركات الاغلب ما بسألو عن الجامعة اللي متخرج مهما كانت خاصة او حكومة
بسالو عن المعدل و عن المواد اللي درستها و من هل الحكي
الصعوبات اللي بتواجه الطالب المتخرج هي
اولا انه يلاقي شركة ترضى فيه ,,,, اول ما تروح و يعرفو انك خريج ,,, بحملو اهلك جميلة و بحسسوك انك ما بتفهم بشي و انه الخبرة اهم شي و من هل الحكي
انا بصراحة كتيييييييييير تغلبت من هل الشغلة ,, لانه لازم تعرف الشركة انك خريج و بتفهم مو حاصل على شهادة و بس
الشركة اللي انا شغال فيها ,, عملتلي امتحان و شافت مستواي , مع العلم انه ما جبت علامة منيحة في الامتحان لكن كان عندي اساسيات قوية بتخصصي و كنت قوي بالرياضيات و الاكسل,,, و الحمد لله قبلوني بالشركة
المشكلة التانية بتواجه الخريج اللي هو الراااااااااااتب ,,, يعني بدك تقبل بالراتب القليل مشان توخد على جو الشغل و توخد خبرة و اذا كنت قد حالك توقع انه الشركة راح تزيد و تزبطك و مش راح تستغني عنك ,,, احكي هاي مشكلة بسيطة لانه اذا ما زادوك اعرف انك شطب او الشركة شطب واحد من الاثنين ,, بهيك حالة بتدور على شغل على البدري ..
بعد ما توخدلك كمن سنة خبرة بتصير طماع شوي و طبعا من حقك ,,, وقتها بتصير تدور على الشركة اللي بدك اياها و البلد اللي بدك اياه ومش بس هيك و بتصير تتشرط


على العموم اتمنى اني اكون اعطيت افادة للطلاب اللي متوقع تخرجهم و السنافر كمان

اهم شي الواحد يتعب على حاله و ما يطلع لا على كلية و لا على جامعة
انا بعرف 3 من اصحابي شغالين في بنوك من اول ما اتخرجوا و عادي الشغلة ما بتخوف

في النهاية
سبحانك اللهم و بحمدك اشهد ان لا اله الا انت نستغفرك و نتوب اليك

[محمد العزام]

السلام عليكم ورحمة الله وبركاته
شكرا للموضوع الجميل

انا اتخرجت من جامعة اليرموك علوم سياسية تقريبا صارلي 8 اشهر يعني هي فترة صغيرة لما الواحد يلاقي شغل عشان معروف انو الشغل من الصعب اننا نلاقيه بعد التخرج مباشرة
بالنسبة للصعوبات اللي واجهتها بعد التخرج فهي عادية مثل ما تواجه اي طالب وكمان مثل اي طالب قدمت للديوان وللتدرس الاضافي بس لسة الدور مطول كثير
بالنسبة لاي شغل ثاني قدمت لقطاعات حكومية وخاصة وصار في مقابلات بس للاسف ما كان في نصيب يعني كنت اشوف صعوبات بالاسئلة اللي كانوا يسالوها وبصراحة اكبر كنت بلاحظ الواسطات وهي معروفة عند اي واحد تدخل بالتقييمات

وانا ما بلوم حد عشان ما في شغل يعني بالدرجة الاولى بحكي عن طبيعة شهادتي من الصعوبة الاقي شغل ومثل ما اي واحد بيطمح
اخر شي بحكي للطلاب اللي متوقع تخرجهم او اللي لسة مطولين اهم شي انك تعيش الحياة الجامعية بس مع المحافظة على الدراسة وتقسيم الوقت وبعد التخرج صح الواحد بصير يحن للجامعة بس بالنهاية رح تحس انك انهيت مهمة من حياتك وهي شهادة البكالوريس والشغل الا ما يجي يوم وتشتغل بشهادتك ومثل ما بدك بس يكون الصبر موجود عند اي طالب ما بيعرف الواحد يمكن بعد تخرجه مباشرة يشتغل بشهادته واذا ما صار هيك اشتغل اي شي يعني اتعب بحياتك واي شغل بصحلك اشتغل فيه واكيد بالنهاية ربنا رح يعوضك الخير


شكرا

[ابو ليث القرعان]

السلام عليكم

جذبني الموضوع كثير وحبيت اشارك فيه
انا خريج من جامعة جرش الاهلية سنة 2006 حاصل على درحة البكالوريس في المحاسبة
بعد اسبوع من التخرج بدأت العمل كمدير في احد الصغيرة في عمان وخلال الشهر الاول من العمل استطعت ان ازيد من قيمة الارباح وفي الشهر الثاني انتقلت للعمل في احد المخابز الكبيرة وكان هذا هو بداية الطريق فلم اكن مقتنع بمكاني بالعمل مع اني كنت المسؤال المباشر لعدد من العمال بتجاوز 10 عمال
وخلال فترة شهرين استطعت ان احصل على عقد عمل في دبي عن طريق المعرفة والواسطة ولفلفة هون وهون
وهنا بدأت الحياة تتحول بالنسبة لي
فتركت عملي وتوجهت الى الطيبة كي ارتب امور سفري وقمت بتوديع الاهل والاحباب وفي تاريخ 21/08/2006 رتبت الحقائب وانطلقت الى مطار عمان بعد ان مررت باصعب ايام حياتي وهي توديعي للاهل ومفارقتهم على مزيج من الدموع والالم
وبعد التوفيق من الله وصلت الى مطار دبي وهنا بدأت شق الطريق من جديد
وكانت المشكلة الاساسيه
تكمن في السكن واللغة الانجليزية
وخلال الاشهر الاولى استطعت التغلب على الكثير من العوائيق وذلك بفضل من الله
وخلال 6 شهور تمكنت من الانجليزي وحصلت على السكن المناسب
وهنا بدات مرحلة الخبرة وخلال فترة استطعت ان اجمع الكثير من المعلومات واحصل على الخبرة المناسبة
وبعدها انتقلت للعمل من محاسب عادي الى العمل كمحاسب للمستودعات وهنا زادت المسؤولية حتى وصلت الى مدير للمستودعات والحمدلله
وهنا الى هذا التاريخ اتممت سنتين و7 شهور ولا ازال على راس عملي

