فوضى كبيرة في تسجيل طلبة اليرموك

عمون - اربد – قصي جعرون - منع الطلبة من الخريجين اليوم الثلاثاء من ومن هم بمستوى السنة الرابعة من استخدام المختبرات المخصصة للتسجيل في الجامعة ، حيث توجهوا إلى خارج الجامعة الأمر الذي أبطاْ من سرعة خطوط الانترنت بالمحال التجارية وتشتت الطلبة في عملية استغرقت ساعات طويلة دون جدوى شاركهم القلق مئات الطلبة من مختلف المستويات .

و شهدت مقاهي الانترنت في مدينة اربد ضغطا كبيرا جراء الاقبال الشديد عليها لغايات التسجيل ، وشكا طلبة اليرموك من الآلية التي تتعلق بالمواد المطروحة وعدم استطاعتهم من التسجيل لوجود مشاكل فنية .

ويقع الخريجون بموقف حرج تجاه مساقاتهم المتطلب تسجيلها لغاية التخرج ، وأكد طلبة ل "عمون" طلبة اليرموك انهم توجهوا لإدارة الجامعة لعرض المشكلة , إلا أن إدارة الجامعة والتي تتمثل بالهيئة التدريسية أخلت بمسؤوليتها - على حد قولهم - والسبب هو عدم وجود هيئة تدريسية كافية تغطي المساقات الواجب طرحها .

كما لم يتمكن طلبة كلية الإعلام من التسجيل وذلك لوجود معوقات جديدة في الكلية بعد تحويلها من قسم الصحافة والإعلام إلى كلية تحوي ثلاث تخصصات.

وأكد طلبة الإعلام أنهم لم يجدوا مبررا لجامعة اليرموك في عدم مكافئة الخطة الجديدة للكلية وعدم تفعيلها على النظام المحسوب ، مطالبين بإعادة النظر بوقت تسجيلهم وإتاحة الفرصة بإعادة التسجيل وحل قضاياهم الأكاديمية , وشكا الطلبة أيضا من تهرب موظفي دائرة القبول والتسجيل بعد أن لجؤا إليهم ، حيث كانت معظم مكاتبهم مغلقة .

واستغلت المقاهي المساْلة في رفع أجرة استخدام الانترنت من نصف دينار إلى دينار على الساعة، في حين يدفع الطالب 10 دنانير للجامعة بدل استخدام الانترنت كمستحقات من الرسوم الجامعية على كل فصل دراسي . يذكر أن الجامعة اعتمدت هذا الفصل فقط أسلوب جديد في عملية التسجيل بشكل الكتروني ويبدأ قبل انتهاء الفصل الدراسي الحالي.

مهو الطالب بدفع 10 دنانير مشان يمنعو يدخل الانترنت مش مشان يستخدم الانترنت....بالفعل اليوم وقعوا الطلبة الخريجين بمأزق كبيييييييييييير والمقاهي كانت كلها فل ... لدرجة انو ابن عمي اجا عندي عالبيت مشان يسجل....هاذ هو حالنا ومستحيل يتغير...المسؤوول عنا بهالبلد ما بكون قد المسؤولية وبتخبط تخبط بشغلو يعني ليش ما عملو التسجيل يوم سبت وفتحو المختبرات للطلاب او في 100 طريقة ليسجلوا الخريجين بس كلو تخبط وغوغائية وفشل تنظيم وما في سعة تفكير.....

بالمناسبة احنا بكلية الحصن تسجيلنا دائما بيبدأ قبل نهاية الفصل يعني اليرموك بقلدو فينا :SnipeR (51)::SnipeR (51)::SnipeR (51):

بتعرف انا بشتغل بمحل انترنت عنجد كان مش طبيعي بس ما رفعت عليهم السعر :db465236ff:

بس سالتهم ليش ما بتسجلو بالجامعة بحكو ما في مكان وكانو مسكرين المختبرات المخصصة الهم ولسة هالفوضى رح تستمر لاسبوع على الاقل اذا الجامعة ما عملت اللازم لحلها هو تقريبا كل فصل بصير فيهم هيك

يا محمد انا اليوم واجهت مشاكل من ورا التسجيل وكانت المشاكل قد ادت الي الضرب معي ومش عارف شو الحل منشان التسجيل

اقتباس:

---

المشاركة الأصلية كتبت بواسطة محمد العزام

بتعرف انا بشتغل بمحل انترنت عنجد كان مش طبيعي بس ما رفعت عليهم السعر :db465236ff:

بس سالتهم ليش ما بتسجلو بالجامعة بحكو ما في مكان وكانو مسكرين المختبرات المخصصة الهم ولسة هالفوضى رح تستمر لاسبوع على الاقل اذا الجامعة ما عملت اللازم لحلها هو تقريبا كل فصل بصير فيهم هيك

---

بارك الله فيك يا ابو حميد..اللي عملتو صح... لانو والله حراام ترفع السعر عليهم لانو هاد اسمو استغلال ...وبعدين لا تنسى الطالب الجامعي بكون مرات بحاجة لعشر قروش ثمن للسرفيس ..وانت كنت طالب بالجامعة وبتعرف المعاناة .... بالفعل اليوم ابن عمي حكالي نفس الشي ... انشالله ما يستمر هالتخبط

اقتباس:

---

المشاركة الأصلية كتبت بواسطة Ahmad zo3bi

بارك الله فيك يا ابو حميد..اللي عملتو صح... لانو والله حراام ترفع السعر عليهم لانو هاد اسمو استغلال ...وبعدين لا تنسى الطالب الجامعي بكون مرات بحاجة لعشر قروش ثمن للسرفيس ..وانت كنت طالب بالجامعة وبتعرف المعاناة .... بالفعل اليوم ابن عمي حكالي نفس الشي ... انشالله ما يستمر هالتخبط

---

انشاء الله ما رح نقصر معهم

يعني اختي طلعت بتفهم :db465236ff: لانها عطلت وسجلت من البيت

اقتباس:

---

المشاركة الأصلية كتبت بواسطة زهره التوليب

يعني اختي طلعت بتفهم :db465236ff: لانها عطلت وسجلت من البيت

---

هيك احسن شي بس مش الكل عندهم نت بالبيت عشان هيك بينجبرو يروحو على الجامعة او محلات الانترنت وبالنهاية الغلبة والتعب

والله انا ومدحت بطلنا نشوف قدامنا

جننونا البنات

كلامك صحيح يا محمد بالنسبه للمقاهي الانترنت و طلاب الجامعات

لأنه انا بشتغل بمحل انترنت لكن انا واجهت ضغط وعدد طلاب بشكل مش طبيعي

الله يكون بالعون

مهو بكل بلد في محل نت
ليش كلهم ناطين يسجلوا بشارع الجامعه مش عارف ليش

مهو انته اذا بتقلب حجر باربد بتلاقي محل نت

لويش الازمه
وفي نسبة عندهم نت بالبيت

بس بحبوا يطلعوا يصيعوا الطلاب

اقتباس:

---

المشاركة الأصلية كتبت بواسطة ابو ليث القرعان

مهو بكل بلد في محل نت
ليش كلهم ناطين يسجلوا بشارع الجامعه مش عارف ليش

مهو انته اذا بتقلب حجر باربد بتلاقي محل نت

لويش الازمه
وفي نسبة عندهم نت بالبيت

بس بحبوا يطلعوا يصيعوا الطلاب

---

ما هو التسجيل بكون ضمن الدوام يعني تعال داوم وسجل وعشان اليرموك بشارع الجامعة بتصير الازمة على المحلات

شو هالفوضى هاي
اي احنا عنا بالحصن روعه
بتقدر تسجل من جوا وبرا الكليه
يعني بأي وقت بتقدر تسجل

اقتباس:

---

المشاركة الأصلية كتبت بواسطة The Gentle Man

شو هالفوضى هاي
اي احنا عنا بالحصن روعه
بتقدر تسجل من جوا وبرا الكليه
يعني بأي وقت بتقدر تسجل

---

تعال وشوف اليرموك كل فصل هيك (سيرفرات الجامعة زفت والمختبرات كمان مثل هيك )

دايما هيك الجامعات الاردنيه كلو مع الواصطه بمشي وخص نص العلامات للطلاب الدكتو بيزد طالب و بنجحو بس عشان فعلا وبالنسبه للتسجيل بتكون الشعبه مسكره بفتحوها لواحد بس عشان فلا يرض لايمتى المسخره هاي لا ايمتى
شوفو جامعات مصر بحيات الاردن ما بتصير متلها والله بالنسبه للتسجيل وللتصحيح اصلا الدكتور ما بقدر يصحح ولا بيقدر يحط العلامات في لجنه هيه الي بتصحح وبتحط العلامات والدكتولر ما عليه

حكينالكم الحصن احسن ... ما حد رد ....

بس جد الحصن هالفصل غيييير.... خاصة بالتسجيل وطرح المواد ...
لانهم عملو تسجيل تجريبي للهندسة ... وعملوو استبانات للطلاب بالمواد اللي حابيين يطرحوهاا .. ---- بحكي عن الهندسة والاتصالاات وبس -----

فما حد تغلب من الاتصالاااات ...

من يوم ما دخلت فيلادلفيا ما شفت طوشة