بدي الحل منكم ( دلوني الله يجزيكم الخير )

[محمد العزام]

السلام عليكم ورحمة الله وبركاته
كيفكم يا اهل المنتدى


انا طالب منكم تلاقولي حل لموقف كل يوم تقريبا بتعرض الو
ومنو بصير في مجال للنقاش بس من غير ما نذبح بعض :db465236ff:


زي ما حكيت الموقف تقريبا كل يوم بصير معاي بس امبارح انفجرت معاي وعملت مشكلة


كنت قاعد بالباص مروح على البلد يعني قاعد بامان الله وما وعيت الا واحد داخل على الباص قعد بالكرسي اللي وراي وشغل تلفونه على الاغاني بدكم تحكو عمره 17 سنة وشغل هالاغاني بصوت عالي مع العلم انو السايق كمان مشغل المسجل على اذاعة امن fm
المهم هالولد مشغل اغاني عن الحب واللقاء بين الحبيبين اطلعت عليه وحكيتلوا شو باين عليك مدمر وداخل بعلاقة حب من جديد ما جاوبني وضل ساكت
بعد شوي غير الموجة وصار يسمع اغاني الفراق والبعد رديت اطلعت عليه وحكيتلوا شكلك طالع من قصة حب
وضل ساكت ورديت حكيتلوا اذا عندك مشكلة احكيلي اياها يمكن اقدر اساعدك كونو الي معرفة سابقة بالحب يعني الاكبر منك بيوم افهم منك بسنة وما رضي يحكي :SnipeR (30):

بعد شوي غير الموجة على الاغاني الوطنية وصار حسين السلمان يغني من وراي ومتعب الصقار من قدامي انقلب مخي وانفجر راسي اطلعت عليه وحكيتلوا شكلك طلعت بتحب الوطنية لابنت ولاشي

بالاخر فقعت معاي وخاصة انو لو تعرفوا اني كنت قاعد بالباص تقريبا ساعة ونص والشمس تضرب في فقعت معاي وقمت شلت هالولد ورميتو برا الباص ونزلت عليه ضرب :SnipeR (83)::SnipeR (83): وبعدها ما بعرف رح يشتكي علي بس لسة الشرطة ما اجت علي :db465236ff:


يعني برايكو اللي اخترع التلفون مالقى حل لهيك مشكلة
بعرف انو موضوعي بايخ بس لازم نتناقش بشو بصير معانا بحياتنا اليومية عشان نعرف نحل هالمشاكل اللي بتصير

يعني لو اتعرض لموقف ثاني مثل هيك شو اعمل لمين اشتكي لمين اروح والا اضل منخرس وساكت





بدي الحل ؟؟؟؟؟؟؟؟؟

[المتميزة]

بالاخر فقعت معاي وخاصة انو لو تعرفوا اني كنت قاعد بالباص تقريبا ساعة ونص والشمس تضرب في فقعت معاي وقمت شلت هالولد ورميتو برا الباص ونزلت عليه ضرب :SnipeR (83)::SnipeR (83): وبعدها ما بعرف رح يشتكي علي بس لسة الشرطة ما اجت علي

يعني انقلبت القصة فيلم اكشن بالاخير :db465236ff:
وهالولد يعني هو مش عارف حالو شو يعمل ومش عارف كمان شوفي براسو مشان هيك ما رضي يحكي
ياعيني عليه :eh_s(2):

[تحية عسكريه]

يعني برايكو اللي اخترع التلفون مالقى حل لهيك مشكلة
بعرف انو موضوعي بايخ بس لازم نتناقش بشو بصير معانا بحياتنا اليومية عشان نعرف نحل هالمشاكل اللي بتصير

يعني لو اتعرض لموقف ثاني مثل هيك شو اعمل لمين اشتكي لمين اروح والا اضل منخرس وساكت





بدي الحل ؟؟؟؟؟؟؟؟؟

سلامتك يا سيدي انا ولا انت بدك رأيي هي الاشكال بتيجي بالضرب حتى لو اشتكى للشرطة خذها مني رح ياكل كتل ليفرق على اهله .

قولي ليش اسلوب الشرطة انا عارفه بما انك اكبر منه بردوا عليك انتا مش هو .

