النقاش الجاد بين الشبااب والبنااات

[مراد الوديان]

(( النقاش الجاد بين الشبــاااب و البنــااات ))




مــرحبـــا أحلى شباب و بنات



سئمنا من كثرة الحوارات التقليدية المنغلقة و الأفكار المتقوقعة

والمواضيع المتكررة اللتي أصابتنا بالملل بسطحيتها و محدوديتها



لذلك خطرت لي فكرة هذا الحوار [ الساخن ]

وهو عبارة عن حوار مثير بين فريقين

فريق [ الرجال ]

فريق [ النساء ]



وضعتها من باب المداعبة.


هناك أمور يكرهها الرجل في المرأه أو لا يستطيع فهمها

(( و ))


هناك أمور تكرهها المرأة في الرجل أو لا تستطيع فهمها


وسنقوم في هذا الحوار بتسليط الضوء على كل ما لا يعجبنا في الجنس

الآخر بكل صراحة

و موضوعية وبعيداً عن التعصب حتى نستمتع و نخرج منه بنتائج إيجابية.


[ بداية الحوار ]


سيقوم فريق الشباب بطرح تساؤل عن أمر معين لا يعجبه في البنات


وسيقوم فريق البنات بالرد وتبرير الموقف


وبعد إعطاء الإجابات والمبررات الكافية يصبح فريق البنات في وضع

الهجوم

ويطرح سؤال على فريق الشباب.....وهكذا يستمر الحوار



[ملاحظة]



يحق للجميع المشاركه وابداء الرأي


وأرجوا أن نكون مع الحق دائماً بعيداً عن الإنتماء و التحيز


(( صافرة البداية ))


" سؤال من فريق الشباب موجه الى فريق البنات "


لماذا تهتم المراة بمظهرها وزينتها عندما تقوم بزيارة ما وتهمل زينته في

بيتها ؟

[الاء]

لماذا تهتم المراة بمظهرها وزينتها عندما تقوم بزيارة ما وتهمل زينته في

بيتها ؟




مين حكا انها ما بتهتم بحالها داخل البيت بلعكس ادا هيك طبيعه البنت بتحب تهتم بحالها برا البيت اكيد راح تهتم بحالها جوا البيت

وفي اكيد فئه من البنات ما بحبوا يهتموا بحالهم لا جوا ولا برا البيت

الناااس مزاجاااات

[khaled aljonidee]

تبريرك مقتع الاء

و الان احنا بانتظار سؤالكوا

[الاء]

ليش الرجل بكوون جنتل مان وكتير زورء مع البنت الي براا
ومع مرته بتكوون كشرته واصله اخر الدنيا وضحكته بتطلع بلغصب ((( طبعا مو الكل بس الاغلبيه ))

[khaled aljonidee]

السؤال هاذ لازم يكون للمتزوجين:db465236ff::db465236ff:


احنا الرجال ما النا امان:db465236ff:


بس انا صراحة ما اظن انو في رجال بيعملوا هيك الا قليل القليل:icon31:

و بالنهاية الزوجة هي أهم انسانة للزوج بعد امه طبعاً:icon31:

بتمنى يكون تبريري مقنع:icon31:

[الاء]

احنا الرجال ما النا امان

جوواب مقنع

[khaled aljonidee]

احنا الرجال ما النا امان

جوواب مقنع

بس انا حطيت جنب الكلمة سمايل:db465236ff:

[الاء]

هههههههه

اووووووووك

[مغروره بس معذوره]

انا بدي اسال سؤال او ضاهره شفتها عندنا بالجامعه وبرى


انا من لما اجيت على الاردن الصراحه احتقرت الشباب مابحكي انو مافي شباب مش كويسين لا بس بشوف الي مش كويسين هم الاغلبيه


يعني مثلان شغلت المسبات بالشارع وقدام الناس ومسبات قويه لا والي بقهرك اكثر بتلاقي الي انسب عليه جالس يضحك :)مستااانس كنو بمدحو مش بسبو قدام الناس

[مهدي شطناوي]

انا بدي اسال سؤال او ضاهره شفتها عندنا بالجامعه وبرى


انا من لما اجيت على الاردن الصراحه احتقرت الشباب مابحكي انو مافي شباب مش كويسين لا بس بشوف الي مش كويسين هم الاغلبيه


يعني مثلان شغلت المسبات بالشارع وقدام الناس ومسبات قويه لا والي بقهرك اكثر بتلاقي الي انسب عليه جالس يضحك :)مستااانس كنو بمدحو مش بسبو قدام الناس

