تُراهات ما قبل النوم ...

البنات ...

بعد ما قريت موضوع السندباد ... (( حب على الانترنت )) .. خطر ببالي ... ليش البنات ..؟؟؟

ليش احنا دايما بتقبل منهم اي شي ..؟؟ ليش دايما الشب يسعى لارضاء البنت ..؟؟؟ بده يحب ولا بس بده يتسلى ..؟؟؟ طيب والبنت شو بدها ..؟؟؟ ليش بتعطي الشب عين .؟؟؟ بدها تحب ولا تتسلى هيه كمان ..؟؟ ولا بدها تتجوز ...بالغالب بدها تتجوز ...:SnipeR (83):

طيب ليش الشب بيرخص قدام البنت .. وبتنازل عن الكثير كرمال ارضاءها ... ليش ممكن يخون اعز الاصحاب ويخون مبادئه من اجل علاقه من هالنوع ...:bl (3):

طيب وانته كشخص .. كقارىء للموضوع اذا اتيحت لك الفرصه لعلاقه زي هيك .. بدون ما تخسر شي .. لا مبادئك ولا اخلاقك ولا اصحابك ... بتقتنص هالفرصه .. ولا مابدك علاقه من هالنوع .؟؟؟؟

طيب و الصداقه بين الشب والبنت .. انته واياها صحاب مش اكثر ... في هيك شي ..؟؟؟ ثنائي او جروب جميل صحبه مع بعض شو المانع ..؟؟؟ ولا لازم كل علاقه بين شب وبنت تكون على اساس انها حب وبس .؟؟؟؟؟

مممممممممممم

العلاقه الي بيسعى الكل او المعظم حتى ما نظلم ناس لتحقيقها مع الطرف الاخر ..؟؟؟ ليش ..؟؟؟وكيف نشأت .؟؟ ومطوله ..؟؟ وشو رح ينهيها ..؟؟؟

السبب ورا هيك علاقه انك بدك تخوض تجربه من هالنوع وتعرف كيف البنات .. او الجنس الاخر بشكل عام بفكر ..ولا شو السبب ..؟؟؟:bl (14):

في واحد صاحبي كان مصاحب وحده بشعه ... كنا نحكيله شو بدك فيها يا زلمه لا محضر ولا منظر .. كان يحكيلنا بتدرب فيها .. عشان لما الاقي البنت الصح ... يكون عندي خبره وما اتغلب بالتعامل معها ...:SnipeR (94)::SnipeR (94):

هاذ الحكي الي حكيته بيشمل 90 % اذا مش اكثر من العلاقات القائمه بين الشباب والصبايا الايام هاي .. :cry2::cry2:

هلأ اجا دور ال 10%

الحب الصادق ... وينه ..؟؟ وكيف السبيل اليه ...؟؟ بدي اظل استنى الصدفه حتى تجيبلي اياه ..؟؟؟؟؟ بدي وحده كما اريد.. فتاة احلامي .. احبها وتحبني .. يا ترى رح الاقيها هالبنت .. ولا الزواج التقليدي رح يكون الطريق الوحيد امامي بعد شغلة 8 سنوات طبعا :db465236ff: ... معقول الصداقه الي حكيت عنها قبل شوي تكون هيه الحل .. والحب الصادق .؟؟؟؟

اووووووف ... هاي كلها تراهات خطرت ببالي .. مش عارف شو الي بصير وشو الصح ... لا تأخذوني دوشتكم ..

بانتظار ارائكم .....

عنجد موضوع كتير حلو مو تراهات

عنجد كلامه مزبوط صاحبك بس حرام يلعب بمشاعرها

وفي ناس كتير مستعدين يتخلو عن امهم وابوهم مقابل بنت حلوه
مش بس عن كرامتهم

وبعدين انا قارئ للموضوع ما بدي ولا بحاول اعملها لانه ما في حب الا بالخطبه
ولو ان الشخص بحب بصدق

ما بعرف اذا انت بتسال بنات والا شباب
انا علقت عكل حال
وشكرا علموضوع الحلو

موضوع حلو وحلو يصير فيه نقاش
مستغربة انه في ناس قرأت وراحت بدون رد
المهم اول اكم ليش مش رح اعرف اجاوب عليها خلي الجواب للي بعرفها :SnipeR (83):
بس انا بدي اسأل شو يعني البنت تعطي شب عين ؟؟؟
يعني اذا عاملته بكل احترام وبصفته انسان مش بصفته اي اشي تاني هاد يعتبر انه اعطته عين !!!
يعني المفروض تعامله بقرف حتى يعرف انها مش معطيته عين ؟؟


بالنسبة للتنازلات وانه الواحد يخون اعز اصحابه هاي شغلة ترباية ما الها علاقة لا ببنت ولا بشب من اساسه ... يعني اللي نفسيته مريضة بخون بأي اشي مش بس بهاي الشغلة


بالنسبة لموضوع الصداقة انا معه وضده مع شوية تحفظات
يعني مش كل الناس "شباب او بنات كانو " ممكن يتقبلو فكرة الصداقة المجردة اللي بنحكي عنها

مش عارفة باقي الاشياء شو ممكن يكون جوابها .... يعني الموضوع بده نقاش واراء مختلفة

مشكور عالطرح غسان
الموضوع طوبل وفي كثير تفاصيل..لذلك رح ارجع اكيد للرد عليك

موضوع حلو ...

بس أنا بشوف انه كلمة (رخيص) قاسية شوي بحقنا كشباب .... بس رح استخدمها بالكلام بناءا على كلامك غسان ...

هسه ليش الشب بيرخص وبيتنازل عن مبادئه ليتعرف على بنت ... يمكن السبب انه العلاقة الاعتيادية المفروض تبدأ من الشباب او الخطوة الاولى المفروض تكون من الشب او الشب هو اللي لازم يبادر ..أغلب الشباب (بيرخصوا)....او بيتغاضى عن كثير شغلات ليوصل للي بده اياه بغض النظر حب او علاقة عابرة وكل هاد في سبيل انه يقنع الفتاة فيه وانه هو المبادر ...هلأ البنت مش معنى هيك انها اصبحت متحكمة وانه الشب رخصلها بالعكس تماما موقفها بكون أصعب من موقف الشب لأنها هي هون بتكون بموضع مسؤولية كبيرة ... فمثلا اتخيل حالك ماسك شركة وانت المسؤول اكيد اي قرار رح تتخذه رح يوخذ منك وقت وجهد...وهون نفس الشي البنت قبل ما تعطي اي ردة فعل يمكن بالمستقبل تندم عليها لأنه في مجتمعنا دائما الانتقاد يوجه للأضعف او للفتاة بشكل عام فمن الصعب انها البنت تتخذ اي قرار...المجتمع بيلومها وأهلها من الطفولة بعلموها انه الشب هدفه من التعارف انه يوكلك وانه الشب وحش وكذاب وممكن تكون ما دخلت بعلاقة قبل هيك وممكن بعد هالاسباب تطرق لموضوع الدين اللي عادة بكون جانبي... فكل هاي الاسباب بتخليها مترددة بالوقت اللي بكون الشب فيه يرخص ليثبت نفسه وما بتكون عليه مسؤولية ..لأنه الرجل بمجتمعنا ما بينحكى عليه بس يدخل بهيك علاقات .... بالعكس بحكولك شب لازم يتعرف

اما عن الصداقة اللي بتحكي عنها فلسه ما وصلنالها ولا رح نوصللها وكل اللي بتشوفه بالجامعات هو عبارة عن زمالات بالتخصص او بالكلية مش اكثر والدليل انك ما بتطلع مع هدول البنات طلعات وطشات ورحل زي ما بتعمل مع صحابك ويمكن اذا شافتك خارج اسوار الجامعة ما رح تسلم عليك وحقها لانه المجتمع لسه ما تقبل هالنوع من العلاقات

بس اضافة بسيطة انه الموضوع مستخدم فيه شب وبنت وذكرنا هالكلمتين كثير بالحكي وهاد اذا بدل على اشي فهو بدل انه مجتمعنا ما زال يعاني من العنصرية وللأسف وما زال يفرق بين الشب والفتاة واعتقد انو هالشغلة رح تتورث لأحفاد أحفادنا

اخ غسان موضوع جميل ورائع جدا ومستاهل التفكير وحل كل الاسئلة
بس خلينا مجال نعطيك جواب مرتب

مشكور غسان
بصراحة انا شفت الموضوع قبل هيك بكثير وما علقت عليه يمكن كانت لاسباب معينة يعني مباشرة اتذكرت اشي من الماضي وبعدين لكثرت المواضيع اللي مثل هيك دايما او كل فترة معينة حد بيقترح موضوع مشابه لهالموضوع

