موضوع للاعضاء ...الرجاء التكرم والدخول ...للتحاور فقط

[محمد العزام]

مساء الخير

برحب فيكم جميع اعضاء منتدى الحصن ...ببيتكم الثاني ونتمنى اقامة سعيد لكل شخص بيدخل المنتدى ...والاستفادة والنهوض بسمو الافكار والنهوض بدرجة الشخصية لكل روح من ارواح هذا المنتدى وبالتالي يعتبر نهوض باسم منتديات الحصن الاردنية التي مازالت قائمة ومازالت تستقطب اعضاء من كل مكان وزمان

ارحب بكم في موضوعي الخاصي ...وللتذكير قد يعتبرني البعض مجبر على هذا الموضوع لانه طلب مني باعتبار انني العضور المتورط حاليا بالمنتدى
ولكن اسمحولي ان اتقدم بالشكر للاخت دموع التي طلبت مني بالفعل هذا الطلب ...وصدقا ومن كل قلبي سعدت كثيرا بهذا الطلب وفي فترة من الفترات كنت على وشك طرح هذا الموضوع قبل ان يطلب مني كطلب

اعضاء الحصن الكرام ...مشرفين ...اداريين ...اعضاء ... كما تشتهي انفسكم سموها

نلاحظ في الفترة الاخيرة كما يسمى الموت السريري للمنتدى ...اعضاء الحصن الكرام ...

نريد منتدى اقوى من ذلك ...لانريد التبرير لمواقف بالفعل لم ولن تكون مانعة للدخول الى المنتدى


اولا ... كل شخص يدخل الى الموضوع ويعطي سبب من اسباب عدم دخوله للمنتدى
ثانيا...في حال دخولك للمنتدى ماهي المواضيع التي تحب النقاش فيها والتفاعل معها
ثالثا ...هل هناك اعضاء عند دخولك للمنتدى لاتحب مشاركاتهم او مواضيعهم
رابعا ...هل تحمل ضغينة شخصية لاي عضو بالمنتدى ... وان كان كذلك ...هل يمنع من المشاركة على موضوع لهذا العضو
خامسا ... تقييمك للمنتدى بشكل عام الى هذه اللحظة
سادسا ... اخطاء المنتدى اين تكمن ...يجب التكلم بصراحة ولانريد المجاملات
سابعا ...اكثر الاقسام التي ترى جدية اكثر فيها
ثامنا ... هل مجرد دخولك للمنتدى النهوض به او الاستفادة ...ام لاسباب شخصية

تاسعا ...كيف يمكننا اعادة تطور المنتدى من جديد ...والنهوض به من جديد



واخيرا وليس اخرا ...اتمنى بان اسمع جميع ارائكم ... وان كان هناك مجال للنقاش فليكن

[shams spring]

مساء الخير
مسا الريحان :eh_s(7):


اولا ... كل شخص يدخل الى الموضوع ويعطي سبب من اسباب عدم دخوله للمنتدى

والله مظلوم يا بيه
كل يوم بدخل :SnipeR (35):

ثانيا...في حال دخولك للمنتدى ماهي المواضيع التي تحب النقاش فيها والتفاعل معها
بصراحه حسب المزاج يعني ايام بدخل المنتدى وبشارك في كل المواضيع وايام بكون كسلانه وما الي نفس اشيك على كل شي
بس المواضيع يلي في الحالتين بشارك فيها هي المواضيع التفاعلية النقاشية

ثالثا ...هل هناك اعضاء عند دخولك للمنتدى لاتحب مشاركاتهم او مواضيعهم
لا ما في ... انا بقيم الاعضاء حسب المواضيع مش حسب العضو نفسه ...

رابعا ...هل تحمل ضغينة شخصية لاي عضو بالمنتدى ... وان كان كذلك ...هل يمنع من المشاركة على موضوع لهذا العضو

الحمد لله لسا ما تمشكلت مع حد ... وما في بيني وبين اي عضو ضعينة او ما شابه
انا بعتبر الكل اخواني وخواتي واحنا اسرة وحدة ...