استفسار راائع...
لا تفكري انو كل الشباب هيك..بالعكس انا شخصيا بحتقر نوع الشباب هدول..
وبكونوا متعودين على قلة القيمة...
ولا تحكمي عكل الشباب..لأن اللي بالشارع غير المتعلم...أما لو لقيتي طالب جامعة هيك...
بكون قليل فيه الموت...
وبكون عندو نقص بالشخصية

[مغروره بس معذوره]

والله يامهدي اني من اول مااجيت انصدمت وشفت مره هوشه بالجامعه قسم بالله اني استحيت يكونو معاي بنفس الجامعه

والي بقهرك انهم متعلمين بالاسم ولا حكيهم ياخي لو واحد جاي من الشارع بحكي بادب اكثر منهم

وطبعا غير الاخت والام هاااي كوووم ثااني كانهم شغالات مو عرضهم الي لازم يحافظو عليه

[زهرة النرجس]

مش كل البنات زي بعض ئلي بتكون مرتبة بتكون هيك بكل مكان

[غسان]

موضوع جميل ...

بالتأكيد الظاهرة الي حكت عنها المغرورة موجوده .. ولكنها لا تعبر عن الشباب كلهم .. وانما عن فئة منهم ولكن ليس المعظم كما ذكر .. نتمنى تلاشيها

السؤال الان للصبايا حول اهم اولوياتها بالحياة .. الزواج ام الشهادة .. بصراحة

[زهره التوليب]

غسان تناقشت معك بنفس الموضوع قبل هالمره مشان هيك مارح اجاوبك يمكن اكون انا حاله خاصه:bl (35):

[أميرة قوس النصر]

رح اجاوبك يا غسان الاوليه دائما وفوق كل اشي الشهاده
صدقني بالزمن هذا الشهاده هي الي لازم تجي بالصدارة وباقي ما تبفى بكون بعد ما يادي واجبه تجاه نفسه :SnipeR (62):

[khaled aljonidee]

بدي اسمع راي البنات الثانيات أخت مها

مشان هيك لا تسألونا الان

[غسان]

غسان تناقشت معك بنفس الموضوع قبل هالمره مشان هيك مارح اجاوبك يمكن اكون انا حاله خاصه:bl (35):

انا ما سمعت وقتها غير رأيك .. عشان هيك طرحت الموضوع مرة ثانية .. واكيد كان جوابك مقنع جدا

[غسان]

رح اجاوبك يا غسان الاوليه دائما وفوق كل اشي الشهاده
صدقني بالزمن هذا الشهاده هي الي لازم تجي بالصدارة وباقي ما تبفى بكون بعد ما يادي واجبه تجاه نفسه :SnipeR (62):

اكيد الشهادة هي الاهم ... ولكن حواء بنسبة كبيرة في المجتمع العربي تفضل الزواج كأولوية .. بانتظار المزيد من الاراء

[saousana]

اكيد الاولوية للشهادة
موضوع الزواج مش مطروح ابدا خلال فترة الدراسة
ممكن حواء بشكل عام اولويتها الزواج بس مش الجميع

[Ammar Qasaimeh]

ممكن حواء ترتبط برجل لسا ما كمل دراسته؟ يعني طالب؟

[أميرة قوس النصر]

ممكن حواء ترتبط برجل لسا ما كمل دراسته؟ يعني طالب؟

والله بشكل عام ليش لاء؟

[Ammar Qasaimeh]

والله بشكل عام ليش لاء؟

لانه بكون ما اسس حياته, يعني لو تقدم طالب و موظف على مين بقع الاختيار؟

[الاء]

ممكن تربط حوا برجل ما كمل دراسته (( حاله نادره ))

يعني ادا كان بشتغل وقادر يصرف عليها ممكن انها ترتبط فيه

[أميرة قوس النصر]

لانه بكون ما اسس حياته, يعني لو تقدم طالب و موظف على مين بقع الاختيار؟

والله ساعتها الواحد حسب الظروف ما بقدر احكم

[الاء]

لانه بكون ما اسس حياته, يعني لو تقدم طالب و موظف على مين بقع الاختيار؟



ممكن صفات واخلاق الطالب تكوون احسن بكتيررر من صفات واخلاق الموظف ويقع الاختيار على الطالب

يعني مو شرط تكون عنده وظيفه كبيرره

بس ممكن يكوون بشتغل وبدرس

[The Gentle Man]

ممكن تربط حوا برجل ما كمل دراسته (( حاله نادره ))

يعني ادا كان بشتغل وقادر يصرف عليها ممكن انها ترتبط فيه




بس الي بشتغل شغلته ممكن ما دووم

[الاء]

بس الي بشتغل شغلته ممكن ما دووم


ممكن ما دوم يعني مو على طول تكون شغلته هيك ئصدك ؟؟؟

لأني ما فهمت عليك

[The Gentle Man]