بالنسبة ليش دايما الشب هو اللي بسسعى لارضاء البنت يمكن للطبيعة اللي بيمتلكها الشب وهي الجراة بالحكي والمبادرة وانو دايما مثل ما بيحكو انو هالرجال اللي لازم يعمل كل شي اما البنت لا دايما تكون المبادرة من الشب وبالنسبة اذا بدو علاقة انا بهالحالة بحكي عن نفسي واسف اذا بكون اناني بالحكي طالما بحثت عن حب حقيقي ما كنت بدي اتسلى بس اهم شي الاقي اللي بدي اياه بس اذا بدي اعمم على الشباب صراحة نسبة كبيرة وكبيرة كمان بدهم يتسلوا وهاد الشي ما بلوم فيه بس الشب لانو كمان بيتعلق كمان بجزء من الموضوع وهي البنت اذا كانت بتتسلى مثل الشب وكمان وهاد واقع انا شفته وعشته ولاحظته مع غيري وصار قدامي انو صارت نسبة كبيرة من البنات بدهم يتسلوا ويقضوا الوقت بالحكي الفاضي واذا حكينا للجيزة ما بعتقد هالنسبة الكبيرة الي بتسعى لوراها
العلاقة ببدايتها لازم تتحدد شو هي طبيعة العلاقة كيف رح نمضي العلاقة بينا
من ايجابيات وسلبيات يعني وهالشي بيتحدد بشكل كبير عن طريق البنت


ولموضوع الصداقة
بحترم الصداقة كثير سواء مع بنات او مع شباب يعني يمكن تختلف مين هو الشخص اللي بصاحبه بس ما تفرق طبيعة تعاملي معاهم ولسة محتفظ بصداقة بنات واكتشفت انهم ببعض الاحيان افضل من صداقة الشباب فموضوع الصداقة لسة بحترمو وقصة انو يتحول لحب هاد الشي حكيتو بالبداية كان في تحديد للعلاقة من الاول كيف رح تكون وانا بضل محتفظ بقيود وبرسمها لحالي وما بقدر اتعداها بالمرة وعشان قصة صاحبك في شباب كثير هيك وبيستخدموا هالطريقة واللي اكبر منها كمان وهالاسلوب بعتبروا حقير مع احترامي الو وهاد السي بينعكس على طبيعة حياته سواء داخل بيتو او خارجه

و 10 % الباقيين للحب الصادق بحكي انو لسة موجود واي شخص سواء بنت او شب بيخلص في بداية تكوين العلاقة من صراحة وصدق اكيد رح ينبنى على اساس متين حتى لو الضروف خذلتو ووقفت ضده بس بالنهاية حصلنا على حب صادق ويمكن يكون مثال للاخرين


شكرا غسان على الموضوع

اقتباس:
المشاركة الأصلية كتبت بواسطة غسان http://www.al79n.com/vb/images/style...s/viewpost.gif

بانتظار ارائكم .....

رد للجميع وخاصة غسان لانو بقول تراهات يعرف قديش الموضوع كبير

بس احنا مش دايما بنسعى لارضاء بنت ومين قال بنتقبل منهم اي شيء هوة من جهة بدو يحب ولا بدو يتسلى ما بتقدر تحكم (بس انتا حكمت على الشباب من اغلبيتهم الصغيرة جدا الي بعملو التصرفات هاي ).
اما البنت بتعطي الشب عين حسب نوع البنت زي ما في شباب بتسلو في بنات تتسلى وفي منهم بحبو بجنون اما الخيار الاخير لالالالالالالالا تتجوز .
هوة في شباب رخيصة مش بترخص (بس انا من النوعية الي مستحيل اقلل من هيبتي او ارخص مهما كانت البنت ).
اما تقلي بخون مبادئة اي مبادة الي بدبو ايخونها اذا وجدت هاذا الي يخون صديقة عشان علاقة زي هاي ما بكون عندو لا مبادئ ولا اخلاق .
لا طبعا لابدي هيك علاقة ولا هيك بنت بتبني هيك علاقات .
لا مش لازم ما في احلى من الصداقة بس تكون بحدود الادب والاخلاق وبتكون ما اروعها .
العلاقه الي بيسعى الكل او المعظم حتى ما نظلم ناس لتحقيقها مع الطرف الاخر ..؟؟؟ ليش ..؟؟؟وكيف نشأت .؟؟ ومطوله ..؟؟ وشو رح ينهيها ..؟؟؟
انا اتعمدت انسخها عشان اقلك هيه هاي الفقرة الوحيدة الي ما بنحط فيها معظم غالبا ما تكون صداقة وغالبا حب وستقرار تنشا عن عدة طرق (هو انا حقلق ) ممكن مطولة جدا وممكن لا ولي بنهيها الجواز اذا كانت حب واذا ما كانت حب بضل صديقة .
لا مش لازم السبب ايكون انك بس بدك تخوض علاقة ممكن ادمر شعور بنت او طحطمها عشان اتقول بس بدي اجرب من ناحية اخلاقية ما بصير
شو الصاحب هاذا شو شهادة سواقة جاب قص قال بدرب عليها عشان لما انزل ال bmw520 اعرف اتصرف فيها يا زلمة شو الحكي هاذا .
بس والله حرام تعطي الحب الصادق بس 10% يعني بحبحها شوي انا بعطي 40% ربما صدفة خير من 1000 ميعاد بس مش الصدفة الي بتجيب الصدفة الها دور 5% بس السبيل الها السبيل للحب الصادق الصدق وعدم الكذب : بتلاقي فتات احلامك ليش بنات الحلال انقطعو ولا شو لا مش هوة الطريق الوحيد في اكثر من طريق نقي الطريق الي بريحك طول العمر .
10000000000000000000000
معقول انو هية الصداقة هية الطريق الوحيد ويكون حب العمر كلة

اقتباس:
المشاركة الأصلية كتبت بواسطة Ahmad zo3bi http://www.al79n.com/vb/images/style...s/viewpost.gif
موضوع حلو ...

بس أنا بشوف انه كلمة (رخيص) قاسية شوي بحقنا كشباب .... بس رح استخدمها بالكلام بناءا على كلامك غسان ...

هسه ليش الشب بيرخص وبيتنازل عن مبادئه ليتعرف على بنت ... يمكن السبب انه العلاقة الاعتيادية المفروض تبدأ من الشباب او الخطوة الاولى المفروض تكون من الشب او الشب هو اللي لازم يبادر ..أغلب الشباب (بيرخصوا)....او بيتغاضى عن كثير شغلات ليوصل للي بده اياه بغض النظر حب او علاقة عابرة وكل هاد في سبيل انه يقنع الفتاة فيه وانه هو المبادر ...هلأ البنت مش معنى هيك انها اصبحت متحكمة وانه الشب رخصلها بالعكس تماما موقفها بكون أصعب من موقف الشب لأنها هي هون بتكون بموضع مسؤولية كبيرة ... فمثلا اتخيل حالك ماسك شركة وانت المسؤول اكيد اي قرار رح تتخذه رح يوخذ منك وقت وجهد...وهون نفس الشي البنت قبل ما تعطي اي ردة فعل يمكن بالمستقبل تندم عليها لأنه في مجتمعنا دائما الانتقاد يوجه للأضعف او للفتاة بشكل عام فمن الصعب انها البنت تتخذ اي قرار...المجتمع بيلومها وأهلها من الطفولة بعلموها انه الشب هدفه من التعارف انه يوكلك وانه الشب وحش وكذاب وممكن تكون ما دخلت بعلاقة قبل هيك وممكن بعد هالاسباب تطرق لموضوع الدين اللي عادة بكون جانبي... فكل هاي الاسباب بتخليها مترددة بالوقت اللي بكون الشب فيه يرخص ليثبت نفسه وما بتكون عليه مسؤولية ..لأنه الرجل بمجتمعنا ما بينحكى عليه بس يدخل بهيك علاقات .... بالعكس بحكولك شب لازم يتعرف

اما عن الصداقة اللي بتحكي عنها فلسه ما وصلنالها ولا رح نوصللها وكل اللي بتشوفه بالجامعات هو عبارة عن زمالات بالتخصص او بالكلية مش اكثر والدليل انك ما بتطلع مع هدول البنات طلعات وطشات ورحل زي ما بتعمل مع صحابك ويمكن اذا شافتك خارج اسوار الجامعة ما رح تسلم عليك وحقها لانه المجتمع لسه ما تقبل هالنوع من العلاقات

كلام جميل جدا احمد بس بدو شوية تعديل
اذا انت بتتقبل رأي الاخر :db465236ff:

اقتباس:
المشاركة الأصلية كتبت بواسطة saousana http://www.al79n.com/vb/images/style...s/viewpost.gif

موضوع حلو وحلو يصير فيه نقاش

مستغربة انه في ناس قرأت وراحت بدون رد
المهم اول اكم ليش مش رح اعرف اجاوب عليها خلي الجواب للي بعرفها :SnipeR (83):
بس انا بدي اسأل شو يعني البنت تعطي شب عين ؟؟؟
يعني اذا عاملته بكل احترام وبصفته انسان مش بصفته اي اشي تاني هاد يعتبر انه اعطته عين !!!
يعني المفروض تعامله بقرف حتى يعرف انها مش معطيته عين ؟؟

بالنسبة للتنازلات وانه الواحد يخون اعز اصحابه هاي شغلة ترباية ما الها علاقة لا ببنت ولا بشب من اساسه ... يعني اللي نفسيته مريضة بخون بأي اشي مش بس بهاي الشغلة

بالنسبة لموضوع الصداقة انا معه وضده مع شوية تحفظات
يعني مش كل الناس "شباب او بنات كانو " ممكن يتقبلو فكرة الصداقة المجردة اللي بنحكي عنها

مش عارفة باقي الاشياء شو ممكن يكون جوابها .... يعني الموضوع بده نقاش واراء مختلفة

والله كلامك يا سوسنة انو كلام رائع وموجز جدا وانا برد ااكد على كلامك انو الي بخون صاحبة بخون حبيبة شكلهم بيقيسوها على العين

شكرا كيانا .. سوسن ..زهره ..احمد .. ابوالعزام .. والنورس الحزين على الرد الجميل ..

