يا جماعة ساعدوني

[الوسادة]

يا جماعة مشان الله احكولي كيف اتعامل مع بنت عندي بالجامعة بوجهين و للأسف اني صاحبيتها اول سنة و ما كنت اعرف انها هيك و انا متأكدة مية بالمية أنها بتحكي عني بس المشكلة انها بتحكي اشياء غلط و اي بنت ما بتحبني هي بتحاول انها تعمل حالها منيحة معها و بتروح تحكي معها حتى لو ما في موضوع عشان تورجيها انها احسن مني يعني غيرة عينك عينك و هي بتحمل كل الصفات السيئة من اخلاق و انا متدايئة اني انحسبت عليها شو اعمل مشان الله ساعدوووووووووووووووني
و هل الناس رح تاخد عني فكرة متل ما هي ماخدة عنها مع انه تصرفاتي مو متل تصرفاتها ابدا و الله على ما اقول شهيد ؟؟؟؟؟؟



ردواااااااااااااااا بسرعة

[أميرة قوس النصر]

انا دايما بقول انه ما في بعد المواجهه اذا سمعت حد قال عنك اشي غلط مش شخص ثاني بجمعهم الثنين وبفهم منهم بطلع واحد كذاب هاي اولا ثانيا ما في حد بستحق تضيعي وقتك معه حتى لو كانت صاحبتك اقطع عرقة وسيح دمه حطي حد للقصة انتي لحالك

[الوسادة]

و الله صح يسلمو عالنصيحة مها يللا يا حلوين بدي كمان آراء ما خاب من استشار

[Sc®ipt]

انا رأيي من رأي مها و انا من عادتي بهيك مواقف اختار المواجهة و لو انا مكانك كمان هالمرة بختار المواجهة و اكيد رح اطلع بنتيجة و اعرف الصادق من الكذاب ....

[الوسادة]

صح و الله بس و الله الواحد بعز عليه

[أميرة قوس النصر]

اذا هي مش عاز عليها انت ليش يعز ؟

[هدوء عاصف]

مرحبا هديل كيفك؟
اول شي لازم تعرفي انو موضوع غيرة البنات موضوع طويييييييييييييل وما بنتهي الى قيام الساعة http://www.bsmlh.net/almaidany/smiles/38.gif
والبنات الهم ماضي عريق مع قضايا الغيرة وامور شائكة يعجز ابليس عن حبكها احياناً .. لذلك ارجو انك ما تضلك تتفاجأي من فلانة وعلانة .. وهاد اولاً ..
اما ثانياً يا هديل انتي عارفة نفسك شو ، والإنسان الصح ما بتفرق معه اتهامات الناس الباطله لإنو صفاتك وتصرفاتك اكبر برهان على كذبهم ، واذا كانوا بدهم يصدقوا اتهامات هالبنت فهم أكيد متلها واذا مش متلها فهم اكيد ما بريدولك الخير ..
بتصور انو هالمعضلة ما بتنحل عن طريق البنت هديك او عن طريق الناس اللي بتسمع ، الحل ببلش من عندك ، ببلش الحل من ثقتك بنفسك ، خلي ثقتك بنفسك كبيرة وما تخليها تهتز ولو للحظة وحدة.
هديل انا بتعجب احيانا من شغلة ، شوفي الناس المش مزبوط شو بتكون ثقتهم كبيرة بأنفسهم ، صحيح بقولوا "ان لم تستحي فافعل ما شئت" ، بس هالناس بتلاقيهم عاملين العمايل وعم بواجهوا الحياة بصورة عادية وكإنهم مش عاملين اشي ، ربما "ان لم تستحي فافعل ما شئت" صارت لإنهم اصحاب ثقة بأنفسهم ولإنو ربنا زينلهم سوء عملهم فشافوا حالهم انهم صح او انهم هيك لازم يكونوا او ربنا ختم على قلوبهم فبالتالي عارفين حالهم انهم مش غلطانين فواجهوا الحياة والناس وما فرقت معهم تصرفاتهم..
لذلك ونصيحة من اخوكِ الكبير ما تخلي ثقتك بنفسك تهتز وواجهي المجتمع الجامعي بشل طبيعي وما تسألي عنهم .. اللي بسألك جاوبي على قد السؤال ولا تحطي حالك بموقف المدافعة عن نفسك ، هيك انتي بتثبتي الاتهامات عليكِ وخصوصي انو اللي حواليكِ نفسياتهم مريضة ، اما البنت هاي فروحيلها واحكيلها كلمة وحدة وبدون شوشرة ولا بهادل وكوني هادية معها واسأليها "انتي بتحكي عني هيك لاني احسن منك؟ ولا لإني احلى منك؟ انتي لو تعيشي عمرك كله ما بتحصلي ظفري فما تتعبي حالك بالحكي عني لإنو البني آدم الصح ما بتشوه صورته امثالك، واذا بطلع بإيدك صيري احسن مني ما حدا مانعك" ..!
وبعدها تصرفي بالجامعة عادي جداً ، والإنسان الصح ما بتهمه اتهامات الناس الباطلة وبالنهاية ومن تعاملهم مع الناس "الواطية" رح يعرفوا قديش انتي قدرك عالي ..

بتمنى تعملي بكلامي هدولة .. بتمنالك التوفيق http://www.bsmlh.net/vb/images/smilies/yasser-atrees%20%285%29.gif

[العقيق الاحمر]

أنا رأيي من رأي هدوء عاصف .. كفّى ووفى
:)

[shams spring]

انا من رأيي انك تتركيها ...هيك ناس ما بتناسبك لانها بتضرك اكتر ما بتنفعك
يعني ما رح يجيكي منها غير وجع الراس ....
هلا اذا تأكدتي انها بتحكي عنك .. وقفيها عند حدها .... ولا تخليها تتمادى ... هاي المواقف بدها جرأه

[الوسادة]

الله الله يا هدوئة عالرأي اللي بجنن عنجد شكرا رأي صائب جدا و عبى راسي

فعلا يا شمس هالمواقف بدها جرأة