ممكن ما دوم يعني مو على طول تكون شغلته هيك ئصدك ؟؟؟

لأني ما فهمت عليك




يعني اذا الشخص اذا بشتغل بشغله خاصه ممكن البنت ترتبط فيه
بس اذا كان بشتغل شغيل عند واحد ما بترتبط فيه البنت لانه شغلته مش على طول

[الاء]

يعني اذا الشخص اذا بشتغل بشغله خاصه ممكن البنت ترتبط فيه
بس اذا كان بشتغل شغيل عند واحد ما بترتبط فيه البنت لانه شغلته مش على طول

اكيد الشغل الخاااص اضمن بكتير

وكمان الي بشتغل عند شغيل ممكن هلاء هوا يصير يجيب ناس تشتغل معه ويصير الشغل اله

[The Gentle Man]

اكيد الشغل الخاااص اضمن بكتير

وكمان الي بشتغل عند شغيل ممكن هلاء هوا يصير يجيب ناس تشتغل معه ويصير الشغل اله



هاي لما يصير الشغل اله بفرجها الله :db465236ff:

[مراد الوديان]

بس يعني انا بحس انو البنات بفضلوا الشب الي بشتغل ويكون اله شغله الخاص

[الاء]

بس يعني انا بحس انو البنات بفضلوا الشب الي بشتغل ويكون اله شغله الخاص



اكييد أن كل بنت بتفضل الشب الي شغله مستقل لأنه كتير اضمن

[عُبادة]

صارلكو يومين بموضوع الزواج والزوج المثالي
وين النقاش؟؟
غيرولنا هالسيرة؟؟

[مهدي شطناوي]

صارلكو يومين بموضوع الزواج والزوج المثالي
وين النقاش؟؟
غيرولنا هالسيرة؟؟

:SnipeR (62)::SnipeR (62)::SnipeR (62):

صح بطلنا نتجوز...
كل واحد بياخد نصيبو
سواء العريس طالب ...ولا عسكري او دكتور او مهندس...
البنت ما بتعرف وين نصيبها....

انا عندي سؤال للبنات
ليش اسوأ كابوس عند البنت (الجــــــــــــــــلي)جلي وتنظيف المطبخ بتلاقيها بتعيط...

[الاء]

لا عادي بلعكس ااسهل اشي وانا كتير بحب المطبخ وبحب اطبخ

والجلي كتير سسهل على طول بحطه بجلايه

[saousana]

:SnipeR (62)::SnipeR (62)::SnipeR (62):

صح بطلنا نتجوز...
كل واحد بياخد نصيبو
سواء العريس طالب ...ولا عسكري او دكتور او مهندس...
البنت ما بتعرف وين نصيبها....

انا عندي سؤال للبنات
ليش اسوأ كابوس عند البنت (الجــــــــــــــــلي)جلي وتنظيف المطبخ بتلاقيها بتعيط...

شكلك بتحكي عن تجربة :db465236ff:
واذا لا بتمنى تجرب :db465236ff:
لانه شغل المطبخ بيتعب وانتوا لانكم ما بتحسوا بتعبه بتستهينوا انه ممكن يكون هيك
هو على كل حال مش كابوس انا بفضله بشغل البيت اكتر من اي اشي تاني

[مهدي شطناوي]

والله يا الاء تعبتي ...الجلاية بتعب كتييييييييييير بالشغل.....الله يعينك..

اما يا سوسن ...اني من جهة جربت لأ ما جربت ...وحرام تتمني اني اجرب...

بس فهمت انو البنات بسو حركات عشان ما يشتغلو.......

[الاء]

بس عنجد احلا اشي انك تشتغل بلمطبخ وخاصه لما تنجز اشي زااكي بتكوون كتير مبسووط

[khaled aljonidee]

سؤال اخر للصبايا


هل انتم لا تستستطيعون التحكم بمشاعركم يعني ان اغلبية قراراتكم تكون ناتجه عن العاطفه و ليس العقل؟؟؟؟؟

[الاء]

سؤال اخر للصبايا


هل انتم لا تستستطيعون التحكم بمشاعركم يعني ان اغلبية قراراتكم تكون ناتجه عن العاطفه و ليس العقل؟؟؟؟؟


العاطفه احيانا بتغلب على العقل بس مو كل البنات هيك

في بنات بفكروا بعئلهم
وفي بنات بفكروا بئلبهم

وانا بفكر (( 70% عئلي والبائي ئلبي ))

[saousana]

سؤال اخر للصبايا


هل انتم لا تستستطيعون التحكم بمشاعركم يعني ان اغلبية قراراتكم تكون ناتجه عن العاطفه و ليس العقل؟؟؟؟؟

قرارتي بيتحكم فيها عقلي اكتر من عاطفتي
ممكن بحكم عقلي زيادة
ممكن اغلبية البنات هيك
بس مش الكل

