منتديات الحصن الأردنية - دعوة للنقاش

[حسان القضاة]

السادة اعضاء منتديات الحصن الأردنية ..

كل الشكر على جهودكم جميعا ,


هذا الموضوع للنقاش حول المنتدى - الكثير من الاقلام المميزة غابت عنا - والكثير من الاعضاء المميزين سرقتهم الظروف منا - والكثير من التقصير من الادارة والمشرفين والاعضاء - نحن هنا اليوم لنتناقش ونفتح صفحة جديدة بعلاقتنا مع المنتدى ونتجاوز اخطائنا ونحاول التقدم بالمنتدى اكثر واكثر ..
منتدى الحصن والحمدلله تجاوز عمره الخمس اعوام ولا زال صامدا .. شامخا .. ومميزا .. والفضل لاعضاء الحصن وكل من شارك بالادارة والاشراف والعطاء على مر السنين .. لكن لنعترف أن هناك تراجع في المنتدى الفتره الاخيره .. لذلك هي دعوه لطرح المشاكل وطرق تجاوزها - ماذا نحتاج - هي دعوه للتفاعل اكثر - ودعوه لكل من غاب عن الحصن بالعوده الى القلعه - دعوه للاهتمام اكثر - علما بأننا بسبب غياب الكثير من اعضاء مجلس الادارة والمشرفين لفترات طويلة سنقوم بحل مجالس الادارة والمشرفين قريبا - وتعين اعضاء مجلس ادارة ومشرفين جدد طبعا مع بقاء اعضاء مجلس الادارة والمشرفين المتواجدين والقائمين بالمهام الموكله اليهم ضمن القائمه الجديده- وعلى من يرغب بالاشراف ارسال رسالة خاصة لي شخصيا مع تحديد القسم الذي يرغب بالاشراف عليه - والشكر الموصول لعطاء الجميع لكن غيابهم كادراين ومشرفين يؤثر على وضع المنتدى ككل ان لم يكن يدمره ومصلحة المنتدى اهم من كل الاعتبارات واتوقع انهم جميعا يوافقوني الرأي - وفي الختام هي لوحه بسيطه كتبتها ذات يوم بالحصن اود أن تعلق بذاكرتنا جميعا لربما في عطرها نجد حافزا لنعود الى احضان الحصن الذي نحب ..
بانتظاركم جميعا ..
دمتم بكل خير
حسان القضاة


مر اكثرُ من يوم…وموقع شبكة منتديات الحصن الأردنية يسكننا قبل أن نسكنه..
يزورنا قبل أن نزوره… نجده معنا في كل مكان…حتى عندما نكون بعيدين كل البعد عن اجهزه الكمبيوتر..يكون معنا.. نجد انفسنا نفكر لا ارادياً فيه..في كل ما اعطانا من فائده…بكل الرائعين الذين صنع منهم المنتدى اخوة لنا.. بكل تلك المواضيع المميزه التي ستبقى في الذاكره الى الابد..تجد نفسك تفكر في خلوتك ماذا تستطيع أن تقدم الى هذا الموقع الرائع… لأنك مهما قدمت ستبقى عاجزاً عن رد جزء بسيط من ما منحنا اياه…


منتدانا … برغم كل الحاسدين… وكل المخربين و كل اصحاب النفوس المريضه الذين ضايقهم تميزه.. بقي شامخاً كشموخ عجلون…اصيلاً مثل الكرك..متحضراً برقي جميل..مثل عمان…مُرحباً بكل الضيوف... متمسكاً بكل طيبه وصفاء نفس بالجميع..


منتدانا… بيتنا الكبير بأعضائه ندخل اليه كل يوم لنتفحصه غرفة غرفه.. لنجد أحبتنا كانوا هنا.. مخلفين ورائهم الكثير من الهدايا الجميله.. نتفحصها بلهفة طفلٍ صغير..نجدهم ما زالوا هنا.. رائحتهم الجميله تخترق الشبكه العنقوديه لتصل الينا.. كلماتهم التي سطروا بها احاسيسهم ..افكارهم..ثقافتهم وحتى همومهم.. اجمل عطرٍ قد نجده.. وأروع هديه قد نحصل عليها…


هنا.. في بيتنا الرائع..ككل مكان في وطننا الأغلى..نعبر عن افكارنا بديقمراطيه جميله.. وسط جو من الحوار الهادف..


هنا..على هذه الصفحات امامكم… كم نزفت اقلامٌ مميزه ونثرت بوحها الجميل..لتأخذنا معها الى عالم الابداع دون جواز سفر.. هنا ..كم عبرت اقلامٌ مسؤولة عن افكارٍ جعلتنا نعيد جميع حساباتنا.. وغيرت فينا ما غيرت…
هنا ..على هذه الصفحات..كم من معلوماتٍ قيمه.. ومواضيع هادفه.. نشرها واحدٌ منا.. بعدما اجهد نفسه .. في جمعها.. في كتابتها.. في تنسيقها.. لنحصل في النهايه عليها ((على صحنٍ من ذهب ))…لهم جميعا..سنبقى مدينين..


هنا.. حيث نمضي من الوقت كل يوم ما نمضي.. نجد انفسنا ننتقل من ابداعٍ الى أخر.. من غرفةٍ الى غرفه.. من رائع الى أروع..نزيد تواصلاً وأخوه يوماً بعد يوم.. كل يوم تتسع العائله بأخ جديد.. أو أختٍ جديده..


