انا مش طالب توجيهي .. انا التوجيهي طالبني

انا مش بس طالب توجيهي ... انا التوجيهي طالبني كمان
الكل بيقولي خليك بدراستك ... فش زي الشهادة بها الزمان
انسى الطشات والسهرات ... كإنك سجين والكتاب سجان
لا تشوف قرايب ولا أصحاب ... لا تروح على المطعم ولا على الدكان
اتغدى قوانين واتعشى معادلات ... واشرب كأس من مرارة الامتحان
لا تلفزيون ولا كمبيوتر ... ولا تلعب حتى مع حيوان
حتى الروحة على الحمام ... قبليها استدعاء وبعدها اصدار بيان
نام متأخر واصحى مبكر ... وجهك غسل واحلق بمعجون اسنان
كامل فاضل ادرس ناضل ... قلمك حامل في وجه العدوان
ثابر تابع درسك راجع ... لربك راكع انت وحدك الي كسبان
واجه داوم المشاكل قاوم ... كون عالم بعمرك ما بتنهان
اذا نجحت بتنفع حالك ... واذا بترسب بنفعكاش انسان
وقت الجد جد وما في مزح ... انت مش عايش بعصر الرومان
امشي مع شباب دريّسة ... وسيبك من شلة الزعران
روّح على الدار طوّالي ... وفكك من معاكسة النسوان
هـو صحيح الشغلة بتسلي ... بتشفي العليل وبتفرح الزعلان
بس التوجيهي تحدي ... وما بفوز فيه الا الذكي الفهمان
بكره بتقول يا ريتني درست ... يا ريتني سمعتك وما كان الي كان


[COLOR="rgb(153, 50, 204)"][/COLOR]

هههههههههه بجد روووووعة اخ اخ لا اتذكرينا بهديك الايام يا حبيبتي يا جامعتي هههههههههههه ع فكرة اكثر ما لفت نظري عنوان الموضوع كتيييييير حلو

http://www.al79n.com/vb/mwaextraedit6/extra/107.gif

ههههههههههههههههههههه.. أصلا الواحد إذا ما شاكس بالسنة هاي ما بستمتع أبدا !!!!!

هههههههههه حلو كتير
وانا مش طالبة التوجيهي هو اللي طالبني ولا انا ما بدي ياه كله من اصلا
الله ينجحنا جميعا

مجتمعنا ظالم التوجيهي كتير بس جد احلى مرحلة لو هي صعبه كتير وبتكون سنة مصيرية وممكن نعمل فيها حروب عالمية ونقلب البيت لطواري
بس حلوه كتير لو نستغلها صح

بالتوفيق لطلاب التوجيهي ماتخافو سنه رح تكون من الذكريات

شوو
مشكورة على الكلمات الرائعة نقد ساخر جميل جداً

ههههههههههههههههههههه قصيدة روووووووووووعة
جد من الاخر
اخ ع ايام التوجيهي

مشكوررررررررررررررررررررررررررر

والله ما في زيها أيام التوجيهي تنذكر ما تنعاد ههههههه

يسلمواااااا

اني بعدني ما وصلت التوجيهي

غد بصلهو وبشوف التوجيهي اشلون

الله يعيني على التوجيهي

الله يعينك ............. بس ايام توجيهي لا تنســــــــــــــى وكتير حلوه:eh_s(17):