وحاليا ابحث عن شركة صغيرة كي ابدأ العمل معهم كمدير عام
وارجو من الله التوفيق

مع العلم ان مع وجود الازمة المالية في حالة انني رجعت الىى الاردن ولم اجد عمل في مجال تخصصي فانني ساعمل في اي مجال ومهما كان ومهما كان الوظيفة
سواء اكانت محاسب او اداري او عامل او حتى عتال

ارجو لكل الخريجين التوفيق

[أميرة قوس النصر]

السلام عليكم

جذبني الموضوع كثير وحبيت اشارك فيه
انا خريج من جامعة جرش الاهلية سنة 2006 حاصل على درحة البكالوريس في المحاسبة
بعد اسبوع من التخرج بدأت العمل كمدير في احد الصغيرة في عمان وخلال الشهر الاول من العمل استطعت ان ازيد من قيمة الارباح وفي الشهر الثاني انتقلت للعمل في احد المخابز الكبيرة وكان هذا هو بداية الطريق فلم اكن مقتنع بمكاني بالعمل مع اني كنت المسؤال المباشر لعدد من العمال بتجاوز 10 عمال
وخلال فترة شهرين استطعت ان احصل على عقد عمل في دبي عن طريق المعرفة والواسطة ولفلفة هون وهون
وهنا بدأت الحياة تتحول بالنسبة لي
فتركت عملي وتوجهت الى الطيبة كي ارتب امور سفري وقمت بتوديع الاهل والاحباب وفي تاريخ 21/08/2006 رتبت الحقائب وانطلقت الى مطار عمان بعد ان مررت باصعب ايام حياتي وهي توديعي للاهل ومفارقتهم على مزيج من الدموع والالم
وبعد التوفيق من الله وصلت الى مطار دبي وهنا بدأت شق الطريق من جديد
وكانت المشكلة الاساسيه
تكمن في السكن واللغة الانجليزية
وخلال الاشهر الاولى استطعت التغلب على الكثير من العوائيق وذلك بفضل من الله
وخلال 6 شهور تمكنت من الانجليزي وحصلت على السكن المناسب
وهنا بدات مرحلة الخبرة وخلال فترة استطعت ان اجمع الكثير من المعلومات واحصل على الخبرة المناسبة
وبعدها انتقلت للعمل من محاسب عادي الى العمل كمحاسب للمستودعات وهنا زادت المسؤولية حتى وصلت الى مدير للمستودعات والحمدلله
وهنا الى هذا التاريخ اتممت سنتين و7 شهور ولا ازال على راس عملي

وحاليا ابحث عن شركة صغيرة كي ابدأ العمل معهم كمدير عام
وارجو من الله التوفيق

مع العلم ان مع وجود الازمة المالية في حالة انني رجعت الىى الاردن ولم اجد عمل في مجال تخصصي فانني ساعمل في اي مجال ومهما كان ومهما كان الوظيفة
سواء اكانت محاسب او اداري او عامل او حتى عتال

ارجو لكل الخريجين التوفيق
:icon31:
مشكور على الاضافة

[شذى البنفسج]

السلام عليكم
اول شي بشكرك لارا على الموضوع

انا تخرجت من كلية الحصن الجامعية 2009 الفصل يالي راح يعني صارلي تقريبا 3 اشهر بس
تخصصي علم حاسوب CS
التخصص حلو كتير بس بده مجهود ودراسه خاصة مواد البرمجة بدها تعب بس الحمد لله تخرجت على 3 سنين مش 4 وبتقدير جيد لكن تعبت بالدوام كان معضم فصولي يكون دوامي من 8-5

بالنسبة للعمل لسا ما بين شي بس قدمت للتربية وحاولت اقدم للشركات بس بتطلب خبرة ومعضم الشركات يالي ممكن اشتغل فيها هي بعمان وانا سكان اربد
حاليا حابه اخد دورات بلغات البرمجة مشان احسن وضعي شوي

بتمنى التوفيق للجميعِ




-

[Ammar Qasaimeh]

السلام عليكم
اول شي بشكرك لارا على الموضوع

انا تخرجت من كلية الحصن الجامعية 2009 الفصل يالي راح يعني صارلي تقريبا 3 اشهر بس
تخصصي علم حاسوب CS
التخصص حلو كتير بس بده مجهود ودراسه خاصة مواد البرمجة بدها تعب بس الحمد لله تخرجت على 3 سنين مش 4 وبتقدير جيد لكن تعبت بالدوام كان معضم فصولي يكون دوامي من 8-5

بالنسبة للعمل لسا ما بين شي بس قدمت للتربية وحاولت اقدم للشركات بس بتطلب خبرة ومعضم الشركات يالي ممكن اشتغل فيها هي بعمان وانا سكان اربد
حاليا حابه اخد دورات بلغات البرمجة مشان احسن وضعي شوي

بتمنى التوفيق للجميعِ




-

بالتوفيق .. :SnipeR (62):

[شذى البنفسج]

شكرا عمار وعقبال تخرجك
اظن انه تخصصك متلي CS ؟؟!!!!!!!

[Ammar Qasaimeh]

شكرا عمار وعقبال تخرجك
اظن انه تخصصك متلي CS ؟؟!!!!!!!

اه علم حاسوب سنه ثالثه :)