السلام عليكم ورحمة الله وبركاته
مواضيع لازم تنطرح وتتناقش باحترام:
انتو اكيد كلكم زهقتوا من وضع المنتدى والي عم بصير فانا قررت ولو لساعة تنناقش بموض تزبيط امور المنتدى لأنه الكل قرف يفوته وهلأ رح ابلش بمشاكل واعطاء حلول الها لقيتها مناسبة ومشكورين جميع الي ساعدوني بطرحه...
المشاكل والحلول:
1. محمد القاسيمة :
قبل مدة نزل محمد موضوع لتطوير المنتدى وتحسينه وما لاقى قبول من أي جهة أو أي حد من الإداريين ولا أي عضو من الأعضاء أتعامل مع الموضوع بجدية، كان بس بالنسبة الهم اقرأ واستمتع، حب يطور ويزبط المنتدى وانتوا ما تحركتوا وكأنوا ما حكى، صح هو ما أتكلم بأمور واضحة بس الإداريين همي من أول الناس إلي ما تابعت الموضوع ليتكلم ويلاقي ناس متابعته أو مشجعته أو مقدمة معلومة اله مفيدة، موجود بالمنتدى 6 إداريين (غسان ، مها ، محمد ، محمود ، زهرة ، حسان) وظروفهم انه (زهرة) غايبة ع طول (حسان) بيجي بالمواضيع الرسمية (مها) ع طول مشغولة بإمتحانتها، ما في غير (عالي وهدوء) ع طول متواجدين بداخل المنتدى بس برضه عالي وهدوء ما شجعه الموضوع، لو كان في تفاعل جدي من قبل الأعضاء كان الشب ما انسحب من الموضوع وحس انه بقدم شيء ما اله قيمة وغير فعال، فكرتي إلي بدي أوصلها للأعضاء انه أي عضو مو متحمس لأي فكرة بتنطرح ع الأقلية يعطي احترام وتقدير لفكرة الشخص الموضوعة والتوصل معه لنهاية الموضوع ليعرف الغاية منها، المطلوب بالنسبة لموضوع عمار القسايمة بالتحديد (الحل) : أي موضوع جديد بينطرح ع الأقلية ينعمله تثبيت وانه ياخذ وقت بشكل رسمي لمدة أسبوع ويتفعل وندخله ليظل على المشاركات الجديدة حتى يشوفه كل الأعضاء وبعدين ينشال من التثبيت لتوصل الفكرة للجميع وأنا وكل عضو فعال ومن كبار الشخصيات والمشرفين وأي حد بدو يطور المنتدى يدخل عليه ويشارك ويحاور الكاتب حتى يتوصل لفكرته إلي بدو يطرحها
وهاد برأيي حل مناسب للفت انتباه كل الأعضاء.
2. التميز :
أنا برأيي ما يكونوا محطوطين لمين عنده عدد المشاركات زيادة، و موضوعه في مشاركات من قبل الأعضاء زيادة، ومشرف تواجده دائم، لأنه صار في تحدي بعدد المشاركات ومين بيزيدها حتى يوصل للتميز (وأنا من الأعضاء هدول)، أو يحطوا كلام أي أشي ليزيدوا عدد مشاركتهم، المطلوب بالنسبة لموضوع التميز بالتحديد (الحل) : انه انزل موضوع اسمه تميز أسبوعي {برشح 3 أعضاء مميزين هاد الأسبوع والي بتكرر اسمه بأكتر من رد للأعضاء (يعني من اختيارهم) هو العضو المميز، وبرضه الإشراف برشح 3 مشرفين مميزين هاد الأسبوع والي بتكرر اسمه بأكتر من رد للأعضاء (يعني من اختيارهم) هو المشرف المميز، وبرضه المواضيع برشح 3 مواضيع مميزين هاد الأسبوع والي بتكرر اسم موضوعه باكتر من رد للأعضاء (يعني من اختيارهم) هو الموضوع المميز}، وأنا بالموضوع بكتب أسماء تقديرية للأعضاء المميزين لهاد الأسبوع، والاختيار يكون منهم أن كان أشراف أو مواضيع أو مشرفين، وأنا رح أكون ملمة بهيك موضوع وبيكون القرار بإيد الأعضاء يعني كل واحد بكون إله رأي في التميز وعلى أساس يتغير العضو المميز والموضوع والمشرف كل أسبوع وبرأيي مهلة احترامية للتميز.
3. الأعضاء الجدد :
القصة انه صار في كتير ناس تدخل أما تسيء للأعضاء وإما تكون عنصرية وإما تسيء للمنتدى وصورته أو تتفلسف مع الاقدميين بحكم أنهم عاساس قال يعني بيعرفوهم من سنوات المطلوب بالنسبة لموضوع الأعضاء الجدد بالتحديد (الحل) : همي حلين :
أ) أول ما يدخل العضو لازم يشارك 5 مشاركات لحتى يصير عضو وبرأيي لما يكون هناك 5 مشاركات بيكتب أي شي ليدخل على الموضوع ويفك الروابط الموضوعة ليقرأ إلي بده إياه ويعمله كوبي ويروح (الحل) : ما يكون في هناك أي مشاركات لفك الروابط لأنه هيك هيك رح يكتب الخمس مشاركات وبفك الروابط ورح يفكهم فبلى المشاركات أبدا لفك الروابط.
ب) أي عضو جديد بيظل لقبه عضو جديد وتحت محور الأعضاء المراقبين لمدة ما يتعدى 120 مشاركة وأي رد بدايق أو يعتبر أهانه أو تدخل أو مسيء بنحذف رده لأنه بتبين بحكم مراقبته الدائمة (يعني مش يكتب 50 مشاركة ويصير عضو نشيط، وبعدين 80 مشاركة ويصير من كبار الشخصيات) يعني في ناس هون ألها أقدمية وبعد 120 مشاركة بتغير لقبه وبس يوصل ل 4000 مشاركة بصير من كبار الشخصيات يعني يكون متواجد دائم وإنسان مو سيء.
4. الألقاب :
انه مش كل شخص يدخل يصير مدير أو مشرف أو من كبار الشخصيات وهاد تابع لموضوع ما بين (120/4000) مشاركة للترقية من عضو جديد إلى باقي الألقاب.
5. غياب الأعضاء :
لما يغيب عضو مميز عن المنتدى المفروض تفوت وتحكي انك استفقدتله وهيك الأعضاء بتتقرب من بعض ويصيروا يحسوا بأهميتهم في المنتدى يعني (توطيد العلاقات).
"وبعد هيك إلي ينفذ المطلوبات بنقدمله شي بيدل على الشكر والتقدير ونعمل شي مميز تحت اسمه يعني (ملك المنتدى) لمدة أسبوع
وهيك بيتشجعوا الأعضاء إحنا ما بدنا بس اقتراحات إحنا بدنا التنفيذ وبدنا توافقوا وتوافقوا أكيد وتكون اقتراحاتنا أوامر لازم تتنفذ"
لازم المواضيع هاي تتناقش من هون للجمعة لأنه من السبت رح نبلش من أول يوم بالاسبوع وهو "الاحد"...
"ودمتم شاكرين"
رد: اجتماع نهائي
.gif "SnipeR (48)")
.gif "SnipeR (27)")
.gif "SnipeR (12)")
المشاركة الأصلية كتبت بواسطة The Gentle Man
.gif "SnipeR (99)")
مواقع النشر (المفضلة)