خامسا ... تقييمك للمنتدى بشكل عام الى هذه اللحظة

والله المنتدى هالايام حلو كتير واحسن بكتير من الفترة الي فاتت لكن لسا بدنا تفاعل اكتر من الاعضاء لانه الاعضاء يلي بشاركوا معروفين
73%

سادسا ... اخطاء المنتدى اين تكمن ...يجب التكلم بصراحة ولانريد المجاملات
يا ويلي يا محمد قد ما حكينا عن هالموضوع
اول شي لازم يكون فيه تواجد اكتر لحسان لانه هو المدير
تانيا الاهتمام بالاعضاء الجدد وتحفيزهم على الاستمرار بالمنتدى
تطوير المنتدى كل فترة وفترة
تواجد المشرفين بالفترة الاخيرة صار عدم
بالاضافة انه في منتديات بدون مشرفين حاليا
وفي منتديات في سبات عميق
هاد الي خاطر في بالي حاليا

سابعا ...اكثر الاقسام التي ترى جدية اكثر فيها
قسم الحوار الجاد الهادف
المنتدى الاجتماعي
ثامنا ... هل مجرد دخولك للمنتدى النهوض به او الاستفادة ...ام لاسباب شخصية
انا بدخل المنتدى لانه بحبه ...اله مكانه خاصة في قلبي
وكل الاشياء الي بقدمها هي نابعه من حبي اله وبمتمنى ما ارجع امل منه ولا اتركه متل ما تركتة لفترة طويلة في مرحلة معينه

تاسعا ...كيف يمكننا اعادة تطور المنتدى من جديد ...والنهوض به من جديد
مممم المنتدى بدو تواجد كبير ...وتفاعل دائم ...وتعاون بين الاعضاء
صح انا ما بقدر انزل دائما مواضيع جديدة دائما لانه اوقات ما بكون الي نفس
لكن بقدر اطورة بتفاعلي مع مواضيع الاعضاء ... الاهتمام بالقسم الي تحت اشرافي ومتابعته اول باول ...
وهيك كل واحد لازم يعرف شو اله وشو عليه
واتوقع حب المنتدى هو السبب الاول في تواجد الرغبة لدينا لتطوير المنتدى



واخيرا وليس اخرا ...اتمنى بان اسمع جميع ارائكم ... وان كان هناك مجال للنقاش فليكن

اكيــد في مجال للنقاش~~ محمد~~ وانا بتشكرك على فتح المجال للنقاش في امور المنتدى وانت مميز في طريقة طرحك للنقاش الهادف

وايضا بوجة الشكر لمديرتنا المبدعة والمتألقة ~~دموع الغصون ~~ على اقتراحها المميز

لكم ودي

[دموع الغصون]

مساء الخيرات محمد
مساء الخير للجميع
بشكرك كتير على الموضوع الجميل و المقدمة الرائعة بالفعل نحن بحاجة ماسة إلى مثل هذه الروح التعاونية الواحدة
أكيد دائماً انت السباق للخير و أفكارك و مشاركاتك غنية عن التعريف و تفكيرك نبراس ومنارة للجميع
بالبداية قبل ما أرد على التساؤلات أنا رح احكي بصفتي دموع الغصون كـ عضوة و ليس كـ رأي للإدارة - رأيي الشخصي -.

بسم الله
اولا ... كل شخص يدخل الى الموضوع ويعطي سبب من اسباب عدم دخوله للمنتدى

المنتدى متنفس فكري لي فهو بمثابة استراحة .. فلما بغيب عنه بكون إما لأسباب صحيه .. دراسه .. ملل .. بالنهاية هو مو التزام اجباري يعني فينا ندخل للمنتدى ونحنا مع اهلنا ببريك الدراسه باي وقت بنحس نحنا بحاجة لنغير جو ..


