ايهما افضل الزواج من لعائلة ام خارجها؟؟

[طوق الياسمين]

انت شو بتختار؟؟


الزواج من خارج العائله
يكون شريك الحياه شبه غريب
غير معروف الأخلاق ولا الطبائع
ماينعرف ماضيه ولا ينعرف ماضي عائلته..
ولكن
يلم شمل عائلتين ويصيرون اهل

ان يكون شريك الحياه من العائله
يكون معروفه اخلاقهم ..
وراح يحافظ على شريكه الثاني ولا يفرط فيه..
ولكن
تكثر المشاحنات والمشاكل
بن الاقارب وفي بعض الاوقات تؤدي
الى القطيعه..

[هدوء عاصف]

والله يا زمردة ما بتفرق نفس الشي ..
يعني اللي بحكم بالموضوع هو اخلاق الزوجين ، يعني الزوج "الهامل" بعيد عنك بضل اسمه هامل كان غريب ولا قريب ، ولما يكون محترم وابن ناس وعالم بكون اسمه محترم وبحظى على احترام الجميع ، بس اللي بفرق مش بالمشاحنات والمشاكل انما بضل اللي من العيلة اسمه من العيلة ، يعني الزوج الغريب بجوز يضلوا اهل زوجته يعاملوه بطريقة اقرب الى الرسميات من الزوج القريب ، وما بتعرفي ترى انا بشوف الرسميات بتحفظ العلاقات بين الطرفين انها تضل كويسة ، وبرضو من ناحية تانية الزوج القريب لما يكون محترم وبعرف كيف يحكي ويتصرف بتضل اله معاملة خاصة ومميزة ، يعني باختصار ما فيه فروقات كتير ، اذا بدها تصر مشاكل رح تصير كان قريب ولا بعيد ..


هاد رأيي ما بعرف عن رأي التانيين ..

شكرا زمردة :)

[طوق الياسمين]

يعني الي حكيته صحيح والقصة مش قصة قريب ومش قصة بعيد قصة الشب او البنت نفسها

وانت ماخد قريب وانا اعطوني لت قريب شي حلو وشي مر :SnipeR (13):

[هدوء عاصف]

والله يا زمردة من تجربتي الشخصية لما خطبت خطيبتي ما كنت متوقع بيوم اني آخد من العيلة ، بعد ما خطبنا صار بيناتنا قصة حب ما صارت بالأحلام وابدا ابدا شغلة القرابة ما بعمرنا حسينا فيها بالعكس فاهمين بعضنا كإنا بنعرف بعضنا من 10 سنين مع انهن كلهن 4 شهور!

برأي لأ ما بتفرق زمردة .. انتي شو صار معك؟ حسيتي بفرق؟

[طوق الياسمين]

لا حسيت بـ فرق ولا حسيت بـ الطبيعي انا بعيدة كليا عن هيك موضوع

والله بعين >> اكيد فهمت :SnipeR (78):

[هدوء عاصف]

لا حسيت بـ فرق ولا حسيت بـ الطبيعي انا بعيدة كليا عن هيك موضوع

والله بعين >> اكيد فهمت :SnipeR (78):



زمردة خديها مني .. هاي الشغلة بترجع للشب ..

صديقيني الشب هو اللي بحدد كل هاي الأمور ، البنت بمرحلة الخطبة شو بدها يعني؟
بدها حب وحنان وبدها قلب يحس فيها وواحد يدللها ويحسسها بإنها أهم شيء بحياته ،
ولما يكون الشب فاقد لهاي الأمور او بعضها بصير في شي غلط بيناتهم ..

ولو كانوا قريبين مش غريبين وكان الشب بيعرف كيف يهتم بخطيبته ويحسسها بالأمان
معه والحب واحنان رح تحبه وتقدمله عمرها ع طبق من ذهب وبالنهاية رح يعيشوا
التنين مبسوطين بغض النظر كانوا اقرباء او غربا عن بعضهم ..

[الوردة الاردنية]

انا بشوف الزواج من الغريب افضل رغم السلبيات التي قد تتواجد لديه لعدة اسباب اولها انه الرسول عليه الصلاة والسلام قال غربوا النكاح وثانيها الغريب قد يصونك اكثر من القريب
بينما القريب ممكن يعمل فيك العجايب وانت مضطر تسكت لانه قريب والطعنة دائما ما بتيجي الا من القريب

[طوق الياسمين]

الله يوفق الجميع ويوفقك :icon26:

[هدوء عاصف]

تعقيب على رد اختي الكريمة الوردة الجريحة ، انا بتفق معك انو الطعنة بتكون اقوى من القريب ، لكن احنا بهاي الحالة بنحكي عن واحد استغل شغلة القرابة ليعمل العمايل وهاد بنظري بكون واحد "نذل" .. أما لما نيجي نحكي عن الإنسان اللي بفهم العاقل فهو طبعا مستحيل يعمل هك ، ولو صار خلافات لا سمح الله ما بتطور بالشكل هاد ، يعني بتكون الخلافات بنفس المستوى لو كان غريب ، ضروري نفرّق ونعرف انو الشب العاطل مهما كان قريب او غريب رح يخرب حياة مرته واهلها كمان ..

[طوق الياسمين]

الي حكيته بالاول وردة كان صحيح بس
ما بتفق معك بـ قصة الطعنة لانه الطعنة رح تيجي من قريب او غريب كلهم واحد حبيبتي كله بـ شخصه

اشكركِ :icon10:

[الوردة الاردنية]

تعقيب على رد اختي الكريمة الوردة الجريحة ، انا بتفق معك انو الطعنة بتكون اقوى من القريب ، لكن احنا بهاي الحالة بنحكي عن واحد استغل شغلة القرابة ليعمل العمايل وهاد بنظري بكون واحد "نذل" .. أما لما نيجي نحكي عن الإنسان اللي بفهم العاقل فهو طبعا مستحيل يعمل هك ، ولو صار خلافات لا سمح الله ما بتطور بالشكل هاد ، يعني بتكون الخلافات بنفس المستوى لو كان غريب ، ضروري نفرّق ونعرف انو الشب العاطل مهما كان قريب او غريب رح يخرب حياة مرته واهلها كمان ..

