الغزو الثقافي التركي

[nawayseh]

نور ومهند
يحيى ولميس
منا وحسين
عمار ونرمين
وغيرهم من الاسماء هم عمله لوجه واحد
الا وهو الغزو الثقافي التركي
للوطن العربي
من خلال هذه الشخصيات التي جسدت في مسلسلات تركيه مدبلجه الى اللهجه السورية
وتعرض على القنوات الاسلاميه
اسال سؤال ما الغرض من هذه الهجمه او الغزو الاخير الذي شهدناه اي غزو ثقافي
من قبل الثقافه التركيه اهي بدايه لتتريك العرب اي جعلهم اتراك ويكونو امتداد لتركيا
ام هي دعوه لنبذ العادات والتقاليد العربيه اولا والاسلاميه ثانيا
التي اصبحت بنضر دعاة الثقافه تخلف ورجعيه وان الكون قد تطور لذا على العرب ان يتطوروا
ويتخلصو من هذه الرواسب
عليهم ان يلغو مسالة الشرف والعرض والعفاف والحشمه والوقار ويحولو مجتمعه واسرهم الى افراد يعيشون الجنس والشهوات بصوره علنيه وعلى مرئا ومسمع الاهل (ليش الحب عيب لا عيني مباح ليش عيب الله يوفقكم)
صرنا ننضر الى واجهات المحلات اصبحت مزدانه والحمد لله بصور الابطال الاتراك(اي مو حررو القدس)
لا بل وحتى الموديلات اصبحت تركيه (هذه بدلة نور وهذا حذاء مهند وهذا قاط يحيى)
ما اقول بس على الدنيا السلام اذا كانو ا هؤلاء هم مثلنا بالحياة

اتمنى المشاركه من الجميع بهذا الموضوع الهام

[أميرة قوس النصر]

يعني عادي انه نتابع مسلسللات من ثقافات اخرى زيها زي انه تقرئ روايات من ثقافات اخرى ولغات اخرى
يعني نقطة انك تابع هاي المسلسلات مش هون المشكلة .
الصدى والناس اللي بتابع هيك مسلسلات هيه المشكله زي قولت المثل ( هجين وقع بسلة تين :db465236ff:)
برايي اسم غزو هو كبير يعني مش الخلل بالمسلسلات الخلل بالي بشوفوها :icon31:

[khaled aljonidee]

الحق علينا صاحبي

:icon31:

[أميرة قوس النصر]

الحق علينا صاحبي

:icon31:

طبعا الحق علينا وين الغلط لما نتعرف ع ثقافه ثانيه بس نظل ماسكين بثقافتنا ؟!!
هاد اشي مستحيل نعمله احنا العرب
ولما نتاثر بنحط الحق على الثقافه اللي اكتسبناها ولا بنعمل حالنا ضحيه غزوة وبنبلش نظريات المؤامره
تنطرح ولحق يالي بتلحق :icon31::icon31:

[عُبادة]

الغزو مش من الثقافة التركية
الغزو كان من القنوات العربية هي اللي بتشتري هيك مسلسلات وبترجمها:eh_s(2):

[khaled aljonidee]

انا يا مها تركيا كلها ما دخلت راسي

هاي دولة علمانية و الدولة العلمانية بتخوف كثير

أ:ثر من اليهود الي في فلسطين

و بالنسبة للمسلسلات عن جد الله يعين الناس

:icon31:

[أميرة قوس النصر]

رايي عادي نتفرج وعادي نتعرف وعادي لما تعرضها القنوات العربيه
بس برجع وبحكي مش عادي اللي بعملوه اللي بشوفو هيك مسلسلات
ولا شو الفرق بينها وبين اللي بسمع اغاني اجنبي ؟
ولا اشوف مسلسل اجنبي او اقرئ روايات غربيه !!

[nawayseh]

طبعا مع خالص شكري واحترامي لمروركم الكريم
لكن الفرق شاسع جدا مابين قراءة كتاب اجنبي او مشاهدة مسلسل او فيلم اجنبي
فالكتاب اذا لم استفيد منه فلا داعي له ولا ضرار منه لكن المشاهده وخصوصا وابنائنا وبناتنا موجودين من حولنا هنا تكمن الكارثه
و ما أثار قريحتي ودعاني للكِتَابه , وأنا أسمع أبناء الخامسة والسابعة يتبادلون الحديث فيما بينهم عَنْ هذهِ المُسلسلات الهابطة , وكانت الصاعقة عندما سمعت ذات السبعة أعوام تقول لقريبتها ' دريتي لميس حامل من يحيى ' ! ( طبعاً دون زواج ) وأمور أخرى يخجل الإنسان مِنْ ذكرها والله ..

يقول الله سبحانه وتعالى : ﴿ يَا أَيُّهَا الَّذِينَ آمَنُوا قُواأَنفُسَكُمْ وَأَهْلِيكُمْ نَارًا وَقُودُهَا النَّاسُ وَالْحِجَارَةُ﴾ التحريم ـ الآية 6

والله لكأن الحال قُلبِتْ رأساً على عَقب , لا تمر الساعه التاسعه إلا والجميع على شغف للعاشرة لأنهُ موعد ' مُسلسل نور ' ولا تأتي الساعه الرابعة عصراً إلا والجميع ينتظر ويتلهف لمُشاهد ' سنوات الدمار ' !!