بس بما انو ما راجعوك الشرطة احسن بس اذا انعادت القصة اتمنى انو تصرف بهدوء قدام الشرطة ما تنفعل فاهم علي .

[saousana]

بصراحة انت عملت اشي انا من زمان نفسي اعمله
نيالك انت شب قدرت تقوم تفش غلك وتضربه
انا كتير كتيييييييييييييييييييييييييييييييييييييييييييييييي يييييييييييييييييير بعصب وانا في الباص من زوق الاغاني اللي بتنحط
والمشكلة ازواق سواقين الباصات موحد
يعني يا بحط سارية يا بحط شرين يا مصطفى كامل واحيانا هاني شاكر او جورج وسوف
طبعا مع احترامي لكل محبينهم ما بحب اسمعلهم بالمرة
لا و لادهى من هيك بعصب منهم
بس شو بأيدي اعمل يعني اكتر اشي يقدر اعمله اني بحط السماعات في داني وعلى اعلى اشي من ساعة ما اطلع من الجامعة لحد ما اوصل البيت
انا بس نفسي احكي لكل واحد عنده هاي العادة انه يا اخي بدك تسمع اسمع على قدك لا تفرض عليا زوقك
يعني انا مثلا بحب اغاني الروك واللي فيها جنان وصياح بس مش مجبور كل الباص يسمعها معي او كل الموجودين معي في نفس البيت هاد مثال بسيط .
موضوعك على الوجع محمد :db465236ff::db465236ff:

[المستحيل المنتظر]

والله سلاماااااااااات
والقصة ما بتستاهل توجع رأسك عشانها والحل ياسيدي بسيط
المرة الجاي طخه ...ها ها ها ها .....

[زهره التوليب]

عنجد هاي العاده المقرفه موجوده عندنا بكثره...وفي منها كل يوم
والله خير ماعملت فيه..فشيت غلي
والاحلى كمان لما تكون مروح الساعه 6 من امتحان ومش نايم ومش ماكل ومش شايف الضو:cry2:
عنجد في ناس ما عندها جنس الزوق

[النورس الحزين]

شكرا محمد
بكل بساطة الموضوع مش كبير زي ما انتو متوقعين وما بدها القصة كل الي سواته
في عندك كنترول بقدر يحكي معا وحل الموضوع او ينزل من الباص او سايق يعمل نفس الشي
ولما ينزل يخلي سيارة دادي تيجي توصله

اما بنسبة لسوسنة فأنا بقلها في 25% من كلامك صح ولباقي اتصرفي فية
بس يا سوسنة هوة ما كتل السايق كتل راكب اما انتي بتحكي عن السواقين

يعني يا بحط سارية يا بحط شرين يا مصطفى كامل واحيانا هاني شاكر او جورج وسوف
طبعا مع احترامي لكل محبينهم ما بحب اسمعلهم بالمرة
طيب يا سوسنة انتي ما خليتي حد من شرو سارية وامر الله شرين وطيب وجورج وماشي وهاني ما خليتي حد ابدا
شكرا لكي سوسنة بس هاذا تعليق بسيط ارجو انك تقبليه

[Ammar Qasaimeh]

هاي النوعيه من البشر بتتمتع بأنحطاط اخلاقي رهيب جدا, لو عنده اخلاق ما بسمح لنفسه يزعج غيره اضافه لنقطه مهمه , ممكن تكون هالنوعيه من الناس بعانوا من مشاكل نفسيه وبحسوا بنقص من داخلهم بحيث بشعروا نفسهم ادنى طبقه من المجتمع وبالطريقه هاي بحاولو يثبتوا وجودهم وسلطتهم بطريقه عشوائه مزعجه .


بصراحه , سبق وكتبت مقال في موضوع " بقعة ضوء على واقع المجتمع" تكلمت فيه عن التعامل مع اسفل البشر , برجع بأكد التعامل معهم مخسر وفي اهانه الك لانهم رح يتصرفوا بشكل لا اخلاقي ورح يضرك ويهينك يعني انت بحاجه لتنزل لمستواه الفكري والاجتماعي والديني والاخلاقي لحتى تعرف تتعامل معه , الافضل تجاهله احتراما لنفسك لكن اذا زي ما حكيت فقعت معك , انا بمسك تلفونه وبرميه من الباص لانه اكيد تلفونه اغلا عنده من نفسه !
شكرا على موضوعك .

