من مجتمعنا ..|~ الشباب ومدارس البنات

[دموع الغصون]

من مجتمعنا ..|~
سلسلة حوارات هادفة تنتمنى أن نصلى إلى نقطة توافق بالرأي
بدأنا بـ من مجتمعنا ~ | .. أغرب شروط الزواج

سأطرح اليوم قضية لفتت انتباهي بالرغم من شيوعها و أصبحت مع الزمن روتين اجتماعي وبرستيج و وواقع
رح نرجع شوي لايام المدرسه
كتير بنشوف قدام مدرسة البنات طلاب من مدرسة الشباب ظاهره منتشره ومعروفه
بطنشو اخر كم حصه او بطنشو اليوم كامل بس ليوقفو قدام مدرسة البنات
هلا رح ناقش هالقضية لنعرف الاسباب من وجهة نظرنا الشخصية ونحاول نحط ايدنا على الجرح بس صعب نضمده

الخطأ وين
-بالأهل والبنيه الاساسية للمجتمع ؟؟
- بنظام التربية والتعليم ؟؟
- بالبنات ؟؟
- بالشباب ؟؟

ليه هالظاهره منتشره كتير بمجتمعنا ؟؟
بنظرك شو بحد من هالظاهره وبقلل من خطورتها ؟؟

عم رنتظر اراء الجميع

[دموع الغصون]

هلا أنا برأيي الخطأ الأساسي على الأسرة بالتنشئة والتكوين و المبادئ والقيم المكتسبه والموروثه من المجتمع
في خطأ على رفاق السوء و المتابعه والتقيم من الأهل و في خطأ على البنات وبرجع هاد كله للاسره سواء كان بنت او شب

منتشره هالظاهره نتيجة نظرة المجتمع القمعيه والعيب و الممنوع وغياب المبدأ والقيم و القدوة الحسنة اجتمعت كل هالاثار السلبية كمان ممكن يكون نظام التعليم قمعي مافي توعيه مافي تخير للطالب ليختار هو الصح من الغلط مافي ديمقراطيه اجتماعيه
الحل برأيي نعيد تكوين المجتمع ونعطي الفرد حرية القرار و يعرف الصح من الغلط بقراره هو هلا بمرحلة عمريه بحاجة لاكتشاف الجنس الآخر لاثبات الذات لهيك نعطيه هالمجال تحت المجهر الاجتماعي مو خلف ستار النظرة الاجتماعيه الموروثه

[(dodo)]

كتير بنشوف الشباب قدام مدارس البنات
وكتير شفنا ايام التوجيهي بنات صف سابع واتامن كل وحدة ماسكيتلها شب وبيتمشو ورى المدرسة
او تكون هي بالمدرسة وهو برة المدرسة وبيحكو مع بعض تلفونات وبيأشروا لبعض

الخطأ هو من كل النواحي من التربية ومن الشباب والبنات
وبرضو الخطأ لما يكونو مدرستين جنب بعض شباب وبنات ساعتيها هيك دمار شامل
ويا حسرتي على الاهل ولا هم دارين باشي
ومافي حل او في حلول بس ما رح تمشي عادة وما بيغيروها

[الوردة الاردنية]

انا بشوف انه كل جهة من هالجات لها دور كبير في اتنشار هالظاهرة


الخطأ وين
-بالأهل والبنيه الاساسية للمجتمع ؟؟
يعني الاهل لو عندهم شوية رقابة على اولادهم كان ما بصير هيك لكن هلا صار الاهل مشغولون بوظائفهم عن ابنائهم ووجودهم الدائم مع الخادمات او البيبي ستر هو الي افسد تربيتهم
- بنظام التربية والتعليم ؟؟
وكذلك التربية والتعليم اسمها معها تربية ومن ثم تعليم لكن هلا صار لاوجود للتربية بسبب فقدان المعلم او المدير هيبته امام الطلاب وكذلك الرقابة الي بالمدارس صارت سيئة جدا

- بالبنات ؟؟
البنات ايوه معظم البنات هم الي بفتحوا مجال للشباب وبهيك بكون الحق عليهن اسالوني انا انا درست بمدرسة ثانوية عامة لمدة سنه على الاضافي وشوفت شوفات بتشيب شعر الراس من البنات والشباب
- بالشباب ؟؟