ثانيا...في حال دخولك للمنتدى ماهي المواضيع التي تحب النقاش فيها والتفاعل معها
أي موضوع بترك صاحبه بصمة خاصه فيه يعتبر موضوع مقرب لي شخصياً
أما على صعيد المنتدى بشكل عام فـ دموع الغصون كعضو ميول خاص فيها من ناحية الخواطر .. المعلومات العامة .. المواضيع الوطنية .. النقاش .. المواضيع الدينية وخاصة الاعجاز العلمي ..
كـ إدارة من الواجب أن أترك بكل قسم بصمة خاصة وهذا ما أسعى إليه دائماً سواء كان هالقسم من ضمن ميولي ورغباتي أم لا فهذا يزيد إلى رصيدي المعرفي اكثر .

ثالثا ...هل هناك اعضاء عند دخولك للمنتدى لاتحب مشاركاتهم او مواضيعهم
ليس أعضاء تحت مسمى و رقم عضوية و إنما أتجنب المشاركة مع أعضاء هدفهم زيادة عدد المشاركات أو الردود السطحية أو يرد على موضوع برد بلا معنى يعني لسا لو مارد بكون أفضل ، أو يرد على موضوع وهو مو عارف شو هو المهم يبين اسمه باخر كم مشاركة
المفروض هالمنتدى نموذج مصغر عن الحياة و أقسامه هي مراحل مختلفة من الحياة سواء كانت عمرية أو مكانية فهلا بتقبل على حالك يكون وجودك مهمش بالحياة أكيد لا .. طيب ليه بتقبل على تواجدك الفكري يكون مهمش ومشوه يا بتعكس الصورة الحقيقة الإيجابية عن تفكيرك يا إما بتحاول تطور من حالك لكن بطريقة ما تحبط غيرك أو تسبب مشاكل لغيرك و ووجودك له أثر سلبي على البعض ..
أكره المواضيع التي تخلو من روح كاتبها أو صاحبها .. لمجرد اثبات حضور .. قد أتفاعل بها لكن لأ أجد ما يريحني عند التحليق ..

رابعا ...هل تحمل ضغينة شخصية لاي عضو بالمنتدى ... وان كان كذلك ...هل يمنع من المشاركة على موضوع لهذا العضو
مافي ضغينة شخصية ولا في معرفة شخصية بأي عضو .. طبعاً هالشي نقطة قوة بالنسبه لإلي مع احترامي للجميع .. لكن من خلال قوة ملاحظتي لاحظت بأنه أهم أسباب تدني المستوى التفاعلي في المنتدى و قلة المشاركة وانسحاب عدد كبير من الأعضاء "العلاقات الشخصية" .. المفروض يكون في وعي أكثر للهدف الموجودين منشانه .. لو ماكان في اتفاق فكري أو روحي أو تقارب أو تمازج أو حتى مجرد شعور داخلي بعدم الارتياح هالشي يبقى على الهامش لأن المنتدى ليس مكان للمشاعرالسلبية المتبادلة بل مكان لتواصل الفكري والعقلي .. فمن الطبيعي أشارك بكل موضوعية و وواقعية انا يلي بستفيد من أي معلومة أو أي حرف .. وبمشاركتي بعكس شخصيتي و أخلاقي و أي فعل ناقص ما بعيب إلا صاحبة .. لنرتقي بالفكر أكثر و نعلي من هامتنا لتعالي على سفاسف الأمور للرقي أكثر و الرجوع للفطرة البشرية الخالية من الكراهية والحقد والضغينة

خامسا ... تقييمك للمنتدى بشكل عام الى هذه اللحظة
المنتدى بُني على قاعدة أساسي صحيحة من فترة اختل توازنه لكن لثبات القاعدة استطاع أن يصمد من ثم رممت هذه القاعدة وعلت قليلاً و من ثم توقف البناء و التقدم لفترة فعاد الترميم من جديد ليتقدم البناء قليلاً بخطوات متباطئه .. في تقدم لكن بطيئ جداً المجهود محصور على أسماء معينة لكن هالشي مابنفي جهود كانت بالماضي

