المحطات الاذاعية

[محمد العزام]

حاب اطرح عليكم موضوع ما بعرف اذا اتناقش قبل هيك او لا
بس بصراحة وانا اليوم مروح كنت بسمع لاحد المحطات الاذاعية (اذاعة أمن fm )
ولفت انتباهي مواطن كان بيحكي عن شارع وما عليه اشارات مرور وحكى المواطن انو حكى مع نفس الاذاعة قبل اسبوع واعطاهم نفس الملاحظة ولكن بدون فايدة فالشارع لسة ما اتغير عليه اشي وخلال هالفترة صار في حوادث على نفس الشارع بالاخر حكى مقدم البرنامج انو وظيفة البرنامج هي فقط تمرير الملاحظة على المسؤولين فقط لا اكثر ومن غير اي متابعة بعد تمريرها

انا يا اخواني ويا خواتي حاب استشيركم واخذ بارائكم بالنسبة لمثل هيك برامج او محطات اذاعية على اختلافها
هل بالفعل استطاعت ان تحل مشاكل المواطنين كما تدعي او العكس


بتمنى التفاعل منكم

[Ahmad zo3bi]

بعتقد انهم بساهموا بحل بعض المشاكل المقدور على حلها .... وحتى اذا ما استطاعوا حلها بيكون لفت انتباه المسؤولين للمشكلة ووصل صوت انسان حاب يلفت نظر المسؤولين لمشكلته...لكن بصراحة هاي البرامج هي المتنفس الوحيد لتحكي مشكلتك واثبتت جدارتها في بعض المواقف وخيبتها في البعض الاخر ...بس كأنطباع فهي برامج لمصلحة المواطن

شكرا محمد

[محمد العزام]

اقتباس:
المشاركة الأصلية كتبت بواسطة Ahmad zo3bi
بعتقد انهم بساهموا بحل بعض المشاكل المقدور على حلها .... وحتى اذا ما استطاعوا حلها بيكون لفت انتباه المسؤولين للمشكلة ووصل صوت انسان حاب يلفت نظر المسؤولين لمشكلته...لكن بصراحة هاي البرامج هي المتنفس الوحيد لتحكي مشكلتك واثبتت جدارتها في بعض المواقف وخيبتها في البعض الاخر ...بس كأنطباع فهي برامج لمصلحة المواطن

شكرا محمد



اول شي شكرا احمد على مرورك
ثاني شي صح هي المتنفس الوحيد وانا كنت شايفها هيك بس كبداية نشوء اي برنامج يعني لما يبلشوا بالفعل بتكون تحل مشاكل بس بعدين اول باول بتصير برامج عادية شغل تقديم اغاني وعروض ودعايات مش اكثر يعني بتبلش تنسى المواطن ومشاكلوا حتى بصر الوقت المحدد لمناقشة مشاكل المواطن تنقص

يعني انا مثل ما حكيت عن اللي سمعتو اليوم انو الوظيفة كانت فقط تمرير المشاكل مش اكثر من غير متابعة احنا كبلد من الاردن لسة في عهد التطور والنمو لازم يكون في متابعة للمؤسسات لحتى تقوم باعمالها على اتم وجه
ولو كانت فقط تمرير المشاكل اذا ما في داعي لهيك برامج رح هالمؤسسات تقوم باعمالها من غير ما حد يحكيلها

[زهره التوليب]

مزبوط متل ماحكى احمد...شغلتهم بس لفت النظر لهاي المشاكل
لكن ماعندهم السلطه انهم يتابعوا شو الي بصير