انا اتفق معك في هذه النقطة انه الشب العاطل سواء كان قريب او غريب بخرب الحياة
لكن لماذ يكون الحق كله على الشب اليس في بعض الاحيان تكون البنت هي السبب

[هدوء عاصف]

انا اتفق معك في هذه النقطة انه الشب العاطل سواء كان قريب او غريب بخرب الحياة
لكن لماذ يكون الحق كله على الشب اليس في بعض الاحيان تكون البنت هي السبب




لا اختي طبعا مش كل الغلط بكون من الشب بس يعني عادة بتكون البنت مظلومة لإنها ضعيفة بتكون عادة وبأغلب الحالات بتكون ضحية ، يعني الشب لما تفقع معاه بطلقها وبتجوز غيرها والبنت عاد بتقعد تتلقّى الهم والتعتير من بعدها .. كمان الشاب هو المسيطر واللي بسيّر مجرى حياته وحياة زوجته فعادةً بتكون البلاوي منه .. أما اكيد احنا مش ناسيين انو فيه نسوان بعجبوا وما بخلوا اشي من شرهم .. يعني الشغلة نسبية اختي الكريمة ..

[الوردة الاردنية]

الي حكيته بالاول وردة كان صحيح بس
ما بتفق معك بـ قصة الطعنة لانه الطعنة رح تيجي من قريب او غريب كلهم واحد حبيبتي كله بـ شخصه

اشكركِ :icon10:

صح الطعنة بتيجي من قريب وغريب لكن من تجربة مرت بها العائلة اصبحت انا شخصيا اعزز فكرة الزواج من غريب

[طوق الياسمين]

كل واحد اله رأي واختلاف الارداء لا يفسد للقضية ود :icon26:

[الوردة الاردنية]

لا اختي طبعا مش كل الغلط بكون من الشب بس يعني عادة بتكون البنت مظلومة لإنها ضعيفة بتكون عادة وبأغلب الحالات بتكون ضحية ، يعني الشب لما تفقع معاه بطلقها وبتجوز غيرها والبنت عاد بتقعد تتلقّى الهم والتعتير من بعدها .. كمان الشاب هو المسيطر واللي بسيّر مجرى حياته وحياة زوجته فعادةً بتكون البلاوي منه .. أما اكيد احنا مش ناسيين انو فيه نسوان بعجبوا وما بخلوا اشي من شرهم .. يعني الشغلة نسبية اختي الكريمة ..


صح اقنعتني بالنهاية بوجهة نظرك اخ محمود

[طوق الياسمين]

الحمدلله انك اقتنعتي حبيبتي :)

[الوردة الاردنية]

الحمدلله انك اقتنعتي حبيبتي :)

ما هو ماشاء الله عليه محمود بقنع الي ما مرته اقتنع وجهة نظره كانت في محلها

[طوق الياسمين]

صحيح :drive:

[سنفورة]

مرحبا موضوع حلو كتير يسلمو زمردة بس برأي غريب عن العائلة افضل

[طوق الياسمين]

يمكن بظل رأيك سنفورتنا :)

[غسان]

بتذكر دايما كنت اسأل ضيف كرسي الاعتراف انه انته مع الزواج التقليدي ولا الزواج عن حب ... كانت دايما الكفه تميل نحو الزواج التقليدي

اليوم السؤال الزواج من القريب ام من البعيد ... جوابي ايضا كما كان سابقا الزواج عن حب ... سواء كان قريب ام بعيد ... لكل منهما ظروفه وحسناته وعقاباته ...
ممكن يكون الحب مع القريب لعب بالنار اكثر من غيره ... لكن القلب وما يهوى .. :)

شكرا زمرده :)

[طوق الياسمين]

اهلا غسان معك حق الواح انه يتزوج عن حب ان كان قريب او بعيد
بس هو انت بدك تتزوج وخلص شو بتفضل
ان كان من تجاربك الخاصة او من تجارب غيرك مرت قدامك زواج بعيد او قريب مين شفتوو افضل

ونورت وجوابك منطقي للحبيبة :SnipeR (51):

[غسان]

اهلا غسان معك حق الواح انه يتزوج عن حب ان كان قريب او بعيد
بس هو انت بدك تتزوج وخلص شو بتفضل
ان كان من تجاربك الخاصة او من تجارب غيرك مرت قدامك زواج بعيد او قريب مين شفتوو افضل

ونورت وجوابك منطقي للحبيبة :SnipeR (51):


مممم بهيك حاله ... حسب الخيارات المتاحه بصير افاضل بينهم .. من حيث الجمال والدين والشهاده ... والقرايب اهلها اذا بحبهم ولا لا .؟؟؟

بس بفضل اخذ وحده بعيده .. بحثا عن استقلاليه اكبر .. ما بدي كل العيله تشارك بحل مشاكلي انا واياها ...

الله اعلم شو الي رح يصير :)

شكرا الك :)

[طوق الياسمين]

صحيحي جواب منطقي بتشكرك لانك هون :SnipeR (51):

[العقيق الاحمر]

بنظري كل اشي نصيب وما دخل قريب أو غريب

كل اشي بإيد ربنا

تقبلي مروري:drive:

[طوق الياسمين]

كل شيء نصيب وهاد ما بنختلف فيه ابدا :SnipeR (35):