65%

سادسا ... اخطاء المنتدى اين تكمن ...يجب التكلم بصراحة ولانريد المجاملات
الأخطاء بالإدارة " من حسان لأعضاء مجلس الإدارة للمشرفين " تقصير كبير جداً من حسان كتنظيم منتدى ومتابعة ورقابة .. مافي مواقف حاسمه .. أعضاء مجلس الإدارة غياب لأشهر .. مافي تحفيز للأعضاء .. مافي متابعة للأقسام .. مافي مشاركات ..
غياب ، عدم متابعة .. لا يوجد دور تنظيمي .. ويوجد تكامل و تنسيق بين الإدارة و المشرفين و الأعضاء
لا يوجد لمسة إبداعية للمشرفين بأقسامهم .. في تقصير كبير من المشرفين .. أعطي أفضلية لقسم بدون مشرف على قسم يوجد عليه مشرف لكن دوره غائب كلياً .. يجب على المشرفين على الأقل إبهارنا أسبوعياً بموضوع جديد بلمسة خاصة وحصرية و إبداعية
الأعضاء ضمن غياب الإدارة وتقصير المشرفين مافينا نوجه أي لوم للاعضاء حالياً إلا أنه برجع الموضوع لمحبتهم للمنتدى ومدى تعلقهم فيه ..

نوعية المواضيع قيمة لكن نوعية الردود بحاجة إلى نظرة مراجعة وتأمل .. الردود والمواضيع عملة ذات وجهين ..

العلاقات الشخصية بتلعب دور سلبي كبير بالمنتدى


سابعا ...اكثر الاقسام التي ترى جدية اكثر فيها
مافي قسم مميز اوك بتتفاوت المستويات لكن مافي تميز مافي لمعان نجم لقسم

ثامنا ... هل مجرد دخولك للمنتدى النهوض به او الاستفادة ...ام لاسباب شخصية

الحمدلله أنا والأسباب الشخصية بالحصن مو صحبه ..
المنتدى جزء مني لأنه أضافلي كتير سواء كانت هالإضافة إيجابية أو سلبية لكنها علمتني شي جديد بحياتي و كل يوم عن يوم بستفيد و بطور من حالي .. بالمقدار يلي باخد لازم سد .. متل ما استفدت من الحصن لازم اعطيه و أكتر .. أما من ناحية كإدارة بما أنني قبلت عرض الإدارة بالإنضمام إلى مجلس الإدارة .. فهذا يترتب عليه مجموعة من الواجبات و الإلتزامات التي لايمكن تجاهلها أو الوقف عليها.. فهي أصبحت إلزاميه برغبتي .

تاسعا ...كيف يمكننا اعادة تطور المنتدى من جديد ...والنهوض به من جديد
التغيير يبدأ من النفس هكذا يقال .. بما أننا هنا كأسرة واحدة فالتغيير يجب أن يبدأ من قاعدة الهرم إلى أعلى الهرم و العكس تصاعدي وتنازلي - الهرم ليس تقليلاً للقيمة و إنما من حيث العدد و الفلسفة المتعارف عليها - .. لا يمكن أن تنجح الإدارة بالتطوير وحدها .. و أيضاً لا يمكن للأعضاء التطوير وحدهم فالدور يجب أن يكون تكاملي و متناسق وضمن خطط ومنهج و سياسة استراتيجة بعيدة المدى لنضمن استمرارية النهوض

***

بتمنى نسمع رأي الأعضاء و المشرفين و الإدارة بكل موضوعية و يكون قدامنا هدف واحد هو المنتدى و الرقي فيه .. مو أرد على "س" أو "ص" .. الرقي بالمنتدى يعني الرقي بأنفسنا أولاً وبفكرنا ثانياً و بعقولنا ثالثاُ ..

[محمد العزام]

مارح يكون ردي كامل على ماتقدمتي به شمس او دموع
رح يكون لالي عودة كبيرة لحتى اناقش اكثر واكثر واكثر


