رسالة >> "الشعب ماكل هوا"

http://www.sarayacdn.com/P5Lc6Kaq/0i...d9dfeb5e97.jpg

تلقى الشاب محمود الحلبي صاحب الرسالة
الموجهة إلى الملك عبدالله الثاني اتصالا من مستشار الملك أمجد العضايلة يخبره أن "الرسالة وصلت
إلى جلالته من عدة أشخاص وجهات، وإنه تفهّم مضمون ما جاء فيها".

وكان الحلبي 28 سنة (مغترب في الرياض)، قد أرسل ملف فيديو مسجلا بصوته إلى رأس الدولة صاحبه
صورة للملك، ومقاطع مغنّاة للسيدة فيروز من معزوفة "أردن أهل العزم"

وتضمنت الرسالة التي قرأها الحلبي باللهجة المحكية، شرحا مفصلا وبسيطا للأوضاع الاقتصادية
الصعبة التي يعيشها الشاب بعد تخرجه من الجامعة في الأردن؛ ما يدفعه إلى الاغتراب في الخارج.

وأكد الحلبي أن العضايلة نقل له طلب الملك بلقائه نهاية الشهر الحالي، ضمن مؤتمر شبابي تعمل
الحكومة على تنظيمه في عمان برعاية ملكية، موضحا أن "جلالة الملك هو من طلب من العضايلة
التواصل معه".

وقال: "انطباع جلالة الملك عن الرسالة كان إيجابيا، فهي لم تتحدث عن محمود الحلبي، وإنما عن معاناة
الشاب الأردني بشكل عام".

وأضاف أن "أكثر ما لفت جلالته في رسالتي، هي العبارات الداعية للوحدة الوطنية، كالقول

أنا يا مولاي جد جدي من حلب، وأبو جدي مولود في القدس، وجدي مولود في اربد، وابن خالتي من
الكرك، والآخر من نابلس، وأعز أصدقائي من المفرق، وجاري مسيحي...(...)".

وزاد: "رسالتي كانت خالية من الرياء والنفاق، فهي تعبير صادق عن مكنونات المواطن الأردني. هي
رسالة سهلة وبسيطة.. بالتأكيد وصلت بسرعة".

وأوضح الحلبي أنه "سيتواصل مع الشباب الأردني على فيسبوك ومواقع التواصل الاجتماعية الأخرى
على الإنترنت؛ لتوصيل آمالهم وآلامهم إلى جلالة الملك عند لقائه"، قائلا إن "الشباب ملوا المجاملات،
والكلام المنمق، والخطط. فهم يعيشون في أزمة ثقة مع المسؤولين، ولا بد من إيصال الرسالة إلى
رأس الدولة".

وحول توقيت الرسالة في هذه المرحلة، قال الحلبي: "قبل أسبوع كنت أقضي إجازتي في عمان وعلمت
بما جرى في دوار الداخلية، وشاهدت الطرف الآخر الذي يحمل صور جلالة الملك ويطوف بالسيارات.
حزنت لما جرى من أحداث، وهو ما دفعني إلى إرسال كلماتي بواسطة لابتوب ومايكرفون أبو الدينار"

وعن الأسباب التي دفعت به إلى مغادرة البلاد، أضاف: "عملت في الأردن 10 سنوات بين مصمم
جرافيك، ورسام، وعتال، لكنني لم أوفق في أي منها. ومنذ 8 أشهر أعمل في الرياض كمصمم".

ويبدو أن رسالة الحلبي على "اليوتيوب" أثارت العديد من الجهات الرسمية وغير الرسمية، فضلا عن
فئات المجتمع المتنوعة، حيث أن عدد المشاهدات للرسالة ارتفع خلال أيام قليلة من نشرها إلى ما يقرب
من 48 ألف مشاهدة.

ومن أهم ما جاء في الرسالة المسجلة: "اسمح لي يا مولاي أن أقول إنني لن أسير في مسيرة ولاء
لك، ولن أرفع صورك على الميادين، ولن أهتف باسمك في الشوارع، لأني أعلم كل العلم أنك لا تريد هذا
من شبابك شباب الوطن...".

وتمضي الرسالة بالقول: "مولاي شعبك تعبان.. شعبك مستوي.. مولاي ما تسمع من اللي حويلك لإنهم
بوصلولك إنه شعبك بحبك وعايش فوق الهوا، لكن في الحقيقة شعبك بحبك لكن ماكل هوا".

وتضيف: "أنا مواطن اشترى سيارة سعرها قبل الجمرك 1000 دينار، وبعد الجمرك صارت 6000 آلاف
دينار، وقسطها عليّ البنك لمدة 6 سنوات، أنا مواطن ماشي على قاعدة ادفع ثم اعترض، أنا مواطن
صحي من نومه لقى حكومته باعت كل البلد، وما لقت غيره تسحب منه عشان تصرف على حالها".

وتختم الرسالة بالقول: "أنا مواطن والله العظيم صليت استخاره قبل تسجيل الرسالة.. والله يستر.

أنا شاب لا أنتمي لأي جهة، أنا بكل بساطة وفخر شاب أردني".

http://www.youtube.com/watch?v=4EO9C...layer_embedded

اتمنى التوفيق لهذا الشاب .. ولكل من سمعه
فحريتنا سقفها السماء ولملكنا كل الولاء والانتماء

سلمت لنا يا سيدي .. وسدد الله خطاك ..