تعليقاتي بشكل مختصر على ردودكم ..

اقتباس:

يعني اذا عاملته بكل احترام وبصفته انسان مش بصفته اي اشي تاني هاد يعتبر انه اعطته عين !!!

اكيد لا ... ليس المقصود انه تعامله بشكل محترم فهذا طبيعي ومفروغ منه ... المقصود انها تسمح لعلاقه مثل هيك نوع بالنشوء .. معها وهيه غالبا عارفه هدف الشب .. علاقه عابره فقط ...

اقتباس:

بالنسبة لموضوع الصداقة انا معه وضده مع شوية تحفظات

الصداقه انا معك هناك تحفظات .. انا مع .. بدرجه كبيره .. على ان لاتفهم غلط .. وللاسف هيه تفهم غلط غالبا ... ومثل ما حكى احمد لسى المجتمع ما بتقبل مثل هيك نوع من العلاقات ..

اقتباس:

بس أنا بشوف انه كلمة (رخيص) قاسية شوي بحقنا كشباب ....

ما لقيت كلمه معبره اكثر منها ..:db465236ff::db465236ff:

اقتباس:

اما عن الصداقة اللي بتحكي عنها فلسه ما وصلنالها ولا رح نوصللها وكل اللي بتشوفه بالجامعات هو عبارة عن زمالات بالتخصص او بالكلية مش اكثر والدليل انك ما بتطلع مع هدول البنات طلعات وطشات ورحل زي ما بتعمل مع صحابك ويمكن اذا شافتك خارج اسوار الجامعة ما رح تسلم عليك وحقها لانه المجتمع لسه ما تقبل هالنوع من العلاقات

الصداقه ...أي علاقه بين شب وبنت تفهم على اساس انها حب في مجتمعنا ..بشكل عام .. لكن .. هناك ناس يملكون وعي .. وتحضر وقادين على استيعاب هذا المفهوم .. وهو موجود .. ولكن يفسر ويؤول حسب ذمة كل شخص من منظوره الشخصي ..

اقتباس:

وهالاسلوب بعتبروا حقير مع احترامي الو وهاد السي بينعكس على طبيعة حياته سواء داخل بيتو او خارجه

:SnipeR (62): انا معك اسلوب حقير .. فهيه بالنهايه انسان والها مشاعر هو قاعد بيستغلها ...

اقتباس:

10 % الباقيين للحب الصادق بحكي انو لسة موجود واي شخص سواء بنت او شب بيخلص في بداية تكوين العلاقة من صراحة وصدق اكيد رح ينبنى على اساس متين حتى لو الضروف خذلتو ووقفت ضده بس بالنهاية حصلنا على حب صادق ويمكن يكون مثال للاخرين

اكيد الحب الصادق لسى موجود .. وان كان قليل .. وان كانت الظروف ضده ..

اقتباس:

لا مش لازم ما في احلى من الصداقة بس تكون بحدود الادب والاخلاق وبتكون ما اروعها

:SnipeR (62)::SnipeR (62)::SnipeR (62):

اقتباس:

بس والله حرام تعطي الحب الصادق بس 10%

صدقني انه 10% كثير كمان ...

اقتباس:

معقول انو هية الصداقة هية الطريق الوحيد ويكون حب العمر كلة

:SnipeR (62)::SnipeR (62):

شكرا غسان انه موضوعي عجبك ...اول اشي ثاني اشي شكرا على الموضوع ..ثالث اشي بدي اسولف ..:eh_s(2):

شوف يا سيدي الشباب بالدنيا بانسبه لعلاقتهم بشكلر عام بالبنات 3 انواع ...هالمعلومات حصريه لمنتدى الحصن بس لا تجيبو سيره ...المهم قلنا 3 انواع...قبل ما افوت بانواعهم بحب انوه :db465236ff: حلوه انوه المهم انوه انه اي شب بالدنيا بحب يتعرف على البنات ما بنختلف عليها هاي اكيد لكن بختلف سبب التعرف وسبب العلاقه من شب لشب .. نرجع لموضوعنا ..قلنا الشباب 3 انواع . رح ندخل فليهم وبمواصفاتهم لعيونك ابو الغساسين ..
اول نوع بتقدر تسميه النوع المحظوظ هالنوع هوه الصح طبعا والمحسود من بقيه الشباب ..هالنوع ما فيه عنده مشكله بالعلاقات مع البنات ..سلس ومرن ..والتعرف على البنت عنده اسهل من قول صباح الخير لصاحبه ...وهالنوع مش هوه الي بيرخص على فكره ..هالنوع هوه الي بتعامل ببساطه وثقه بنفسه ومرات بثقل .. مش بالضرور ي يكون لسانه حلو ولا شكله حلو ولا معه مصاري او سياره مرتبه او عريس لقطه ولا انيق ..اكيد كلها هاي عوامل مساعده لكن هالنوع من الشباب ما بحتاجها ..المهم احنا قلنا انه الغرض او الهدف من التعرف على البنات بختلف من شب لشب .. هالنوع مثل باقي الانواع رح يكون اله عدف من العلاقه ..لو صداقه .. بتلاقي اغلب معارفه بنات .. وهالنوع من الشباب بميل بشكل اساسي معامله البنت كصديقه .. مش كحبيبه ولا كزميله ..ولو افترضنا انه هدفه من العلاقه ..علاقه عابره ..اقرو السلام على البنت .. هالنوع من الشباب هو الاخطر بصراحه بهالموضوع ..من اول يوم بيتعرف فيه على البنت بكون عارف متى رح يوصل لهدفه ومتى رح يترك البنت وشو السبب الي رح يترك هالبنت بسببه - السبب الي رح يقنع البنت انه تركها عشانه - وطبعا بترك البنت بدون ما يزعلها حتى لو انها بتحبه ..يعني بخلع وهوه لابس دور الضحيه وبترك الباب مفتوح لعوده العلاقه مع البنت في حال انقطع لا سمح الله من النسوان .. يعني هالنوع دايما كسبان .. ولو فرضنا انه هدف العلاقه مع البنت كان حب ولا زواج ..هالنوع هوه الاقدر على اسعاد هالفتاه وتحقيق احلامها .. يعني بيعرف يدلل صح .. ومن ولا اشي بيعمل كل اشي - بس الحبيبه فاهمين علي هون - يعني بصراحه امها داعيتها الي بتتعرف على شب منهم وبحبها ..
هالنوع بعده ىما خلص .. وظل نوعين نوع بدي اسميه - هجين ووقع بسله تين - ونوع - رح اسميه -عصفور باليد ولا عشره عالشجره .. النوع الاخير عشان يكون عندكم فكره عنه بتنطبق عليه قصيده لنزار قباني اسمها شؤون صغيره ..بنطبق على شويه من مواصفته ...انا قاعد بحكي شو الاقسام الرئيسيه لانواع الشباب الي رح اكمل حكي وتفصيل عنهم مره ثانيه لانه شكلي تعبت وتعبتكم ..وعفكره بعد ما اخلص انواع الشباب رح ادخل على انواع البنات بالنسبه لعلاقتهم مع الشباب وفيه طريقتين لهالتصنيف .. طبعا لابحب انوه انه هدف العلاقه بختلف من بنت لبنت اكيد .. المهم قلنا فيه تصنيفين التصنيف الأول حسب الشكل ..4 اقسام
بنت حلوه وبتعرف حالها انها حلوه
بنت حلوه وما بتعرف انها حلوه
بنت بشعه وبتعرف انها بشعه - هالنوع جد بحترمه -
بنت بشعه وبتفكر حالها حلوه - هالنوع مصيبه
التصنيف الثاني حسب الاخلاق - يا ويلي انطردنا:cry2:
المهم يا جماعه بعد اذن غسان رح ارجع اكمللكم سوالفي عن انوع الشباب وانواع البنات وانواع العلاقات ومميزات كل نوع من الشباب ومن البنات والعلاقات .. ورح اختم ان شاء الله بنصائحي السندباديه السريه لتزبيط البنات ..ونصائحي السندباديه السريه للبنات بهالموضوع .. طبعا هالسوالف بس لمنتديات الحصن لعيون هالواحد المطنشنا والي بنقل بدون ما يحكيلي بعزر عليه والله والعلقه معي مش علقه ..انا قاعد بطلع كل اسراري وخبرتي ومعرفتي هون :eh_s(2):..وروح ما مجروح ..تعبتكم ..لي عوده زي ما بحكو:SnipeR (19):