[أميرة قوس النصر]

يا بيي يا محمد شو انك روعة اي ياريتك حطيتة تحت العجل وضلييت رايح جاي عليه لحتى انفخص العمر واحد والرب واحد يا بيي جد فشيت غلي :eh_s(2):
القصة مش قصة ذوق منحط ولا ذوق مرتفع يا عمي عندك اغنية حاب تسمعها اسمعها لحالك مش شرط كل الامة تنطرب معك :cry2:
بغض النظر عن ذوقكك لما بتشوف السواق في الباص حاط اغنية يعني احترم حالك ولا تشغل اغنية او شغلها بسماعات اما قصة انة واحد على المين حاط حزن واللي فوق حاط فرح واللي جنبك دمار وبتروح الساعة 5 وراسك مطبوخ من الشغل ولا من المحاضرات وبتسمع التشكيلة ....
لازم نرتقي لمستوى في الذوق والتعامل مش شرط بلاغاني على الاقل متى تشغل الاغنية
والله يسلم ايدك يا محمد :SnipeR (62):

[محمد العزام]

يا عيني عليكم
بالاول كنت حاس حالي غلطت خاصة لو تعرفوا انو انسرق تلفوني بنفس اليوم حسيت انها خطيتوا



بس لما شفت ردودكم ارتحت شوي وخلص رح اضل اعمل مشاكل مع هيك ناس وهيك شعب :db465236ff::db465236ff:



شكرا لتفاعلكم

[أميرة قوس النصر]

يا عيني عليكم
بالاول كنت حاس حالي غلطت خاصة لو تعرفوا انو انسرق تلفوني بنفس اليوم حسيت انها خطيتوا



بس لما شفت ردودكم ارتحت شوي وخلص رح اضل اعمل مشاكل مع هيك ناس وهيك شعب :db465236ff::db465236ff:



شكرا لتفاعلكم

:db465236ff::db465236ff::db465236ff::db465236ff:
يعني لازم عرفت اني اول وحدة بشد على ايدك بهاد التصرف

[محمد العزام]

:db465236ff::db465236ff::db465236ff::db465236ff:
يعني لازم عرفت اني اول وحدة بشد على ايدك بهاد التصرف





خلصث ورح اخذ بنصيحتك

بس اعطيني حق التلفون اللي ضاع :db465236ff::db465236ff:

[Ahmad zo3bi]

محمد لا ترد على كل هالكلام يا رجل انت واعي وبتفهم بالقانون ... انت اتسرعت شوي لأنه لو اشتكى عليك كان صارلك اسباقية عند الشرطة ومش بعيد هالولد يضرب حالو او يعمل بحالو شغلة ويحطها فيك وساعتها قطبها اذا بتتقطب وزي ما بتعرف هو ما عليه حق والقانون معه وضدك لأنه العمل اللي هو عمله ما في عليه نص عقاب بالقانون بس اللي انته عملته كان ممكن يدخلك بورطة الله اعلم فيها وهاي المرة الله سترها معك يمكن مرة ثانية يكون ابن حرام ويضربك بموس او شغلة او يضرب حالو ويشتكي عليك وبتصير كثير هالشغلات ... انا من رأيي تمسك اعصابك للآاااااااخر حد وبلا ما يعبوا راسك وبالنهاية انت الوحيد اللي ممكن تضرر.... يا جماعة كونوا محظر خير بالله عليكوا:SnipeR (83):

[دليلة]

والله يااحمد برافو عليك نفس الحكي كنت بدي قولو المفروض محمد مايتسرع هيك ولو ماعجبو تصرف الولد يغير الباص من اصلو لانو هيك مش معقول مانقدر نصلح المجتمع لازم دايما يكون في طرف متنازل شوي او تصير هيك فوضى

اما انو اتسرع والله اتسرع كثير تخيلو لو انو اشتكى للشرطة وهدا بيكون اهون لو ماجاب شي عصابة من حارتو وعملو له شي مشكل كنت بتروح فيها محمد:eh_s(2)::eh_s(2):

زي ماحكى احمد خليك يامحمد راكز شوي وماترد على الي قالوه راح ضيع حالك واحنا بزمن ابعد عن الشر وغنيلو
تقبل مروري محمد

[عاشقة الاحزان]

مش مستاهل الموضوع كل هاض بس انت شكلك كنت مصب من اشي

[غسان]

بسيطه يا ابوحميد .. لسى هاذ ولا شي قدام المعاناه الي كنا نشوفها ... مره كان اربع شباب طول الطريق من التكنو لمجمع الشيخ خليل وهمه يغنوا بصوت عالي ... كانوا يغنوا اول شي جانا الهوى جانا ... بعدين هاني شاكر .. بعدين وصلوا ل بس اسمع مني ... وكانوا منسجمين على الاخر :db465236ff:... فعادي ...
بس كان لازم خليته خجلته وخليته يطفيه بدون ضرب ... شكلك عصبي ابو العزام :db465236ff:

[دليلة]

ماهو اربدي :cry2::cry2::cry2:

[زهره التوليب]

محمد لا ترد على كل هالكلام يا رجل انت واعي وبتفهم بالقانون ... انت اتسرعت شوي لأنه لو اشتكى عليك كان صارلك اسباقية عند الشرطة ومش بعيد هالولد يضرب حالو او يعمل بحالو شغلة ويحطها فيك وساعتها قطبها اذا بتتقطب وزي ما بتعرف هو ما عليه حق والقانون معه وضدك لأنه العمل اللي هو عمله ما في عليه نص عقاب بالقانون بس اللي انته عملته كان ممكن يدخلك بورطة الله اعلم فيها وهاي المرة الله سترها معك يمكن مرة ثانية يكون ابن حرام ويضربك بموس او شغلة او يضرب حالو ويشتكي عليك وبتصير كثير هالشغلات ... انا من رأيي تمسك اعصابك للآاااااااخر حد وبلا ما يعبوا راسك وبالنهاية انت الوحيد اللي ممكن تضرر.... يا جماعة كونوا محظر خير بالله عليكوا:SnipeR (83):

معك حق يا احمد...الحمدلله المره هاي اجت سليمه



بسيطه يا ابوحميد .. لسى هاذ ولا شي قدام المعاناه الي كنا نشوفها ... مره كان اربع شباب طول الطريق من التكنو لمجمع الشيخ خليل وهمه يغنوا بصوت عالي ... كانوا يغنوا اول شي جانا الهوى جانا ... بعدين هاني شاكر .. بعدين وصلوا ل بس اسمع مني ... وكانوا منسجمين على الاخر :db465236ff:... فعادي ...
بس كان لازم خليته خجلته وخليته يطفيه بدون ضرب ... شكلك عصبي ابو العزام :db465236ff:


طلاب التكنو.......اااااااااخ اشي مش طبيعي...عنجد مره واحد بالكرسي الخلفي ومعه صحابه...على قصص ولعي مستمررررررررررررر وهم كلهم بس يهزوا بروسهم ويضحكوا...اقسم بالله قلب معدتي...مش راسي
والمصيبه كان مبسوط بحاله وبحكي ان امه بتحكيله روح الله يعطيك قدما بتحكي:SnipeR (83):

[محمد العزام]

والله حيرتوني :SnipeR (83)::SnipeR (83):
شو اعمل


انا حكيتلكم تقريبا كل يوم بتعرض لنفس الموقف وما بعرف شو اعمل :eh_s(2)::eh_s(2):

[anoucha]

و الله اللي اخترع الموبايل اخترعوا للغرب يلي بيفهموا و بيحترموا الاخرين مو للعرب

[keana]

الله يعطيك الف عافيه
فشيت غلي

والله العظيم اشي بقهر
بس اهم شي لا تضربه ضربه يصير فيه عاهه دائمه
:db465236ff:

والله انك صادق الواحد بروح راسه بده ينفجر
شوب وشغل وحاضرات وتلاقيهم حاطين عل اعلى شي عندهم موسيق مجوز
اجيت نزلت من الباص بحكيلي الكنترول ليش حكتله تا تطفي المسجل
حكا الي هسا بطفيه حكتله والله ما بطلع معك