شمس معك حق بكل ماذكرتي
دموع نفس ماقيل لشمس ... معك حق بكل مايقال


يمكن هالشي عشتوه لفترة طويلة بس صدقوني انا عشته لفترة اطول منكم ...انا داخل المنتدى من فترة طويلة وشفت كيف كان وضع المنتدى وكيف صار ...صراحة ايام بتذكر الاعضاء اللي كانوا وطبيعة التفاعلية اللي كانت ...يمكن ضروف الحياة بعدتهم ويمكن زي مابنعرف العلاقات الشخصيه بين الاعضاء كمان ساهمت بهالشي ...
احكيلكم معلومة صغيرة ويمكن لو حسان يدخل يمكن يعرف عن شو بحكي ...في اعضاء تركوا المنتدى لانه س من الناس ماتقبلوه كحبيب ...المنتدى مر بفترة كان عبارة عن كوفي شوب لاغير ...والعفو منك حسان على كلامي ... انا بشوف س من الاعضاء كتب موضوع لازم ارد عليه بحكم انو انا على علاقة شخصية معاه مش اكثر .. بس الحمد لله حاليا مابلاحظ هالشي

بالنسبة لكلامك دموع ...لضروف غياب بعض الاعضاء ....اما ملل او دراسة او مابعرف شو ... في حقوق للعضو وفي حقوق عليه ... معناه مابدي مجاملات لما يصير موضوع عن المنتدى وكل عضو يدخل انا مع المنتدى والمنتدى بيتي الثاني والمنتدى طورني ... وبنهاية المطاف نفس هالعضو بيدخل من اسبوع لاسبوع بعلق على موضوع او موضوعين وبيطلع
الضروف اللي بنحكي عنها بتكون ليوم او ليومين او لفترة محدودة مش لهيك فترات

قبل فترة قرات موضوع لحسان عن المنتدى ورح يكون في تغيير وطلب اراء الاعضاء ...ليش مادخلل حسان مرة ثانية وعمل هالتعديل وهالتطوير ...والا اعتمدنا لانها وعود مش اكثر مثلو مثل اي قرار من اي رئيس عربي مش اكثر




احكي ياعضو الي ليك واللي عليك ...



لي عودة حسب تطور الوضع

[(dodo)]

يا مساء الورد للجميع

اولا ... كل شخص يدخل الى الموضوع ويعطي سبب من اسباب عدم دخوله للمنتدى

انا والله احب ما علي اني اضل 24 ساعة بالمنتدى بس بسبب التوجيهي بغيبب فترات عنه


ثانيا...في حال دخولك للمنتدى ماهي المواضيع التي تحب النقاش فيها والتفاعل معها
بحب ادخل على العاب الحانة واذا كمان في موضوع ملفت للنظر واذا كنت فاضية برد على كل المواضيع

ثالثا ...هل هناك اعضاء عند دخولك للمنتدى لاتحب مشاركاتهم او مواضيعهم
لا بالعكس كل الاعضاء خير وبركة

رابعا ...هل تحمل ضغينة شخصية لاي عضو بالمنتدى ... وان كان كذلك ...هل يمنع من المشاركة على موضوع لهذا العضو
لا لا لا

خامسا ... تقييمك للمنتدى بشكل عام الى هذه اللحظة
80%

سادسا ... اخطاء المنتدى اين تكمن ...يجب التكلم بصراحة ولانريد المجاملات
مافي تفاعل من الاعضاء والادارين
ومافي مواضيع بتحفز لاعضاء انهم دايما يتواجدو

سابعا ...اكثر الاقسام التي ترى جدية اكثر فيها

مافي قسم محدد كلهم متنوعات


ثامنا ... هل مجرد دخولك للمنتدى النهوض به او الاستفادة ...ام لاسباب شخصية

بحب افوت عالمنتدى بغض النظر عن الاسباب

تاسعا ...كيف يمكننا اعادة تطور المنتدى من جديد ...والنهوض به من جديد

بتفاعل منا ومن الاداريين ان شاءالله رح يكون احلى منتدى


مشكور محمد والله كان لازم هيك موضوع من زمان وياريت الكل يتفاعل وحتى الاداريين

[تحية عسكريه]

اول إشي بحييك يا صديقي محمد على الموضوع المميز



اولا ... كل شخص يدخل الى الموضوع ويعطي سبب من اسباب عدم دخوله للمنتدى


والله ظروفي بالشغل هي يلي مخليتني ما افوت احيانا وسبب آخر بعض المشاكل يلي واجهتني بالمنتدى جعلتني ما أفكر افوت عليه بصراحة وبدون زعل

