استفسار عن الانتقال

[hashimk1992]

معلش أنا بعرف ان استفساراتي واسألتي كثرو بس تحملوني شوي

هسا أنا طالب هندسة مدنية - هندسة المياه والبيئة بكلية الحصن
بدي أحول ل هندسة مدنية - هندسة طرق وجسور بكلية الهندسة التكنولوجية

أنا لساتني فصل أول سنة أولى
بس بدي أعرف هل يعتبر هاد نقل من جامعة لجامعة ولازم أستنى سنة وأقطع 30 ساعة
ولا بقدر أحول بعد أول فصل ؟؟؟؟؟؟؟؟؟؟

ومرة ثانية يا ريت تتحملوني
وشكراً كتير لإنكم بتساعدوني دايماً

[هدوء عاصف]

عزيزي انا درست بالبترا وما بعرف انو نظام الخاص متل الحكومي او لا .. بس على كل حال رح استفسر واردلك خبر قبل ما اجاوبك مشان يكون اكيد .. راجعلك :)

ولا يهمك بالخدمة احنا :)

[حسان القضاة]

معلش أنا بعرف ان استفساراتي واسألتي كثرو بس تحملوني شوي

هسا أنا طالب هندسة مدنية - هندسة المياه والبيئة بكلية الحصن
بدي أحول ل هندسة مدنية - هندسة طرق وجسور بكلية الهندسة التكنولوجية

أنا لساتني فصل أول سنة أولى
بس بدي أعرف هل يعتبر هاد نقل من جامعة لجامعة ولازم أستنى سنة وأقطع 30 ساعة
ولا بقدر أحول بعد أول فصل ؟؟؟؟؟؟؟؟؟؟

ومرة ثانية يا ريت تتحملوني
وشكراً كتير لإنكم بتساعدوني دايماً

اخوي جامعة البلقاء بتفتح باب الانتقال من كلية لاخرى مره في السنه نفس شروط الانتقال من جامعه لاخرى لكن فيه طريقة اخرى انك تقدم على الفصل الجاي طلب قبول موحد جديد وتكتب فيه هندسه مدنية-الهندسه التكنولوجيه ولو معدلك بسمح بتنتقل فورا بتعادل ساعات هذا الفصل ما بتخسر اي ساعه كونه كلهم متطلبات جامعه موادك هذا الفصل
تحياتي وهدوء عاصف ان شاء الله بزودك بمعلومات اكثر عن طلبك

[هدوء عاصف]

اخوي مسا الخير ..

بتزبط معك الطريقتين لكن الأفضل الك انك تقطع الـ 30 ساعة ووقتها النظام بسمح الك الانتقال من تخصص الى آخر وكلية واخرى ، أما بالنسبة للتحويل بآخر الفصل فهو بتطلب طلب قبول جديد يعتمد على شهادة التوجيهي ، اذا انت برضو شوف اذا معدلك بالثانوية بأهلك للتخصص المطلوب قدّم على آخر الفصل بس انا بفضّل انو تقطع الـ 30 ساعة كونها المواد مشتركة يعني ما رح تخسر اشي بالعكس بتختصر ع حالك ..

كل التوفيق :)