أميرة قوس النصر
10-10-2011, 10:40 PM
غرائب عمّان السبعة الجزء التاني و التي تحتوي على خمس غرائب عمّانيّة جديدة … في حال عجبتكم رح اكتب جزء تالت و ازا ما عجبتكم رح الغي المشروع نهائيا
برجين السادس مش أحسن مني … فيا ريت تحكولي ازا بدكم جزء تالت او لأ … حتى انت يا ابو حميد الي دايما بتقرأ كل مقالاتي و دايما بتكتب هدا التعليق الذي يقول ” انت تافه ”
بهمني رأيك فأكتب ازا بدك جزء تالت بجانب جملة ” انت تافه ”
جواب على سؤال اجاني من 53 واحد بالعدد .. الذي يقول ” نيكولاس شو هاي البرادة ههههه جد ضحكتني بس ليش اسمها غرائب عمّان السبعة و هي بس خمس غرائب ؟؟
رح تسمعو جواب هدا السؤال في الجزء التالت …. خلينا نبدا بدون مقدّماتالغريبة السادسةمياه بلا مصدر : مياه حيّرت كل علماء المواسير و الضخ المركزي, مياه بتطلع كل يوم من شق شكل من شقوق شوارع عمّان, علما ان هذه الشقوق تظهر بعد ثلاثة شهور من تزفيت امانة عمّان لها ” ما كسي مم ” مع وجود فتحة على الميم القبل اخيرة مش ضمّة … كتير حاولت امانة عمّان انها تلاقي سبب هاد التسريب قصدي هاي المي, و ما ضل مكان في عمّان الا و حفرته الامانة على امل ايجاد ماسورة مخزوقة او سبب منطقي بس عبس ( الي بدري بدري و الي ما بدري بقول كف عبس ) … بس في الاخر وجدو حل ينهي هاي المشكلة و يفيد المجتمع … و هو التطنيش !!! عندما تحس هذه المياة بالتطنيش رح تروح لحالها بذاتها عند باب الامانة و تحكيلها مشان الله … فلمّا المي تروح هناك سيقوم موظفو الامانة بتحويطها و سحبها الى مكان معيّن و اقامة مشروع يفيد الأمّة اسمو مشروع الديسي … و ديسي واااا ديسي .. ديسي ديسي ديسي واااا .. هههههالغريبة السابعةشوارع عمّان : دايما بسأل حالي سؤال, ليش المهندس(لس) الي صمّم شوارع عمّان مش هو نفسو الي اخترع الشبكة العنكبوتيّة ( الانترنت ) ؟؟؟ جد في تشابه غريب بين شوارع عمّان و الانترنت … يعني ازا انت موجود داخل ” الجوجل ” بتقدر تروح على “الفيس بوك” من خلاله … و بتقدر تفوت على ” اليو تيوب ” من خلال ” الفيس بوك “, و بتقدر تفوت على ” تويتر ” من خلال ” اليو تيوب ” و بتقدر تفوت على ( تم حذف هذا المقطع من الرقابة ) ….. هيك بالزبط شوارع عمّان, بتقدر تروح على شارع الرينبو من البلد و من اللويبدة و من الثالث و من طريق المطار و من العبدلي الخ الخ الخ … بينما في بلدان تانية هناك طريق واحدة تؤدي الى مكان واحد … و الجميل في الأمر اذا دخلت دخلة غلط في عمّان بكل سهولة بتلاقي دخلة ” هايبر لينك ” بترجعك مكان ما كنت .. جد غريبة .. و اكبر دليل على كلامي هو التحويلة الى ازا بتلحقها ممكن تروح على المحطّة عن طريق بيادر وادي السير …الغريبة الثامنةالصدفة الغريبة : هذه الصدفة لا تحدث الى في عمّان … هذه الصدفة لا تحدث الا في الشتاء … هذه الصدفة لا تحدث الا لمّا ينزل تلج … لما ينزل عنّا تلج بروح ابو حميد بدو يشتري مناقيش زعتر لمرتو, المسكين بعد ما يشتري مناقيش الزعتر بعلق في نصف الثلج ” 10 سم ” … بعد اربع ساعات من علقته في الثلج يأتي الدفاع المدني لينقذ ابو حميد من هذا الخطر المميت … الصدفة الغريبة هو انو كل ما ييجي الدفاع المدني ينقذ ابو حميد من التلج بكون التلفزيون الأردني قاعد بصوّر !!!! جد غريبة …و الاغرب من هيك انو مناقيش الزعتر بتكون سخنة رغم علقة ابو حميد اربع ساعات في البرد القارص !!! عنجد بحكي … يعني موسكو اربع و عشرين ساعة تلج, عمركم شفتو برنامج يسعد صباحك الموسكوي قاعد بعرض الدفاع المدني الموسكوي و هو قاعد بنقذ ابو حميد الموسكوي الذي ذهب لشراء مناقيش زعتر موسكوية لمرتو الي قاعدة بتتوحّم ؟؟؟ …. غريبة …الغريبة التاسعةالنكتة الموسميّة : في كل دول العالم بتلاقي النكتة مربوطة بعامل اللحظة …. او موقف … او صدفة … بس هدا الحكي مش موجود في مدينتنا الحبيبة عمّان, يعني كل ستة شهور بتطلع نكتة فيها و شعب عمّان بضل يحكيها و يضحك عليها لحد ما تطلع نكتة جديدة !!! اكبر مثال على ذلك هو نكتة ” زنقة زنقة ” للشهيد المظلّي الفارس القائد الزعيم الفنان الحساس ” القذافي ” … يعني بتروح على شبابا بتحكيلهم ” زنقة زنقه ” بقلبو على ضهورهم زي الصراصير من الظحك , غيب عليهم خمس دقايق و ارجع احكيلهم ” تفاحة تفاحة ” دموووع الفرحة … غيب ربع ساعة و ارجع احكيلهم ” بيه بيه ” بموووتو بموووتو من الضحك … غيب يوم كامل و ارجع اعطيهم أمل انك رح تحكي كلمتين ورى بعض فتبدأ الكركرة في عيونهم و الضحكة في معدتهم … و بكل قوة احكي ” طنت طنت ” فتبدأ القهقهة !!! جد غريبة ….الغريبة العاشرةو هي الغريبة الاكثر أهميّة لهذه الحلقة : مطعم هاشم … مطعم هاشم : انا عايش في عمّان منذ 25 سنة, يعني عاشرت مطعم هاشم في كل أوقاته … الأوقات العصيبة و الأوقات الجميلة … عاشرته لما كان صحن الحمّص 25 قرش و كاسة الشاي خمس قروش و صحن الفلافل مع السرفيس مع الشطّة 15 قرش … بس في الوقت الحالي مافي اسعار محددة لمطعم هاشم … كل ما بنزل مع ناس اكل بطلع حسابي 3 دنانير و خمس و سبعين قرش !!!! بروح مع واحد او مع خمسة بطلع الحساب 3 دنانير و 75 قرش …. بطلب صحن أو بطلب اربع صحون بطلع الحساب 3 دنانير و خمس و سبعين قرش … معقول يكون عامل عرض ادفع 3 دنانير و 75 قرش و كول لحد الاشباع ؟؟؟ الغريبة انو فرع مجمّع جبر عادي طبيعي, ما بواجه هاي المشكلة الا في فرع البلد … فيا جماعة الخير اذا عندكم عزومة أو مجبورين تعزمو حدا, خدو معكم 3 دنانير و 75 قرش و انزلو على هاشم البلد و أطلبو قد ما بدكم ….
برجين السادس مش أحسن مني … فيا ريت تحكولي ازا بدكم جزء تالت او لأ … حتى انت يا ابو حميد الي دايما بتقرأ كل مقالاتي و دايما بتكتب هدا التعليق الذي يقول ” انت تافه ”
بهمني رأيك فأكتب ازا بدك جزء تالت بجانب جملة ” انت تافه ”
جواب على سؤال اجاني من 53 واحد بالعدد .. الذي يقول ” نيكولاس شو هاي البرادة ههههه جد ضحكتني بس ليش اسمها غرائب عمّان السبعة و هي بس خمس غرائب ؟؟
رح تسمعو جواب هدا السؤال في الجزء التالت …. خلينا نبدا بدون مقدّماتالغريبة السادسةمياه بلا مصدر : مياه حيّرت كل علماء المواسير و الضخ المركزي, مياه بتطلع كل يوم من شق شكل من شقوق شوارع عمّان, علما ان هذه الشقوق تظهر بعد ثلاثة شهور من تزفيت امانة عمّان لها ” ما كسي مم ” مع وجود فتحة على الميم القبل اخيرة مش ضمّة … كتير حاولت امانة عمّان انها تلاقي سبب هاد التسريب قصدي هاي المي, و ما ضل مكان في عمّان الا و حفرته الامانة على امل ايجاد ماسورة مخزوقة او سبب منطقي بس عبس ( الي بدري بدري و الي ما بدري بقول كف عبس ) … بس في الاخر وجدو حل ينهي هاي المشكلة و يفيد المجتمع … و هو التطنيش !!! عندما تحس هذه المياة بالتطنيش رح تروح لحالها بذاتها عند باب الامانة و تحكيلها مشان الله … فلمّا المي تروح هناك سيقوم موظفو الامانة بتحويطها و سحبها الى مكان معيّن و اقامة مشروع يفيد الأمّة اسمو مشروع الديسي … و ديسي واااا ديسي .. ديسي ديسي ديسي واااا .. هههههالغريبة السابعةشوارع عمّان : دايما بسأل حالي سؤال, ليش المهندس(لس) الي صمّم شوارع عمّان مش هو نفسو الي اخترع الشبكة العنكبوتيّة ( الانترنت ) ؟؟؟ جد في تشابه غريب بين شوارع عمّان و الانترنت … يعني ازا انت موجود داخل ” الجوجل ” بتقدر تروح على “الفيس بوك” من خلاله … و بتقدر تفوت على ” اليو تيوب ” من خلال ” الفيس بوك “, و بتقدر تفوت على ” تويتر ” من خلال ” اليو تيوب ” و بتقدر تفوت على ( تم حذف هذا المقطع من الرقابة ) ….. هيك بالزبط شوارع عمّان, بتقدر تروح على شارع الرينبو من البلد و من اللويبدة و من الثالث و من طريق المطار و من العبدلي الخ الخ الخ … بينما في بلدان تانية هناك طريق واحدة تؤدي الى مكان واحد … و الجميل في الأمر اذا دخلت دخلة غلط في عمّان بكل سهولة بتلاقي دخلة ” هايبر لينك ” بترجعك مكان ما كنت .. جد غريبة .. و اكبر دليل على كلامي هو التحويلة الى ازا بتلحقها ممكن تروح على المحطّة عن طريق بيادر وادي السير …الغريبة الثامنةالصدفة الغريبة : هذه الصدفة لا تحدث الى في عمّان … هذه الصدفة لا تحدث الا في الشتاء … هذه الصدفة لا تحدث الا لمّا ينزل تلج … لما ينزل عنّا تلج بروح ابو حميد بدو يشتري مناقيش زعتر لمرتو, المسكين بعد ما يشتري مناقيش الزعتر بعلق في نصف الثلج ” 10 سم ” … بعد اربع ساعات من علقته في الثلج يأتي الدفاع المدني لينقذ ابو حميد من هذا الخطر المميت … الصدفة الغريبة هو انو كل ما ييجي الدفاع المدني ينقذ ابو حميد من التلج بكون التلفزيون الأردني قاعد بصوّر !!!! جد غريبة …و الاغرب من هيك انو مناقيش الزعتر بتكون سخنة رغم علقة ابو حميد اربع ساعات في البرد القارص !!! عنجد بحكي … يعني موسكو اربع و عشرين ساعة تلج, عمركم شفتو برنامج يسعد صباحك الموسكوي قاعد بعرض الدفاع المدني الموسكوي و هو قاعد بنقذ ابو حميد الموسكوي الذي ذهب لشراء مناقيش زعتر موسكوية لمرتو الي قاعدة بتتوحّم ؟؟؟ …. غريبة …الغريبة التاسعةالنكتة الموسميّة : في كل دول العالم بتلاقي النكتة مربوطة بعامل اللحظة …. او موقف … او صدفة … بس هدا الحكي مش موجود في مدينتنا الحبيبة عمّان, يعني كل ستة شهور بتطلع نكتة فيها و شعب عمّان بضل يحكيها و يضحك عليها لحد ما تطلع نكتة جديدة !!! اكبر مثال على ذلك هو نكتة ” زنقة زنقة ” للشهيد المظلّي الفارس القائد الزعيم الفنان الحساس ” القذافي ” … يعني بتروح على شبابا بتحكيلهم ” زنقة زنقه ” بقلبو على ضهورهم زي الصراصير من الظحك , غيب عليهم خمس دقايق و ارجع احكيلهم ” تفاحة تفاحة ” دموووع الفرحة … غيب ربع ساعة و ارجع احكيلهم ” بيه بيه ” بموووتو بموووتو من الضحك … غيب يوم كامل و ارجع اعطيهم أمل انك رح تحكي كلمتين ورى بعض فتبدأ الكركرة في عيونهم و الضحكة في معدتهم … و بكل قوة احكي ” طنت طنت ” فتبدأ القهقهة !!! جد غريبة ….الغريبة العاشرةو هي الغريبة الاكثر أهميّة لهذه الحلقة : مطعم هاشم … مطعم هاشم : انا عايش في عمّان منذ 25 سنة, يعني عاشرت مطعم هاشم في كل أوقاته … الأوقات العصيبة و الأوقات الجميلة … عاشرته لما كان صحن الحمّص 25 قرش و كاسة الشاي خمس قروش و صحن الفلافل مع السرفيس مع الشطّة 15 قرش … بس في الوقت الحالي مافي اسعار محددة لمطعم هاشم … كل ما بنزل مع ناس اكل بطلع حسابي 3 دنانير و خمس و سبعين قرش !!!! بروح مع واحد او مع خمسة بطلع الحساب 3 دنانير و 75 قرش …. بطلب صحن أو بطلب اربع صحون بطلع الحساب 3 دنانير و خمس و سبعين قرش … معقول يكون عامل عرض ادفع 3 دنانير و 75 قرش و كول لحد الاشباع ؟؟؟ الغريبة انو فرع مجمّع جبر عادي طبيعي, ما بواجه هاي المشكلة الا في فرع البلد … فيا جماعة الخير اذا عندكم عزومة أو مجبورين تعزمو حدا, خدو معكم 3 دنانير و 75 قرش و انزلو على هاشم البلد و أطلبو قد ما بدكم ….