ثانيا...في حال دخولك للمنتدى ماهي المواضيع التي تحب النقاش فيها والتفاعل معها

المواضيع الاجتماعيه والفنية والامور الشخصيه طبعا

ثالثا ...هل هناك اعضاء عند دخولك للمنتدى لاتحب مشاركاتهم او مواضيعهم

طبعا اكيد بس بدون ذكر إسم معين

رابعا ...هل تحمل ضغينة شخصية لاي عضو بالمنتدى ... وان كان كذلك ...هل يمنع من المشاركة على موضوع لهذا العضو


نعم ............. بس ما يمنع اني اطلع على مواضيعه

خامسا ... تقييمك للمنتدى بشكل عام الى هذه اللحظة

بصراحة 35%

سادسا ... اخطاء المنتدى اين تكمن ...يجب التكلم بصراحة ولانريد المجاملات

بالنفاق على بعض هذا سبب وجيه للتدمير المنتدى بالتأكيد

سابعا ...اكثر الاقسام التي ترى جدية اكثر فيها

بصراحة مافي قسم يحمل هذه الميزة

ثامنا ... هل مجرد دخولك للمنتدى النهوض به او الاستفادة ...ام لاسباب شخصية

الاستفادة أحيانا من بعض المواضيع واياما شخصيه


تاسعا ...كيف يمكننا اعادة تطور المنتدى من جديد ...والنهوض به من جديد

والله بدها شغل كثير للتطوير بالمنتدى من ناحية ماهية المواضيع يلي بتنعرض بالمنتدى

[معاذ ملحم]

مساء الخير

مساااااااء الخيرات محمد


برحب فيكم جميع اعضاء منتدى الحصن ...ببيتكم الثاني ونتمنى اقامة سعيد لكل شخص بيدخل المنتدى ...والاستفادة والنهوض بسمو الافكار والنهوض بدرجة الشخصية لكل روح من ارواح هذا المنتدى وبالتالي يعتبر نهوض باسم منتديات الحصن الاردنية التي مازالت قائمة ومازالت تستقطب اعضاء من كل مكان وزمان

ارحب بكم في موضوعي الخاصي ...وللتذكير قد يعتبرني البعض مجبر على هذا الموضوع لانه طلب مني باعتبار انني العضور المتورط حاليا بالمنتدى

بشو متورط يا محمد ..؟؟

ولكن اسمحولي ان اتقدم بالشكر للاخت دموع التي طلبت مني بالفعل هذا الطلب ...وصدقا ومن كل قلبي سعدت كثيرا بهذا الطلب وفي فترة من الفترات كنت على وشك طرح هذا الموضوع قبل ان يطلب مني كطلب

اعضاء الحصن الكرام ...مشرفين ...اداريين ...اعضاء ... كما تشتهي انفسكم سموها

نلاحظ في الفترة الاخيرة كما يسمى الموت السريري للمنتدى ...اعضاء الحصن الكرام ...

نريد منتدى اقوى من ذلك ...لانريد التبرير لمواقف بالفعل لم ولن تكون مانعة للدخول الى المنتدى


و انا معكـ يا محمد .. نريد منتدى أقوى .. لكن السؤال ,, كيف ..؟؟

اولا ... كل شخص يدخل الى الموضوع ويعطي سبب من اسباب عدم دخوله للمنتدى

محمد بصفتي .. معاذ ملحم .. كـ عضو .

بدخل المنتدى لكن مش دايما .. والله يا محمد بكون مشغول .. يعني بكل صراحه شو بتتوقع من واحد بدرس جامعة و بشتغل ع التكسي .. يعني شو بدو يضل عندو وقت لحتى يفتح المنتدى او حتى يقعد مع اهله .

ثانيا...في حال دخولك للمنتدى ماهي المواضيع التي تحب النقاش فيها والتفاعل معها

والله يا محمد كل واحد و إله ميوله الخاص .. المواضيع الاردنية بحب اتفاعل معها و اتناقش فيها .

ثالثا ...هل هناك اعضاء عند دخولك للمنتدى لاتحب مشاركاتهم او مواضيعهم

لا و الحمد لله ..


رابعا ...هل تحمل ضغينة شخصية لاي عضو بالمنتدى ... وان كان كذلك ...هل يمنع من المشاركة على موضوع لهذا العضو

الحمد لله انا ما بحمل ضغينة او حقد لأي شخص بالمنتدى .. ولو حدا بكرهني انا مسامحه .


خامسا ... تقييمك للمنتدى بشكل عام الى هذه اللحظة

والله المنتدى ناقصة شوية إهتمام من قبل الإدارة .. يعني حظور الإدارة يعطي نوعا من الايجابية لدى الاعضاء .. يعني العضو لما يشوف انو ما فيه اهتمام من الادارة بالمنتدى ما بضلله نفس يشارك او حتى يكتب شي .

طبعا انا بحكي عن نفسي قبل اي واحد فيكم .


سادسا ... اخطاء المنتدى اين تكمن ...يجب التكلم بصراحة ولانريد المجاملات

غياب الإدارة عن بعض الاقسام ..

سابعا ...اكثر الاقسام التي ترى جدية اكثر فيها

المنتدى العام و القسم السياسي

ثامنا ... هل مجرد دخولك للمنتدى النهوض به او الاستفادة ...ام لاسباب شخصية

المنتدى هو مكان بوح افكاري و اقلامي به .. هو كل شي بالنسبة لي .
ومن خلال هذا المنتدى إنطلقت افكاري و مواهبي و إبداعاتي ومن خلال هذا المنتدى تعلمت الكثير .. و استفدت من خبرات الغير في شتى المجالات .

تاسعا ...كيف يمكننا اعادة تطور المنتدى من جديد ...والنهوض به من جديد

بكوننا مقبلين على الصيف .. شو رأيكم ب أمسية شعرية او ملتقى شبابي لحتى من خلال هاي الامسية نتعرف على بعض و نجلس جلسة حوارية لحتى نفكر بطريقه جديده و طريقه إبداعية في تطوير المنتدى و الرقي بخدماته .

واخيرا وليس اخرا ...اتمنى بان اسمع جميع ارائكم ... وان كان هناك مجال للنقاش فليكن

[صديقه بنت الشديفات]

اولا ... كل شخص يدخل الى الموضوع ويعطي سبب من اسباب عدم دخوله للمنتدى

,, مابدي ابرر غيابي لكن امتحانات ودووام كل االاسبوع وتعب نفسي "كل الاسباب طلعو معي"


ثانيا...في حال دخولك للمنتدى ماهي المواضيع التي تحب النقاش فيها والتفاعل معها

مواضيع منتدى كلام الناس ,, مع او ضد .. بحب اتناقش مع اكمن عضو هون لانه عندهم روح ابداعيه في خلق النقاشات


ثالثا ...هل هناك اعضاء عند دخولك للمنتدى لاتحب مشاركاتهم او مواضيعهم

لا ,, الكل مثل اخواني واخواتي لهيك ما بميز بين حدا الا قليل..



رابعا ...هل تحمل ضغينة شخصية لاي عضو بالمنتدى ... وان كان كذلك ...هل يمنع من المشاركة على موضوع لهذا العضو

مو دايما حسب السبب اذا كان في زعل لاسمح الله



خامسا ... تقييمك للمنتدى بشكل عام الى هذه اللحظة

حاسس فيه جمود بالنسبه الي انا او من عندي انا..



سادسا ... اخطاء المنتدى اين تكمن ...يجب التكلم بصراحة ولانريد المجاملات

تكمن في غياب اعضائه ..



سابعا ...اكثر الاقسام التي ترى جدية اكثر فيها

الصراحه مو شايفه شي ..



ثامنا ... هل مجرد دخولك للمنتدى النهوض به او الاستفادة ...ام لاسباب شخصية

دخولي للمنتدى كان بطلب من بنت الشديفات .. طبعا غابت وانا ضليت
لكن دخولي له يتطلب مني كـ عضو النهوض به وتقديم الافضل له
والاستفاده من الاطروحات به ..




