لماذا يعاقب الابناء بخاطايا ابائهم [الأرشيف]

مشاهدة النسخة كاملة : لماذا يعاقب الابناء بخاطايا ابائهم

saousana

01-28-2009, 04:26 PM

مرحبا

الموضوع هاد شاغلني من فترة
ومش لاقية تفسير ليش البشر بتجازي الابناء بخاطايا ابائهم

يعني ممكن يكون الاب في مرحلة من الحياة ارتكب غلطة هاد مش معناه انه الولد لازم يعمل نفس الاشي
او انه الولد راضي بس ممكن مش طالع بايده اشي

حابة اسمع اراء الاعضاء في الموضوع ؟
موضوع مفتوح للنقاش

Ahmad zo3bi

01-28-2009, 04:41 PM

في مقولة بتعزز الموضوع وهي في صلب هالموضوع ((الاباء يأكلون الحصرم والابناء يضرسون))

هاي هي سنة الحياة من قديم الزمان ...الابن هو من يتحمل نتائج افعال ابوه .... تفسيرها يمكن من البديهي يكون لانو دائما هناك اعتقاد وانا برأيي انو صحيح الى حد ما انه الابن بيوخذ نفس طبايع وصفات ابوه وبكون نسخة طبق الاصل عن ابوه ...لانو بكل تأكيد الوراثة بتلعب دورها وكذلك تربية الاب للأبن بتلعب دورها الكبير مشان هيك بأغلب الاوقات بتلاقي الابن بتبع طريق ومنهج والده بالحياة وهون بتصير الناس تتعامل مع الولد وكأنها بتتعامل مع ابوه ...هذا الرأي او الاعتقاد ممكن يكون صحيح احيانا وممكن لأ واذا كان لأ هون الابناء بيتعاقبوا على ذنب هم ما اقترفوه لمجرد انهم ابناء لذلك الرجل المشبع بالذنوب والخطايا ...وهون الطامة الكبرى

Zhrt_ALm6r

01-28-2009, 04:59 PM

يا saousana (http://www.al79n.com/vb/member.php?u=620) المجتمع الي عايشين فيه
بيفرض علينا
ننساق ضمن الاُطر
والمفاهيم
وما فينا نخالفها لانه بمجرد مخالفتنا الها
الابناء سُيحاسبون
بخطايا ابائهم
وكأننا اعدنا الكّره
<كأننا في دائرة >

آلجوري

01-28-2009, 05:35 PM

والله يا سوسن وانا كمان كانت عندي نفس المشكلة ... واحكي مو حرام مثلا إن كان الشاب لقيط واشتغل على نفسه منيح ... ورفع نفسه عن كل دنيه ... مو حقه كإنسان يحلم ويختارمن أي فتاة يضع صفاتها تطابق مستواه الي وصله ... ولا لأنه لقيط لازم يؤخد بذنب أمه وابيه ويقدم تنازلات :eh_s(2):... هاد من جه ... من جه اخرى ماننسى انو دينا والرسول صلى الله عليه وسلم قال: (تخيروا لنطفكم فإن العرق دساس) - رواه ابن ماجه و الديملي وفي ظل هذا الحديث أثبت علم الوراثة أن الطفل يكتسب صفات أبويه الخلقية والعضوية والعقلية، حيث إن فى كل خلية من خلايا الجسم عدداً ثابتاً من أجسام صغيرة تسمى كروموسومات تحمل عوامل وراثية مسئولة عن الصفات التى تظهر فى الإنسان؛ حيث إن هذه الكروموسومات ما هى إلا الجسر الذى تنتقل عليه صفات النوع من جيل إلى جيل آخر زي ما كلنا بنعرف ودرسنا بالأحياء واحنا بالمدرسة :)
لكن وبالمقابل ... لكل قاعدة فروع ... وشواذ ...وقد يكون تاثير العامل الوراثى خافياً مستتراً، فيطلق عليه فى هذه الحالة العامل الوراثى الكامن أو المتنحي(وهاد مو كلامي كلام علماء الوراثة :) ) .. وهذا ما أخبر عنه الرسول صلى الله عليه وسلم عندما جاء إليه رجل من بنى فزارة يقول له: ولدت امرأتى غلاماً أسود، وهو حينئذ يعرض بأن ينفيه
فقال رسول صلى الله عليه و سلم: هل لك من إبل؟
قال : نعم
قال: فما الوانها ؟
قال: حمر
قال: هل فيها من أورق - أي أسمر و ما كان لونه كلون الرماد
قال: إن فيها لورقا
قال: فأنى أتاها ذلك
قال: عسى أن يكون نزعة عرق
قال: فهذا عسى أن يكون نزعة عرق
ولم يرخص له فى الانتفاء منه - رواه البخاري و مسلم و أصحاب السنن الأربعة و أحمد
معنى الحديث ... ممكن يكون ابنهم فعلا بس مو ضروري يحمل نفس الصفات الخلقية وكذلك العقلية والعضوية بالسواء .. وأن الشبه بين المولود ووالديه قد يكون غير ظاهر، بل بعيداً كل البعد عن كلا الأبوين وذلك بسبب وجود صفات سائدة وصفات متنحية كمان زي ما حكينا... :)
وبالنهاية ...
( لا تز وازرة وزر أخرى ) صدق الله العظيم