اقتباس:
المشاركة الأصلية كتبت بواسطة السندباد http://www.al79n.com/vb/images/style...s/viewpost.gif

شكرا غسان انه موضوعي عجبك ...اول اشي ثاني اشي شكرا على الموضوع ..ثالث اشي بدي اسولف ..:eh_s(2):

شوف يا سيدي الشباب بالدنيا بانسبه لعلاقتهم بشكلر عام بالبنات 3 انواع ...هالمعلومات حصريه لمنتدى الحصن بس لا تجيبو سيره ...المهم قلنا 3 انواع...قبل ما افوت بانواعهم بحب انوه :db465236ff: حلوه انوه المهم انوه انه اي شب بالدنيا بحب يتعرف على البنات ما بنختلف عليها هاي اكيد لكن بختلف سبب التعرف وسبب العلاقه من شب لشب .. نرجع لموضوعنا ..قلنا الشباب 3 انواع . رح ندخل فليهم وبمواصفاتهم لعيونك ابو الغساسين ..
اول نوع بتقدر تسميه النوع المحظوظ هالنوع هوه الصح طبعا والمحسود من بقيه الشباب ..هالنوع ما فيه عنده مشكله بالعلاقات مع البنات ..سلس ومرن ..والتعرف على البنت عنده اسهل من قول صباح الخير لصاحبه ...وهالنوع مش هوه الي بيرخص على فكره ..هالنوع هوه الي بتعامل ببساطه وثقه بنفسه ومرات بثقل .. مش بالضرور ي يكون لسانه حلو ولا شكله حلو ولا معه مصاري او سياره مرتبه او عريس لقطه ولا انيق ..اكيد كلها هاي عوامل مساعده لكن هالنوع من الشباب ما بحتاجها ..المهم احنا قلنا انه الغرض او الهدف من التعرف على البنات بختلف من شب لشب .. هالنوع مثل باقي الانواع رح يكون اله عدف من العلاقه ..لو صداقه .. بتلاقي اغلب معارفه بنات .. وهالنوع من الشباب بميل بشكل اساسي معامله البنت كصديقه .. مش كحبيبه ولا كزميله ..ولو افترضنا انه هدفه من العلاقه ..علاقه عابره ..اقرو السلام على البنت .. هالنوع من الشباب هو الاخطر بصراحه بهالموضوع ..من اول يوم بيتعرف فيه على البنت بكون عارف متى رح يوصل لهدفه ومتى رح يترك البنت وشو السبب الي رح يترك هالبنت بسببه - السبب الي رح يقنع البنت انه تركها عشانه - وطبعا بترك البنت بدون ما يزعلها حتى لو انها بتحبه ..يعني بخلع وهوه لابس دور الضحيه وبترك الباب مفتوح لعوده العلاقه مع البنت في حال انقطع لا سمح الله من النسوان .. يعني هالنوع دايما كسبان .. ولو فرضنا انه هدف العلاقه مع البنت كان حب ولا زواج ..هالنوع هوه الاقدر على اسعاد هالفتاه وتحقيق احلامها .. يعني بيعرف يدلل صح .. ومن ولا اشي بيعمل كل اشي - بس الحبيبه فاهمين علي هون - يعني بصراحه امها داعيتها الي بتتعرف على شب منهم وبحبها ..
هالنوع بعده ىما خلص .. وظل نوعين نوع بدي اسميه - هجين ووقع بسله تين - ونوع - رح اسميه -عصفور باليد ولا عشره عالشجره .. النوع الاخير عشان يكون عندكم فكره عنه بتنطبق عليه قصيده لنزار قباني اسمها شؤون صغيره ..بنطبق على شويه من مواصفته ...انا قاعد بحكي شو الاقسام الرئيسيه لانواع الشباب الي رح اكمل حكي وتفصيل عنهم مره ثانيه لانه شكلي تعبت وتعبتكم ..وعفكره بعد ما اخلص انواع الشباب رح ادخل على انواع البنات بالنسبه لعلاقتهم مع الشباب وفيه طريقتين لهالتصنيف .. طبعا لابحب انوه انه هدف العلاقه بختلف من بنت لبنت اكيد .. المهم قلنا فيه تصنيفين التصنيف الأول حسب الشكل ..4 اقسام
بنت حلوه وبتعرف حالها انها حلوه
بنت حلوه وما بتعرف انها حلوه
بنت بشعه وبتعرف انها بشعه - هالنوع جد بحترمه -
بنت بشعه وبتفكر حالها حلوه - هالنوع مصيبه
التصنيف الثاني حسب الاخلاق - يا ويلي انطردنا:cry2:
المهم يا جماعه بعد اذن غسان رح ارجع اكمللكم سوالفي عن انوع الشباب وانواع البنات وانواع العلاقات ومميزات كل نوع من الشباب ومن البنات والعلاقات .. ورح اختم ان شاء الله بنصائحي السندباديه السريه لتزبيط البنات ..ونصائحي السندباديه السريه للبنات بهالموضوع .. طبعا هالسوالف بس لمنتديات الحصن لعيون هالواحد المطنشنا والي بنقل بدون ما يحكيلي بعزر عليه والله والعلقه معي مش علقه ..انا قاعد بطلع كل اسراري وخبرتي ومعرفتي هون :eh_s(2):..وروح ما مجروح ..تعبتكم ..لي عوده زي ما بحكو:SnipeR (19):
:eh_s(2)::eh_s(2)::eh_s(2):

كنت بدي ارد بناء على الردود بس انت من يوم ما سجلت وانت بتسبق الكل بالحكي

اقتباس:
المشاركة الأصلية كتبت بواسطة غسان http://www.al79n.com/vb/images/style...s/viewpost.gif


رايي انة القصة مش صراع ازلي والموضوع مين اللي بده يغلب الثاني ولا مين الي هو اللي بضحك على الثاني .

البنات ...

بعد ما قريت موضوع السندباد ... (( حب على الانترنت )) .. خطر ببالي ... ليش البنات ..؟؟؟

ليش احنا دايما بتقبل منهم اي شي ..؟؟

ما حد بقدر بفرض على حد يتقبل منة اي شي :icon31:
ليش دايما الشب يسعى لارضاء البنت ..؟؟؟
بدها شب لحتى يجاوبك

بده يحب ولا بس بده يتسلى ..؟؟؟
والله هاد السؤال للاثنين وطبعا ما حد بقدر يجزم الا الشخص نفسة

طيب والبنت شو بدها ..؟؟؟

اصعب سؤال للبنت :db465236ff:
ليش بتعطي الشب عين .؟؟؟
:icon31:

بدها تحب ولا تتسلى هيه كمان ..؟؟ ولا بدها تتجوز ...بالغالب بدها تتجوز ...:SnipeR (83): جاوبت:bl (3):

طيب ليش الشب بيرخص قدام البنت .. وبتنازل عن الكثير كرمال ارضاءها ... ليش ممكن يخون اعز الاصحاب ويخون مبادئه من اجل علاقه من هالنوع ...:bl (3):
يا ابني حتى البنت مش الشب بس

طيب وانته كشخص .. كقارىء للموضوع اذا اتيحت لك الفرصه لعلاقه زي هيك .. بدون ما تخسر شي .. لا مبادئك ولا اخلاقك ولا اصحابك ... بتقتنص هالفرصه .. ولا مابدك علاقه من هالنوع .؟؟؟؟

:icon31::icon31::icon31::icon31::icon31:

طيب و الصداقه بين الشب والبنت .. انته واياها صحاب مش اكثر ... في هيك شي ..؟؟؟ ثنائي او جروب جميل صحبه مع بعض شو المانع ..؟؟؟ ولا لازم كل علاقه بين شب وبنت تكون على اساس انها حب وبس .؟؟؟؟؟

لا ما في اشي يا ابيض يا اسود بس احنا بنجنمع ما بعرف اي علاقة الا انها علاقة حب

مممممممممممم

العلاقه الي بيسعى الكل او المعظم حتى ما نظلم ناس لتحقيقها مع الطرف الاخر ..؟؟؟ ليش ..؟؟؟وكيف نشأت .؟؟ ومطوله ..؟؟ وشو رح ينهيها ..؟؟؟

السبب ورا هيك علاقه انك بدك تخوض تجربه من هالنوع وتعرف كيف البنات .. او الجنس الاخر بشكل عام بفكر ..ولا شو السبب ..؟؟؟:bl (14):

في واحد صاحبي كان مصاحب وحده بشعه ... كنا نحكيله شو بدك فيها يا زلمه لا محضر ولا منظر .. كان يحكيلنا بتدرب فيها .. عشان لما الاقي البنت الصح ... يكون عندي خبره وما اتغلب بالتعامل معها ...


