محطات الباص في الأردن والعالم

[دموع الغصون]

موضوع عجبني كتير بس أكيد ما فيني انقل شي وفرجيكم شي بدون ما نحسب حساب بلدنا الأردن

بالبداية بدنا ناخد جوله بالأردن وبعدين نروح نشوف باقي الدول كيف وضعها
ما تفكرو هالشي بعكس صورة مو منيحه عن الأردن بس هاد الواقع الخطأ وين ... ؟


الأردن








امريكا








ألمانيا





ايطاليا




الامارت العربية المتحدة



فنلنده



البرازيل



هولندا



دبي



فرنسا



الصين



ماليزيا



جنوب أفريقيا



بلجيكا



اليونان



سويسرا



بانكوك



الهند

[(dodo)]

ييييييي احنا عنجد دايما بنختلف عن الكل فعلا الحق على المسؤولين مافي عنا رقابة عنجد ليش هيك


احلى اشي هدول الصور والله يا هيك المواقف يا بلاش الواحد يشتهي انو يضل يستنى ما يروح





يسلمو دموع ​

[&روان&]

احنا بدنا ننام والا روح


يسلمو دموع

[محمد العزام]

مش عارف وين الخطا دموع ....هو الشعب نفسه مابيلبق لاله اشي والا حكوماتنا مقصرة بحقنا ...والله بطل في شي مفهوم بهالبلد


مشكورة

[صديقه بنت الشديفات]

يعني ليش الحق دايما علينا ..

بعدين مو كل المواقف بـ الاردن هيك في شي حلو ..

وكل بلد حسب امكانياته ..


يسلمو دموع

[هدوء عاصف]

يعني صحيح فيه مواقف بالأردن كويسة وماشي حالها بس لا بد من ذكر الأسوأ لحتى ما ننسى انو فيه عنا شغلات بهالبلد غير صالحة للإستعمال البشري ونحاول نصلح ، نسبة كبيرة من دول العالم بتدوّر على رفاهية المواطن وراحته ، الموضوع ما بتعلق بالمصاري والميزانيات لإنو هالمواقف غير مكلفة مقارنه بالجسور والأنفاق والعمران ، يأسفني انو يكون الحال في الأردن سيء في حين انو الحكومات المتعاقبة في الأردن ساهمت بشكل كبير في نهضة العمران في عمان والمناطق فليش ما ساهمت ايضاً بترفيه المواطن اللي جيبته هي مصدر اموال الدولة!!

مشكورة دموع موضوع رائع

[دموع الغصون]

مشكورين جميعاً على المرور والتعليقات الجميلة
لكن يا جماعه انا حابه احكيلكو شغله صارت معي انا شخصياً
هلا بالجروب تاعنا بضم مجموعة شباب وصبايا بمحتلف المراحل العمرية بالصيف بنعمل تخييم ورحلات كشفيه فانا بالصيف الماضي كنت مشرفه نهاريه مع طلاب المدارس و كان تخييم لمدة اسبوع باحدا المدن الأردنية
كان التخييم لعدة أهداف منها دراسة حاجة المنطقة و محاولة تنمية المجتمع المحلي من خلال امكانياتنا المتاحة ومن خلال ربط المؤسسات مع المجتمعات المحليه بمساعدة عدة جهات رسميه ومن المجتمع المحلي
فباليوم يلي انا كنت في كنا بمنطقة كتير حلوه و طبيعتها رهيبه لكنها بتفتقر للخدمات و أهم شي النظافه ما في نظافه بالمنطقة ولا اهتمام فكانت الفكره انه نحفز المجتمع قدر الامكان الاهتمام بالنظافه لتعكس صورة حضاريه لزوار المنطقة فنطرحت فكره من خلال تأمين المنطقة باداوت خاصة لجمع المهملات وتصنيفها حسب النوع ليتم استغلاها و سهولة وكمان الحفاظ على طبيعة المنطقة
اشتغلنا على هالموضوع لاشهر دبرنا منحه وامنا الموضوع و تم تجهيز المكان بشهر 1 /2012 .. بنصدم من اسبوع وصلنا خبر انه كل شي طار .. شي نسرق وشي تكسر وشي مابعرف وين راح
طيب يلي بنطبق على هالموضوع بتصور بنطبق على جميع المرافق العامة
الخطأ مشترك أولاً على الشعب تانياً على المسؤولين في حاجة وفقر من المجتمع وفي اهمال من المسؤولين
محورنا الموضوع كتير لاتجاهات كبيره
لكن بنوصل لنتيجة انه الموضوع نسبي مافينا نعمم أو نخص