اقتباس المشاركة الأصلية كتبت بواسطة shatnawi_king_CS مشاهدة المشاركة
افهم من حكيك انه الكلية تطورت وسبقت الجامعات الاخرى بمنع اصطحاب الاطفال؟؟

طول عمري وانا اروح مع اخواني على الجامعات وعمره ما حدا منعني لا بجامعة حكومية ولا بخاصة
طبعا هذا برأيك تخلف من قبل الجامعة انه تسمح للاطفال بدخول حرمها


الواحد بيوخذ اخوه الصغير ولا ابن اخوه
مشان يفرجيه كيف الجامعات مشان يشجعه على الدراسة

بقولة طل يا اخوي هذا طالب طب شد حيلك مش تقرا زيه وتصير دكتور وشوف هاظ يا اخوي كمان اكم سنة بصير مهندس قد الدنيا مشان اذا ما عجبتك كلية الطب تشوفلك هندسة مليحة

وشوف وشوف وشوف

وكمان بوديه على كلية الحصن مشان اقله شايف إللي ما بيدرس بالتوجيهي شو بصير فيه
فشد حيلك الله يرضى عليك وما بدك مهته من حدا ونقي التخصص إللي بيعجبك


والله اكم طالب بده يجي على الكلية باليوم حتى تقلب حضانة على رأيك؟؟
والله الحضانات فيها تنظيم اكثر من الكلية

طيب انت بتقول انه الشب بجيب اخوه مشان يزبط عليه بنت

والبنات؟؟ليش بيجيبن اخوتهن الصغار؟؟


وإللي بده يسعى للافضل مش ببلش بالكماليات
فيه الف الف الف اساسية اهم من الافضليات اللي بتحكي عنهن


واسف على الاطالة
عبادة انا ما حكيت انو الجامعة اللي بتسمح بدخول الاطفال جامعة متخلفة ...بس انا بعتبرها قمة التخلف...لانو مش معقول هاد الحكي ...الجامعات مش مكان لاحتضان اطفالنا ... هي مكان النا احنا وبس يعني تخيل سمحوا بدخول الاطفال لو فرضنا 5 طلاب جابوا اخوتهم الصغار هيك بتقلب حضانة فعلا..... اما عن الاسباب اللي انت حكيتها انو ليش الواحد بيصطحب معو اخو عالجامعة فما لقيتلها غير هاي الاجابة
والسبب انو ليش البنت بجيب معها اخوها الصغير الحليوة هو من باب لفت النظر وكسب المزيد من المعجبين مش اكثر او لاسباب اخرى انا لسه ما وصلتلها...عالعموم مش هاد موضوعنا انا هاي وجهة نظري ومقتنع فيها.....

اقتباس المشاركة الأصلية كتبت بواسطة maha مشاهدة المشاركة
طيب احمد وعمار بلاش منع اصطحاب الاطفال (( فهمنا وجهت نظرك انت واياه))
مرة حطوا قائمة ممنوعات اتضمنت التالي : ممنوع الجلوس بالممرات
ممنوع الجلوس على الدرج
ممنوع الجلوس داخل القاعات الفارغه
السؤال وين نروح ؟
لما تشتي وين نطير شو رح اعمل انا بالقاعه لو قعدت فيها لا المكتبة بتوسع العدد والممرات الي ممنوع نجلس فيها واسعه بالله هاي قوانين ؟!
بس سؤال الك مها لما تشتي الدنيا عمرك شفتي حد من الامن حكالك اطلعي لبرة وقفي تحت المطر مثلا....ما احنا كلنا بنكون بالممرات وما حد منهم بفتح ثمه فقرارهم صار زي قلته...ليس ....اما بالايام العادية فأنا اول واحد بأيد عدم الجلوس بالممرات والقاعات الفارغة ....لانو وبكل صراحة طلابنا بس يقعدوا بالقاعات بصيروا يدخنوا ويرموا اعقاب السجائر تحت المقاعد وبقعدوا بطريقة بتلاقي احذيتهم على المقعد اللي احنا المفروض نجلس عليه واحيانا بخربوا بعض المقاعد فلازم المنع ...اما موضوع الدكتور اللي لازم ما لازم يطلع قبل انتهاء وقت المحاضرة فأكيد ما في دكتور برد على هالحكي الفاضي لانو الدكتور بس يخلص شرح لحالو بقول توكلو .....هاي وجهة نظري

اقتباس المشاركة الأصلية كتبت بواسطة maha مشاهدة المشاركة
واو بتعرف احنا بنستهال الي بصير فينا لانه طول ما في طلاب زي وزي عمار وزي احمد بدافعوا باستماته عن ادارة الكلية المبجله
....سبحان الله اللي فيو عادة ما بغيرها ...ليش انتي عصبية ...بالمناسبة انا اول ما دخلت المنتدى اول موضوع كتبتو هو (انقذوا كلية الحصن الجامعية) وانا دائما ضد عمايل الادارة الغلط ...بس بما انو ما في شي غلط باللي حكيتو فأنا مع الصح