ليالي لبنان
المقادير :
أربع أكواب حليب - كوب سميد ناعم - نص كوب سكر - علبه قشطه - فستق حلبي مطحون ( للتزيين ) .
قطر ( أو شربات ) : كوبان من السكر - كوب ماء - نقط من ماء الزهر - ملعقه صغيرة من حامض الليمون ( عند التقديم )
الطريقه :
بتجيبوا طنجره وبتحطوها على النار وبتحطوا فيها الحليب
وطبعا لازم تضلكم تحركوا بالحليب عشان ما يلزق بأسفل الطنجره
هيك بتضلوا لحتى يغلي الحليب
بعدين بتجيبوا السميد والسكر وبتحطوهم فوق الحليب
وبتضلكم تحركوا
وتحركوا
وتحركوا
لحتى تجمد المكونات مو تصير كتير جامده لأ بتكون شوي فيها طراوة
بتجيبوا صينية وبتحطوها فيها
وبتتركوها عشر دقايق بره وبعدين بتغطوها وفي التلاجه عشان تبرد
وقت ما تحبوا تأكلوها بتجيبوا علبه القشطه وبتدهنوا شوي على وجه الصينيه
وبعدين بترشوا الفستق الحلبي وبتصبوا القطر ( الشربات ) عليها
وصحتين وعافيه
رد مع اقتباس
المشاركة الأصلية كتبت بواسطة العالي عالي
.gif "SnipeR (62)")
مواقع النشر (المفضلة)