موقف وزير الأوقاف الأسبق علي الفقير
فاجأ وزير الاوقاف الاسبق الدكتور علي الفقير مذيعا في برنامج على التلفزيون الاردني استضافه لتأييد موقف الحكومة في احداث الداخلية بقوله "اذا في ناس بدهم يعتصموا خلوهم ولازم تقدمولهم ماء وخبز وتطعموهم .. ولازم المسؤولين ينزلوا ويحاوروهم ويشوفوا شو مطالبهم" .
مشيرا الى ان الامن العام فيه فساد, اضافة الى اجهزة امنية اخرى , والتي نادى المعتصمون باجتثاث الفساد فيها.
وأضاف "المشكلة عندنا ان المسؤولين بطانة فاسدة والوزراء انجس وادنس من ان يقوموا بالاصلاح" .
كان مدير اوقاف مدينة الرمثا منع الداعية الفقير من القاء محاضرة في ملتقى الشجرة الثقافي الاسبوع الماضي لاسباب مجهولة .
من موقع سواليف
رد: موقف وزير الأوقاف الأسبق علي الفقير
هو انا من قليل ما بحب الشيوخ
رد: موقف وزير الأوقاف الأسبق علي الفقير
شو بدنان نساوي بـ انتفرج :SnipeR (74):
رد: موقف وزير الأوقاف الأسبق علي الفقير
كلنا لعيونك ابو حسين
هذا الاردن اردنا اغلى من الروح ترابه
رد: موقف وزير الأوقاف الأسبق علي الفقير
[align=center]مراحب للجميع ..
يمكن كلامي ما رح يعجب بعض زوار هالموضوع لكن كلمة لازم تنقال من باب الأمر بالمعروف والنهي عن المنكر ..
اول شيء ما بصير يا زيد تقول "ما بحب الشيوخ" عن أبي هريرة رضي الله عنه قال : قال رسول الله - صلى الله عليه وسلم - إن الله قال : ( من عادى لي وليا فقد آذنته بالحرب) ، وما أظن في كلام أبلغ من هيك ..
تاني شغلة ، مين قال انو الحكومة ما فيها فساد؟ اذا كان جلالة الملك نفسه قال انو الحكومة بدها اصلاح واعطاها مهلة ثلاثة شهور لتصويب اوضاع وزاراتها ووعد بحلها اذا ما صار تغيير ..
تالت شغلة : يا جماعة الخير لازم تفرقوا بين جماعة 24 آذار والاخوان ، اللي دعا للتظاهر يوم الجمعة هم جماعة 24 آذار وهم مجموعة من الشباب الجامعيين تواصلوا عن طريق الفسيبوك لتنظيم هالتظاهرة وانضم الهم فيما بعد سياسيين ومنهم بارزين ، وبعد ذلك انضم الهم كم واحد من الإخوان مع انهم الاخوان صارلهم معتصمين قرابة الثلاثة شهور وحتى بآخر اسبوع اضربوا عن الطعام ، يعني تجمع يوم الجمعة ما كان من تنظيم الإخوان ..
رابع شغلة بحب اوضّح اني لا اخواني ولا من 24 آذار على العكس انا ضد كل واحد بمس أمن الوطن بقصد او بدون قصد ، لكن لازم تتابعوا تسلسل الاحداث دائما قبل التعليق ، الاحداث اللي صارت صحيح صارت بسبب تجمع شباب 24 اذار والاخوان ، لكن ما تنسوا انو المندسّين اللي انضموا الهم فيما بعد هم اللي تسببوا بالفوضى ، ولحتى هاللحظة ما بيّن من المتسبب الرئيسي بهالفوضى ، مشان هيك بكفّي ظلم واتهام للناس بشيء لسا للآن ما بيّنت التحقيقات صحته ..
التظاهر بهالوقت الحساس غلط ، لكن كمان تصرف الحكومة كان خاطيء ولازم يصير الاصلاح اللي دعا اليه جلالة ملكنا المفدى والا رح تقلب فوقاني تحتاني ، الكرة بملعب الحكومة ، وهي اللي رح تودينا بـ 60 داهية اذا ما تنظفت من الفاسدين اللي نهبوها ..
بحب اذكّر انو جلالة سيدنا قال مبارح انو جاهز لتحويل نظام الحكم الى "ملكي دستوري" في حال جاهزية الشعب لهالأمر .. بمعنى انو اللي طلبوا هالشغلة هم اقلية وما بتمثل الاغلبية لكن لو قال الاغلبية بدنا نخلي نظام الحكم ملكي دستور فالملك ما عنده مانع ، هاد شو معناه؟؟؟ معناه انو الملك ما بتعارض ابدا مع مبدأ التظاهر السلمي ، ولو كان التظاهر السلمي في مبدأه غلط كان منعته الحكومة من اساسه ، لكن اللي صار مش محسوب حسابه بسبب دخول بعض المندسّين وقيامهم بالفوضى اللي صارت ..
الخلاصة: لا أؤد التظاهر الآن ولو كان سلمياً ، ولكن ان حدث وسلمنا بالأمر ، فيجب على جميع الاطراف تحمل مسؤولياتهم بحزم بالغ ، لإن اراقة دم اردني على رى الاردن جريمة لا تغتفر ولا لأي طرف سواء من المتظاهرين او المندسين او الامن.. ايضا يجب الاسراع بعملية الاصلاح كي لا تتكرر هكذا مناوشات ، بقولوا اقلع السن واقلع وجعه ..!
والسلام ختام وبعتذر اذا ازعجت حدا بكلامي ..
ع فكرة كل المصادر لحكيي موجودة عندي وموثقة .. وجاهز للمسائلة :)[/align]