:SnipeR (94)::SnipeR (94):
بدرب ..... ممكن تدلني علية هاد صاحبك؟ يا يا يا يا

هاذ الحكي الي حكيته بيشمل 90 % اذا مش اكثر من العلاقات القائمه بين الشباب والصبايا الايام هاي .. :cry2::cry2:

هلأ اجا دور ال 10%

الحب الصادق ... وينه ..؟؟ وكيف السبيل اليه ...؟؟ بدي اظل استنى الصدفه حتى تجيبلي اياه ..؟؟؟؟؟ بدي وحده كما اريد.. فتاة احلامي .. احبها وتحبني .. يا ترى رح الاقيها هالبنت .. ولا الزواج التقليدي رح يكون الطريق الوحيد امامي بعد شغلة 8 سنوات طبعا :db465236ff: ... معقول الصداقه الي حكيت عنها قبل شوي تكون هيه الحل .. والحب الصادق .؟؟؟؟

اووووووف ... هاي كلها تراهات خطرت ببالي .. مش عارف شو الي بصير وشو الصح ... لا تأخذوني دوشتكم ..

بانتظار ارائكم .....



الكل بحاول منذ قديم الازل يفهم جاوب واحد لاسئلتك وصدقني ما في
لانة حتى العلاقة بين الزوجين ما حددها غير الاسلام ومع ذلك في مليون الف مشكلة وتقريبا كل خمس دقائق حالات طلاق :icon31:
الحق لا على الشب ولا على البنت الحق على التربية وطريقة التفكير الي من الصغر تجاه الجنس الاخر
يعني صاحبك تاع ادرب هاد اللي رفع الي ظغطي بعتبر البنت سيارة وبده يتعلم يسوقها بس غابت عنه باله ما في بنت بتشبة الثانية واصابعك مش زي بعض .....
قصة صداقة هاي عمرها ما زبطت بصراحة ولا عمرها انشربت وانبلعت
وما في صداقة ابدا مهو يا اخوي يا حبيبي وبس صح ما في اشي يا ابيض يا اسود بس اذا في امور ثابتة لا تتغير :icon31:
هاد الجزء الاول من ردي
لي عودة ونقاش بالموضوع هاد

شكرا يا سندباد على مرورك الجميل وتصنيفاتك الغير شكل ..

شكرا مها على مرورك الجميل .. وصاحبي الا ما يجي يوم وتشوفيه ..ههه

تراهاتٍ جديده

يا الهي كم اكره النفاق .. ويا الهي كم هو موجود ومنتشر ..

بعض الناس انته دايما قدامه ما بينتكش فيك ولا بسلم عليك .. بس يحتاجك كيفك حبيبي وشو اخبارك وبدي منك خدمه ..

بعضهم بعده بيحكي عليك ... ولا انته جاي بياخذك بالاحضان و10 بوسات من هون و10 من هون ..

يا الهي بكم وجه ووجه انت ..؟؟؟ ومن اين لك بكل هذه القدره على المراوغه واللعب بالناس والتعامل معهم بمئة لون ولون ...

بعضهم النفاق متجذر فيه لا ينافق من اجل مصلحة له .. وانما ليظهر بصورة معينه امامك وامام غيرك ..

فبعضهم الذي يعرف كل شيء ... شو ما انفتح موضوع هوه بيعرف فيه ومطلع .. وبيعطيك اخر الاخبار .. ما شاء الله عليه كامل مكمل .. بيعجبك .. زي الزبديه الصيني من وين مارنيته برن ..

ومنهم من يدعي انه (( شيخ )) وبرمضان بتتجلى معه الامور .. ما بصلي الفجر الا بالجامع وبيختم القران 6 او 7 مرات .. بس عشان كل ما انعزم على الفطور عند حد .. لازم يجيب سيرة .. الحمدلله ختمت القران 6 مرات وهيني شغال بالسابعه ؟؟!!!!!!! طبعا ردود الثناء والاعجاب تنهال عليه .. ما شاء الله عليك يابو فلان .. وانا بدوري بحكيله الله يحميك يا بو فلان .. ويهونها عليك بالاخره ..

النفاق الاجتماعي ... الى متى ...؟؟؟؟!!!!!

اجيت على الوجع :eh_s(2):
اي انا هاي الظاهرة مش بس بتجنني بتخنقني ،ما بحب حد مش ضروري ابين اله العكس هاد في حال لاسمح الله اختلطت فية:icon31:
اكثر ما بلفت نظري انه في فئة بحاولوا لفت النظر الهم عن طريق الدين وهات يا تنظير على عامة البشر :SnipeR (83):
برايي النفاق الاجتماعي ما هو الاوسيلة للمحاولة الاندماج مع الغير
وطبعا بلفت النظر من خلال صفات لامعة بتقمصها:SnipeR (83):
الواحد يكون على طبيعتة حبو الناس اهلا وسهلا ما حبوة مع السلامة مش عيب اغير صفات غلط في شخصيتي بس مش علشان ارضي فلان مشاني انا :bl (35):

يسلموا غسان

فعلا .. انا اكثر نوع بحقد عليه هاذ الي بيعرف كل شي .. ما شاء الله عليه شو ما انفتح موضوع بكون بيعرف فيه ..

شكرا مها على مرورك الجميل ..

اقتباس:

---

المشاركة الأصلية كتبت بواسطة غسان

فعلا .. انا اكثر نوع بحقد عليه هاذ الي بيعرف كل شي .. ما شاء الله عليه شو ما انفتح موضوع بكون بيعرف فيه ..

شكرا مها على مرورك الجميل ..

---

حلو الواحد يعرف اشي صغير عن كل اشي
يعني مش يقعد اهبل في المكان اللي هو فيه
انا عن نفسي عندي استعداد اشارك بأي موضوع بقاش بنطرح قدامي
مش لانه بفهم بكل اشي بس لانه حلو الواحد يكون عنده فكره صغير عن الحياة
مش عارفة اذا كان هاد قصدك

اقتباس:

---

المشاركة الأصلية كتبت بواسطة saousana

حلو الواحد يعرف اشي صغير عن كل اشي
يعني مش يقعد اهبل في المكان اللي هو فيه
انا عن نفسي عندي استعداد اشارك بأي موضوع بقاش بنطرح قدامي
مش لانه بفهم بكل اشي بس لانه حلو الواحد يكون عنده فكره صغير عن الحياة
مش عارفة اذا كان هاد قصدك

---

لا مش هيك قصده.
قصده عن اللي بتلاقيه بناقش وبداقر على غلط ومن غير ما يعرف عن شو بيحكي ومفكر حاله ما فيه زيه
اما بالنسبة لحالتك فهاي اشياء ضرورية لازم يكون الواحد عنده معلومات عامة عن الاشياء الي حوله

اقتباس:

---

المشاركة الأصلية كتبت بواسطة shatnawi_king_CS

لا مش هيك قصده.
قصده عن اللي بتلاقيه بناقش وبداقر على غلط ومن غير ما يعرف عن شو بيحكي ومفكر حاله ما فيه زيه
اما بالنسبة لحالتك فهاي اشياء ضرورية لازم يكون الواحد عنده معلومات عامة عن الاشياء الي حوله

---

فهمت :SnipeR (83)::SnipeR (83):

شكرا عباده على توضيح كلامي .. هيك قصدي يا سوسن ... شخص ما بيعرف .. بيعرف لان الموقف يتطلب ذلك ..:db465236ff: ..

شكرا على المرور ..

اقتباس:

---

المشاركة الأصلية كتبت بواسطة غسان

شكرا عباده على توضيح كلامي .. هيك قصدي يا سوسن ... شخص ما بيعرف .. بيعرف لان الموقف يتطلب ذلك ..:db465236ff: ..

شكرا على المرور ..

---

:icon31::icon31:

امي ام زوجتي ...


