كافينا شرّك يا ابو العيال

بسم الله الرحمن الرحيم




http://dc09.arabsh.com/i/01889/xs0ga90kvpl9.png




ليالي رمضان

سنكون في كل ليلة من ليالي الشهر العظيم مع حكاية وعبرة
تنفعنا في ديننا ودُنيانا وآخرتنا ان شاء الله .. إقرأوا الحكاية ولنتحاور في العبره!




http://dc09.arabsh.com/i/01889/lk11qo3r6c1k.png



(4)
كافينا شرّك يا ابو العيال



- شادية .. يا شادية ..
هيه يا مقصوفه وينك؟
- نعم نعم سامعيتك
- هو انا كم مرة بدي انادي عليكِ مطروشة ولا شو؟
- وحّد الله يا زلمة كنت بغسّل لسالم موسخ حالو
- طيب روحي اعمليلي فنجان قهوه يلا غوري !!

- هاتي تا اشوف .. (يحتسي فنجانه)
بكرة بدي اعزم اهلي ييجو يفطروا عنا ..
- اهلا فيهم شو بدك تعملهم؟ طبخة يعني؟
- كل اشي بدي اكرب وجهي هو كاين اخوي احسن مني
- كيف يعني كل اشي؟ انت مين بدك تعزم؟
- كلهم !
- ما فهمت مين يعني؟ عمي وعمتي مثلا؟
- ولك غبيه انتي؟ ولك بحكيلك كلهم
ابوي وامي وخواني وخواتي وولادهم ، زي عزومة اخوي هاني.
- كلهم؟ هدول بيجو 40 نفر؟
- شو 40 وما 40 شو بدك انتِ هاه؟ انتي بتطبخي وفكك من هالسوالف
كمان ما بيجو 40 شو بتستعبطي؟
- لا بيجو يوم عزومة اخوك هاني قالتلي اميرة مرتو انو كل الطبايخ اللي عملها
ما كفت المعازيم وماتت البنت وهاد واحنا بنشتغل معها كيف انا اللي بدي اشتغل لحالي؟
- خلص بيجو نسوان اخواني بساعدوكِ.
- والله؟ انت مصدّق؟ ما حدا بيجي هو انا بكرر شغلتي هديك.
- اااااااااااه لا تجننيني سدي حلقك ترى واصله معي
- يعني تعال نحلها وحده وحده مين اللي بدها تساعدني؟
اميرة حامل بالسابع ، وزهرة عندها ديسك ، وسمية عند امها بمعان ،
وهناء عليها امتحانات ، مين ضل من نسوان اخوانك اه؟
ويا عيني على بناتهن ولا وحده منهن بتعرف بالطبيخ.
- ومين قلك انو بدهن يساعدنك؟ ها؟ بتطبخي انتي ولا شو وراكِ؟
مانتي هيّك قاعدة لصف الحكي.
- وحّد الله ما بقدر هدول 40 تعال عد معي ، سليمان واميرة وولادهم 5
محمود وزهرة وبناتهم 6 ، نائل واميرة وولادهم 5 وسمية وولادها 4
ومالك وهناء وابنهم 3 وابوك وامك 2 واخوانك وخواتك الصغار 5
وولادك 7 قديش صاروا؟ تعدّوا الـ 30!!
- انتي اصلا ما بتطيقي اهلي من زمان مهو لو اهلك اللي بدنا نعزمهم ما بتفرق معك
انتي مكيوده.
- لا والله بس عنجد ما بقدر يا رجل يعني لازم تعزمهم كلهم مع بعض؟ ما بقدر انا !
- ولا شو رايك؟ اخلي اخوي يكون احسن مني؟ ويتوجهن قدام ابوي ، اه مهو بسببك
طالع غضيب مع ابوي هاد بدل ما انتي تخليني اعزمهم.
- ما بقدر على الشغله ما بقدر مانت عارف انو 100 علّه فيي حرام عليك.
- يووووووه وبعدين عاد؟ الله يسم بدنك زي ما سمّيتي بدني ، ولك انتي ما بتفهمي؟
الله يلعنك ما اشيطنك ، بدي اقوم اقلع من هون مهي القعدة معك زي الزفت
من يوم ما اخذتك وانتي سامّة بدني .. اقلب يا حمار من قدّامي طالع لإمك حمار .. (ويهم بالخروج)

- اسمعي : هاي جبتلك اللوازم وما بتنامي اليوم غير وانتي مجهزة كل الشغل مشان بكرة
تخلصي عالبكّير .. واذا ما بدك لا تورجيني وجهك ..
- حرام عليك حرام
- يحرّم جلدك عن عظمك إف شو هالبشر .. (ويخرج) ..


http://dc09.arabsh.com/i/01889/lk11qo3r6c1k.png




العبرة

الظلم .. حالة كثيرا ما تتكرر في البيوت .. من ظلم الاب لأسرته وزوجته وابنائه ، فتجده يسبهم او يضربهم او يضرب زوجته امامهم ، دون رحمة او شفقة ، او يعامل زوجته بأسلوب خشن دون رحمة.

الظلم ظاهرة انتشرت في بعض الناس ذكرها القرآن الكريم والسنة النبوبة المطهرة، إما على سبيل الذم، أو على سبيل بيان سوء عاقبة من فعلها. وقد حرمه الله سبحانه وتعالى على نفسه وحرمه على الناس، فقال سبحانه وتعالى فيما رواه رسول الله في الحديث القدسي: { يا عبادي إني حرمت الظلم على نفسي وجعلته بينكم محرماً، فلا تظالموا } [رواه مسلم].
وعن جابر أن رسول الله قال: { أتقوا الظلم فإن الظلم ظلمات يوم القيامة، واتقوا الشح فإن الشح أهلك من كان قبلكم، حملهم على أن سفكوا دماءهم واستحلوا محارمهم } [رواه مسلم].

ونحن في هذا الشهر الكريم ، كم يجب علينا ان نرحم انفسنا ونرحم غيرنا ولا نكلّف الناس فوق طاقاتهم ، كي يرحمنا ويعفو عنا ..

ارحموا من في الأرض يرحمكم من في السماء ..

تقبّلوا فائق الإحترام :)

مشكور هدوء
اعتقد كان لازم يرحم زوجته شوي ويقسط العزومه يوم يوم
مش كلهم مع بعض

بعدين الظلم صار باشكال كثيره لا يمكن تعدها لكثرها

وانا ما احكي غير الله يهدي الكل ظالم ومظلوم

كل شي ولا اخوه يطلع احسن منه

بالفعل
ارحموا من في الارض يرحمكم من في السماء


مشكور هدوء

اقتباس:

---

المشاركة الأصلية كتبت بواسطة غسان

كل شي ولا اخوه يطلع احسن منه

---

فعلا .. شغلة حساسة كتير ، واصلا معظم المشاكل من ورا الوجهنة وارضاء الناس والمظاهر الكذابة ..


شكرا للجميع على مرورهم :)

ارحم من في لارض يرحمكم من فيا لسماء

الله يهدي الناس جميعا

شكرا محمود

[align=center]شكرا لمروركم جميعا ..[/align]