أنا شاب لا أنتمي لأي جهة، أنا بكل بساطة وفخر شاب أردني.

وجلالة الملك قال الشباب فرسان التغيير وحنا عند حسن ظنك سيدي

[align=right]الشعب مستوي .. الشعب ماكل هوا


هاد الشاب حالة حال أغلب الأردنيين .. رسالته بتمثل رأي الأغلبية ، وحال الأغلبية .. الأغلبية اللي كانت صامته واليوم صار الها صوت وصوت عالي كمان ..

الخبر المفرح .. وصول مضمون الرسالة الى جلالة الملك حفظه الله .. وانا كلي يقين انه جلالته قد تفهّم الرسالة ورح يسعى للنهوض بالمواطن الأردني الى حال أفضل مما هو عليه كما عوّدنـــا دائما ..

الخبر المُحزن .. هل البطانة الفاسدة ستتغير؟ انا بقول ان شاء الله رح تتغير .. رغم انو التغيير يحتاج الى وقت والشعب تعبان ومش متحمل وقت اكتر ..
الكلمة الجوهرية اللي انقالت بكل هالرسالة واللي عليها -حسب وجهة نظري- مربط الفرس هي : "لا ترد على اللي حواليك يا جلالة الملك" .. البطانة هي اللي بترفع شأن الدولة أو بتخليها بأسفل سافلين ، البطانه بتبلش من عند المستشارين لدولة رئيس الوزراء الى باقي الحكومة ، وهاي الفئة هي اللي آكله البلد .. كل واحد بستلم ما بنسمع غير سنة زمان وصارت عنده فيلا او قصر بدير غبار او دابوق ، وسيارة بانوراما او كاديلاك وغير الرسميات والحراسة والمركز المرموق والأهم من هيك الحصانة ، الحصانة اللي صارت الجدار اللي بحتمي فيه كل حرامية البلد ..

كل هاي الاموال اسمها اموال دولة .. اموال الشعب .. لا يُعقل انو تلتين الشعب بعيشوا بالفقر في حين ناس عايشة على حساب الشعب وبتهرب مصاريها لسويسرا بالملابيين او حتى بالمليارات ..

مين قالها كيلو السكر واللي هو من اساسيات اي بيت وصّل 75 قرش بإرتفاع 30 قرش خلال 3 سنين!

الشب الجامعي الطفران اللي بدفع اقلها 30 - 40 دينار مواصلات شهري و 10 - 20 انترنت بالجامعة ما بستعمله ولما بدو يشحن تلفونه بدفع نص قيمة بطاقة الشحن ضرايب!

مش معقول لما رب الأسرة يج بدو يحسب قديش دفع ضرايب عالفواتير بهالشهر ويكتشف انو النص بالنص من قيمة الفواتير رايحه ضرايب!!

مش معقول لما بدهم يفتحوا نفق او جسر او يزفتوا شارع والي هو ضرورة من واجب الدولة تأمينه تكون هالتكاليف من جيبة المواطن او حتى منحة من دولة مانحة وتيجي الامانة او البلدية المسؤولة "تلطش" بالشوالات من هاي المصاري فلا بستفيد المواطن "من سوء الأشغال وردائة التشطيب" ولا بتتطور البلد ولا بعمرها بتتطور ..

وفوق هاد والذي .. ممنوع تحكي ، ممنوع تعبّر عن "طفرك" ، ممنوع تشكي ، اذا بدك تاخد قرض بتصفّي بالسجن ، واذا بدك تتداين من حدا ما بتلاقي لانو الكل "طفران افندي" .. ، اذا بترفع صوتك لتنادي بالإصلاح بقولوا بدك تخرب البلد ، اذا بتوطّي صوتك بحكولك لا تحكي انت بتعمل فتنة ، اذا بتسكت بتندمل بـ 60 داهية وما بتلاقي كفن يضبّك!

لازم يتحاسبوا المقصرين .. وبأسرع وقت ممكن .. اذا كان فيه فاسدين بالبلد وبدهم يخربوا البلد ويعملوا بلبلة وفتنة ، واذا كان في ناس بتأذي جلالة الملك في شخصه مباشرة وأمام الملأ ، فهم "البطانة الفاسدة" ..
قلتها اكثر من مرة واليوم بعيدها .. مر من مهلتك يا رئيس الوزراء شهر ونص ، وضل معك شهر ونص .. اذا ما صار تغيير ضب اواعيك وطير عن الكرسي تبعك ، ويا ريت اللي رح يقعد مكانك يتذكر القسم اللي أقسمه امام الله والملك والشعب ..


شكرا زمردة .. [/align]

اهلا صديقة تحية وهدوء

معك حق هدوء ويا ريت لو عـ الاقلية يكون هـ الشي حقيقي :1a9661cee1:

[[align=center][/align]كل حبي وانتمائي لصاحب الجلالة الملك عبدالله الثاني بن الحسين حفظه الله ورعاه وان شالله يديم سيدنا فخرا وعز لنا امام العالم كله

الله يديمه علينا ملكنا يا رب :eh_s(17):

[align=center]فعلا الشعب ماكل هوا

انشالله بتغير الحال إلى الافضل
والله يحميه لـ هالشب الجريء اللي وصل معاناتنا لجلالة الملك (آدامه الله ذخر للبلد)

يسلمو زمردة على الموضوع[/align]

ان شاء العقيق نورتِ :36_1_25[1]: