فايع

[Ahmad zo3bi]

انا مني وعلي ما بحب هالكلمة لأنها اصلا مش من اللغة وبحب الانسان يكون معتدل بكل شي باللباس وبغيره ...اما انه مسألة اللباس بتعطيك انطباع عن الشخصية ...ممكن الى حد معين انك تعرف هالشخص من خلال لبسه وانه فارغ او لأ لكن مش دائما لأنك مرات ببتفاجىء بواحد من الشباب الفايعين وبتعرف انه معدنه رائع....حلو الواحد يكون معتدل بكل شي وللجنسين ...هاي طريقة تفكيري او اسلوبي بالحياة....

اما اللي برفع شعره وبدهم سلم وبعجق حاله كثير ...فمع احترامي بكون هالشب بده يعمل حاله فايع بس مش عارف وتفكير صاحبات مها اكيد غلط وهذا بدل على سطحية التفكير عند هالبنات ونظرتهم المحدودة للأمور وهيك بنات ما بينولوا على الاعجاب من قبل الجنس الاخر واذا حصلوا عليه بكون من شباب من نفس طريقة تفكيرهم السطحية.....مش عارف مها كيف ماشية معهم

[Zhrt_ALm6r]

اقتباس:
المشاركة الأصلية كتبت بواسطة أميرة قوس النصر
يعطيكوا العافية شباب اجى دور البنات بتعريف الشب الفايع


تعريفه بالنسبة للبنات وحسب ما بشوف شب حلو خفيف دم ( امووور)
تعريفة بالنسبة لمها واحد مش عارف شو بده بخربط شكلة مشان يكون غير


عندي 12 صاحبة دائما انا معاهم الشب الفايع هو اللي بعجبهم الي بكون موقف شعرة بده سلم لحتى يمشطة
اللي بنطلونة القاني او بقع
اللي
بالممرات حاط اغاني ما بتنسمع ولا الها لا لون ولا طعم بتقول عنة صاحبتي مجد والله هاد فايع
وبترد رهف والله امور
يعني بالعربي هواشي غريب
بس ياترى اجى دوركوا شو يعني بنت فايعة ؟! وهل هاد المصطلع مقبول عند الشباب تجاه بنت

انا ابدا ما بحب الشب الفايع
لانو مش عارف شو بيخبص بحالو
والمصيبة بفكر حالو حلووو

وانا بستخدم مصطلح الشب الامور
وهو ببساطة الشب الانيق
واناقته ما بتكتمل احيانا الا باللون الابيض

ويكون انيق لدرجة معقولة مش لدرجة الجنان

[Ammar Qasaimeh]

وشو مالكوا عصبتوا علي على رأي محمد؟
صدقوني اغلب هالاشكال فاضيه من جوا وبتحاول تعوض نقصها بمظهرها الغريب الي بلفت النظر.. لا عاداتنا ولا اخلاقنا ولا دينا بسمحوا النا مجرد نفكر نعمل البنطلون ساحل..يعني شو العبره من انه ساحل؟ محتار تلبس ولا لا؟ احسنلك ما تلبس.. بالنسبه للشعر..شي حلو يعني يكون عامل شعره ومرتبه..بس مش يكون زي الي ضاربيته كهرباء وزي افلام الكارتون تماما..وزي ما حكا الزعبي الاعتدال هو اساس اسلوب الحياه....ما بحكي ما تمشي على الموضه..بس بحكيلك البس زي البشر مش شرط يعني اشوف مناطق من جسمك!!!

[mohammad qasaimeh]

وشو مالكوا عصبتوا علي على رأي محمد؟
صدقوني اغلب هالاشكال فاضيه من جوا وبتحاول تعوض نقصها بمظهرها الغريب الي بلفت النظر.. لا عاداتنا ولا اخلاقنا ولا دينا بسمحوا النا مجرد نفكر نعمل البنطلون ساحل..يعني شو العبره من انه ساحل؟ محتار تلبس ولا لا؟ احسنلك ما تلبس.. بالنسبه للشعر..شي حلو يعني يكون عامل شعره ومرتبه..بس مش يكون زي الي ضاربيته كهرباء وزي افلام الكارتون تماما..وزي ما حكا الزعبي الاعتدال هو اساس اسلوب الحياه....ما بحكي ما تمشي على الموضه..بس بحكيلك البس زي البشر مش شرط يعني اشوف مناطق من جسمك!!!

كنت بالصف التاسع يا عمار لما شفت ابن مدير المدرسة لابس بنطلون ساحل و كانت موضه جديد طالعه ، وحكيتلك شوف المدير مسكين ما معه مصاري يلبس ابنه بنطلون زي البشر

>> ودارت الايام و مرت الايام واتاريها موضه

[Ammar Qasaimeh]

اقتباس:

المشاركة الأصلية كتبت بواسطة mohammad qasaimeh

كنت بالصف التاسع يا عمار لما شفت ابن مدير المدرسة لابس بنطلون ساحل و كانت موضه جديد طالعه ، وحكيتلك شوف المدير مسكين ما معه مصاري يلبس ابنه بنطلون زي البشر

>> ودارت الايام و مرت الايام واتاريها موضه

بتذكر بتذكر

[النورس الحزين]

اقتباس:
المشاركة الأصلية كتبت بواسطة Ammar Qasaimeh
بصراحه اول انطباع عن هيك شب مع احترامي للجميع, شب غير مسؤول صايع هامل لا محضر ولا مظهر ماخذ الحياه ببساطه بدون اي مسؤوليه , شخص لا مبالي ... بالنسبه للبسه لو ما يلبس احسنله .. هيك اول انطباع بتشكل عندي من كلمه فايع


انا معك يا محمد يسلو على هيك كلام

[معاذ القرعان]

الشب الفايع هو اللي بكون لابس دشداشة
بس عمره الشب ما انقاس من مظهره او شكله في اشياء ثانية بتحدد فيها قيمة الشب

[الورده المزهره]

[The Gentle Man]

عندما قرأت ردودكم حاولت ان اصل الى تعريف
لكن عملتولي انفصام بالشخصية
هذا بمدح
وهذا بذم
هذا فايع
وهذا مش فايع

شكرا لكم على مناقشتكم الرائعه

بنظري الشب الفايع هو الشب لي بحاول يغير ملامح شكله الخارجي والداخلي حتى يصير مثل ما بفكر خفيف دم

بس هذا ما بقدر يصلو
لانه الشخص الحخفيف دم هو اصلا خفيف دم دون ان يعمل حالو فايع عشان يبين خفيف دم
بالنسبة للمظهر
طلعت الموضه وصار الي بلبس كل لبسه بتنزل على السوق هو فايع
كثير الواحد بشتري اواعي م ناسوق
بس المشكلة بنوع اللبسة الي بشتريها
بنطلون ممزع
وبلوزة بتحكي انحف حتى افوت منيح


الفايعة ما بتلبق لكل الناس
احلى شي الشب الامور بدون ما يكون فايع

[غسان]

لالالالا

انا مش معك جنتل .. شو دخل الفياعه بخفة الدم ..

الفايع معناها ايجابي عندي .. زلمه متحرر جنتل ما في عنده قيود .. بهتم بحاله .. مش كل واحد وقف شعراته او لبس بنطلون ماصع ومزعه شوي فايع .. بالنهايه انا ما بحكم على الشخص من مظهره .. لا شك المظهر الا اهميته بس مش الاساس بالحكم على الشخص ...

بالنسبه للبس انا معكم انه لازم يكون محترم ويعبر عن صاحبه بس مش يروح يلبسلي بنطلون يدفي حلقه فيه قد ما هوه رافعه عشان يكون راكز ...