****************************************
تامر الطنط في المخيم
الحلقة الرابعة
****************************************


وبيقلب تامر الكاس


البس : محموووووود شوف مي جاي من بعيد



محمود : ولك هاظ ابو عريضة , يا رب ما يجي يقعد معنا



تامر : مين هاد ابو عريدة ؟؟



البس : لا سلامتك هاظ ابوعريضة غير معروف الاسم الاول لانو من هو وصغير
بينادوه ابوعريضة حتى امه وابوه بينادوه ابوعريضة


وسبب التسمية زي منتا شايف من على بعد 2 كلم .



تامر : هئ تيب ليه يعني ما بدكم اياه يئعد معكم هئ .



الحنش : قال ليش قال , هاظ يا سيدي ابو عريضة اول من لقب بالديونجي بالمخيم اذا ما كان بالعالم



وطبعا لغاية الان ما حدا شافه بيستخدم اي اداة حادة في الطوش , يا زلمة مرة اجو على المخيم 5 دواوين من الجبل الاخضر وبدهم يفردو مراجلهم

طبعا كان معهم مشارط وقناوي وجنازير , وكان ابو عريضة قاعد على باب بيتهم الا واحد من هالدواوين بيحكي (طوووووووط الزعيم هون ) .



طبعا ابو عريضة كان في وضعية جلوس فكان منظره طبيعي , بس قام ابو عريضة بين منظره الحقيقي . ويمسك الشب من بلوزته ويرفعه على مستوى نظره

واطلع فيه نظرة خلت المي السخنة تنزل منه . ورفعه فوق ورماه على الحيط . الشباب شافت المنظر رمت الاسلحة يلي بايديها وحكولو احنا معاك يا كبير .



تامر : وااااااااو , هئ هاد كتير ئوي , لازم اتعرف عليه هئ



البس : هيو جاي علينا قومو وقفوا



كل الشباب قامت وقفت احتراما لابو عريضة الا تامر عشان السكرة اشتغلت



الحنش : هلا والله بالكبير , على راسي معلم .
البس : هلا بكبيرنا وتاج راسنا



الحنش بيوشوش تامر : ولك قوم هاظ ابو عريضة .
تامر : هئ وشو يعني ابو عريدة هئ



ابو عريضة : اهليين بالشباب , وانت ولا ليش ما قمت وقفت ويلا طووووووووووط يعني



محمود : له يا كبير ما عاش ولا كان , بس هو مش من هون واول مرة بيسكر .
ابو عريضة : انشالله جاي من المريخ بدو يقوم غصبن عن ****** .
وبيمسك ابو عريضة تامر من رقبته وبيوقفه وبيحكيلو خليك واقف طول منا قاعد .
تامر : ( بلش مشروب الابطال يشتغل ) لاااااااااااا انا حر بوئف وئت ما بدي هئ



البس والحنش بصوت واحد : رحمة الله عليك يا تامر .



ابو عريضة : شو ولا شاربلي بالغطاي وجاي تفردلي مراجلك هون , وحياة من جمعنا الا اعلمك كيف تحكي معي , وخووووووووووود



ولسع ابو عريضة تامر بوجهه . لكن ردة فعل تامر كانت مفاجئة , تناول اللتر من على الارض وسلخه براس ابو عريضة . اغمي على ابو عريضة .
كانت الصدمة كبيرة على وجوه كل من الحنش والبس والاخرس .



الاخرس : ابا ابا ابا



الحنش : ولك شو عملت انت والله لتودينا في داهية .
تامر : هئ شو عملت انا هئ



البس : اسمع يا حنش انا مليش دخل بالموضوع يا روح ما بعدك روح , وشلف البس .
الحنش : يا حوينة شبابك يا تامر , يا حوينة شبابك يا حنش . اسمع تعال نشلف بعيد يلاااااا



تامر : شو يعني نشلف هئ



الحنش : يعني يلا نهرب من هون , يلاااااااااا



>>>>


يتبع في الحلقة الخامسة