مرت سنة...
مرت سنة مالك على البال طاري
لا جاد لك حظِ ولا سولفوا فيك
وينك بلم من الجروح الذواري
طال الهبوب وطال مسراه ساريك
لا ما انتظرتك بس طال انتظاري
لا ماذكرتك بس لا تقول ناسيك
أشتاق لك مثلك وتشتاق داري
أحتاج لك دايم ولو قلت مابيك
لا تطري الفرقا ولاتقول ساري
تو الوصل مابلل عروق مغليك
مافيه غيري وانت والليل عاري
النجم غاب وياعسى القلب يكفيك
بهديك خفقة من خفوق المساري
وعطني عيونك لجل اشوف العمر فيك
************
كل الاصوات غابت وانت صوتك بقي
صوتك اللي على صمت الطريق اكتبه
اسأل الساعة الولهة متى نلتقي ..
واسهل الوقت بغيابك يصير اصعبه ..
للسعادة سعيد وللشقاوة شقي ..
واختصرت التجارب معك في تجربة ..
لو سألتك سؤالي واضح ومنطقي ..
صوتك يعيش فيني او انا اعيش به ؟؟!!
رد مع اقتباس
المشاركة الأصلية كتبت بواسطة mohammad qasaimeh
مواقع النشر (المفضلة)