مرحــبــاً محمـــد ^^

[هدوء عاصف]

الساعة 3:48 فجراً ..

بصوته الحنون الناعم اللطيف ..
- مرحبا محمد ؟
<< واحد من تنين , يا أما انو أطرش , يا أما غبي ,,
معقولة أنا صوتي زي صوت محمد ؟!!

الساعة 12:55ليلاً ..

صوت باجر ,, لأ صوت خلّاط ,,
لالالا ياربي هو بيشبه صوت آدمي بس يمكن صارلها السيجارة في تمه سبعين سنة !
- أبـــو أحـمــد معي؟
<< لأ غلطان أم محمد !

الساعة 8:31 مساءاً
صوته النغش الواد الحمش ..
- كيفك هبة ؟
سبحان الله بقدرة قادر بطلع أنا مش هبة !!
بعد شوي بيرجع ...
- مرحبا ربى
كمان بقدرة قادر بطلع مش ربى !!

وحتى يرتاح موبايلي ,,و وحتى يرتاح راسي ,, ولحتى البطارية ما تفضى ,,
الموبايل على وضع لا رنين , لا اهتزاز
في اليوم التالي :
( 21 مكالمات لم يرد عليها )
غير الكلام الطالع نازل برات الخطوط الحمر والفسفوري كمان بعد هبة وربا
ول !! ,, ما عنده إرادة ولا تصميم على ما يبدو بس 21 !!!

يا عمي لما تقرر تجري مكالماتك الرومانسية اللطيفة ,,
ولا العاجلة بنص الليل تأكد انو الرقم صحصح !

هاد من ناحية المكالمات الخطأ ,, إن كانت خطأ طبعاً
أما النص التاني المتعلق بالنص الأول ,,
هو المعاكسات الهاتفية

واحد بيطلع بدو يتعرف
وواحد بيطلع بده يشكي ويبكي
وواحد وواحد وواحد .... خلينا نقول عشرطعشر واحد ..

- كيف ممكن تتصرفـ \ي إذا طلع لك واحد أو وحدة بدهم يتسلو أو بعاكسوا ؟
- لو طلع لك واحد او وحدة بنص الليل أو وجه الفجر بده محمد شو بيكون موقفك .. ( أنا سكرت التلفون بعدها قلت منك لله انت ومحمد تبعك بنفس الوقت على هالرعبة ! )

-لو رقم غريب , أو رقم خاص لبس تلفونك لبس ,, وما عاد يفكه .. شو بتعمل معه ؟.
- يعني معقول واحد يتصل في نص الليل غلطان برقم صاحبه ,
خاصّة انو التلفونات الحديثة كلها فيها خاصّية حفظ الرقم مع الإسم ,, !

احكوا رأيكم في هاد الشيء
وقصصكم مع المعاكسات الهاتفية .. شو رأيكو وشو عندكو ؟ ^^

ملاحظة .. كل ما ورد فوق ,, ليس من نسج الخيال

أشكر اختي "اقرأ أخيا" .. على الإعداد الجميل