[M7MD]

شكلك بتحكي عن تجربة :db465236ff:
واذا لا بتمنى تجرب :db465236ff:
لانه شغل المطبخ بيتعب وانتوا لانكم ما بتحسوا بتعبه بتستهينوا انه ممكن يكون هيك
هو على كل حال مش كابوس انا بفضله بشغل البيت اكتر من اي اشي تاني

فعلا الجلي كتير متعب ختى لو كان فيه جلاية

انا بحكم طيبعة السكن بالشغل لازم اجلي بنفسي بعض الأحيان

و صرنا نضطر نروح لاخر الدنيا على شان ما نظل نجلي

الله لا يورجيكوا حياة الشباب في السكنات

:db465236ff::db465236ff:

[السلطان بشار]

العاطفه احيانا بتغلب على العقل بس مو كل البنات هيك

في بنات بفكروا بعئلهم
وفي بنات بفكروا بئلبهم

وانا بفكر (( 70% عئلي والبائي ئلبي ))


انا مو معك .............زالقرار النسائي دائما قرار عاطفي مو عقلي ابدا ......

[saousana]

فعلا الجلي كتير متعب ختى لو كان فيه جلاية

انا بحكم طيبعة السكن بالشغل لازم اجلي بنفسي بعض الأحيان

و صرنا نضطر نروح لاخر الدنيا على شان ما نظل نجلي

الله لا يورجيكوا حياة الشباب في السكنات

:db465236ff::db465236ff:

هاد اعتراف انه شغل المطبخ متعب
وبستاهل البكا على قولت مهدي
مع انه انا المفضل عندي من بين الاشغال التانية
بس والله متعب :eh_s(2):

[saousana]

انا مو معك .............زالقرار النسائي دائما قرار عاطفي مو عقلي ابدا ......

احتجاجي على كلمة دائما
ما في شي اسمه دائما
الحمد لله ربنا اعطانا العقل احنا البنات او "النساء " حسب ردك
برأيي مش الكل بتغلب عنده العاطفة في اتخاذ القرارات
هي قدرات بتختلف من شخص إلى اخر والقدرة على وزن الامور كمان
مش دائما القرارات النسائية عاطفية

[السلطان بشار]

احتجاجي على كلمة دائما
ما في شي اسمه دائما
الحمد لله ربنا اعطانا العقل احنا البنات او "النساء " حسب ردك
برأيي مش الكل بتغلب عنده العاطفة في اتخاذ القرارات
هي قدرات بتختلف من شخص إلى اخر والقدرة على وزن الامور كمان
مش دائما القرارات النسائية عاطفية


اعتقد انو الموضوع اوسع من ذكروا برد بسيط مثل هيك ...... ما تحتجي على كلمه دائما لانو ما في اي تصرف بتقدم عليه المراه من قرارات حياتها الا بتغلب عواطفها
والعقل بالمرتبه الاخرى
هاد الشي ما بينتقص من مكانه المراه
المراه اللي بحكي عنها انا هي اختي وامي وبنتي وخطيبتي وانتي نفسك لما تكوني بمشكله وبتحتاجي لقرار حاسم بتلجاي للرجل الاقرب ليش؟؟؟
مو لانو هو المسؤول ابدا بس للادرك الغريزي لدى المراه انو الرجل حكيم بالقرار
ممكن تقوليلي ليش ما تم اختيار امراه تكون نبي؟؟؟؟؟

هل الله عز وجل وحاشا وكلا ظالم باختياره للرجل للرساله ولم يختر المراه؟؟؟
ليش جعل المراه هي المؤازر وليست بالامام
لانه بيعلم تماما وههو العليم ان المراه تغلب عاطفتها وما بتتخذ القرار الا حسب نفسيتها مو بعقلها
اسف على ردي الطويل وبتمنى تكوني قهمتي القصد

[فارس]

قرارات بعض النساء والبنات و طريقة تفكيرهم في كثير من الأحيان أفضل من تفكير رجال كثيرين

خصوصاً في وقتنا الحالي

[أميرة قوس النصر]

قرارات بعض النساء والبنات و طريقة تفكيرهم في كثير من الأحيان أفضل من تفكير رجال كثيرين

خصوصاً في وقتنا الحالي

:SnipeR (52):

[eng.samara]

كويس
الصراحة حلوة

[تحية عسكريه]

احنا الرجال ما النا امان

جوواب مقنع

كيفكم الله يعطيكم العافية بتعرفي الاء انا مش هجومي بس ردك اثارني كتير :SnipeR (88):

بتعرفي ليش لانو زلمه مالو امان لانو المره ما بتحترم العلاقه بيناتهم .:SnipeR (88):