عذرا على الاطالة ...
وشكرا لطرح الفكرة ..

غسان

01-28-2009, 08:49 PM

وفي ظل هذا الحديث أثبت علم الوراثة أن الطفل يكتسب صفات أبويه الخلقية والعضوية والعقلية، حيث إن فى كل خلية من خلايا الجسم عدداً ثابتاً من أجسام صغيرة تسمى كروموسومات تحمل عوامل وراثية مسئولة عن الصفات التى تظهر فى الإنسان؛ حيث إن هذه الكروموسومات ما هى إلا الجسر الذى تنتقل عليه صفات النوع من جيل إلى جيل آخر زي ما كلنا بنعرف ودرسنا بالأحياء واحنا بالمدرسة :)
لكن وبالمقابل ... لكل قاعدة فروع ... وشواذ ...وقد يكون تاثير العامل الوراثى خافياً مستتراً، فيطلق عليه فى هذه الحالة العامل الوراثى الكامن أو المتنحي(وهاد مو كلامي كلام علماء الوراثة :) ) ..

ايات بس ملاحظة صغيرة قد تكون خارجة عن صلب الموضوع ..

الصفات الخُلقية ((الاخلاق )) لا تورث لا بكروموسومات ظاهرة او نقية ولا بكروموسومات متنحية .. الصفات الخلقية بفتح الخاء هي التي تورث فقط ..

فصفة الكرم مثلا قد يكتسبها الانسان من والده ولكن مش من الكروموسومات بل من التربية ..

الصفات الخُلقية يكتسبها الانسان بعد ولادته من التربية ولا علاقة للوراثة بذلك ..

كما قال الرسول (ص) ..: ''كل مولود يولد على الفطرة فأبواه يهودانه أو ينصرانه أو يمجسانه''··

شكرا سوسن على الموضوع الرائع .. لي عودة اخرى ..

آلجوري

01-28-2009, 09:45 PM

اقتباس:
المشاركة الأصلية كتبت بواسطة غسان http://www.al79n.com/vb/images/styles/bluestar/buttons/viewpost.gif (http://www.al79n.com/vb/showthread.php?p=180294#post180294)

ايات بس ملاحظة صغيرة قد تكون خارجة عن صلب الموضوع ..

الصفات الخُلقية ((الاخلاق )) لا تورث لا بكروموسومات ظاهرة او نقية ولا بكروموسومات متنحية .. الصفات الخلقية بفتح الخاء هي التي تورث فقط ..

فصفة الكرم مثلا قد يكتسبها الانسان من والده ولكن مش من الكروموسومات بل من التربية ..

الصفات الخُلقية يكتسبها الانسان بعد ولادته من التربية ولا علاقة للوراثة بذلك ..

كما قال الرسول (ص) ..: ''كل مولود يولد على الفطرة فأبواه يهودانه أو ينصرانه أو يمجسانه''··

شكرا سوسن على الموضوع الرائع .. لي عودة اخرى ..