بالشباب فقدان الرقابة الذاتية وعدم تخيل انه ممكن تكون اختي بمحل هالبنات بيوم من الايام

ليه هالظاهره منتشره كتير بمجتمعنا ؟؟
بسبب الغزو الفكري والثقافي الي صار بالمجتمع يعني بنظر الشباب والبنات انه هاد مسموح ومن حقي اعمله
بنظرك شو بحد من هالظاهره وبقلل من خطورتها ؟؟
التمسك بالوازع الديني والاخلاقي والرجوع ولو شوي لعاداتنا وقيمنا ودينا الاسلامي الي بمنع هالشيء

شكلرا الك دموع موضوع في غاية الاهمية

[حبيبتي والمطر]

الاهل هم الاساس في تربية ابنائهم والهم دور كبير في تنشئتهم التنشئة الصحيحة لازم انهم يوعوهم ويرشدوهم لشي الصح
في كتير اهل بطلعو لهاد الشي انه عادي ابنهم يعمله وانه فترة مراهقة وبتعدي لأ هاد شي غلط وممكن هاد الشي ينتج عنه تصرفات اكبر مستقبلا"
بشوف انه المدرسة لازم يكون فيها ضبط اكبر وما تسمح لطلابها بأنهم هربو سمعت عن كتير اساتذة انهم ما بهتمو انه في طلاب هاربين من الحصة
في مسؤولية بتوقع على البنات كمان لبسمحو للشباب بهيك تصرفات
وايضا" الشباب لبرضو يضيعو حالهم ومستقبلهم على هيك تفاهات وتصرفات

ليه هالظاهره منتشره كتير بمجتمعنا ؟؟
بحس انه هاد الشي صار عادي بمجتمعنا وكمان صاير كل جيل بده يقلد لقبله بهيك سلوكات ظنا" منه انه شي لازم يصير

بنظرك شو بحد من هالظاهره وبقلل من خطورتها ؟؟
لازم يكون في توعية من قبل الاهل اولا" ويقومو بتربية ابنائهم تربية صحيحة بعيد عن هاي الاشيا
وتوعية ايضا" من قبل المدارس وترشد طلابها للاشيا الصحيحة
ولازم يكون في تمسك بقيمنا الاسلامية

مشكورة على الموضوع

[دموع الغصون]

كتير بنشوف الشباب قدام مدارس البنات
وكتير شفنا ايام التوجيهي بنات صف سابع واتامن كل وحدة ماسكيتلها شب وبيتمشو ورى المدرسة
او تكون هي بالمدرسة وهو برة المدرسة وبيحكو مع بعض تلفونات وبيأشروا لبعض

الخطأ هو من كل النواحي من التربية ومن الشباب والبنات
وبرضو الخطأ لما يكونو مدرستين جنب بعض شباب وبنات ساعتيها هيك دمار شامل
ويا حسرتي على الاهل ولا هم دارين باشي
ومافي حل او في حلول بس ما رح تمشي عادة وما بيغيروها

انبسطت برأيك دودو الخطأ بالنهايه على الاسرة بس وين الغلط لو كانو مدرستين جنب بعض نحنا عم نحكي عن جوهر النفس والقناعه بالنهايه لو كانت المدرسه باخر الدنيا رح يروحولها ولو كان الخطأ بعيد رح يركضوله

[دموع الغصون]

انا بشوف انه كل جهة من هالجات لها دور كبير في اتنشار هالظاهرة


الخطأ وين
-بالأهل والبنيه الاساسية للمجتمع ؟؟
يعني الاهل لو عندهم شوية رقابة على اولادهم كان ما بصير هيك لكن هلا صار الاهل مشغولون بوظائفهم عن ابنائهم ووجودهم الدائم مع الخادمات او البيبي ستر هو الي افسد تربيتهم
- بنظام التربية والتعليم ؟؟
وكذلك التربية والتعليم اسمها معها تربية ومن ثم تعليم لكن هلا صار لاوجود للتربية بسبب فقدان المعلم او المدير هيبته امام الطلاب وكذلك الرقابة الي بالمدارس صارت سيئة جدا

- بالبنات ؟؟
البنات ايوه معظم البنات هم الي بفتحوا مجال للشباب وبهيك بكون الحق عليهن اسالوني انا انا درست بمدرسة ثانوية عامة لمدة سنه على الاضافي وشوفت شوفات بتشيب شعر الراس من البنات والشباب
- بالشباب ؟؟

بالشباب فقدان الرقابة الذاتية وعدم تخيل انه ممكن تكون اختي بمحل هالبنات بيوم من الايام

ليه هالظاهره منتشره كتير بمجتمعنا ؟؟
بسبب الغزو الفكري والثقافي الي صار بالمجتمع يعني بنظر الشباب والبنات انه هاد مسموح ومن حقي اعمله
بنظرك شو بحد من هالظاهره وبقلل من خطورتها ؟؟
التمسك بالوازع الديني والاخلاقي والرجوع ولو شوي لعاداتنا وقيمنا ودينا الاسلامي الي بمنع هالشيء

شكلرا الك دموع موضوع في غاية الاهمية

انبسطت بمشاركتك الوردة
تعليقك حلو كتير ناقشتي من واقع انتِ عشتي فيه ومجربته كنا بحاجة لرأي حد عايش بالجو ومن طرف محايد كمشاهد
بتصور الخطأ على الشباب بزمنا بطلو يخافو على خواتهم والبنات ماعندهم خوف على حالهم وحياء لهيك الموازين اختلت وصعب ترجع متل ماكان لازم تكون

[دموع الغصون]

الاهل هم الاساس في تربية ابنائهم والهم دور كبير في تنشئتهم التنشئة الصحيحة لازم انهم يوعوهم ويرشدوهم لشي الصح
في كتير اهل بطلعو لهاد الشي انه عادي ابنهم يعمله وانه فترة مراهقة وبتعدي لأ هاد شي غلط وممكن هاد الشي ينتج عنه تصرفات اكبر مستقبلا"
بشوف انه المدرسة لازم يكون فيها ضبط اكبر وما تسمح لطلابها بأنهم هربو سمعت عن كتير اساتذة انهم ما بهتمو انه في طلاب هاربين من الحصة
في مسؤولية بتوقع على البنات كمان لبسمحو للشباب بهيك تصرفات
وايضا" الشباب لبرضو يضيعو حالهم ومستقبلهم على هيك تفاهات وتصرفات

ليه هالظاهره منتشره كتير بمجتمعنا ؟؟
بحس انه هاد الشي صار عادي بمجتمعنا وكمان صاير كل جيل بده يقلد لقبله بهيك سلوكات ظنا" منه انه شي لازم يصير

بنظرك شو بحد من هالظاهره وبقلل من خطورتها ؟؟
لازم يكون في توعية من قبل الاهل اولا" ويقومو بتربية ابنائهم تربية صحيحة بعيد عن هاي الاشيا
وتوعية ايضا" من قبل المدارس وترشد طلابها للاشيا الصحيحة
ولازم يكون في تمسك بقيمنا الاسلامية

مشكورة على الموضوع

اراء مثالية جداً لكن كتطبيق بدها جهد وتنسيق كبير وبمجتمعنا صعب كتير
هلا في دور كبير على المدرسه وخاصه المعلمين والمرشد التربوي لتوعيه الشباب و دور المرشدة ايضاً لكن الدور الأكبر على الأهل
لازم يكون في عندنا نوع من التوعيه والقيم الاساسية الصالحة للمجتمع
مشكورة مطر

[حبيبتي والمطر]

اكيد الدور الاكبر على الاهل لأنهم الاساس
لكن لما ينخرط الشب والبنت بمجتمع المدرسة بهاي النقطة بصير الدور مشترك بين الاهل في البيت والاساتذة والمرشدين في المدرسة على بناء طلابها وتوعيتهم وتربيتهم التربية الصحيحة لانه كل طرف ما بعرف شو عم بصير مع البنت او الشب سواء في المدرسة او البيت

[الوردة الاردنية]

انبسطت بمشاركتك الوردة
تعليقك حلو كتير ناقشتي من واقع انتِ عشتي فيه ومجربته كنا بحاجة لرأي حد عايش بالجو ومن طرف محايد كمشاهد
بتصور الخطأ على الشباب بزمنا بطلو يخافو على خواتهم والبنات ماعندهم خوف على حالهم وحياء لهيك الموازين اختلت وصعب ترجع متل ماكان لازم تكون

مثل ما حكيتي انا عشت فيه
واذا بدنا نصحح ونلاقي حل
لازم كل واحد من شب وبنت يبلشوا بحالهم