رحيل حكومة البخيت خلال أسابيع .. وتغييرات مرتقبة في الدولة

[هدوء عاصف]

رحيل حكومة البخيت خلال أسابيع .. وتغييرات مرتقبة في الدولة




رجحت مصادر رسمية رحيل حكومة الدكتور معروف البخيت خلال الأسابيع المقبلة أو على ابعد تقدير خلال تشرين أول المقبل .على أن يكلف جلالة الملك إحدى الشخصيات تشكيل حكومة انتقالية لإجراء انتخابات برلمانية مبكرة وفق التعديلات الدستورية وقانون الانتخاب الجديد .

ورجحت المصادر أن تقوم حكومة البخيت قبل رحيلها بإصدار قرار غير شعبي بأن ترفع أسعار المشتقات النفطية لسد عجز الموازنة .

وأشارت المصادر إلى أن جلالة الملك عبدالله الثاني بدا مستاء فور عودته من إجازته الخاصة إلى ارض الوطن من الأحداث التي وقعت في المملكة خاصة اعتداءات بعض رجال الأمن على معتصمين وصحفيين في ساحة النخيل يوم الجمعة 15 تموز 2011 .

وبينت المصادر أن التغييرات ستشمل مسؤولين كبارا في الدولة خلال الفترة المقبلة .

وبينت المصادر أن رئيس الديوان الملكي الدكتور خالد الكركي أو فايز الطراونة من الشخصيات الأوفر حظا لتشكيل الحكومة المقبلة ، فيما أشارت ذات المصادر إلى احتمالية تعيين فيصل الفايز أو حسين هزاع المجالي رئيسا للديوان الملكي أو وزيرا للبلاط ، مؤكدة بذات الوقت ان بورصة الأسماء تبقى متغيرة وقرار حسمها بيد جلالة الملك .

[هدوء عاصف]

يعني رح يرفع اسعار المحروقات قبل رحيله لسد عجز الموازنة ، برأيي لما توصل الحكومة لرفع اسعار الحاجات الأساسية للمواطن لسد عجز الموازنة في حين بنشوف بالدولة مشاريع ضخمة عم تتنفذ فهاد بدل على عدم مسؤولية وانو فيه فساد ، وبالنسبة لحكومته ما بختلف اثنين على وجود الفساد بين الحقائب في وزاراته ، ومشكلته انو بعالج الأخطاء اللي بتصير بأخطاء أخرى ، الحراك الشعبي اللي صار ما صار من فراغ رغم اني ضده ، لكن هالحكومة لازم تزول .
بس السؤال ، هل الرئيس اللي بعده على قدر المسؤولية اللي بتفرض عليه اصلاح ما تسبب به من كان قبله؟؟؟

[(dodo)]

الله اعلم
الله يجيب الّي في الخير

[العقيق الاحمر]

انا برأيي كله محصل بعضه وخصوصاً لو تم تعين احد رئساء الوزراء السابقين
يعني لازم يرفع اسعار المحروقات قبل ما يتهي خدمته؟؟!!
حسبنا الله ونعم الوكيل

الله يجيب اللي فيه الخير

يسلمووو على المعلومات هدوء عاصف

[Blackangel]

بشكرك على الموضوع


ومستغرب ليه هيك راح يعمل رئيس الوزراء

الله يسامحه فوق أنه الوضع مزري للغاية


سؤالك رائع وحكيم
يارب يكون الوزير الجديد يراعي أمور الشعب أكثر ما يرعي

أمور الشخصية لأنه بصراحة كل وزير بيجي بوعدنا بتغير جديد

وبعد فترة بنشوف أمور مخبية وبتطلع مرة وحده شو السبب

علمها عند الله يعطيك ألف عافية

[هدوء عاصف]

بشكرك على الموضوع


ومستغرب ليه هيك راح يعمل رئيس الوزراء

الله يسامحه فوق أنه الوضع مزري للغاية


سؤالك رائع وحكيم
يارب يكون الوزير الجديد يراعي أمور الشعب أكثر ما يرعي

أمور الشخصية لأنه بصراحة كل وزير بيجي بوعدنا بتغير جديد

وبعد فترة بنشوف أمور مخبية وبتطلع مرة وحده شو السبب

علمها عند الله يعطيك ألف عافية

لإنو يا صاحبي الكل بدو يلهف على ظهر هالشعب ، كإنو هالشعب ناقصه يصرف على الحكومة ، بدي حدا يقلي احنا يا هالشعب شو مستفيدين من الحكومة؟ بندفع ضرايب متل النُظُم الرأسمالية وما بنشوف تحسُّن في الخدمات ولا حتى بقيمتنا كمواطنين في دولة مؤسسات ، ليش انا أدفع فاتورة إنارة طريق اربد عمّان ولا كهربة شارع الأردن؟ ليش أدفع دينار لتلفزيون يفتقر لأدنى المقومات؟ ليش ادفع للجامعات وبأفقر الدول التعليم بكون مجّاني؟ ليش ادفع رسوم انترنت في الجامعة وما استخدمه؟ ليش ادفع ضرايب للمطعم لما بدي اتسمم بوحدة منها؟ ليش ادفع بدل ارتفاع اسعار المحروقات وحكومتنا بنعرف كلنا انها بتحصل على الدعم بمئات الملايين من الدول المانحة سنوياً؟؟؟ ليش ما بحصل على تأمين شامل إلا اذا كنت خادم دوائر الدولة وين حقّي كإنسان؟ ليش لما بتعالج على حسابي بقصّوني قص زي اللي لقيوا لقية يلهفوا منها؟ وين حقي كبني آدم؟ شو اخبار الواسطة شو صار فيها؟ وشو اخبار حكومتنا مع القضاء على الفساد؟

وهاد نقطة في فيض علامات الإستفهام الموجهة للحكومة .. انا كمواطن من حقّي اعترض على عيشة الذل اللي بتعيشنا اياها الحكومات المتعاقبة ..

بشكرك عزيزي على مرورك أسعدني حقاً تواجدك هنا

[Blackangel]

بصراحة أكثر معك حق في تلك الأمور

التي ذكرتها بنسبة لي المهم شي واحد

نعيش في أمان وأستقرر رغم أنه في فقراء كثير

بتعاني من نقص التأمين في المستشفيات

ونقص بعض الأشياء والأساسيات المهمة

سؤالي للحكومة ولكل فرد في هذا الوطن الغالي

إلى متى راح يبقى الحال هيك متى راح نغير طريقة معاملتنا

ولوم أنفسنا والحكومة هل أختيارنا للحكومة خطاء أم أختيارنا

لمجلس النواب خطاء إلي لزم يسمعونا ويحلو مشاكلنا

بصراحة أجد بعض النواب يحبون العزائم أكثر ما يحبون الخير لشعب

ويركبون سيارات فاخرة المهم المناظر عندهم وليس الجواهر سبحان الله

الله يهدي حكومتنا الرشيدة وما تخلينا على الحديدة

مودتي لك هدوء

[هدوء عاصف]

انا ما بدي اشهّر بس هدول هن نوابنا واعياننا ، اذا مش ماديا معنويا:



بعتذر .. بس هاد هو الحال مع حكومتنا ، نايمة وبتشخور ..

ان شاء الله يتصلّح الحال ..

كل التقدير والإحترام لك ايها الملاك ..

[دموع الغصون]

بتصور الوضح مارح ينحل لا بوجود حكومة البخيت ولا برحيلها
وصلنا لمرحله بدنا حل جذري بدنا نحارب الفساد من جذوره مو ظاهرياً بدنا وعي سياسي أكتر بما يرضي الله وتحت مظلة القانون بدنا نواجه الموقف بكل شجاعه ونحارب الأنانيه والمصالح الشخصية حكومة البخيت كان الها دور بارز وبرأيي الشخصي حكومة ناجحه جداً هي اجت بوقت حرج وكانت مهمتها مضاعفه عن اي حكومة سبقتها كانت بتصلح تراكمات الفساد والنهب والسرقه القديمه وكانت عم تتقدم وبنفس الوقت لا ننسى التدخل الخارجي والثورات العربية وللاسف استغلال بعض جهات هذا الوضع لمحاولة العبث بهذا الوطن .. لكن لوعي الحكومة ولوعي المواطن الأردني تحدى الظروف واجى على حاله مقابل يحافظ على هالوطن مواطنا مظلوم وحكومتنا مظلومه ما بننكر ان تقدمها كان بطيئ الاجراءات كانت مقيده نتائج غير ملموسه لكن على الاقل قدرت تحافظ على الوضع وتخليه مستقر
مافينا نحكي كل الحكومة انجزت او صالحة ومابدها اي محاربة للفساد ووضعهم تمام التمام ما فينا نعمم او نحصر لكن على الاغلب الخير بخص والشر بعم وبتصور الشجره المثمره دائما بترمى بالحجاره
سواء البخيت او غيره المفروض الكل بخاف على هالوطن متل ما بخاف على حاله
بنتمنى تكون الحكومة الجديده قادره على توفير اهم احتياجات المواطن الأردني لكنها مستحيل ترضي الكل لأنه سبق وحكيت لازمنا اجتثاث الفساد بدأ من المناصب الكبيره كمان نبعد المفسدين الي عم يحاولو ينشرو الفتن بالشارع عن طريق الاعتصامات المموله من مصادر مجهولة
اما بالنسبه للنواب فنوم الهنا يارب كفو ووفو طعمو العالم مناسف وكنافه الجماعه عملو الي عليهم الباقي على الشعب والمواطن ينتخبهم بالدوره الجايه
هدوء عاصف
مشكور على الموضوع الرائع
ننتظر جديدك بشوق
ودي