ما أسهل خداعهم

[Ammar Qasaimeh]

اقتباس:
المشاركة الأصلية كتبت بواسطة زهره التوليب

اقتباس:
عضو هيئه التدريس او الدكتور...مش شخص غبي..بالنهايه هو فاهم ومجرب وصاحب خبره..وكان طالب شي يوم...لكن اما بده يمشي وضع الطالب رأفه به او بأهله..او اله مصلحه شخصيه ( ان يتسلى مع طالباته مثلا)...او مش فارقه معه وبهاي الحاله هو ابدا مش مستغفل ولاضحيه ولامسكين...المسؤوليه مش عالطالب وحده ولا على الاستاذ وحده..
مشكلتنا اننا بنلعب..مش ماخدين الحياه بجديه..مابنحكم ضمائرنا..ومخافه الله اخر حساباتنا...كل واحد فينا بس بده يمشي اليوم وبكره بفرجها الله...ماندر اننا نلتزم مبدأ في حياتنا...باختصار احنا عشوائين


اقتباس:

اكيد ما في شك, الاستاذ الجامعي صاحب خبره لكن في نوعيه من هالاساتذه بسمعوا بالخبره سمعه, يعني انا برأيي انه هالنوعيه من الطلاب موجوده لانه في نوعيه مثلهم تماما من الاساتذه الجامعيين, لا تتسا احنا بمجتمع وزي ما في طالب مش فارقه معه فيه استاذ جامعي مش فارقه معه, وزي ما في طالب جاي يصيع فيه دكتور جاي يتسلى ما طالباته ... ما في حد كامل وما في طرف مثالي لكن يفترض يكون الاستاذ الجامعي اقرب للمثاليه من الطالب كونه عم بصنع جيل... ومن المفترض المستوى العلمي يعكس تصرفات على مستواها لكن الوضع الحالي بحكي غير هيك, التصرفات ما الها علاقها بالمستوى العلمي وهون الفجوه حسب رأيي... ولا ننسا كمان انه هالاستاذ الجامعي قبل ما يكون استاذ كان طالب بيوم من الايام والطالب ممكن يكون استاذ جامعي!!