****************************************
تامر الطنط في المخيم
الحلقة الأولى
****************************************
عبد الدفش : وين رايح يا فرفور
تامر : ما بعرف
عبد الدفش : له له , مالك شو اللي مظايقك
تامر : معلش عمو ممكن تتركني بحالي
عبد الدفش : لا وحياة من جمعنا من غير معاد مني تاركك, احكيلي , شو في
تامر : عمو بلييييز يعني خلص هلأ بنزل من التاكسي
عبد الدفش : انا كنت بدي اساعدك مش اكثر
تامر : بشو بتقدر تساعدني , ممكن ترجعلي الجيرل فريند تبعتي , ويلا ممكن تئنع بابا يشتريلي الرنج سبورت , سوري بس ما فيك تعمل اشي
عبد الدفش : جيرل فرند يعني حوصة قصدك, هي سهلة انت حكيلي مين زبطها وانا بمشرطلك اياه
تامر : تيب انت عندك اكاونت على الفيس بوك ؟
عبد : بلشنا تطعيم , شو اكاونت وما اكاونت
تامر : شو تتعيم هو احنا مريدين لا سمح الله. انا ئصدي عشان تعرف مين يلي سرء الجيرلفرند مني لازم تشوفو على الفيس بوك .
عبد : انت قولي بأي حارة ساكن وما عليك بالباقي
تامر : يا عمو شو حارة وما حارة , هيدا يلي اخدها مني ساكن بفلوريدا
عبد : يا اخي سامع فيها هي , مش هي بتيجي بعبدون
تامر : هههههههه لا عمو هداك كوفي شوب , انا ئصدي عن فلوريدا اللي بـ usa
عبد : يستر على ولاياك احنا مش قد امريكا احنا يا دوب على قد المخيم .
تامر : واو انت ساكن بمخيم ؟؟
عبد : اه وليش مستغرب
تامر : عمو بلييز بلييز ازا بدك تساعدني خدني هناك , من زمان وانا بسمع عنو ونفسي اروح عليه
نفسي اوخد صور وانزلهم على الفيس بوك . رح تكون رحلة كتير نايس , بلييز عمو خدني هناك
عبد : لا شو اوخذك وما اوخذك , بخاف عليك انا
تامر : ازا ما بدك توخدني بنزل وبوخد تاكسي تاني وبئولو يوخدني
عبد: امري للـ الله , بس اسمع مليش دخل انا بنزلك هناك ومنك لحالك اتصرف
تامر : اوكي
عبد : هينا وصلنا , اسمع هالنصيحة من اخوك الدفش , ما تطلع على اي بني ادم وخليك ماشي بحالك , وخد هي رقم تلفوني لما بدك تروح , هاد اذا روحت
تامر : مرسي كتير عمو دفش
>>>>
يتبع في الحلقة القادمة .
رد مع اقتباس
مواقع النشر (المفضلة)