بس كمان ما ننسى إن الصفات الخُلقية الها دخل بالصفات العقلية وطريقة التفكير ... ممكن ولد ما شهد عهد أبوه ...بعد ما كبر يكون فيه صفة الكرم او العصبية او خلق معين يحكوا هاد طالع متل أبوه !!!!!!!! بالضافة الى وجود صفات بيكتسبها أو بغيرها من البيئة زي ما تفضلت بالحديث

النورس الحزين

01-28-2009, 09:59 PM

انا من وجهة نظري بكون الابن مرطبط بأبو ومتعود نو يعمل كل اشي زيه
اما لماذا يعاقب بخطايا فهاذه مسألة ترجع للأب

غسان

01-29-2009, 05:45 PM

بس كمان ما ننسى إن الصفات الخُلقية الها دخل بالصفات العقلية وطريقة التفكير ... ممكن ولد ما شهد عهد أبوه ...بعد ما كبر يكون فيه صفة الكرم او العصبية او خلق معين يحكوا هاد طالع متل أبوه !!!!!!!! بالضافة الى وجود صفات بيكتسبها أو بغيرها من البيئة زي ما تفضلت بالحديث

ايات .. الاخلاق لا علاقة لها بالكروموسومات والوراثة والجينات .. هاي المعلومة متأكد منها 100%

العودة لصلب الموضوع ..

قد تكون التربية .. يقولون فلان تربى وهو يشاهد ابوه وهو يأذي او يسرق فمن الطبيعي ان يخرج بصفات ابيه ..

وحتى لو مات والده قبل ولادته .. يبقى هذا العار ملاصقا به طوال حياته ..

هكذا هو مجتمعنا .. ولن يتغير .. وحتى ان وصل التطور والتحضر الى اعلى درجاته لابد من وجود اشخاص يذكرون بهذا الشخص وابيه ..

بالعودة لسؤال ايات ما ذنب اللقيط ..؟؟ ذنبه انه لقيط .. ولو تقدم شخص رائع وبجنن ولقيط لابنتي في المستقبل لن اقبل به .. لانني لن ارضى لابناء ابتي في المستقبل ان لا ينسبون لاحد او ان لايعرفوا ما هو اصلهم فأظلمهم هم وابنتي ...

آلجوري

02-02-2009, 04:18 AM

اقتباس:
المشاركة الأصلية كتبت بواسطة غسان http://www.al79n.com/vb/images/styles/bluestar/buttons/viewpost.gif (http://www.al79n.com/vb/showthread.php?p=180871#post180871)

ايات .. الاخلاق لا علاقة لها بالكروموسومات والوراثة والجينات .. هاي المعلومة متأكد منها 100%

أمرك ومتل ما بدك ... ما إلها علاقة ... سكتنا...

العودة لصلب الموضوع ..

قد تكون التربية .. يقولون فلان تربى وهو يشاهد ابوه وهو يأذي او يسرق فمن الطبيعي ان يخرج بصفات ابيه ..

وحتى لو مات والده قبل ولادته .. يبقى هذا العار ملاصقا به طوال حياته ..

هكذا هو مجتمعنا .. ولن يتغير .. وحتى ان وصل التطور والتحضر الى اعلى درجاته لابد من وجود اشخاص يذكرون بهذا الشخص وابيه ..

بالعودة لسؤال ايات ما ذنب اللقيط ..؟؟ ذنبه انه لقيط .. ولو تقدم شخص رائع وبجنن ولقيط لابنتي في المستقبل لن اقبل به .. لانني لن ارضى لابناء ابتي في المستقبل ان لا ينسبون لاحد او ان لايعرفوا ما هو اصلهم فأظلمهم هم وابنتي ...

إنت كمان ... طيب هو وشو ذنبه ...والله حراااام :eh_s(2):

عُبادة

02-02-2009, 02:56 PM

saousana

02-02-2009, 03:04 PM

انتو ليش معتبرين انه دائما الابناء هم بدفعوا ثمن اخطاء آبائهم

فيه كثير اباء تحمل الكثير والقليل من ورا عمايل اولاده وكان اب قادر على حمل المسؤولية وما تخلى عن اولاده

والابن إللي تحمل ذنب ابوه كمان هو بكرة رح يصير اب وما بتعرف كيف رح يكون وشو ممكن يحمل ابناءه من اوزار ليس لهم منها لا جمل ولا ناقة

القصد انا مثلا بعرف بنت والبنت هاي صاحبتي وعمري ما شفت على اخلاقها اشي
بس عرفت بالصدقة انه ابوها انسان مش كويس وانطلب مني اقطع علاقتي فيها
طيب البنت شو ذنبها انا مش فاهمة
انا شو بدي في ابوها اذا كان منيح او مش منيح
انا بهمني البنت او علاقتي في البنت
بعدين حرام انا او المجتمع نحاكمها على اشي ما عملتو
هي متل شغلة الولد اللقيط اللي ما برضى غسان يجوزو لبنتو
نظرتنا شوي للامور لازم تتعدل
لانه ممكن الاب بحايتو يغلط ويتراجع عن الغلط مش شرط يضل ابنه حامل ذبنو طول العمر
ويتحاكم عليه وتحدد علاقتنا فيهم على هاد الاساس
انا حاسة في ظلم كبير

آلجوري

02-02-2009, 03:07 PM

اقتباس:
المشاركة الأصلية كتبت بواسطة saousana http://www.al79n.com/vb/images/styles/bluestar/buttons/viewpost.gif (http://www.al79n.com/vb/showthread.php?p=183771#post183771)

القصد انا مثلا بعرف بنت والبنت هاي صاحبتي وعمري ما شفت على اخلاقها اشي
بس عرفت بالصدقة انه ابوها انسان مش كويس وانطلب مني اقطع علاقتي فيها
طيب البنت شو ذنبها انا مش فاهمة
انا شو بدي في ابوها اذا كان منيح او مش منيح
انا بهمني البنت او علاقتي في البنت
بعدين حرام انا او المجتمع نحاكمها على اشي ما عملتو
هي متل شغلة الولد اللقيط اللي ما برضى غسان يجوزو لبنتو
نظرتنا شوي للامور لازم تتعدل
لانه ممكن الاب بحايتو يغلط ويتراجع عن الغلط مش شرط يضل ابنه حامل ذبنو طول العمر
ويتحاكم عليه وتحدد علاقتنا فيهم على هاد الاساس
انا حاسة في ظلم كبير

هاد هو الكلام ... وينك مبارح تحاربه معي ضد الظلم الي عمله ع الولد اللقيط بالدردشة :SnipeR (62):

آلجوري

02-02-2009, 03:09 PM

وسوسن ديري بالك تقطعي علاقتك فيها... والله حرام هاي روح وانسان عشو بنعاقبها احنا ... ومين احنا لحتى نعاقبها ... مين فينا ما فيه خطأ ...
جينا نتكبر على هالمسكينة لانه ابوها انسان الله اعلم شو عامل ..

غسان

02-02-2009, 06:23 PM

القصد انا مثلا بعرف بنت والبنت هاي صاحبتي وعمري ما شفت على اخلاقها اشي
بس عرفت بالصدقة انه ابوها انسان مش كويس وانطلب مني اقطع علاقتي فيها
طيب البنت شو ذنبها انا مش فاهمة
انا شو بدي في ابوها اذا كان منيح او مش منيح
انا بهمني البنت او علاقتي في البنت

هون سوسن انا معك .. البنت ما الها اي ذنب .. واكيد عيب تنهي علاقتك فيها لهيك سبب ..

هي متل شغلة الولد اللقيط اللي ما برضى غسان يجوزو لبنتو
نظرتنا شوي للامور لازم تتعدل

الولد اللقيط .. حاله خاصه ..
انا بتعامل معه عادي انا مش ضده ولا ضد انه يكون الي اصدقاء لقطاء ..

لكن الزواج موضوع ثاني .. الظلم واقع عليه طيب بنتي شو ذنبها اوقعها بظلم اكبر منه ..؟؟ وولادها بالمستقبل شو رح يصير فيهم .. ؟؟؟

سوسن هذا الواقع .. وهاي عادتنا .. وهيك دينا بأمرنا (( تخيروا لنطفكم )) .. وهذا هو الصحيح برأيي ..

saousana

02-02-2009, 06:45 PM

هون سوسن انا معك .. البنت ما الها اي ذنب .. واكيد عيب تنهي علاقتك فيها لهيك سبب ..

الولد اللقيط .. حاله خاصه ..
انا بتعامل معه عادي انا مش ضده ولا ضد انه يكون الي اصدقاء لقطاء ..

لكن الزواج موضوع ثاني .. الظلم واقع عليه طيب بنتي شو ذنبها اوقعها بظلم اكبر منه ..؟؟ وولادها بالمستقبل شو رح يصير فيهم .. ؟؟؟

سوسن هذا الواقع .. وهاي عادتنا .. وهيك دينا بأمرنا (( تخيروا لنطفكم )) .. وهذا هو الصحيح برأيي ..

انا حكيت شغلة الولد اللقيط مثال
انا عن نفسي ما برضى اتزوج او ازوج بنتي او ابني من حد لقيط
هاي شغلة غير
بس شغلة علاقتي في البنت اتوقع فيها ظلم كبير

mohammad qasaimeh

02-02-2009, 06:52 PM

صاحبتك ما الها ذنب ، و ما تقطعي علاقتك فيها ولو انا محلك و مش شايف عليها اشي منظل اصدقاء ، بس مثل ما حكى غسان الزواج من اللقيط موضوع ثاني

اللقيط موضوع بحاله اجتماعية منبوذة انا ليش حتى احط بنتي منبوذة معه ، صحيح هو ما عمل اشي و المشكله مش فيه ، المشكله بالمجتمع و بما انه مش قادر انا اغير المجتمع معناها لازم اتعاطى مع قوانينه والا بصير انا و عيلتي منبوذين و بحملهم ظلم

مثل ما حكيت بالدردشه مبارح ، نحنا بمبجتمع انساني ولا ملائكي ؟ لو انا بمجتمع ملائكي كله فضيلة و قداسة ساعتها انا بقبل باللقيط

بس بما اني بمجتمع انساني اله قوانينه معناها لازم اتعاطى معه ، وكثير انا بقول هالكلمه الحقيقه هي ما تصنعها الحياة بالاخر ، يعني الواقع اللي حولي هو واقع و حقيقه ولو بدي اخالفه بصير اسمي مخالف

زهرة النرجس

02-02-2009, 07:56 PM

نظرة المجتمع الذي نعيش بة هي التي تحكم على الإنسان , وهذة نظرة خاطئة للإنسان الذي كثيرا من الأحيان يظلم بسبب هذة النظرة .
فعندما يكون الأب دكتور على سبيل المثال المجتمع ينظر لأبنائة على أنهم أحسن الناس ونظرة الإحترام تلازم أعين الناس لهم , رغم أنهم لا يساوون شييء , ولكن الحكم الخارجي الذي نحكمة عليهم هو الذي جعل لهم قيمة بين الناس .
على العكس تماما إذا مثلا كانت الأم مثلا تعمل خادمة في إحدى البيوت ( وهذا ليس عيب ) سوف يدفع ثمن عملها أولادها لأنهم سوف ينبذون من قبل الناس ويحرمون من كثير من حقوقهم , والسبب بذلك هي نظرة النلس الخارجية , على الرغم أن أبناء هذة الأم المجاهدة جميعهم متعلمون .....

أحببت أن أضرب لك مثلين متناقضين لتري الفرق ولتعرفي من الجاني على الأبناء .

سببان هما الذي يدور حولهم الموضوع :
* المجتمع الذي نعيش بة
* النظرة السطحية التي ننظر بها إلى الناس

مشكورة على الموضوع ......................

آلجوري

02-02-2009, 08:03 PM

اقتباس:
المشاركة الأصلية كتبت بواسطة saousana http://www.al79n.com/vb/images/styles/bluestar/buttons/viewpost.gif (http://www.al79n.com/vb/showthread.php?p=183854#post183854)

انا حكيت شغلة الولد اللقيط مثال
انا عن نفسي ما برضى اتزوج او ازوج بنتي او ابني من حد لقيط
هاي شغلة غير
بس شغلة علاقتي في البنت اتوقع فيها ظلم كبير

ول يا سوسن ... جبناك اتعيني على أساس ....:cry2:

Ammar Qasaimeh

02-02-2009, 08:11 PM

احنا عايشين بمجتمع وبفرض علينا قيود ضمن العادات والتقاليد الي اغلبها بنظري تخلف وتعصب, مجتمعنا دستوره العادات والتقاليد ومش الدين وكثير من الناس بخلطوا بين الدين والعادات وعلى اساس انه الدين الي فرضها.

المهم في حاله مثل موضوع سوسن, البنت الي عم تحكي عنها اكيد لابوها نظره سلبيه من قبل المجمتع والاب بحدد بعض الاحيان سمعة العيله و سمعة ولاده, بشكل طبيعي وتلقائي رح يحكم المجتمع على العيله كلها و يرسم عليها اشارة(X) والي بتعاملوا معهم رح يكونوا ضمن نفس نطاق حكم العيله ورح يحكي المجمتع عليه في حال حدث اي موضوع ولا تنسي العين بتكون اصلا موجهه عليهم و بأنتظار تعليقات الناس عليهم بدون اي سبب لكن مجرد هوايه, صحيح البنت ما الها ذنب لكن سمعتها من سمعت ابوها وعييلتها والافضل ابعد انا عن هيك وضع ممكن اضع حالي بالمسقبل بموقف يحرجني معهم وخصوصا اذا كان الي سمعتي واصراري عليها من كلام الناس

saousana

02-02-2009, 11:42 PM

اقتباس:
المشاركة الأصلية كتبت بواسطة saousana http://www.al79n.com/vb/images/styles/bluestar/buttons/viewpost.gif (http://www.al79n.com/vb/showthread.php?p=183854#post183854)

انا حكيت شغلة الولد اللقيط مثال
انا عن نفسي ما برضى اتزوج او ازوج بنتي او ابني من حد لقيط
هاي شغلة غير
بس شغلة علاقتي في البنت اتوقع فيها ظلم كبير

ول يا سوسن ... جبناك اتعيني على أساس ....:cry2:

احنا بشر يا ايات مش ملائكة
انا عن نفسي مش ملاك ابدا
العقل بفرض عليا اتصرف اشياء كتير
مش دايما العواطف اللي بتتحكم فينا المفروض نهتم بمصلحتنا او بمصلحة الناس اللي بنحبهم "اولادنا مثلا" قبل ما نفكر بمصلحة الناس التانين

آلجوري

02-02-2009, 11:55 PM

اقتباس:
المشاركة الأصلية كتبت بواسطة saousana http://www.al79n.com/vb/images/styles/bluestar/buttons/viewpost.gif (http://www.al79n.com/vb/showthread.php?p=183996#post183996)

احنا بشر يا ايات مش ملائكة
انا عن نفسي مش ملاك ابدا
العقل بفرض عليا اتصرف اشياء كتير
مش دايما العواطف اللي بتتحكم فينا المفروض نهتم بمصلحتنا او بمصلحة الناس اللي بنحبهم "اولادنا مثلا" قبل ما نفكر بمصلحة الناس التانين

May be:cry2:

saousana

02-03-2009, 12:00 AM

اقتباس:
المشاركة الأصلية كتبت بواسطة saousana http://www.al79n.com/vb/images/styles/bluestar/buttons/viewpost.gif (http://www.al79n.com/vb/showthread.php?p=183996#post183996)

احنا بشر يا ايات مش ملائكة
انا عن نفسي مش ملاك ابدا
العقل بفرض عليا اتصرف اشياء كتير
مش دايما العواطف اللي بتتحكم فينا المفروض نهتم بمصلحتنا او بمصلحة الناس اللي بنحبهم "اولادنا مثلا" قبل ما نفكر بمصلحة الناس التانين

May be:cry2:
اسألي امك او ابوك
او اي و اب في الدنيا
حتى انتي بخوفك على اخوكي الصغير وبحبك اله
بتمتنيله الافضل في كل اشي
حتى في البنت اللي رح يرتبط فيها

آلجوري

02-03-2009, 12:34 AM

اقتباس:
المشاركة الأصلية كتبت بواسطة saousana http://www.al79n.com/vb/images/styles/bluestar/buttons/viewpost.gif (http://www.al79n.com/vb/showthread.php?p=184013#post184013)

اسألي امك او ابوك
او اي و اب في الدنيا
حتى انتي بخوفك على اخوكي الصغير وبحبك اله
بتمتنيله الافضل في كل اشي
حتى في البنت اللي رح يرتبط فيها

أوكي كلامكم كلكم بهالموضوع مو غلط ... بس أنا زعلان عليه ان بنظلم ... والظلم مر :cry2:

أما أنا ما عندي مانع ... ممكن يكون بسوى ناس كتير وفيه أشياء تخليني ما اختار غيره :cry2: ... ماماي بتصير أمه ... وباباي أبه ... هاد لو رضيوا طبعا :db465236ff: