العيــــــادة النفسيــــــة

أعضاء المنتدى الكرام
السلام عليكم

المنتدى الصحي من الأقسام المهمة في المنتدى ككل، ولكن برأيي أنه ينقصه زاوية تحمل إسم (العيادة النفسية)، وهي زاوية تتعلق بالإستشارات النفسية الخاصة بالأعضاء الكرام، فمن تجاربنا في الحياة تعلمنا التغلب على مشاكلنا والتي هي على الأغلب تتكرر معنا جميعا، دعونا ننقل تجاربنا هنا، نساعد من لديه مشكلة نفسية معينة، عاطفية كانت أو اجتماعية أو مشكلة ما في العمل، نطرح أفكارنا فيما واجهناه وبما اتخذنا من قرارات فيه خطوة بخطوة حتى نصل الى الحل.. فللأسف الشديد، المشاكل النفسية هي من أشد المشاكل التي تواجه الشباب في هذه المرحلة..

إذا.. كل من لديه مشكلة نفسية يتفضل بطرحها هنا وسنكون جميعا في خدمته.. ولسنا أطباء ولا خبراء جميعنا يحتاج الى المزيد، واليوم سنجعل من تجاربنا في الحياة بوابة نفسية مفتوحة للجميع ليستفيدوا منا وتتحقق الإستفادة العامة المرجوة.

أتمنى أن تتحقق الفكرة وتلاقي صدى عند الجميع. شكرا لكم :)

المواضيع المُدرَجة ضمن العيادة النفسية:

0 الخجل .. يحدّ من مهاراتك الحياتية (بواسطة هدوء عاصف)
0 خصائص و أنواع الشخصية البشرية و كيفية التعامل معها (بواسطة هدوء عاصف)
0 هل صحتك النفسية العقلية على ما يرام ؟ (بواسطة هدوء عاصف)
0 أجب عن الأسئلة لتعرف انك تجيد النصيحة ام لا (بواسطة بياض الثلج)

0 تعقيدات الحياة والضغط النفسي قد يسبب مرض السرطان (بواسطة هدوء عاصف)

0 مواجهة الضغط النفسي (بواسطة هدوء عاصف)
0 موعدي الحساس جدا .... والمجتمع (بواسطة هدوء عاصف)

[align=center]
الأخوة الكرام

اذا كان الموضوع جيد ويستحق الإثارة تفضوا بترك آرائكم عسى ان يتفاعل الأعضاء فيه.. لكم مني ارق التحايـــــــــــا. :SnipeR (49):
[/align]

فكرة كثير حلوة
ان شاء الله تلاقي قبول من الاعضاء

موضوع مثبت

انا مشكلتي اني بخجل كتير من اني احكي مع شب بالواقع مش بالانترنت خاصة ازا طلبو مني اشرحلهم معلومة او احكيلهم نقطة بالامتحان

والمشكلة التانية اني بفكر كتير بالناس اللي بتجرحني واخاف من المستقبل كتير كتير

اقتباس:

---

المشاركة الأصلية كتبت بواسطة بنت الشديفات

انا مشكلتي اني بخجل كتير من اني احكي مع شب بالواقع مش بالانترنت خاصة ازا طلبو مني اشرحلهم معلومة او احكيلهم نقطة بالامتحان

---

الخجل عند البنت شي طبيعي او بالاحرى شي مميز فيها بس لما يزيد الشي عن حده لانو الحكي في الدراسة شي عادي
و الشي اللي انتي شايفتو مشكلة عندك لازم تحاولي تتخلصي منو بخطوات مو صعبة ابدا

حاول أن تزيدي الثقة بنفسك و بقدراتك لانو ما في انسان كامل بهالعالم لانك يمكن تخجلي من الرد عليهم لانك مو واثقة في معلوماتك منيح فمشان هيك لازم من الاول تقولي انا هيك رايي بالقضية الفلانية او انا هيك بشوف يمكن اكون صح ولا غلط
وكمان شي مهم كثير انك ما تظلي لوحدك كثير ما تكوني انطوائية لازم تدخلي في اي جماعة ولو انك ما تعرفيهم كلهم ما فيها شي وما تظلي ساكتة لازم تتفاعلي معاهم وتفرضي اراءك
وشيلي من بالك فكرة يمكن اكون انا غلط او شو راح يقولي عني لا تحطيهم ببالك
لما تكوني لحالك حطي ببالك هالموقف (انك بتخجلي كثير ) و تخيلي ردك عليهم لحالك تكلمي مع اي شي لحتى تصيري تقدري تواجهي نقطة ضعفك

بالاخير الحياء صفة كثير حلوة بالبنت بس اذا زاد الشي عن حده انقلب الى ضده

انا مشكلتي الوحيده اني ما بنسى يلي بحبه

يعطيكو العافيه الموضوع مميز

فكرة كتييييييييييير حلوة ..

يسلموووو يا ابن خالتي على افكارك الرائعة ..

لازم من زمان هيك موضوع

اقتباس:

---

المشاركة الأصلية كتبت بواسطة المتميزة

فكرة كثير حلوة
ان شاء الله تلاقي قبول من الاعضاء

---

اختي المتميزة أدامك الله وحيّـــــاك وطاب سعيك وممشاك

شكرا كتير على تثبيت الموضوع وعلى فكرة ردك على بنت الشديفات كتير لامس الصميم شكرا كتير.. وأشكرك أيضا على تثبيتك الموضوع :)

اقتباس:

---

المشاركة الأصلية كتبت بواسطة المتميزة

الخجل عند البنت شي طبيعي او بالاحرى شي مميز فيها بس لما يزيد الشي عن حده لانو الحكي في الدراسة شي عادي
و الشي اللي انتي شايفتو مشكلة عندك لازم تحاولي تتخلصي منو بخطوات مو صعبة ابدا

حاول أن تزيدي الثقة بنفسك و بقدراتك لانو ما في انسان كامل بهالعالم لانك يمكن تخجلي من الرد عليهم لانك مو واثقة في معلوماتك منيح فمشان هيك لازم من الاول تقولي انا هيك رايي بالقضية الفلانية او انا هيك بشوف يمكن اكون صح ولا غلط
وكمان شي مهم كثير انك ما تظلي لوحدك كثير ما تكوني انطوائية لازم تدخلي في اي جماعة ولو انك ما تعرفيهم كلهم ما فيها شي وما تظلي ساكتة لازم تتفاعلي معاهم وتفرضي اراءك
وشيلي من بالك فكرة يمكن اكون انا غلط او شو راح يقولي عني لا تحطيهم ببالك
لما تكوني لحالك حطي ببالك هالموقف (انك بتخجلي كثير ) و تخيلي ردك عليهم لحالك تكلمي مع اي شي لحتى تصيري تقدري تواجهي نقطة ضعفك

بالاخير الحياء صفة كثير حلوة بالبنت بس اذا زاد الشي عن حده انقلب الى ضده

---

شكراً مميزة على الرد المميز وانشاء الله راح احاول اعمل هيك

اقتباس:

---

المشاركة الأصلية كتبت بواسطة شذى البنفسج

فكرة كتييييييييييير حلوة ..

يسلموووو يا ابن خالتي على افكارك الرائعة ..

لازم من زمان هيك موضوع

---

أهلا ببنت خالتي شذى :)

والله ما بنتظر دايما ردودك ما شاء الله عليكِ الله يحفظك

شكرا كتير ع المرور الكريم

اقتباس:

---

المشاركة الأصلية كتبت بواسطة أميرة قوس النصر

يعطيكو العافيه الموضوع مميز

---

أختي المميزة (أميرة قوس النصر) شكرا على مرورك

وحضورك وسام شرف للموضوع :)

اقتباس:

---

المشاركة الأصلية كتبت بواسطة abdullah al shurafa

انا مشكلتي الوحيده اني ما بنسى يلي بحبه

---

هاي مش مشكلة حبيبي هاد أحلى طبع فيك .. :bl (33):

يا ريت الكل متلك .. :SnipeR (49):

بس السؤال هل هالشغله هاي بتضايقك؟؟

اقتباس:

---

المشاركة الأصلية كتبت بواسطة بنت الشديفات

والمشكلة التانية اني بفكر كتير بالناس اللي بتجرحني واخاف من المستقبل كتير كتير

---

بتسمعي بالإعلان اللي بقول (عيش اللحظة) ؟؟؟!

خوفك من المستقبل نابع من خوفك في الحاضر.. ومهما كان بضل المستقبل اسمه غيب ، ولو اطلعتم على الغيب لأخترتم الواقع ، بنظري ما في شي بخوّف ما دام المكتوب مكتوب وما دام القدر قدر.. خلّي ايمانك بالله اقوى في كل الظروف، واحنا تعلمنا من ديننا الحنيف (أن ما اصابك ما كان ليخطئك وما اخطأك ما كان ليصيبك) و (إن اتكلتم على الله حق اتكاله لرزقكم كما يرزق الطير تغدو خماصا وتروح بطانا) ، فمن شو الخوف ما دام الإيمان بالله حليفنا وأمر المؤمن كله له خير؟؟؟

ما تفكري كتير بالأيام وما رح تحمله، فكري كيف تكوني مؤمنة وذات شخصية مميزة تكسبي حب الخالق ووالديك والناس.. صدقيني رح ترتاحي..

الله يبعد عنا الهموم ويزرقنا الإيمان الحقيقي.. كلنا محتاجين لله..

شكرا :)

اقتباس:

---

المشاركة الأصلية كتبت بواسطة هدوء عاصف

بتسمعي بالإعلان اللي بقول (عيش اللحظة) ؟؟؟!

خوفك من المستقبل نابع من خوفك في الحاضر.. ومهما كان بضل المستقبل اسمه غيب ، ولو اطلعتم على الغيب لأخترتم الواقع ، بنظري ما في شي بخوّف ما دام المكتوب مكتوب وما دام القدر قدر.. خلّي ايمانك بالله اقوى في كل الظروف، واحنا تعلمنا من ديننا الحنيف (أن ما اصابك ما كان ليخطئك وما اخطأك ما كان ليصيبك) و (إن اتكلتم على الله حق اتكاله لرزقكم كما يرزق الطير تغدو خماصا وتروح بطانا) ، فمن شو الخوف ما دام الإيمان بالله حليفنا وأمر المؤمن كله له خير؟؟؟

ما تفكري كتير بالأيام وما رح تحمله، فكري كيف تكوني مؤمنة وذات شخصية مميزة تكسبي حب الخالق ووالديك والناس.. صدقيني رح ترتاحي..

الله يبعد عنا الهموم ويزرقنا الإيمان الحقيقي.. كلنا محتاجين لله..

شكرا :)

---

شكرا هدوء كلامك صح وهاد الي لازم ينعمل

اقتباس:

---

المشاركة الأصلية كتبت بواسطة هدوء عاصف

هاي مش مشكلة حبيبي هاد أحلى طبع فيك .. :bl (33):

يا ريت الكل متلك .. :SnipeR (49):

بس السؤال هل هالشغله هاي بتضايقك؟؟

---

والله وانا كمان هيك رايي
هالشي منو مشكلة ابدا بل بالعكس طبع كثير حلو فيك
بس لما يعود هالشي يضايقك وتصير انت ما تحب هالشخص اكيد لازم النسيان

اقتباس:

---

المشاركة الأصلية كتبت بواسطة هدوء عاصف

اختي المتميزة أدامك الله وحيّـــــاك وطاب سعيك وممشاك

شكرا كتير على تثبيت الموضوع وعلى فكرة ردك على بنت الشديفات كتير لامس الصميم شكرا كتير.. وأشكرك أيضا على تثبيتك الموضوع :)

---

العفو اخي فكرة الموضوع اكثر من رائعة
وهو لازم يتثبت انو الجانب النفسي مهم كثير في الصحة
ومشككككور مرة تانية

االسلام عليكم ورحمة الله وبركاته

بتمنى حد يساعدني انا متدمرة كتير ونفسي اخلص من هالحياة، تعبانه والله تعبانه
اعلاقتي مع امي بالمرة. امي ما بتحبني بتكرهني لأبعد الحدود مع اني والله بحبها وبشتغللها خدامة ببيتها وعند ولادها دايما بتحسسني بالنقص وبإني ولا شي دايما رأيي غلط هادا لما بكون الي رأي اصلا. بتضربني عالطالعة والنازلة دمرت نفسيتي وفشلت بحياتي كلها بسببها. رغم كل هادا قدرت اني اجيب معدل كويس بالتوجيهي ودخلت الكلية. بس هلأ استفحل الامر عم اتراجع بدراستي وافشل فشل بعد فشل. تعبت والله لدرجة اني حاولت انتحر مرة. بس تراجعت لاني حسيت انو هي يلي لازم تموت مو انا. ما بتزكر اني غلط معها بشي بس هي هيك بتعاملني من وانا صغيرة شو ذنبي يعني ازا كانت عم تواجه مشاكل بشغلها تيجي تفش غلها فيني. المشكلة انو مشاكلها ما بتخلص ليه اني هيك حظي بالدنيا بليز حد بساعدني ويقلي شو اعمل قبل لاهرب من البيت مع اني عملتها بس رجعت وما قدرت اتابع. شو اعمل ساعدوني


يا ريت تفتحو باب التسجيل لاني عم احاول وما بزبط ابدا
شكرا

سامحوني انا كتير متضايقة يا ريت تضيفو ردي بسرعة او تسمحولي اسجل.

حلوة الفكرة ....

بس هدوء فكرك ليش صار المعظم يلجأ للدكاترة النفسيين أيام زمان ما كان هاد الحكي موجود عند أهالينا ....

اقتباس:

---

المشاركة الأصلية كتبت بواسطة هدوء عاصف

هاي مش مشكلة حبيبي هاد أحلى طبع فيك .. :bl (33):

يا ريت الكل متلك .. :SnipeR (49):

بس السؤال هل هالشغله هاي بتضايقك؟؟

---

يسلموا لا بس ايام بحس انو رح تأثر على حياتي العاطفية

اقتباس:

---

المشاركة الأصلية كتبت بواسطة حزينة

سامحوني انا كتير متضايقة يا ريت تضيفو ردي بسرعة او تسمحولي اسجل.

---

ما عم بفهم ليش ما تقدر تسجل ؟؟؟؟؟؟؟؟؟؟؟؟؟

اقتباس:

---

المشاركة الأصلية كتبت بواسطة هدوء عاصف

أعضاء المنتدى الكرام

السلام عليكم

المنتدى الصحي من الأقسام المهمة في المنتدى ككل، ولكن برأيي أنه ينقصه زاوية تحمل إسم (العيادة النفسية)، وهي زاوية تتعلق بالإستشارات النفسية الخاصة بالأعضاء الكرام، فمن تجاربنا في الحياة تعلمنا التغلب على مشاكلنا والتي هي على الأغلب تتكرر معنا جميعا، دعونا ننقل تجاربنا هنا، نساعد من لديه مشكلة نفسية معينة، عاطفية كانت أو اجتماعية أو مشكلة ما في العمل، نطرح أفكارنا فيما واجهناه وبما اتخذنا من قرارات فيه خطوة بخطوة حتى نصل الى الحل.. فللأسف الشديد، المشاكل النفسية هي من أشد المشاكل التي تواجه الشباب في هذه المرحلة..

إذا.. كل من لديه مشكلة نفسية يتفضل بطرحها هنا وسنكون جميعا في خدمته.. ولسنا أطباء ولا خبراء جميعنا يحتاج الى المزيد، واليوم سنجعل من تجاربنا في الحياة بوابة نفسية مفتوحة للجميع ليستفيدوا منا وتتحقق الإستفادة العامة المرجوة.

أتمنى أن تتحقق الفكرة وتلاقي صدى عند الجميع. شكرا لكم :)

---

نفسيتي تعبانه .... وكل يوم عم بضحك ع حالي أكتر وأقنع نفسي انه لأ انا منيحة ...نفسيتي تعبانة فيها عيب ولا حرام هالشي:SnipeR (35):

اقتباس:

---

المشاركة الأصلية كتبت بواسطة بياض الثلج

نفسيتي تعبانه .... وكل يوم عم بضحك ع حالي أكتر وأقنع نفسي انه لأ انا منيحة ...نفسيتي تعبانة فيها عيب ولا حرام هالشي:SnipeR (35):

---

والله ظن انو كل واحد فينا بتجيه ايام يحس نفسيته في الحضيض
بس اذا داومك هالشي بظن انو في عندك مشكلة وانتي مطنشة عليها
لازم تواجهي كل شي وتعيشي كل يوم بيومه

اقتباس:

---

المشاركة الأصلية كتبت بواسطة المتميزة

والله ظن انو كل واحد فينا بتجيه ايام يحس نفسيته في الحضيض
بس اذا داومك هالشي بظن انو في عندك مشكلة وانتي مطنشة عليها
لازم تواجهي كل شي وتعيشي كل يوم بيومه

---

على راسي أيتها المتميزة ... بس أنا واجهتها ... وعم أفشل أكتر
وأكثر ... جد تمكن من الوقوف على قدمي بالمعنى الاستعاري للغة
بعد سنتين من الصدمة الأولى تخطيتها ونجحت في كل شيء الا النسيان
ورغم فشلي فيه لم يعقيني بل ساعدني بالاستمرار للامام
أنهيت دراستي وتخرجت ووووووو حدثت أمور كثيرة منذ انهياري في المرة الأولى ... لم أتوقع ان بيوم سأنتصر على حزني لكن انتصرت وعاودتني الفرحة منذ شهور لم أر مثلها فرحة قاربت أن تكمل سنتها الأولى تلك الفرحة وها هي أغمدت نارها من ثلاثين يوما ...انهرت ببداية الثلاثين وما ان شارفت على انتهاءها قاومت وانتصرت لم أحفل بانتصاري لأني اعتدت الانتصار على الحزن بتقربي من الله ... وها هو عاودني من جديد لأني أحسست أني فشلت بالانتصار الأخير (الثلاثون يوما) كان كذبا على نفسي ...

كيف ومتى والى أين سأصل بنفسيتي المحطمة في فصل الشتاء ؟؟؟

الحمد لله لقيت حل لمشكلتي العاطفية

ممكن سؤال انا اذا ما بحضر فلم رعب او اجنبي بشكل عام بحس حالي مو انسان ما بعرف ليش ........................؟؟؟؟؟؟؟؟؟؟؟؟؟؟

اقتباس:

---

المشاركة الأصلية كتبت بواسطة بياض الثلج

على راسي أيتها المتميزة ... بس أنا واجهتها ... وعم أفشل أكتر
وأكثر ... جد تمكن من الوقوف على قدمي بالمعنى الاستعاري للغة
بعد سنتين من الصدمة الأولى تخطيتها ونجحت في كل شيء الا النسيان
ورغم فشلي فيه لم يعقيني بل ساعدني بالاستمرار للامام
أنهيت دراستي وتخرجت ووووووو حدثت أمور كثيرة منذ انهياري في المرة الأولى ... لم أتوقع ان بيوم سأنتصر على حزني لكن انتصرت وعاودتني الفرحة منذ شهور لم أر مثلها فرحة قاربت أن تكمل سنتها الأولى تلك الفرحة وها هي أغمدت نارها من ثلاثين يوما ...انهرت ببداية الثلاثين وما ان شارفت على انتهاءها قاومت وانتصرت لم أحفل بانتصاري لأني اعتدت الانتصار على الحزن بتقربي من الله ... وها هو عاودني من جديد لأني أحسست أني فشلت بالانتصار الأخير (الثلاثون يوما) كان كذبا على نفسي ...

كيف ومتى والى أين سأصل بنفسيتي المحطمة في فصل الشتاء ؟؟؟

---

اها
بس ما نسمي اللي مريت بيه انتي فشل لا بل هو شجاعة نادرة كثير و خصوصا عند البنات
واللي حصل معك مرة ثانية مقدر انو يصير ومادام انو العلاقة انتهت (منك او منه) فلانها الها اسباب مشان تنتهي وتابعي حياتك لانو انهيارك هاد يدل على انك مازالتي تحبيه ...لا عيشي بعقلك هلا مو قلبك وانسي اللي نساك وحاولي او حبي اللي يحبك
عارفة انو كلام صعب بس والله بتقدري تعمليه لما تكون عندك ارادة ولما تسمعي لعقلك بس

اقتباس:

---

المشاركة الأصلية كتبت بواسطة the Sad man_jordan

ممكن سؤال انا اذا ما بحضر فلم رعب او اجنبي بشكل عام بحس حالي مو انسان ما بعرف ليش ........................؟؟؟؟؟؟؟؟؟؟؟؟؟؟

---

يمكن لانك تعودت تشوفهم دايما

اقتباس:

---

المشاركة الأصلية كتبت بواسطة المتميزة

اها
بس ما نسمي اللي مريت بيه انتي فشل لا بل هو شجاعة نادرة كثير و خصوصا عند البنات
واللي حصل معك مرة ثانية مقدر انو يصير ومادام انو العلاقة انتهت (منك او منه) فلانها الها اسباب مشان تنتهي وتابعي حياتك لانو انهيارك هاد يدل على انك مازالتي تحبيه ...لا عيشي بعقلك هلا مو قلبك وانسي اللي نساك وحاولي او حبي اللي يحبك
عارفة انو كلام صعب بس والله بتقدري تعمليه لما تكون عندك ارادة ولما تسمعي لعقلك بس

---

مرحبا يا اخوان..

بجوز كتيرين لما يسمعوا بكلمة (إرادة) ربما بحسّوا ببعد النتائج!

كلمة تُقــــــــال ويتحمّل عبئها الاكبر صاحب المشكلة فقط.

بس برأيي.. ما رح تنسي إلا اذا عشتي تجربة مشابهة وتكون (ناجحة) وبس (ناجحة).. الكرة في ملعبك واتركي هم النسيان وعبء النسيان، أعيدي الكرّة وبغض النظر عن نوع المشكلة، واجهي مشكلتك بتجربة أخرى ولتكن هذه المرّة (ناجحة)، تعلمي من درسك السابق تلك الأخطاء والعوامل التي أدّت الى فشلك واستعمليها لتكون عوامل نجاح لا عوامل يأس وحسرة..

هاد رأيي وبحسب تجربة سابقة..

أتمنى لك التوفيق.

هدوووووء تجربتي ما كان فيها أخطاء الحمد لله

بس الخطأ اكن في أهله وأهلي ...وأهله سبقوا أهلي ...\

بتعرف يوم ما وصلني الخبر انه خلص كل شي انتهى

ما بكيت وما فرحت ما شعرت بش ولحد الآن

بس تمنيت يومها (يمكن تستغربوا وما تتقبلوا شو تمنيت بس فعلا تتمنيتها) تمنيت أكون بنت شوارع لحتى أهلوا يوافقوا علي ...
تخيل سبب رفضهم اني من طبقة أعلى منهم
والأكتر من هيك ... انه هو كحد ذاته كان بقايا انسان لحد ما تعرفنا ع بعض أبوه خجلان كتيرررررر منه كيف يروح يخطبله بنت العالم والناس وهو مقعد لا حول له ولا قوة ...