يالهي ما اكثرها المشاكل التي تحدث بين الام والزوجه .. وان لم تكن مشاكل فالحساسيات موجوده ..
فالام دائما تشعر بان حقها مهضوم .. وان من حقها على ابنها ان تكون حاضره في كل مشوار وكل نقاش وكل صغيرةٍ وكبيرهٍ ..
الا يحق للزوجين ان يشعرا بالاستقلاليه ولو قليلا ..
الام حقها محفوظ ... ومعروف .. لكن الرجل لن يستطيع ابدا ان يرضي امه وزوجته معا ..
قد تستطيع الزوجه مهما كانت ((كويسه وبنت اصل)) ان تحوي حماتها .. لكن لابد لها من هفوات ... لاتفوتها الام ابدا .. وقد يكون العكس تماما ..

ويقع الزوج حائرا بين امه وواجبه تجاهها .. وبين حياته واستقلاليتها .. وبين زوجته وطباعها ...

ربوا واتعبوا واخر شي هيه بتاخذه على الجاهز ..:db465236ff:... يا حسرتي عليكي يالام

غسان ياريتك عملت اجزاء منفصله لكل موضوع :eh_s(2):
يعني هلا انا جاي عبالي ارجع للجزء الاول:eh_s(2):

اقتباس:
العلاقه الي بيسعى الكل او المعظم حتى ما نظلم ناس لتحقيقها مع الطرف الاخر ..؟؟؟ ليش ..؟؟؟وكيف نشأت .؟؟ ومطوله ..؟؟ وشو رح ينهيها ..؟؟؟
رح احكي بصراحه...العلاقه الي بتحكي عنها..ناتجه اولا عن حاجات فطريه ورغبات غريزيه صعب نفسرها...
خلقت الانثى ترغب بالرجل..وخلق الرجل يرغب بالانثى..هاد بشكل عام
هلا انا بدي اصنف الرجال نوعين...
النوع الاول يبحث في علاقته عن الجنس...يعني هدفه يلبي رغبته..حتى لو بطريقه غير مباشره..فاهمين علي؟:SnipeR (83):يعني مش مهم مين ومتى رح تخلص العلاقه وليش هاي البنت..المهم وحده تعبي هالفراغ وخلص..
النوع الثاني..هو النوع الي بيوقع بالحب بدون سابق انذار..او على الاقل بالاعجاب فبيحاول يتقرب من هالبنت ويتعرف عليها

اقتباس:
طيب و الصداقه بين الشب والبنت .. انته واياها صحاب مش اكثر ... في هيك شي ..؟؟؟ ثنائي او جروب جميل صحبه مع بعض شو المانع ..؟؟؟ ولا لازم كل علاقه بين شب وبنت تكون على اساس انها حب وبس .؟؟؟؟؟
والله انا مش معها...وما شفت صداقه من هالنوع سليمه ابدا..بتذكر كان الي زميله كويسه كثير ..وكان في واحد زميل النا بالكليه..كانت تتعامل معه كأخ مش كصديق..وعلى اساس انه كويس ومش عارف شو وبيتعاونو..صدفه كنت ماره..سمعته قاعد مع اصحابه وبيعلقوا عليه وعليها..وحكى عنها كلمه بعمري ما بنساها..مع انه هو كان من احسن الشباب بدفعتنا...طيب اذا الكويس هيك..شو بده يعمل الحقير؟؟

مع هيك انا عندي صداقات..لكن محدوده..مثل الصداقات هون ضمن المنتدى


اقتباس:
السبب ورا هيك علاقه انك بدك تخوض تجربه من هالنوع وتعرف كيف البنات .. او الجنس الاخر بشكل عام بفكر ..ولا شو السبب ..؟؟؟
حبيت اذكر شغله..بالاضافه للحكي الي حكيته فوق عن الشباب ودوافعهم والبنات ودافعهم..في كثيييييييير اشخاص بيوقعوا بهالفخ ويمكن يتورطوا ويغلطوا بس بالحقيقه هم ضحايا...العلم بيحكي ان علاقة الطفل ومن ثم الشاب مع أبيه وأمه على السواء لابد ان تكون ذات عمق عاطفي وشخصي، بمعنى أن يكون والديه مصدر جيد وكافي للعاطفة والحب بحيث يشعر الابن بالأمن والحماية والمودة مع أبويه.. اعطيكوا مثال..لما بنت يكون الها اخت احلى منها...البنت بتنشأ على انها مش حلوه...وعندها عقده من هالموضوع..واهلها عمرهم ما عززوا ثقتها بنفسها ولاسمعت منهم كلمه ثناء...اول ما تطلع عالمجتمع بتلاقي 100 واحد بسمعوها غزل وحكي حلو..البنت لو كانت حجر رح تلين لانها ضعيفه من هالناحيه حتى لو كانت عارفه حكيهم كذب..بتكذب على حالها بس مشان ترتاح ((طبعا لاشعوريا..)) وسهل انها توقع وتتورط..واذا انهارت مبادئها بنقطه...سهل كثير تنهار بكل شئ..هاي البنت ضحيه اهلها ..



اقتباس:

في واحد صاحبي كان مصاحب وحده بشعه ... كنا نحكيله شو بدك فيها يا زلمه لا محضر ولا منظر .. كان يحكيلنا بتدرب فيها .. عشان لما الاقي البنت الصح ... يكون عندي خبره وما اتغلب بالتعامل معها ...:SnipeR (94)::SnipeR (94):

صاحبك عفكره بدور على حجه بس...وحتى بتلاقيه هو مش مقتنع فيها..بس مشان يرد عليكم ويسكتكم..هاي بالزبط بتشبه حجه الي بيتحججوا فيها البنات الغير محجبات..لما تحكيلهم ليش ما تتحجبي؟؟:db465236ff:
اقتباس:

هاذ الحكي الي حكيته بيشمل 90 % اذا مش اكثر من العلاقات القائمه بين الشباب والصبايا الايام هاي .. :cry2::cry2:

صدقت..في زمنا..معاني كثير حلوه ضاعت ..والسبب الانفتاح وقله الدين..كل شي صار مباح..واللباس الفاضح خرب اخلاق الشباب

اقتباس:

الحب الصادق ... وينه ..؟؟ وكيف السبيل اليه ...؟؟ بدي اظل استنى الصدفه حتى تجيبلي اياه ..؟؟؟؟؟ بدي وحده كما اريد.. فتاة احلامي .. احبها وتحبني .. يا ترى رح الاقيها هالبنت .. ولا الزواج التقليدي رح يكون الطريق الوحيد امامي بعد شغلة 8 سنوات طبعا :db465236ff: ... معقول الصداقه الي حكيت عنها قبل شوي تكون هيه الحل .. والحب الصادق .؟؟؟؟

الحب الصادق..بتوقع بيجي لحاله..اكيد مش رح ادور عليه..هو بينولد من دون سابق انذار..الزواج التقليدي ممكن يكون السبيل..ليش لأ؟؟؟
الصداقه..مممم...ما بعتقد:db465236ff:

اقتباس:

---

اقتباس:
المشاركة الأصلية كتبت بواسطة غسان http://al79n.com/vb/images/styles/bl...s/viewpost.gif

امي ام زوجتي ...


يالهي ما اكثرها المشاكل التي تحدث بين الام والزوجه .. وان لم تكن مشاكل فالحساسيات موجوده ..
فالام دائما تشعر بان حقها مهضوم .. وان من حقها على ابنها ان تكون حاضره في كل مشوار وكل نقاش وكل صغيرةٍ وكبيرهٍ ..
الا يحق للزوجين ان يشعرا بالاستقلاليه ولو قليلا ..
الام حقها محفوظ ... ومعروف .. لكن الرجل لن يستطيع ابدا ان يرضي امه وزوجته معا ..
قد تستطيع الزوجه مهما كانت ((كويسه وبنت اصل)) ان تحوي حماتها .. لكن لابد لها من هفوات ... لاتفوتها الام ابدا .. وقد يكون العكس تماما ..

ويقع الزوج حائرا بين امه وواجبه تجاهها .. وبين حياته واستقلاليتها .. وبين زوجته وطباعها ...

ربوا واتعبوا واخر شي هيه بتاخذه على الجاهز ..:db465236ff:... يا حسرتي عليكي يالام

---

اول الشي المسؤوليه هون بتقع بالكامل على عاتق الزوج...في كثير ناس بيحكوا عن الكنه..يخرب بيتها..والله منعته عنا..وحرمتنا منه..ومش عارف شو....بس هالحكي خطأ,,,ابنك ياحماتي رجال ومش مستني مني انا احكيله شو يعمل..قياده العائله بيده هو..واكيد انا مارح احكيله لاتروح ..ولا تعمل..مستحيل..وبالتالي لاتلقوا اللوم على الكنه..الرجل هو المسؤول

هلا مهمته..انه يقدر يوفق بين الزوجه والام...كيف يعني؟ يعني يعطي كل وحده منهم حقها بما يرضي الله...مابصير يحقق رغبات امه على حساب زوجته..هذا ظلم,,وكمان مابصير يحقق رغبات زوجته على حساب امه.. هذا ظلم...
ويمكن اهم نقطه حتى يقدر يحقق هالشي..ان كل واحده فيهم تعيش بسكن مستقل...وبالتالي التدخل من الطرفين بيكون محدود

اقتباس:

---

ربوا واتعبوا واخر شي هيه بتاخذه على الجاهز ..:db465236ff:... يا حسرتي عليكي يالام

---

هاي العباره بتقهر...طيب الحماه ما اخذت زوجها عالجاهز؟؟:db465236ff: وكمان الابن ما اخذ مرته من عند اهلها عالجاهز :bl (14):...هاد حكي فاضي

والله اللي بفهمة التالي ما بخلي وحدة حتى لو كانت امه تتدخل في طريقة حياتي بجوز اسكت واحترم بس بقدر وفت الجد افهمها ما الها دخل وساعتها تزعل ولا ترضى القصة انة ما بصير تتدخل كثير بحياة ابنها

اقتباس:

---

اقتباس:
المشاركة الأصلية كتبت بواسطة أميرة قوس النصر http://al79n.com/vb/images/styles/bl...s/viewpost.gif
والله اللي بفهمة التالي ما بخلي وحدة حتى لو كانت امه تتدخل في طريقة حياتي بجوز اسكت واحترم بس بقدر وفت الجد افهمها ما الها دخل وساعتها تزعل ولا ترضى القصة انة ما بصير تتدخل كثير بحياة ابنها

---

:db465236ff: أحلى مها...بس هيك رح تولع الحرب
احسن شي هو يفهم امه ويحط الها حد

اقتباس:

---

امي ام زوجتي ...

---

اقتباس:

---

يالهي ما اكثرها المشاكل التي تحدث بين الام والزوجه .. وان لم تكن مشاكل فالحساسيات موجوده ..

فالام دائما تشعر بان حقها مهضوم .. وان من حقها على ابنها ان تكون حاضره في كل مشوار وكل نقاش وكل صغيرةٍ وكبيرهٍ ..

الا يحق للزوجين ان يشعرا بالاستقلاليه ولو قليلا ..

الام حقها محفوظ ... ومعروف .. لكن الرجل لن يستطيع ابدا ان يرضي امه وزوجته معا ..
قد تستطيع الزوجه مهما كانت ((كويسه وبنت اصل)) ان تحوي حماتها .. لكن لابد لها من هفوات ... لاتفوتها الام ابدا .. وقد يكون العكس تماما ..

ويقع الزوج حائرا بين امه وواجبه تجاهها .. وبين حياته واستقلاليتها .. وبين زوجته وطباعها ...

ربوا واتعبوا واخر شي هيه بتاخذه على الجاهز ..:db465236ff:... يا حسرتي عليكي يالام

---

زي ما حكت زهره, الرجل اله دور اساسي انه يعطي كل طرف حقه والتقصير تجاه اي طرف من الطبيعي يولد مشاكل, الان تنظر هالحماه كيف كان يعاملها زوجها وكيف هالحماه بيوم من الايام كان الها حماه, يعني تقيس الوضع , صحيح ممكن يكون في فوارق نتيجة العادات والتقاليد لكن من حيث المبدأ هو ثابت, بعدين انتي يا حماه مجوزه ابنك لتبهدلي بنات العالم وتعذبي ابنك بحياته؟ قال شو بروح الابن حاكي لاهله عن مشكله مع مرته بيجوا الاهل.... الاب : يا زلمه شو هالحكي هاي بنت بتنضب هاي؟ على سريع بكره نازل معك ع المحكمه..انت لو زلمه ما بتخليها بدارك...علي الطلاق من امك بالثلاث ..
الام بتتفضل وبتغرد : اي والله لاقلع عيونهم واجوزك احلا منها ..اصلا ام فلان عندها بنت اما شو بنت ,,,وعدوا وشوفوا صفات... ولما تجيبها بتصير الحماه على اصولها...

الاصل افصل زوجتي عن اهلي , والمشاكل والخلافات الي بتصير خصوصا اول كم سنه من الزواج لازم تضل بين الزوجين وماحد يعرف فيها..

اقتباس:
المشاركة الأصلية كتبت بواسطة أميرة قوس النصر http://www.al79n.com/vb/images/style...s/viewpost.gif

والله اللي بفهمة التالي ما بخلي وحدة حتى لو كانت امه تتدخل في طريقة حياتي بجوز اسكت واحترم بس بقدر وفت الجد افهمها ما الها دخل وساعتها تزعل ولا ترضى القصة انة ما بصير تتدخل كثير بحياة ابنها

اقتباس:
المشاركة الأصلية كتبت بواسطة زهره التوليب http://www.al79n.com/vb/images/style...s/viewpost.gif

:db465236ff: أحلى مها...بس هيك رح تولع الحرب

احسن شي هو يفهم امه ويحط الها حد

:db465236ff::db465236ff: يا حبيبي .. الله يعينهم حمواتكم عليكم .. اذا من هلا هيك ..:db465236ff:

اقتباس:
المشاركة الأصلية كتبت بواسطة Ammar Qasaimeh http://www.al79n.com/vb/images/style...s/viewpost.gif

زي ما حكت زهره, الرجل اله دور اساسي انه يعطي كل طرف حقه والتقصير تجاه اي طرف من الطبيعي يولد مشاكل, الان تنظر هالحماه كيف كان يعاملها زوجها وكيف هالحماه بيوم من الايام كان الها حماه, يعني تقيس الوضع , صحيح ممكن يكون في فوارق نتيجة العادات والتقاليد لكن من حيث المبدأ هو ثابت, بعدين انتي يا حماه مجوزه ابنك لتبهدلي بنات العالم وتعذبي ابنك بحياته؟ قال شو بروح الابن حاكي لاهله عن مشكله مع مرته بيجوا الاهل.... الاب : يا زلمه شو هالحكي هاي بنت بتنضب هاي؟ على سريع بكره نازل معك ع المحكمه..انت لو زلمه ما بتخليها بدارك...علي الطلاق من امك بالثلاث ..

الام بتتفضل وبتغرد : اي والله لاقلع عيونهم واجوزك احلا منها ..اصلا ام فلان عندها بنت اما شو بنت ,,,وعدوا وشوفوا صفات... ولما تجيبها بتصير الحماه على اصولها...

الاصل افصل زوجتي عن اهلي , والمشاكل والخلافات الي بتصير خصوصا اول كم سنه من الزواج لازم تضل بين الزوجين وماحد يعرف فيها..

طبعا انا معكم بلي حكيتوه .. انه استقلالية الزوجين شيء ضروري .. وامه وزوجته اذا كان زلمه مزبوط بقدر يحلها بينهم ..
والي بظله بالنفوس لاحول ولا قوة الا بالله وقتها .. بس لازم الواحد ما ينسى امه .. ويقوم بواجبه تجاهه كما يجب ..

بالنسبه لردك على الجزء الاول زهره .. انا معك بكل ما ذكرتي .. والحب الصادق بيجي لحاله وممكن يكون الزواج التقليدي سبب اله .. بس برأيي انه الصداقه ممكن تكون كمان السبب ..
هون انا بخالفك .. لانه انا بآمن بوجود صداقه بين الرجل والمرأه ... زميلتك وصديقها الي حكيتي عنهم حاله خاصه ما بمثلوا شي .. بمثلوا نفسهم بس .. بعدين الشب هاذ يمكن تصنيفه حقير كمان مش محترم :db465236ff:..

وشكرا على مروركم الجميل .. زهرة التوليب .. مها .. عمار ..

((ابني ما في منه ))


كلنا النا اباء وامهات .. بحبونا و بموتوا عشانا .. وبتمنوا انه نكون كما يشتهون .. ما في منا ..

نحن منا الصالح ومنا الطالح .. منا الكويس والازعر .. لكنه بنظر الاهل بظله ابني .. حبيبي .. ما في منه .. من منطلق (( القرد بعين امه غزال )) .. بعضهم اذا اشتكى احدهم من ابنهم .. والله ابنكم كان سايق السياره وراح ما يدعس ولاد صغار .. او ابنك كان يتحركش ببنات الناس .. مباشره يكون جواب الاب ... بتكذيب ناقل الخبر .. وبقله واحد بيشبهه .. انا ابني ما بيعمل هيك ... وحتى ممكن يكذب عليه ويقله ابني انا واياه كنا بالوقت هاذ بالسوق .. وهو عارف بداخله انه ابنه غلط ..

ابني عارف انه هيك ومش عارف اتعامل معه .. لاني ببساطه زيه .. ابنك مش مربى .. طبيعي لانك مش عارف تربي .. لانك ما كتلته مزبوط .. بيحكيلك الكتل مش كويس وبأثر بنفسيته .. والله تتأثر نفسيته ولا يقرف الدنيا بالمستقبل .. ويأثر بنفسيات العالم الثانيين ... ابنك مش مربى .. وانته بتعرف هالحكي ليش بتطلعه برا الدار .. انا لو عندي ابن بارد و زنخ .. بربطه بالبيت وبظل اضرب فيه حتى يعرف انه الله حق .. هيك مفهوم التربايه عندي ..