التي دمرّت الأخلاق وشوّهت الإسلام وعاثت بالمُسلمين شَّر فســــاد ,, وفي ذهني الآلآف الأسئلة والإستفسارات , التي لا أجد لها جواباً , هل جاءت هذهِ المُسلسلات لتقديم نموذج للرومانسيَّة والحياة العاطفية التي تفتقر إليها مُجتمعاتنا القاحلة ! أم جاءت للمُنافسة الإعلاميَّة ؟ أم نشراً للفساد والرذيله ؟ أم ترويجاً للسياحة التركيَّة ؟ التي إنتعشت في الآونه الآخيرة بشكل مُذهل !

آآه , والله إنها لغصةً في الحلق حينما يتنازل الآباء عن فلذات أكبادهم بالسماح لهم بمُشاهدة هذهِ المناظر الفاسدة والرومانسيَّة الكاذبة والأخلاق الزائفة ,, والأدهى والأمّر أن يجلس الآباء والأبناء لمُشاهدة هذهِ المُسلسلات الهابطة !

كَمْ مِنْ ' حالات طلاق ' حصلت بسبب هذهِ المُسلسلات المُدمرّة , فلطالما إسترعى إنتباهنا , أخبار حوادث الطلاق بسبب مُهند وأخرى بسبب لميس !

ألهذهِ الدرجة , قد غُـيبّت عُقولنا ؟ ألهذهِ الدرجة وصلنا للضعف والإنهزاميــّـه , لاشّك أن الفتن يُرقّق بعضها بعضاً , ولكِنْ إن كان الحال بنا قد تردّى , وإنساقت عقولنا وقلوبنا خلف لميس الماجنة ومُهند الشبه رجل ونور المستعففه وهي بعيدة عن العفاف برمتّه , فكيف بنا الحال في الفتن الكُبرى ؟

[أميرة قوس النصر]

:icon31:

[أميرة قوس النصر]

في الزمنات بجوز وانا بالسابع ثارت حملة شرسه ع مسلسل كرتون اسمعه بكيمون
وبلشو يحللو اسماء البوكيمونات و جرايد,, وتحريم المتابعه ..وتحذير ,:db465236ff:وطلعو بقرار فذ منعوه من كل القنوات !!
((:SnipeR (30):حطو عقلهم بمسلسل كرتون :SnipeR (30):)
بعد سنه رجع البرنامج وطبيعي وكل اللي كان ينحكى عنه انتسى :db465236ff:
يعني اللي بدي اوصل اله انه الضجة ونظريات المؤامرة هاي هي اللي بعطي اهميه للقصص وبرجع باكد انه مش اسمها غزو ولا اشي زيها زي اي موجه رح تروح مثل المسلسلات الاسبانيه المدبلجة وغيرها وغيراتها :icon31:

[محمد العزام]

خلي هالناس تحضر
يعني هو الغزو اللي بتحكي عنو وقف على هيك مسلسلات
لو بدنا نحكي عن قيمة الانحطاط اللي احنا فيه رح تتفاجئ انحطاط بكل النواحي الدينية والسياسية والاخلاقية والاقتصادية يعني بجميع الاتجاهات صرنا بهيك حال


مشكور على طرحك للموضوع

[Bashar qasaimeh]

يعني عادي انه نتابع مسلسللات من ثقافات اخرى زيها زي انه تقرئ روايات من ثقافات اخرى ولغات اخرى
يعني نقطة انك تابع هاي المسلسلات مش هون المشكلة .
الصدى والناس اللي بتابع هيك مسلسلات هيه المشكله زي قولت المثل ( هجين وقع بسلة تين :db465236ff:)
برايي اسم غزو هو كبير يعني مش الخلل بالمسلسلات الخلل بالي بشوفوها :icon31:


صحيح الخلل بالناس ومدى تاثرهم بالشخصيات

[هدوء عاصف]

شباب وصبايا مسااااااااا الورد :)
قبل 6 شهور تقريبا اجا عالجزيرة وببرنامج الإتجاه المعاكس لقاء مع (لورا أبو خليل) منتجة احد المسلسلات المدبلجة ولعبت دور البطولة في احدها، المشكلة انو طول الحلقة ما طلع فيصل القاسم معها براس، طبعا وهي تقول (المشاهد مل) (المشاهد بدو شي جديد) (المشاهد يفتقد للتجديد)... والخ... من المبررات، يا جماعة قصة الدبلجة قصة كبيرة أنا برأيي بتمولها جماعات كبيرة، هاي راس مالها بالملايين وطبعا اذا بدك تسألني مين هالجماعات فبقولك انو مجموعة ام بي سي اولها، بتحصد بكل مسلسل مئات الملايين من ورا الاعلان، فشو همهم يعني، فارقة معهم ثقافة وكلام هيك!!

:SnipeR (83):

[شذى البنفسج]

شباب وصبايا مسااااااااا الورد :)
قبل 6 شهور تقريبا اجا عالجزيرة وببرنامج الإتجاه المعاكس لقاء مع (لورا أبو خليل) منتجة احد المسلسلات المدبلجة ولعبت دور البطولة في احدها، المشكلة انو طول الحلقة ما طلع فيصل القاسم معها براس، طبعا وهي تقول (المشاهد مل) (المشاهد بدو شي جديد) (المشاهد يفتقد للتجديد)... والخ... من المبررات، يا جماعة قصة الدبلجة قصة كبيرة أنا برأيي بتمولها جماعات كبيرة، هاي راس مالها بالملايين وطبعا اذا بدك تسألني مين هالجماعات فبقولك انو مجموعة ام بي سي اولها، بتحصد بكل مسلسل مئات الملايين من ورا الاعلان، فشو همهم يعني، فارقة معهم ثقافة وكلام هيك!!

:SnipeR (83):

:eh_s(15)::eh_s(15):