وبتحكيلي أعيد الكرة يا هدوء ؟؟؟ مستحيل ...:bl (19):

اقتباس:

---

المشاركة الأصلية كتبت بواسطة بياض الثلج

هدوووووء تجربتي ما كان فيها أخطاء الحمد لله

بس الخطأ اكن في أهله وأهلي ...وأهله سبقوا أهلي ...\

بتعرف يوم ما وصلني الخبر انه خلص كل شي انتهى

ما بكيت وما فرحت ما شعرت بش ولحد الآن

بس تمنيت يومها (يمكن تستغربوا وما تتقبلوا شو تمنيت بس فعلا تتمنيتها) تمنيت أكون بنت شوارع لحتى أهلوا يوافقوا علي ...
تخيل سبب رفضهم اني من طبقة أعلى منهم
والأكتر من هيك ... انه هو كحد ذاته كان بقايا انسان لحد ما تعرفنا ع بعض أبوه خجلان كتيرررررر منه كيف يروح يخطبله بنت العالم والناس وهو مقعد لا حول له ولا قوة ...

وبتحكيلي أعيد الكرة يا هدوء ؟؟؟ مستحيل ...:bl (19):

---

بكتير حالات بكونوا الاهل سبب في تعاسة الأبناء..

بجوز كونهم ما بقدروا الحب وشو يعني انو الشب او البنت حب
رغم انهم مرّوا بنفس التجربة سابقا..!

معلش هنــــــاء ربما ربنا اختارلك الأحسن.. بس اذا ولا بد وانتهت العلاقة نهائيــــــــا وما عاد فيه أمل، ترجعي وتفكري بواحد تاني يكون أليق فيكِ.. بجوز مش ذنبه هو بس هيك ربنا قسم ومش كل اللي حبّوا اخدوا اللي بدهم اياه..

لنــــــــا لقاء ومعلش بدي استشير خبير وببقى برجع بردلك خبر..

اقتباس:

---

المشاركة الأصلية كتبت بواسطة المتميزة

يمكن لانك تعودت تشوفهم دايما

---

ما بتوقع والله

[align=center]
نفسيتي تعبانه .... وكل يوم عم بضحك ع حالي أكتر وأقنع نفسي انه لأ انا منيحة ...نفسيتي تعبانة فيها عيب ولا حرام هالشيhttp://www.al79n.com/vb/images/smili...peR%20(35).gif



أختي بياض الثلج مسّــــــاك الله بالخير

بحثت جاهدا وسألت من أصحاب الخبرة ما سألت وكان الإتفاق بالإجماع على علاج ما يوصف بـ(تحطم المزاج) بما يلي:

