[ علمناهم ع السرقه سبقونـا على الأبواب ]

[هدوء عاصف]

بسم الله الرحمن الرحيم
السلام عليكم ورحمة الله وبركــاته





بيقولوا .. [ علمناهم ع السرقه سبقونـا على الأبواب ]

موضوعنا مش عن السرقه ولا حتى عن الأبواب

موضوعنا بحكي في نفس النطاق اللي مذكور فيه المثل ..!




http://www.al79n.com/vb/mwaextraedit6/extra/27.gif




يعني [ مثال ] ..

بتقدم لك شخص ما بيفهم في أي مجال وخلينا نقول مثلا ً مجال [ التصميم ] ..

وبده يتعلم لانه شغلك أعجبه ، وهو بيحاول انه يطور نفسه للأفضل

وانت بتروح بتعلمه وبتعطيه كل شي بيحتاجه في هذا المجال .. ومع مرور الوقت والزمن

بـ يطلع لك وظيفه في هالمجال في بلد ممتــاز ما شاء الله

وللأسف الشديد .. بتلاقي انه الشخص اللي علمتـه بيخرب عليك هالشــي ..

[ يــآ ترى شو السبب ...؟



http://www.al79n.com/vb/mwaextraedit6/extra/45.gif




[ مثال في نطاق آخر ]



كنت استــاذ في أحد المدارس , وما شاء الله عنك كنت استاذ عظيم

وبينضرب فيه المثل , وكان في عندك طالب ما شاء الله عنه مبدع وكثير متميز

مثل ما بيقولوا [ الأول ع الشعبه ] .. !

ومع مرور الزمن كنت انت قدوه للطـالب المميز من خلال العلم والمعامله وغيره ..

والطالب كان يحبك كتيــر ويحترمك ويقدرك بشكل جميل جدا

ومع مرور الزمن .. ما بتشوف الا الطـالب المميز صــار استاذ معك بنفس المدرسه

ويا عيني عليه .. كمان نفس الشي مبدع !

وبتصير صدفه والمدرسه بتعمل مسابقة أفضل استاذ بالمدرسه

واحد المتقدمين انت والاستاذ اللي كان طالــب ,, والتصويت ع طلاب المدرسه

وللأسف الشديد بتلاقي هالاستاذ المحترم بيحكي عنك كلام مش منيح للطلاب اللي بيدرسهم

ع اساس انه درس عندك وبيعرف اسلوبك وسيئاتك وبيخلي شكلك قدامهم غير شكل !

بيسويء سمعتك قدام الطلاب وحتى الاساتذه ... وكله مشان شي تافه .. مســابقة ...!

[ طيب ليش عمل هيك ..؟ ]


^
^
^

ما تستغربوا .. هاد مجتمعنا العربي ..

الأخ بيخرب ع اخوه في اعماله وعلاقته وعائلته وكله مقابل شغلات فارطه وفاشله .. !



آرائكم يا أعزاء

[الوسادة]

و الله شوف يا ابو الهد المنافسة شيء رائع جدا جدا و لكن متل ما حكيت احنا العرب و اكيد انا وحدة من العرب و اعتز يا اخي مش عارفة ليش الغيرة دابحيتنا ما بنحب نشوف حد احسن منا على مستوى العيلة نفسها مثلا العمة ما بتحب تشوف اولاد اخوها مبسوطين لانه شكلها نسيت انهم ولاد اخوها و بس متزكرة انهم ولاد بنت حماها

يا اخي و الله اشي بجنن الواحد

[هدوء عاصف]

مزبوط هدولة .. والأخ بكره اخوه قال لإنو مرت اخوه حكت لمرته انتي زوقك مش حلو ، يعني ما بعرف يشمطها كف يقلب خلقتها مشان تبطّل نق وهبل ، الواحد يكره اخوه مشان مرته اختلفت مع مرت اخوه!!
والإبن ما بحب ابوه لإنو ابوه طلب منو مبلغ شهري ، بتلاقي يا هدولة ابوه ختيار "متسعن" وما اله غير الله وهالولد ، وقلبي ع ولدي وقلب ولدي ع حجر!!

الحالة بتخزي صارت ، الناس ما عادت تحب بعضها ، مشان هيك الله مش مبارك بحياتنا ولا زرقنا ..
لنشوف كمان آراء من الاعضاء التانيين .. شكراً هدولة لمرورك :)

[العقيق الاحمر]

والله بنظري مش مهم لو يسبقونا على البواب طالما احنا كمان بندق لسة على البواب ..
و مش غلط التلميذ يسبق معلمه بس الغلط انه يتنكرله..والواحد مهما كبر لازم يذكر فضل اللي علمه
وكمان ما تكون عين المعلم ضيقه وينفي انه ممكن هـ التلميذ يتفوق عليه يوماً ما

بس اللي بصير انه في ناس عينها ضيقة وبتكره الخير للناس ولو وحدا صار شاطر ومجتهد من بعد ما كان ولا إشي بصير حرام عليه وحلال لغيره

يا اخي كل الدنيا هيك..اللي ما بعرف اليوم بتعلم وبكرة بصير .. وهاد إشي طبيعي بس اللي مو طبيعي انك تستهجن انه اتعلم وتفكر انه العلم حكر عليك لحالك وانه مهما تعلموا الناس مش لازم يسبقوك وبضل عندك فكرة معششة براسك انك انت احسنهم

اصحى من الوهم اللي انت عايشه واخرج من قوقعتك وبلاش عينك تضلها ضيقة على اللي بـ إيد غيرك واتمنى الخير للجميع وبطل أنانية

وسلامة تسلمكم

يسلمووو هدوء على الموضوع

[طوق الياسمين]

بـ صراحة انا بعلم بس لما يتنكرلي بزعل لأنه صير احسن مني بس أ ُذكر فضلي عليك
مش تحميل جمايل بس لازم تُذكر قديش في حدا أعطاك شي تتميز فيه بـ هـ الحياة

[صديقه بنت الشديفات]

انتقلت الاحداث في مجتمعنا كافه من المنافسه الى ما يسمى بالواسطه ..

تعرفوا عنا بالجامعه لو معك واسطه تتعين بـ لابات كليتنا وانت طالب ..