تاسعا ...كيف يمكننا اعادة تطور المنتدى من جديد ...والنهوض به من جديد
والله يا محمد حاليا مخي معطل عن التفكير يمكن افكر الصبح واردلك شو بصير معي


يعطيك العافيه خيو طرح مميز كالعاده ,, دام قلمك معتاداً على النقاشات,,

[محمد العزام]

بتشكركم كثير على الاراء الي كلها بتصب في صلب الموضوع انو بحاجة لمنتدى اقوى من هيك

حسان ننتظر مشاركتك على الموضوع اذا بتتمكن ...هدوء ...اميرة قوس النصر اذا كنتي بمتابعة بامور المنتدى نتمنى ان لانقف خلف الاسوار ونتابع عن بعد ... فالكلام الذي يكتب هنا لايفقر انسان ولاينقص منه شيء ... فجميعنا يتعرض لمواقف تبعده عن بعض الامور الثاموية بحياته وقد نعتبر هذا المنتدى ثانوي
حورية لو تكرمت وتعلق
روان ...لاتنظري الى المشاركات فقط بل وعلقي
امجاد الشيوخ ...اذا كان قلمك باق يخط على دفاترك فلتدخل وتكتب
ان الله يراك ...لاتكوني مثل المسافر ...
قلعتي ابدية ...لو بيوم تمنيت ارضاء الجميع منك فلتدخل وتواصل مع من يسالون عنك ويقدمون اليك النصائح
ملكة الاحساس ... ومادلين ....... المنتدى ليس فقط ...قسم الحانة
mr_hell ....لاتكن مثل الاعصار يبدا وينتهي بوقت محدد



لكل دولة رجالها ....عاش المنتدى من بداياته على اعضاء رسخوا مبادئهم على تطوير المنتدى والتحفيز ولكن اتوقع انه لم يجرى اي اتصال معهم للعودة كما وعدنا
اذا هناك الخلل واضح في الترويج للمنتدى ...من يستطع ان يجلب احدا فليعمل


اتوقع مشاركة الكثيرين بهذا الموضوع وانتظر الردود الفعالة

[محمد العزام]

لسى بنتظر مشاركة الكل

[&روان&]

اولا ... كل شخص يدخل الى الموضوع ويعطي سبب من اسباب عدم دخوله للمنتدى
لعدة اسباب اهمها انو الجهاز كتير بيخرب عندي


ثانيا...في حال دخولك للمنتدى ماهي المواضيع التي تحب النقاش فيها والتفاعل معها
المواضيع المطروحة الجديدة

ثالثا ...هل هناك اعضاء عند دخولك للمنتدى لاتحب مشاركاتهم او مواضيعهم
لا لا

رابعا ...هل تحمل ضغينة شخصية لاي عضو بالمنتدى ... وان كان كذلك ...هل يمنع من المشاركة على موضوع لهذا العضو
حتى لو احمل لا يمنعني ذاللك الرد على مواضيعه

خامسا ... تقييمك للمنتدى بشكل عام الى هذه اللحظة
جيد جدا

سادسا ... اخطاء المنتدى اين تكمن ...يجب التكلم بصراحة ولانريد المجاملات
اخطاءه بسيطة جدا لا تذكر

سابعا ...اكثر الاقسام التي ترى جدية اكثر فيها
الحانة

ثامنا ... هل مجرد دخولك للمنتدى النهوض به او الاستفادة ...ام لاسباب شخصية
طبعا الاستفادة والاطلاع على المعلومات القيمة والجديدة


تاسعا ...كيف يمكننا اعادة تطور المنتدى من جديد ...والنهوض به من جديد
من خلال طرح مواضيع اكثر للحوار والنقاش بين الاعضاء
وجعل دخوله الزامي اذا امكن ذلك

[هلا]

المنتدى جدا رائع وراقي

بتصوري اذا كل شخص اهتم بادخال مواضيع ضمن قراءاته او تخصصه واعطى اهتمام للجوانب العلميه او الثقافية كل حسب مقدرته رح يزدهر المنتدى وما نقتصر ع التسلية والترفية بأفكار بسيطة جدا