ولا في امهات ابيخ منهم ما فيه .. بتلاقيها بتروح زياره وابنها بلف وبدور جنن الناس وقلبلهم دارهم .. ولما يكسر شغله .. بتصير تقله ماما عيب يا ماما .. ولا كأنه صار اشي .. كأنها بتقله استمر الله يعطيك العافيه .. هاي ام بدها تعرف تربي وبدها تعرف تطلع جيل بيفهم .. طيب عارفه ابنك قرد ليش تجيبيه معك .. ما لقيتي حد تحطيه عندهم لا تروحي من الاساس ..

ويالله قد ما بصير مشاكل بين القرايب .. خصوصا بين الاخوان .. بسبب ولادهم .. واحد كويس ومؤدب وشاطر .. وواحد ازعر ومش شاطر .. طبعا هاذ الي شاطر انشطب قد ما بيكرهوه دار عمه او اهل الولد الثاني .. كل العيله بتكرهه .. لانه شاطر ومؤدب .. وهمه الاهل نفسهم بيزرعوا حقدهم بعقل ابنهم .. ولك شوف هاذ سبقك .. هاذ الاهبل الي ما بيسوا قاعد بجيب علامات وانته لا .. بيقنعوه انه هوه احسن منه بمليون مره بس هوه مش مستغل قدراته .. طيب ليش ما في طريقه غير هاي .. لازم تزرع حساسيات واحقاد داخل عقل ابنك ...؟؟

بجوز بعضكم يفكر انه هاذ كيف بفكر بعد في ناس بتضرب .... انا مع انه الابن يتاخذ بالحنيه .. انه نفهمه انه هيك غلط .. نعلمه شو الصح .. بس اذا زودها انا مع انه ينضرب لانه ما في اشي بيردعه غيره ..

الي بدي احكيه .. انه لما يكون عنا واحد هامل .. اعرف انه السبب اهله .. ما عرفوا يتعاملوا معه .. ما عرفوا يربوه .. ممكن واحد يكون هامل واهله كوبسين .. بس اذا انهم كويسين فعلا بيقدروا يستوعبوا ابنهم ويرجعوه لاصله .. اما اذا كان الاهل غير شكل .. شو بدهم يطلعوا للمجتمع غير عاهات

يعطيك العافيه غسان ...موضوعك لازم تسميه (مشكلات اجتماعيه ) كل مرة مشكلة ع الوجع كمان :db465236ff:
أنا كمان مع الضرب ... الضرب في بعض الاحيان لابد منه .. بس مو هو أول الحلول ... التربايه صعبه يا غسان فوق ما احنا بنتصور ...
في أهل بكونوا كويسين وما في منهم بس ابنهم فاضحهم لانو فعلا مو طالع بايدهم شي ...
في أولاد مع الضرب بعندوا أكتر وبصيروا بدهم يقهروا ألهم بإنهم يعيدوا الغلط ويزيدوا عليه ..(بعرف أب سلم ابنه للشرطة من كتر ما الناس مو سلمانه من شره وهو مو قادر عيله ) وهو هيك وهيك خسران ابنه فيرحم الناس كمان احسن ويمكن السجن يصلحه للولد ..
بس بالأول أنا مع مبدا (إن كبر ابنك خاويه ) اسمع منه يا بيقنعك يا بتقنعه .. وهيك ما بيغلط لا من وراك ولا قدام عنيك ..






خلينا نجي على ترهاتي انا هلا :eh_s(2):..
كل الناس ماشين على مبدأ ( القرد بعين أمه غزال ) إلا أهلي ماشين على ( الغزال بعين أمه قرد لحتى يصير غزال ما في منه ) :eh_s(2):
يعني دايما الناس ابني مافي منه ابني وابني وهو ما بسوى تعريفه ...
واحنا (أنا واخواني ) بتجي الناس لبابا وماما وبحكولهم اولادكم ما في منهم يا ريت ولادنا متل أولادكم .. بس ماما وبابا مو مقتنعين :db465236ff:
ولما نحكيلهم انتودايما بتنقدوا فينا ولا تصرف النا عاجبكم والناس كلها تثني على تربايتكم وجهودكم العظيمة:db465236ff:... بحكوا هالمقولة الماثورة عنهم (احنا مبسوطين منكم بس الحق علينا الي بدنا يكون ما في حد احسن منكم )...
نفسي تمدحني ماما مرة قدام حد ...
يعني بتجي وحده عنا وبضل والله بنتي سوت وبنتي الله يرضى عليها عملت وحطت وراحت وجت .. والثانيه بترد تكمل عن بنتها وماما قاعده وساكته مع انو بكون الي بيحكوا فيه مو شي محرز ولو ماما استعرضت بطولاتي انا كمان كان ما بضل حد بالساحة :db465236ff: بس يلا شو بدنا نحكي ... خليهم يربوا فينا :db465236ff:

شكرا ايات ردك اكثر من رائع ..

مبدأ ان كبر ابنك خاويه .. انا معك انه ضروري .. لازم الواحد يستعوب ابنه قبل اي شي ..

بالنسبه لاهلك :db465236ff: الله يخليلك اياهم .. ما بعرف هيك اسلوبهم :db465236ff: او انهم عارفين الصحيح :db465236ff::db465236ff::db465236ff: .. بمزح .. بجوز ما بدهم يكبروا روسكم :db465236ff:.. بس هوه غلط .. الواحد بحاجه ليسمع ثناء من اهله .. او يعرف مدى رضاهم عليه وعلى تصرفاته .. بجوز الانسان بيعرف هالحكي ضمنيا لكنه بحاجه الى تصريح مباشر من اهله احيانا ..شكرا ايات ..

ما هاد الي بنحكيه .. بس يلا .. بنعتبرها واصلة:db465236ff:

يعطيك العافيه غسان :)

سئمت الانتظار ... انتظار المجهول ... انتظار ما سيحدث لما يستحوذ على كل تفكيري ... كم اكره الانتظار

ايكون الانفجار هو الحل .. ام الايام كفيله بذلك ..؟؟؟

ولكن للانتظار طعم اجمل من وقوع ما ننتظره ... هاد رأي ... أو هاد الي شعرت فيه أنا
مثل .. تشبيه مره سمعته يمكن بمسلسل ..
فرحتك وانت تتفاجئ انو حد جابلك هديه وانت بتفك الشبرة وبتفتحها وبشيل الباكيت منها ..بانتظار وحماس انك تعرف شو فيها هاد فرحته اجمل واكبر من معرفتك للهديه وشو هي .. راح تفرح فيها فترة وخلاااص بتنتهي القصة ..
فحلو الانتظار ..:)
فكر فيها .. احنا بالجامعة بننتظر التخرج وكل يوم بنحلم شو راح نعمل بهاليوم .. طيب لما يجي اليوم هاد ونخلص ونقعد بالبيت بشو بدنا نحلم ونستنى ؟!!

وصحيح وبحكم طبيعتنا كبشر بنبحث عن الاستقرار دائما وخصوصا بالجانب العاطفي بنستعجل الامور وبنمل الانتظار كثيرا ... والهدف بكون ايجاد شخص برتاحله وبوفر علي انتظار وهم كبير
لكن متل ما بيحكو .. كل شي بوقته حلو ... متل ما الحب بيعطي كمان الحب بياخد من الانسان امور كتيره .. فعيش كل مرحله بمرحلتها..ومن استعجل الشئ قبل أوانه عوقب بحرمانه ... الايمان بالله والتوكل عليه بيخفف كتير الخوف من المجهول..

فلا تزعل يا غسان اخرتك لتحب والله :db465236ff:

انا جبت الاستقرار العاطفي كمثال بس..... لانه هو الدارج بين الناس ولتجنب الانتظار صارو يبحثوا عنه بطرق خاطئه ويتنازلوا عن أشياء كتيرة فيه ... انا بعرف ان الموضوع الي جوانب أكتر من هيك بكتيييير :)

راحت الردود ... تاعت سوسن ومحمد العزام وزهرة التوليب وواحد بطاينه وابوالعبد .. ورد جوري الثاني ..

الي ما رديت عليه .. مش مشكله ايات ردك وصل وقريته وكنت ناوي ارد بس النصيب ..:db465236ff:

اقتباس:

---

المشاركة الأصلية كتبت بواسطة غسان

راحت الردود ... تاعت سوسن ومحمد العزام وزهرة التوليب وواحد بطاينه وابوالعبد .. ورد جوري الثاني ..

الي ما رديت عليه .. مش مشكله ايات ردك وصل وقريته وكنت ناوي ارد بس النصيب ..:db465236ff:

---

المهم قرأته .. وافهمت علي ؟؟!!:db465236ff: