سؤال الى طلبة الجامعات الاردنية الدارسين والخريجين

لا بد انك درست مع اساتذة من خريجي جامعات امريكية وغربية واساتذة من خريجي جامعات اردنية او عربية. ما هو الفرق بينهم في الاسلوب والمنهجية والثقافة والمسلك؟ هل هذا الفرق جوهري؟ ارجو اثراء هذا الموضوع للفائدة. راجين منكم الكتابة للوصول الى الحقيقة ولكم الشكر.

مشكوور على الموضوع بصراحة أنا بفضل الدكتور أو الاستاذ اللي بيعطي المادة يكون من خريجي البلاد الغربية وبالذات ألمانيا والفرق بين خريج هون وخريج هناك انه الدكتور اللي متخرج من برة بيكون فاهم المادة بأسلوب سلس كون البلاد الغربية تعتمد على عدد ساعات عملي أكثر من النظري في التدريس على عكس بلادنا العربية بعدين بتحس اللي دارس برة واثق من نفسه أكثر فهاد الشي بينعكس على شخصيته فبكون دائما هادي ورايق ومبتسم وما بجيب أسئلة صعبة عشان يفرد عضلاته زي دكاترتنا بحطلك سؤال مريخي مثل عندك عدسة بالفضاء أحسب كل شي عن العدسة وبفكر انه عبقري بس يجيب هيك سؤال وبحس حاله مظلوم لانه ما اخد فرصته الحقيقية هاي غير الكشرة اللي بتصاحب دخوله على المحاضرة وعدم ثقته بنفسه واسلوبه الركيك والروتيني في ايصال المعلومة


ومشكوووور

شكرا على الموضوع...
اعتقد انو الشغلة بعتمد على الطريقة اللي حصل فيها الدكتور ع شهادتو...سواء كان من الاردن او من الخارج...
بتلاحظ اللي بياخد شهادتو بدون مجهود يذكر بتلاقيه شايف حالو...وبعامل الطلاب على اساس انهم من طبقة وهو من طبقة تانية ...
اما الدكتور اللي ماخد شهادتو بتعبو بتلاقيه محبوب ومتواضع ...وبوص المعلومة اسرع بكتييير
وعنا بالحصن في كتير من المهندسين والدكاترة (قسم الكهرباء اللي انا فيه) عنجد انهم مفخرة ورائعين بكل معنى الكلمة
وشكرا

فرق شاااااااااااااااااااااااااااااااااااااااسع ...

العلم لدينا علم قائم على البصم ويخلو من روح العقل والتجربة ، ولكن العلم هناك قائم على روح القعل والتجربة ومشاهدة النتائج بالتالي بالعين المجردة ...

لا مجال للمقارنة والحديث بذلك أخي العزيز ...

اقتباس:

---

المشاركة الأصلية كتبت بواسطة مهدي شطناوي

شكرا على الموضوع...
اعتقد انو الشغلة بعتمد على الطريقة اللي حصل فيها الدكتور ع شهادتو...سواء كان من الاردن او من الخارج...
بتلاحظ اللي بياخد شهادتو بدون مجهود يذكر بتلاقيه شايف حالو...وبعامل الطلاب على اساس انهم من طبقة وهو من طبقة تانية ...
اما الدكتور اللي ماخد شهادتو بتعبو بتلاقيه محبوب ومتواضع ...وبوص المعلومة اسرع بكتييير
وعنا بالحصن في كتير من المهندسين والدكاترة (قسم الكهرباء اللي انا فيه) عنجد انهم مفخرة ورائعين بكل معنى الكلمة
وشكرا

---

يا أخي ما أختلفنا ، نجن لا ننكر بأنه لدينا دكاترة وعلماء في علمهم ، ولكن السياسة التعليمية لدينا كعرب مغايرة تماما ً ، فهي قائمة على الشخصنة والواسطة والمحسوبية وبيعدة عن التجربة والابحاث التجريدية ، وبالتالي هذا ينعكس على النتائج ، طالب الطب مثلا ً ، يحصل على شهادة الطب وبإمتياز أحيانا ً وهو لا يستطع بنفس الوقت تشخيص حالة مرضية او إجراء عملية جراحية إلا بعد التجربة ، وكذلك بالنسبة لطالب الهندسة يحصل على الشهادة وهو غير قادر على تصميم شمعه او قاعدة بناء أو شباك لدرجة انه غير قادر على تحديد كمية الحديد والاسمنت المناسبة ...!!!

يعني بالمختصر المفيد ، العلم لدينا ينقصه البحث والتجربة والإبداع ، وعلمنا عبارة عن حبر على ورق فقط لا غير ...!!!

اقتباس:

---

المشاركة الأصلية كتبت بواسطة N_tarawneh

يا أخي ما أختلفنا ، نجن لا ننكر بأنه لدينا دكاترة وعلماء في علمهم ، ولكن السياسة التعليمية لدينا كعرب مغايرة تماما ً ، فهي قائمة على الشخصنة والواسطة والمحسوبية وبيعدة عن التجربة والابحاث التجريدية ، وبالتالي هذا ينعكس على النتائج ، طالب الطب مثلا ً ، يحصل على شهادة الطب وبإمتياز أحيانا ً وهو لا يستطع بنفس الوقت تشخيص حالة مرضية او إجراء عملية جراحية إلا بعد التجربة ، وكذلك بالنسبة لطالب الهندسة يحصل على الشهادة وهو غير قادر على تصميم شمعه او قاعدة بناء أو شباك لدرجة انه غير قادر على تحديد كمية الحديد والاسمنت المناسبة ...!!!

يعني بالمختصر المفيد ، العلم لدينا ينقصه البحث والتجربة والإبداع ، وعلمنا عبارة عن حبر على ورق فقط لا غير ...!!!

---

وبضيف على كلامك انه اغلب الحاصلين على شهاداتهم في اي تخصص مش مستعد انه يقراء او يعرف شو جد على تخصصه وكانه العلم توقف بعد الشهادة يعني مش علم قائم على المعرفة و الاتطلاع بل قائم على الامتحانات والاختبارات

اقتباس:

---

المشاركة الأصلية كتبت بواسطة N_tarawneh

فرق شاااااااااااااااااااااااااااااااااااااااسع ...

العلم لدينا علم قائم على البصم ويخلو من روح العقل والتجربة ، ولكن العلم هناك قائم على روح القعل والتجربة ومشاهدة النتائج بالتالي بالعين المجردة ...

لا مجال للمقارنة والحديث بذلك أخي العزيز ...

وشو إلي جاب ((طزّ لمرحبه)) ...:db465236ff:

---

شكراً لك....

اخوي ردك على الموضوع مالو علاقة أبداً بالموضوع المطروح.....الموضوع بيسأل وبيناقش عن الدكتور ونفسيتو وطبيعتو...."ما هو الفرق بينهم في الاسلوب والمنهجية والثقافة والمسلك؟" واللي انت حكيت عنو سياسة هو سياسة مناهج...والكل ما بيختلف انو التعليم عنا تلقيني....وطرح الموضوع بيناقش نفسية الدكتور خريج الاردن او الوطن العربي مع نفسية الدكتور خريج الغرب...
مش زي ما ناقشتو انت..ولاحظ
"لا بد انك درست مع اساتذة من خريجي جامعات امريكية وغربية واساتذة من خريجي جامعات اردنية او عربية. ما هو الفرق بينهم في الاسلوب والمنهجية والثقافة والمسلك؟ هل هذا الفرق جوهري؟ ارجو اثراء هذا الموضوع للفائدة. راجين منكم الكتابة للوصول الى الحقيقة ولكم الشك"

بعدين شو هاي "شو جاب ........لمرحبا...":db465236ff: ر.

اقتباس:

---

المشاركة الأصلية كتبت بواسطة maha

وبضيف على كلامك انه اغلب الحاصلين على شهاداتهم في اي تخصص مش مستعد انه يقراء او يعرف شو جد على تخصصه وكانه العلم توقف بعد الشهادة يعني مش علم قائم على المعرفة و الاتطلاع بل قائم على الامتحانات والاختبارات

---

يا مها يا جماعة الشب سأل الاختلاف في الاسلوب دكاترة خريجي هون او خريجي برة ما سأل مين علمه احسن نحن لا نختلف انه دكاترة برة علمهم بيكون قائم على المعرفة والاطلاع والعملي عندهم اكثر من النظري على عكس دكاترة او خريجين هون علمهم نظري ركيك قائم على الامتحانات الفاشلة انتم تطرقتم الى موضوع مختلف تماما يعني ممكن يكون الدكتور خريج برة وما عنده اسلوب يفهمك او ما عنده طريقة شرح مع انه بيكون فاهم منيح ما حكالكم مين افضل حكالكم شو بختلف اسلوبه ومنهجيته الي دارس برة عن هون

أرجو فهم ما أقول على أساس تغيير وجهة الحوار ولا يكون هنالك سوء فهم

thanks alot for responding

أنا يأيد إنو يكون الدكتور من الدول الغربيه لأن أسلوبه يتسم بالسلاسه والوصول إلى الحل بطريقه سهله ولكن لي مأخذ على بعضهم في أنهم كلما عملنا أي شي بحكولنا ، ما تعملو هيك إحنا لما كنا بالدوله الفلانيه كانوا الطلاب .. ، وببلشلك يذكر صفات الطلاب إلي كان يدرسهم ..