هنا.. برغمِ أن اغلب الاعضاء لا يعرفون بعضهم وجهاً لوجه.. الا اننا في انفسنا لا ارادياً نرسم لكل واحدٍ فيه صورة ما.. نخلدها في ذاكرتنا.. حصلنا عليها من خلالِ مشاركاته..من خلالِ ردوده..نرسم لكل عضو شخصيه في خيالنا..نجد ملامحه تتضح لنا اكثر مع كل مشاركه له.. حتى نكتشف في النهايه اننا بتنا نعرفه حتماً لو شاء القدر والتقينا صدفه..


هنا.. دعوني أسجل بفخرٍ عجزي على وصف منتدانا .. لأنني مهما بحثتُ في قواميسي.. ومهما ( نبشتُ ) في ارشيفي.. ومهما ( بحبشتُ ) في ذاكرتي .. ومهما حاول قلمي أن يساعدني.. لن استطيع وصفه.. لانه شيء فوق العاده..وفوق المستحيل..


لذا من هنا دعوني اقول لكم اعزائي ضيوف واعضاء شبكة منتديات الحصن الأردنية اهلاً بكم في بيتكم وحصنكم الشامخ بكم ..


حسان القضاة

[هدوء عاصف]

صباح الخير وجمعة مباركة
شكراً حسان لإتاحة الفرصة للحديث عن هالموضوع الهام ، فأكيد هالمنتدى بعز علينا جميعاً ، وانا واثق انو بعز على الأعضاء اللي تركونا ، بعضهم تركنا لأسباب خاصة بهم وظروف قاهرة اجبرتهم على الرحيل ، والبعض الآخر خرج لأسباب تتعلق بالمنتدى ، وتتعدد الأسباب والنتيجة دائماً تلقي بظلالها على المنتدى بالدرجة الأولى..
برأيي اللي بترك المنتدى لأسباب شخصية بينه وبين الأعضاء او المنتدى بتلاقيه بروح وما برجع ، لإنو اكيد اللي بطلع لظروف خاصة بسبب العمل او العائلة او السفر الا وما يرجع او على الاقل يطلطل وهاد الشخص معذور وما بنقدر نلومه وغير هيك بتلاقيه برجع بين الحين والآخر وبقول انا بعتذر عن الغياب اذا ظروفي كذا وكذا .. اما اللي بطلع لأجل فلان او علان ، يا اختلف معاه بالرأي او قال كلمة ما عجبته او او او من الأسباب اللي بنشوفها احنا كإداريين فأنا بعتبر انو الله يسهل امره والجايات احسن من الرايحات وبيجي غيره وبسجل معنا وبشاركنا وما لازم يعنينا بوضوعنا ..

انا كتير مصدوم من انسحاب مجموعة من افضل الأعضاء اللي كانوا متواجدين معنا بالفترة الأخيرة وخصوصا انو منهم 3 مشرفين أكفاء ، هؤلاء المنسحبين تركوا المنتدى لأسباب نجهلها لكن انا واثق انهم تركونا بسبب المنتدى ، ربما لاحظوا عدم اهتمام الإدارة فيهم او تأخرها بتنفيذ مطالبهم لكن مهما كان هاد ما بستدعي خروجهم بهالطريقة ، اللي بدو يطلع لأسباب قاهرة بيجي وبوضّح سبب خروجه وبعتذر ، هاد اقل واجب على المشرف تجاه المنتدى وما بدي اقول تجاه الإدارة لحتى ما يؤخذ الأمر بحساسية..
المشرف والإداري لازم يكون عارف قبل ليدخل إدارة المنتدى انو فيه امور تغيرت بعد انتقاله من قائمة الأعضاء الى قائمة المشرفين ، متلا يجب تواجده دائماً والمشاركة وانو هالمشرف قدوة لباقي الأعضاء ، يعني لما عضو بشوف مشرف تصرف خطأ رح يشوف انو هالخطأ شيء عادي او رح يرجع ويلوم الإدارة بتقصيرها اذا ما بيوم حاسبته الإدارة على خطأ ارتكبه ، المشرف قدوة ، وغلطة المشرفين والإداري بغلطتين ولازم يكون في صبر في اتخاذ القرار وتروي ، ولازم يؤخذ الموضوع بشكل جدي ، احنا صحيح مش بوزارة او مجلس نواب ، لكن اللي بدو يكون اداري لازم يعتبر هالمنتدى متل الدولة وهو وزير فيها ، ويعتبر انو انو كلمة بحكيها محسوبة عليه ، وغلطة الوزير بغلطتين ، غلطته الأساسية + غلطة سوء استخدام المنصب.