النفسية المحطمة لها صفة واحدة رئيسية وهي أنك يجب أن تكون على حذر عندما تفكر فيما يكمن عمله لهزيمتها، فتحطم المزاج وتقلبه بإمكانه أن يغذي نفسه. بكلمات أخرى، قد تصاب بتحطم النفسية ثم تكتئب ثم تكتئب أكثر لكونك مصابا بتحطم النفسية. الأفكار السلبية تصبح أمرا يحدث من تلقاء نفسه ومن العسير عليك أن تقاومها. كونك في حالة مصغّرة من الاكتئاب قد يكون عندها في حد ذاته مشكلة أكبر من الصعوبات التي تسببت في حدوثها في البداية. من المهم جدا أن تتذكر أنه ليس هناك في الحياة حلول فورية للمشاكل. حل المشاكل يستغرق وقتا وطاقة وجهدا. عندما تشعر بتحطم المزاج والنفسية فإنك قد لا تشعر بالنشاط أو الرغبة في العمل، لكنك إذا كان بإمكانك أن تأخذ دورا فعالا في علاجك ، على سبيل المثال عن طريق المشاركة في العلاج بالحوار فقد يساعدك هذا على التغلب على موقفك. إنه من الضروري أن تحاول أن تتخلص من سيطرة تحطم المزاج عليك. تحتاج إلى أن تكسر طوق الأفكار السلبية. حاول أن تتنبه إلى تلك الأفكار عندما تفكر فيها واستبدلها بنشاط أكثر فائدة. ابحث عن أشياء تفعلها لتشغل دماغك. مع أن قد لا تحب هذا فإن تشجيع نفسك على الانخراط في أنشطة جسدية أمر له دور كبير في العلاج. ممارسة الرياضة والجري وركوب الدراجة وحتى المشي السريع قد يطلق مواد كيميائية في الدماغ يطلق عليها الإندورفينات، مما يساعدك على الشعور شعورا أفضل. أنت تحتاج إلى القيام بالأمور التي ستحسن الطريقة التي تشعر بها نحو نفسك. حاول أن تعامل نفسك معاملة حسنة. أنت تحتاج أن تعتني بنفسك جسديا: تغذى جيدا وتمرن ولا تؤذِ جسدك بالتدخين أو الكحول أو غيره من المخدرات. أولِ عناية لمظهرك الخارجي، وامنح نفسك بعض العطايا المبهجة.


أتمنى ان أكون قد وفقت..

حاولت التركيز على حل المشكلة لا أن اناقشك فيها أكثر، لإنني وكما رأيت أن تناسيك لهمومك وتركها جانبا لبعض الوقت قد يكسبك وقتـــــا إضافيا وسرعة في شفاء نفسيتك المحطمة ومزاجك المُعكّــــــــر..

تحياتي
[/align]

وضعي مثل العمى ومحبط لدرجة لا توصف

اقتباس:

---

المشاركة الأصلية كتبت بواسطة abdullah al shurafa

وضعي مثل العمى ومحبط لدرجة لا توصف

---

توكل على الله ومتل ما قلت لهناء قبل شي يومين

واجه مشكلتك بتكرار السبب ولكن دون فشل

وقتها بس رح تنسى همك وتنسى اي فشل اصابك

بجوز تكون متضايق بسبب الامتحانات بس على كلٍ الايام جاية وكل شي بتعوض وما تنسى انو الصحة ما بتتعوض ابدا، فاهتم بصتحك بإنك ما يصيبك الاحباط مهما كان.. الاحباط من احد اهم العوامل اللي بتقود حالتك النفسية الى (حالة مرضية)..

اقتباس:

---

المشاركة الأصلية كتبت بواسطة هدوء عاصف

توكل على الله ومتل ما قلت لهناء قبل شي يومين

واجه مشكلتك بتكرار السبب ولكن دون فشل

وقتها بس رح تنسى همك وتنسى اي فشل اصابك

بجوز تكون متضايق بسبب الامتحانات بس على كلٍ الايام جاية وكل شي بتعوض وما تنسى انو الصحة ما بتتعوض ابدا، فاهتم بصتحك بإنك ما يصيبك الاحباط مهما كان.. الاحباط من احد اهم العوامل اللي بتقود حالتك النفسية الى (حالة مرضية)..

---

مش عارف تعبان وقرفان نفسي http://cdn.content.sweetim.com/sim/c...s/00020461.gif بس مش قادر

سلامة عيونك من البكـــــــا

طيب بتقدر تروح هلأ تنام وتصبّح الصبح بمزاج احسن..

اصرف تفكيرك عن كل شي بسببلك الزعل وما تفكر بإمتحان اليوم أوك..

حاول وبدك تحاول هاد اذا كنت حابب ترتاح..