حسان معلش بدي استغل هالموضوع لشي من زمان بدي احكيه ، اي عضو بشوف انو "هدوء عاصف" مقصر او ما عاد متل اول ووجوده وعدم وجوده واحد وغيره احق منه بهالمنصب انا بطلب منه يحجب الثقة عني وانا من الصبح بتنازل عن مجلس الإدارة ، انا بحكي عن نفسي ومها وهديل ودموع الغصون الهم الحرية يا بطلبوا نفس طلبي يا بتجاهلوه انا بحكي عن حالي بس ، بعمري ما طلبت الإدارة ولا اهتميت انو ينكتب تحت اسمي اداري ، انا تزوجت وصار عندي مسؤوليات وبدوام بشغلي من 7 الصبح للـ 5 المسا ، وبيتي اله علي حق واهلي الهم علي حق ، يعني من الـ 5 المسا للـ 12 بالليل يا دوب اقوم بواجباتي المنزلية والعائلية ، لذلك صار تراجع عندي ، انا بقول اللي بشوف انو فيه تقصير مني يحجب الثقة عني ورح اترك المنصب لمن هو احق مني ، وهاد ما بعني اني اطلع من المنتدى لا رح ابقى بنفس الشكل والمضمون لإنو هالمنتدى غالي ع قلبي كتير من غلاوة حسان وكل الأعضاء.

المطلوب الآن برأيي التالي:
حل مجالس الإدارة والمشرفين وتجديدهم بأعضاء أكفاء عارفين اللي الهم واللي عليهم..
-تواجد مكثف للإدارة بالمنتدى وعلى رأسهم حسان.
-استجابة الإدارة لكل الطلبات اللي انطلبت من الاعضاء والمشرفين وما تم تلبيتها الى الآن.
-تحديث جميع الاقسام بالمواضيع الجديدة وهاي بدها همة كل الاعضاء.
-تفعيل قانون سابق بتذكر انو طرحناه انو العضو المنسحب تنسحب منه كل الصلاحيات ويتم ايقافه ، يعني الطلعة من المنتدى لأسباب شخصية بين الاعضاء تستوجب الإيقاف مدى الحياة مع الإعتبار انو الادارة متعاونه انو اذا رجع العضو ووضح السبب انو ترجع الادارة عضويته بشرط عدم تكرار الانسحاب.
-اي عضو بعرف عضو كان معنا وانسحب انو يحاول معه بطرقه الخاصة انو يرجعلنا وهاي بتساهم كتير في عودة الاعضاء القدامى.

وعندي اقتراح بسيط :
انا كنت سابقاً رح اطرح فكرة موضوع تحت مسمى "البرلمان" وهو وسيلة متاحة للأعضاء الكرام انهم يقيموا الإدارة اما ان يطالبوا بدخول احد الاعضاء الأكفاء لمجلس الإدارة او تقييم الحاليين ، لكن شفت انو ما فيه تواجد كثيف للأعضاء وربما ما ينفع هالموضوع ويصير فيه متل ما صار بالمواضيع اللي قبله لذلك جمدته مؤقتاً ، اذا صار فيه مقومات للموضوع رح اطرحه في وقته ، هالموضوع بعطي للأعضاء فرصة لتقييمنا او ترشيح آخرين لمجلس الإدارة .. بكون سعيد يا حسان لو اعطيت رأيك بهالفكرة ..

شكراً حسان مرة جديدة لطرح النقاش .. وانا متابع ..

[صديقه بنت الشديفات]

يعطيك العافيه حسان وكفيت ووفيت بهالموضوع,,

المنتدى صار فيه يمكن اساسيات غلط بُعد اغلب الاعضاء من هون ,,
وعلى رأسهم كبار و مؤسسي هالمنتدى .. يعني في شي تزعزع هون

اقلام .. جف الحبر فيها وراحت..
يمكن الظروف او اسباب منطقيه ويمكن مثل ما حكا هدوء بسبب المنتدى وانا بحكي وانا كنت من اللي تركوا المنتدى فتره ..

انه بعض الاعضاء هون يتركوا المنتدى لاسباب شخصيه بينهم وبين احد الاعضاء اما مشكله او رساله او او
واتوقع فهمتني ..

يعني الصراحه انا مو شايفه حدا هون ,, او قصدي انه الاعضاء ما بيجوا اكمن واحد نصهم مشرفين واعضاء بينعدو على اصابعك
انا ما بشكك بالمنتدى ولا بجهود اللي حاضرين فيه
لكن
المنتدى قائم لكن الاساس فيه غائب


\\.. بعتذر منك هدوء لكن انا حكيتلك هالحكي من باب الاخوه اللي بينا ولاني خايف انه المنتدى يبتعدو عنه كل الناس اللي فيه
اكيد كل واحد مننا عنده مسؤوليات لكن في شي بقلبه رح يرجعه يوم لهون..
..

بتمنى نشعر كلنا بالمسؤوليه ونقسم المُراد بينا لحتى ننجز اكبر شي ممكن
بعوده بعض الاعضاء .. او تشجيع اكبر للمنتدى
,,

بشكرك هدوء وبشكرك حسان ..

واسفه لكل حدا زعل مني .. :SnipeR (69):

واكيد انا مع التغيير وتطوير المنتدى للافضل

دمتم بخير

[هدوء عاصف]

كل كلامك صحيح "صديقة" انا معك بموضوع هروب الاعضاء من ورا مضايقتهم من قبل اعضاء آخرين او من بعد سوء تفاهم صار بينهم ، بس هاد الأمر غلط!!
بذكر اني حكيت بموضع آخر من قبل انو هاد الشي بعتمد على هدف وجودنا بالمنتدى ، يعني احنا الموجودين هون لما يكون هدفنا مشاركة آرائنا وافكارنا مع الآخرين ما اظن انو يكون فيه سبب ليخلينا نترك المنتدى ، يمكن اذا كنت انا موجود مشان فلان او التودد لعلان او التعرف على هديك البنت وقتها ما بهمني المنتدى ولا اللي فيه ولا بهمني يتطور ولا يكبر ولا بهمني اذا هربوا الاعضاء منو او ما هربوا ، كل واحد فينا يحدد سبب وجوده هون .. وبعدها بعرف يحدد موقفه من المنتدى وهل انو بقدر يستمر فيه او لأ ..

صديقة انا ما ممكن آخد كلامك بحساسية او افهمك غلط ، انتي ما فيه منك ، الله يرضى عليكِ

[محمد العزام]

الله يعطيكم العافية من مشرفين واداريين ومابعرف شو مافي حد قصر بالمنتدى وعلى راسم حسان ومجهود كبير لالك وحكيتلك قبل هيك حسان مش سهلة انك تجمع عدد كبير من الاعضاء تحت سقف منتدى واحد ومايتعرضوا لبعض بمشاكل كل واحد الو رايه واله تفكيره يموضوع معين وبيخلف عن العضو الاخر ... بالنهاية بنضل اصحاب عقول بس اللي بيمشي ورا انو يطلع من المنتدى عشان اختلاف اراء بينه وبين عضو ثاني صدقني مابعتبره عاقل بالعكس هاد جاهل ولسى ماتعلم شي بحياته .......
انا كنت شخص من اللي تركوا المنتدى مش لاي عضو كان بالعكس كانوا كلهم اصحابي وعلاقتي فيهم منيحة حتى لو بالبداية اتعرضت لبعض الاختلاف مع بعضهم الا وقدرت اتجاوزها لانو سبحان الله عرفت كيف اعامل كل شخص واعرف كيف اسلوب تعبيره وكيف تفكيره عشان هيك بعرف اتصرف معاه ... والحمد لله رجعت مش لاني حنيت وحكيت لازم ارجع لا ... لاني مانسيت المنتدى عكس اللي اسسوا المنتدى وكانوا قلب المنتدى
هلا في فكرة حل مجلس الادارة والمشرفين وتعيين غيرهم
سؤالي حسان .... انتي اصلا شايف في اعضاء بالمنتدى لحتى تشكل ادارة جديدة ومع احترامي للاعضاء ومابقصدها بكلامي انت حسان تابع الاعضاء وتابع كيف طريقة تفكيرهم وشو المواضيع اللي بنزلوها الاعضاء وكيف ردودهم على المواضيع المطروحة ... لحتى تعرف تختار المشرف المميز اللي بقدر يلبي طموحاتك وينهض بالمنتدى


ومرة ثانية يعطيكم العافية كل واحد ودون استثناء

[حسان القضاة]

صباح الخير وجمعة مباركة
شكراً حسان لإتاحة الفرصة للحديث عن هالموضوع الهام ، فأكيد هالمنتدى بعز علينا جميعاً ، وانا واثق انو بعز على الأعضاء اللي تركونا ، بعضهم تركنا لأسباب خاصة بهم وظروف قاهرة اجبرتهم على الرحيل ، والبعض الآخر خرج لأسباب تتعلق بالمنتدى ، وتتعدد الأسباب والنتيجة دائماً تلقي بظلالها على المنتدى بالدرجة الأولى..
برأيي اللي بترك المنتدى لأسباب شخصية بينه وبين الأعضاء او المنتدى بتلاقيه بروح وما برجع ، لإنو اكيد اللي بطلع لظروف خاصة بسبب العمل او العائلة او السفر الا وما يرجع او على الاقل يطلطل وهاد الشخص معذور وما بنقدر نلومه وغير هيك بتلاقيه برجع بين الحين والآخر وبقول انا بعتذر عن الغياب اذا ظروفي كذا وكذا .. اما اللي بطلع لأجل فلان او علان ، يا اختلف معاه بالرأي او قال كلمة ما عجبته او او او من الأسباب اللي بنشوفها احنا كإداريين فأنا بعتبر انو الله يسهل امره والجايات احسن من الرايحات وبيجي غيره وبسجل معنا وبشاركنا وما لازم يعنينا بوضوعنا ..

انا كتير مصدوم من انسحاب مجموعة من افضل الأعضاء اللي كانوا متواجدين معنا بالفترة الأخيرة وخصوصا انو منهم 3 مشرفين أكفاء ، هؤلاء المنسحبين تركوا المنتدى لأسباب نجهلها لكن انا واثق انهم تركونا بسبب المنتدى ، ربما لاحظوا عدم اهتمام الإدارة فيهم او تأخرها بتنفيذ مطالبهم لكن مهما كان هاد ما بستدعي خروجهم بهالطريقة ، اللي بدو يطلع لأسباب قاهرة بيجي وبوضّح سبب خروجه وبعتذر ، هاد اقل واجب على المشرف تجاه المنتدى وما بدي اقول تجاه الإدارة لحتى ما يؤخذ الأمر بحساسية..
المشرف والإداري لازم يكون عارف قبل ليدخل إدارة المنتدى انو فيه امور تغيرت بعد انتقاله من قائمة الأعضاء الى قائمة المشرفين ، متلا يجب تواجده دائماً والمشاركة وانو هالمشرف قدوة لباقي الأعضاء ، يعني لما عضو بشوف مشرف تصرف خطأ رح يشوف انو هالخطأ شيء عادي او رح يرجع ويلوم الإدارة بتقصيرها اذا ما بيوم حاسبته الإدارة على خطأ ارتكبه ، المشرف قدوة ، وغلطة المشرفين والإداري بغلطتين ولازم يكون في صبر في اتخاذ القرار وتروي ، ولازم يؤخذ الموضوع بشكل جدي ، احنا صحيح مش بوزارة او مجلس نواب ، لكن اللي بدو يكون اداري لازم يعتبر هالمنتدى متل الدولة وهو وزير فيها ، ويعتبر انو انو كلمة بحكيها محسوبة عليه ، وغلطة الوزير بغلطتين ، غلطته الأساسية + غلطة سوء استخدام المنصب.

حسان معلش بدي استغل هالموضوع لشي من زمان بدي احكيه ، اي عضو بشوف انو "هدوء عاصف" مقصر او ما عاد متل اول ووجوده وعدم وجوده واحد وغيره احق منه بهالمنصب انا بطلب منه يحجب الثقة عني وانا من الصبح بتنازل عن مجلس الإدارة ، انا بحكي عن نفسي ومها وهديل ودموع الغصون الهم الحرية يا بطلبوا نفس طلبي يا بتجاهلوه انا بحكي عن حالي بس ، بعمري ما طلبت الإدارة ولا اهتميت انو ينكتب تحت اسمي اداري ، انا تزوجت وصار عندي مسؤوليات وبدوام بشغلي من 7 الصبح للـ 5 المسا ، وبيتي اله علي حق واهلي الهم علي حق ، يعني من الـ 5 المسا للـ 12 بالليل يا دوب اقوم بواجباتي المنزلية والعائلية ، لذلك صار تراجع عندي ، انا بقول اللي بشوف انو فيه تقصير مني يحجب الثقة عني ورح اترك المنصب لمن هو احق مني ، وهاد ما بعني اني اطلع من المنتدى لا رح ابقى بنفس الشكل والمضمون لإنو هالمنتدى غالي ع قلبي كتير من غلاوة حسان وكل الأعضاء.

المطلوب الآن برأيي التالي:
حل مجالس الإدارة والمشرفين وتجديدهم بأعضاء أكفاء عارفين اللي الهم واللي عليهم..
-تواجد مكثف للإدارة بالمنتدى وعلى رأسهم حسان.
-استجابة الإدارة لكل الطلبات اللي انطلبت من الاعضاء والمشرفين وما تم تلبيتها الى الآن.
-تحديث جميع الاقسام بالمواضيع الجديدة وهاي بدها همة كل الاعضاء.
-تفعيل قانون سابق بتذكر انو طرحناه انو العضو المنسحب تنسحب منه كل الصلاحيات ويتم ايقافه ، يعني الطلعة من المنتدى لأسباب شخصية بين الاعضاء تستوجب الإيقاف مدى الحياة مع الإعتبار انو الادارة متعاونه انو اذا رجع العضو ووضح السبب انو ترجع الادارة عضويته بشرط عدم تكرار الانسحاب.
-اي عضو بعرف عضو كان معنا وانسحب انو يحاول معه بطرقه الخاصة انو يرجعلنا وهاي بتساهم كتير في عودة الاعضاء القدامى.

وعندي اقتراح بسيط :
انا كنت سابقاً رح اطرح فكرة موضوع تحت مسمى "البرلمان" وهو وسيلة متاحة للأعضاء الكرام انهم يقيموا الإدارة اما ان يطالبوا بدخول احد الاعضاء الأكفاء لمجلس الإدارة او تقييم الحاليين ، لكن شفت انو ما فيه تواجد كثيف للأعضاء وربما ما ينفع هالموضوع ويصير فيه متل ما صار بالمواضيع اللي قبله لذلك جمدته مؤقتاً ، اذا صار فيه مقومات للموضوع رح اطرحه في وقته ، هالموضوع بعطي للأعضاء فرصة لتقييمنا او ترشيح آخرين لمجلس الإدارة .. بكون سعيد يا حسان لو اعطيت رأيك بهالفكرة ..

شكراً حسان مرة جديدة لطرح النقاش .. وانا متابع ..



مساء الخير محمود في البدايه الله يعطيك الف عافيه كلامك كله صحيح الا موضوع تقصيرك انته مش مقصر بكفي الحصن اف ام ووجودك بشكل شبه يومي رغم التزاماتك وارتباطاتك الكبيره كنت دائما تخلي المنتدى اولويه

بخصوص الانسحابات جد شي محبط .. من اجمل مميزات منتدانا انه الاعضاء قراب من بعض اسره وحده كبيره لكن للاسف الامور الشخصيه اثرت كثير وانسحابات لاسباب شخصيه وغياب بسبب عتب او زعل احنا اكيد متمسكين بجميع الاعضاء وبنتدخل كاداره في حل كثير من المشاكل الشخصيه بين الاعضاء لكن باكد انه المنتدى مستمر وما بعتمد على شخص حتى حسان المنتدى مجهود جماعي الكل بقدم - الان بخصوص الطلبات المعلقه انا بعمل على تنفيذها وان شاء الله ما بنتأخر على عضو باي طلب او اي مشكله بتواجهه
بخصوص المشرفين والاداره لازم يكون فيه اهتمام وتقيد اكثر بالقوانين وتواجد لكل اعضاء مجلس الاداره والمشرفين بشكل شبه يومي ورح يكون فيه قوانين تنظم هالموضوع -

الان بخصوص المطلوب حسب رأيك محمود جاري التنفيذ
حل مجالس الإدارة والمشرفين وتجديدهم بأعضاء أكفاء عارفين اللي الهم واللي عليهم..
جاري التنفيذ
-تواجد مكثف للإدارة بالمنتدى وعلى رأسهم حسان.
جاري التنفيذ
-استجابة الإدارة لكل الطلبات اللي انطلبت من الاعضاء والمشرفين وما تم تلبيتها الى الآن.
جاري التنفيذ
-تحديث جميع الاقسام بالمواضيع الجديدة وهاي بدها همة كل الاعضاء.
بهمه اعضاء الحصن ما فيه شيء صعب ان شاء الله
-تفعيل قانون سابق بتذكر انو طرحناه انو العضو المنسحب تنسحب منه كل الصلاحيات ويتم ايقافه ، يعني الطلعة من المنتدى لأسباب شخصية بين الاعضاء تستوجب الإيقاف مدى الحياة مع الإعتبار انو الادارة متعاونه انو اذا رجع العضو ووضح السبب انو ترجع الادارة عضويته بشرط عدم تكرار الانسحاب.
جاري التفيذ
-اي عضو بعرف عضو كان معنا وانسحب انو يحاول معه بطرقه الخاصة انو يرجعلنا وهاي بتساهم كتير في عودة الاعضاء القدامى.
سيتم مراسلة جميع اعضاء المنتدى الغائبين والاتصال ببعضعم شخصيا ودعوتهم للعوده

موضوع البرلمان محمود الفكره ممتازه يكون فيه جهة رقابية على اداء الادارة والمشرفين ورح يتم تنفيذها بالوقت المناسب اتوقع الان عدد الاعضاء المتوادين بشكل يومي وشيل منهم الاداره والمشرفين - الحالية او المستقبله - رح تكون الخيارات شبه معدومه لاشخاص مناسبين لهالمهمه . لهيك احنا كاداره ومشرفين واعضاء رح نقيم انفسنا بدرجة اولى ونحاول نتجاوز الاخطاء ودور الاداره الرقابي بهالفتره حتى على نفسها من خلال تنظيم القوانين الخاصه بذلك بيكفي وبيغني ولو مؤقتا - مع انه لو قدرت اضمن تواجد بعض الاشخاص المناسبين لهالمهمه بنظري رح تتفذ فورا ورح يتم الاتصال بهم والنقاش بمجلس الاداره حولهم

خالص التقدير والاحترام مهندس محمود

[حسان القضاة]

يعطيك العافيه حسان وكفيت ووفيت بهالموضوع,,

المنتدى صار فيه يمكن اساسيات غلط بُعد اغلب الاعضاء من هون ,,
وعلى رأسهم كبار و مؤسسي هالمنتدى .. يعني في شي تزعزع هون

اقلام .. جف الحبر فيها وراحت..
يمكن الظروف او اسباب منطقيه ويمكن مثل ما حكا هدوء بسبب المنتدى وانا بحكي وانا كنت من اللي تركوا المنتدى فتره ..

انه بعض الاعضاء هون يتركوا المنتدى لاسباب شخصيه بينهم وبين احد الاعضاء اما مشكله او رساله او او
واتوقع فهمتني ..

يعني الصراحه انا مو شايفه حدا هون ,, او قصدي انه الاعضاء ما بيجوا اكمن واحد نصهم مشرفين واعضاء بينعدو على اصابعك
انا ما بشكك بالمنتدى ولا بجهود اللي حاضرين فيه
لكن
المنتدى قائم لكن الاساس فيه غائب


\\.. بعتذر منك هدوء لكن انا حكيتلك هالحكي من باب الاخوه اللي بينا ولاني خايف انه المنتدى يبتعدو عنه كل الناس اللي فيه
اكيد كل واحد مننا عنده مسؤوليات لكن في شي بقلبه رح يرجعه يوم لهون..
..

بتمنى نشعر كلنا بالمسؤوليه ونقسم المُراد بينا لحتى ننجز اكبر شي ممكن
بعوده بعض الاعضاء .. او تشجيع اكبر للمنتدى
,,

بشكرك هدوء وبشكرك حسان ..

واسفه لكل حدا زعل مني .. :SnipeR (69):

واكيد انا مع التغيير وتطوير المنتدى للافضل

دمتم بخير


كل الشكر صديقة ..كلامك ما بزعل كلامك صحيح خاصه نواجد الاعضاء والامور الشخصيه .. اهم شي زي ما حكيتي نشعر كلنا بالمسؤوليه وموضوع تقسيم الشغل وتشجيع المنتدى - بدها حمله جديده محمود لتنشيط المنتدى وشويه امور لدعوه الاعضاء القدام ودعوه اعضاء جدد للمنتدى
كل الشكر صديقة

[حسان القضاة]

الله يعطيكم العافية من مشرفين واداريين ومابعرف شو مافي حد قصر بالمنتدى وعلى راسم حسان ومجهود كبير لالك وحكيتلك قبل هيك حسان مش سهلة انك تجمع عدد كبير من الاعضاء تحت سقف منتدى واحد ومايتعرضوا لبعض بمشاكل كل واحد الو رايه واله تفكيره يموضوع معين وبيخلف عن العضو الاخر ... بالنهاية بنضل اصحاب عقول بس اللي بيمشي ورا انو يطلع من المنتدى عشان اختلاف اراء بينه وبين عضو ثاني صدقني مابعتبره عاقل بالعكس هاد جاهل ولسى ماتعلم شي بحياته .......
انا كنت شخص من اللي تركوا المنتدى مش لاي عضو كان بالعكس كانوا كلهم اصحابي وعلاقتي فيهم منيحة حتى لو بالبداية اتعرضت لبعض الاختلاف مع بعضهم الا وقدرت اتجاوزها لانو سبحان الله عرفت كيف اعامل كل شخص واعرف كيف اسلوب تعبيره وكيف تفكيره عشان هيك بعرف اتصرف معاه ... والحمد لله رجعت مش لاني حنيت وحكيت لازم ارجع لا ... لاني مانسيت المنتدى عكس اللي اسسوا المنتدى وكانوا قلب المنتدى
هلا في فكرة حل مجلس الادارة والمشرفين وتعيين غيرهم
سؤالي حسان .... انتي اصلا شايف في اعضاء بالمنتدى لحتى تشكل ادارة جديدة ومع احترامي للاعضاء ومابقصدها بكلامي انت حسان تابع الاعضاء وتابع كيف طريقة تفكيرهم وشو المواضيع اللي بنزلوها الاعضاء وكيف ردودهم على المواضيع المطروحة ... لحتى تعرف تختار المشرف المميز اللي بقدر يلبي طموحاتك وينهض بالمنتدى


ومرة ثانية يعطيكم العافية كل واحد ودون استثناء


تسلم محمد .. يا ريت كل الاعضاء بفكرو مثلك خاصه بموضوع انه زعل من حد يترك المنتدى - المنتدى زي ما حكيت مش لعضو او ادراي او مشرف المنتدى للكل وزعلت من حد بامكانك تراسل الاداره او تتجاهله او تعرف كيف تتعامل معه بس انك تترك المنتدى بسبب عضو زعجك او زعلت منه هذا هروب وضعف وانته خسرت واحنا خسرناك لهيك هيه دعوه لكل متجدده لكل الغائبين بسبب زعل من اداري او عضو انتهم يتواجدو لانهم كل عضو اله بصمته واسلوبه وردوده وفقدنا كل الغايبين ..صراحه هو الحصن فيه ميزه الي بغيبو بيرجعو على الاغلب لكن للاسف كثير بتواجدور بدون ردود او مشاركه بنتمنى تفاعل الجميع

بخصوص حل مجلس الادراه والمشرفين محمد اتاكد انه عدم وجود مشرف على القسم افضل من وجود مشرف غائب لانه وقتها اعضاء مجلس الاداره بحلو مكانه لالاشراف ومتابعه وتنشيط هالقسم وبالنسبه للاداره كل اعضاء مجلس الاداره ما قصرو وهم نخبه النخبه دائما بعطائهم وتميزهم لكن بعض الظروف اجبرتهم على الغياب وان شاء الله رح يصير فيه تنظيم لهالموضوع للتنسيق بين مسؤولياتهم خارج المنتدى ودورهم في المنتدى

كل الشكر محمد سعيد جدا بتواجدك وملاحظاتك بنتمنى نسمع رأي اكبر عدد ممكن من الاعضاء

[mylife079]

صباح الخير حسان

صباح الخير للجميع


رح اختصر بكلامي لاني كتير وضعي صعب


المنتدى عشنا فيه ايام حلوه ما بنساها وعرفنا اعضاء من كل المحافظات

واحلى من هيك اعضاء وناس ما فيه


ايام حلوه


بس الظروف بعدتنا عن المنتدى بمعنى اخر غيبتنا فترات عن المنتدى


من جهتي رح اكون متواجد قدر المستطاع


منتدانا حلو وبجنن وشوكة بعين كل حسود وغيور


سامحوني ...


انا موجود


اخوكم محمد الحوريه

[هدوء عاصف]

صباح الخيرات حسان ومحمد العزام ومحمد حورية والجميع ..

الله يعطيك الف عافية حسان وانا ان شاء الله رح اشد همتي للتواجد بشكل اكبر بالمنتدى ، ورح نتخطى كل الصعوبات ان شاء الله ، بس اذا برجع بعض الاعضاء القدامى او بنشوف اعضاء جدد رح يزيد هاد من همتنا اكتر ورح نشتغل بنشاط وابداع اكتر .. بمعنى ما بدنا يحس الاعضاء انو شغلهم بروح عالفاضي ، وانا عن نفسي رح ابلش من اليوم ..

يكتّر خيرك حسان وربي يوفقك ويسهل طريقك ونضل نشوفك بيناتنا .. اصلاً وجود اسمك بين قوائم آخر المشاركات بحد ذاته دعم النا كلنا .. فـ خليك فاكرنـــا :emb3(1):

[دليلة]

السلام عليكم ورحمة الله تعالى وبركاته

انا بعرف اني قصرت بتواجدي فلمنتدى وغبت فترة كبيرة ولكني

وعدت أني راح أرجع وحتى لو طال غيابي

وانا عند وعدي ياحسان وهيني رجعت وأتأسف عن غيابي وتقصيري واتمنى من خواتي الجزائريات ايضا يعودون لأنو وجودهم بدعمني
أكثر
(ونقولهم توحشتكم بزاف بزاف ) واشتقت للمنتدى ولكل عضو فيه عشنا أيام ماتتنسى ... صراحة أول ماطلب مني محمد
العزام أدخل عالمنتدى دخلت بس مجاملة وكنت متاكدة انو ماراح أستمر فيه لأني كنت متوقعة انو ماراح اعرف اتماشى مع
العقليات ولكن ظهر لي العكس ولقيت نفسي بين اخواني واهلي ..
وأقول له شكرا لك لأنك أنت السبب في تواجدي واتحت لي فرصة التعرف على هدا الشعب الطيب .
وشكـــرا لكل شخص دعمني وتحملني . واعتدر من أي شخص تسبب له في أي نوع من الاساءة بقصد او من غير قصد.

[shams spring]

رااائع حسان ...فكرة النقاش هاي اجت بوقتها

وفعلا المنتدى هاي الايام بمر بأزمة قوية ...خصوصي انه في كتير ناس عزيزة علينا غادرتنا لسبب او لاخر

اقلام مبدعة ... نفتقدها بشدة

بصراحة المنتدى بدو ريفرش من جديد
يعني كتير الفترة الماضية صار جامد .... وغياب الكتير من الاعضاء اتر فيووو

ما بدي احكي باللي صار بالمنتدي اتوقع صار لازم نحكي بالحلول وبس

انا باقتراحي اول شي لازم نعملة : حملة اعلانية كبيرة على فيسبوك ... ودعوة للاجيال الجديدة بالاشتراك في منتدانا
في ناس كتير لسا ما بتعرف بوجودة ... وهاي بتصير بهمة الاعضاء المتواجدين حاليا بدعوة اصحابهم ومعارفهم للدخول الى اسرة المنتدى

كمان بالنسبة للموضوع الي طرحة هدوء ...البرلمان ... هو فكرة كتير حلوة بس في البداية لازم نعمل حملة تعريف بالادارين والمشرفين بكلمات بسيطة حتى يتعرفو عليهم الاعضاء الجدد
وتنشال الحواجز بينهم ... وما يكونو مجهولين بالنسية الهم

بالنسبة للتواجد في المنتدى يا هدوء باالاخر احنا بشر وصعب نتواجد دائما ,,, كل واحد عندو مشاغلة وظروفة وهاد شي بينطبق علي متل ما بينطبق عليك
وانت ما شالله عليك مش مقصر
وانا بالنسبة الي بدخل المنتدى لانه بحبه مش لانه ملزمة بالدخول كوني مشرفة ... وسواء ضليت مشرفة او لا ... رح اضل متواجدة ان شاء الله ^_^

وان شاء الله هالحملة هاي تعيد للمنتدى نشاطة ^_^

[هلا]

جدا فرحت بهيك رجعه للمنتدى ..... ان شاء الله نستمر سوا ونتكامل ونتعاون بالجهد

[صديقه بنت الشديفات]

ارواح طيبه تسكن بين طيات هذا المتصفح ,,

ربي يجمعنا على خير

[الوردة الاردنية]

مساء الخير لجميع اعضاء منتدى الحصن الرائع فكرة ولفتة حلوة منك حسان على طرح هالموضوع للنقاش لاننا جميعا مقصرين بحق بيتنا الثاني وهو منتدى الحصن . فانا اول وحدة قصرت بحقه كنت كل يوم ادخل واضع مشاركاتي وكتاباتي على هذا الصرح العظيم لكن لظروف قاهرة اجبرتني على الغياب ولفترة طويلة جدا عنه وهذا امر كان يضايقني جدا داخليا . ممكن اخي هدوء على علم بما حل بي والذي اجبرني على الغياب وليس الانسحاب او الهروب انا فقدت بصري بسبب حالة نفسية اصابتني وجميع الاطباء حاروا في مرضي واثبتوا ان الامر نفسيا وبالفعل بعد فترة على ما اعتقد تجاوزت 5 شهور والحمدلله تجاوزت محنتي ومرضي والان عدت كالسابق الحمدلله الذي اعاد لي بصري . المهم انا اتفق مع اخي هدوء عالاكيد شكرا مرة اخرى على طرح الفكرة

[دموع الغصون]

مشكور " حسان " على هذه الفكرة
تعليق بسيط بما أنه الكل ماشاء الله مدرك للحال ومدركين نقاط الضعف والكل عم يوضع نقاط لعلاجها وتدارك الأمر و النهوض بالمنتدى أكثر ، معناها أنه الوضع تحت السيطرة ومحلول بس بما انه الكل هيك فاهم شو وصلنا لهون ؟؟؟ الخطأ وين ؟؟؟ الخطأ فينا كَكُل ..!!! ليه ؟؟؟
لأنه ما في دور تكاملي بينا ، لا بين الإدراة و لا بين المشرفين ولا بين الأعضاء .
كل واحد ماخد سياسته ومنهجه المفروض يكون في تكامل و تعاون و تخطيط مشترك للكل
كمان نقطة مهمة كل حد يعرف شو اله وشو عليه و ين دوره وين بنتهي دوره
يعني التغيير يبدأ من النفس و ما بعتمد على وجود أعضاء أو فئه بعينها المسيرة مستمرة وجود الكل ظروري و من المفروض يكون تواجد الإدراة و المشرفين اجباري طالما همه تحت هالمسمى
وبالتوفيق للمنتدى و للجميع