( قابل للنقاش )هل المرأة العاملة فاشلة أسريا ؟

[دليلة]

يعني انا لو بدي اعمل متل ماما اهتم بالبيت ونظافته يوميا والاولاد والعمل مابقدر ولو قدرت بكون حاسس بضغط كبير ...
يعني باختصار دور المرأة العاملة وست البيت المثاليه بآن واحد انتهى ايام امهاتنا واحنا مو قدوو


كلامك صحيح جوري وانا معك برأيك

بس في تعليق على كلام دليلة
منفتحة على العالم الخارجي مش انو منفتحة على عالم الحارة او المنتقة
يعني العالم بأكملوا

يعني هي العاملة برايك بس الي منفتحة على العالم الخارجي؟
ماهو صاير في تطور وتقدر من بيتك تنفتح على العالم وبرمشة عين مش شرط تطلع وتنزل عشان تنفنح .المهم ايكون عندها مستوى تعليمي وراح تكون احسن من مليون وحدة تشتغل
شكرا

[النورس الحزين]

اقتباس:
المشاركة الأصلية كتبت بواسطة دليلة
بس في تعليق على كلام دليلة
منفتحة على العالم الخارجي مش انو منفتحة على عالم الحارة او المنتقة
يعني العالم بأكملوا






يعني هي العاملة برايك بس الي منفتحة على العالم الخارجي؟
ماهو صاير في تطور وتقدر من بيتك تنفتح على العالم وبرمشة عين مش شرط تطلع وتنزل عشان تنفنح
شكرا


بس يا دليلة اسمحيلي انتي عم تحكي من جانب واحد الي هوة جانبك انتي
جربي وخذي الجوانب الاخرى وشوفي كيف مش راح تركب معك
لا انا مش راح اكون متحيز العاملة نعم منفتحة على العالم الخارجي, وفي ما يقارب نسبة 20% من غير العاملات يعرفن اكثر من العاملات وما يقارب نسبة 75% ملهنش دخل بالدنيا كلها, بين قوسين(اذا كانن ما بيشتغلنش)
وفي نسبة ما يقارب 5%بشتغلن وما الهن دخل.
وهاذا هوة رأيي الصحيح والمفصل وبشكرك اخت دليلة على التعليق

[غسان]

المرأه العامله ..

انا مش عارف ليش البنات قاعدين بيدرسوا لعاد اذا مش ناويين يشتغلوا .. بس عشان يتجوزوا .. ولا عشان تعرف تقري ولادها بالمستقبل ..طيب تاخذ شهادة محو اميه وان شاء الله بتقدر تدرس ولادها .... ولا عشان تكون سلاح بايدها .. بلكي جوزها طلقها وجار عليها الزمن .. كل الي ذكر برأيي حكي فاضي ....

الوحده لما تدرس 4 او 5 سنوات بتخصص معين ... وبتتخرج بتقدير وقدره ... واخر شي تروح تقعد بالدار تستنى راعي النصيب .. او بتظل تشتغل حتى يجي راعي النصيب ...

حرام عليكي ...

حرام عليكي يا حواء لما تفكري هيك ... انتي قاعده بتنهي حالك .. بتلغي حالك نهائيا .. انا برأيي الوحده لما تقعد ببيتها من دون شغل رح ينحدر مستوى تفكيرها .. حتى لو انها دكتوره او مهندسه .. سنه او سنتين بتكون ناسيه الهندسه كلها ..وبتصير كل سوالفيها وكل حكيها عن الطبخ والنفخ وفلان وفلانه ..

انا مع انه المرأه تشتغل .. حتى لو جوزها ملياردير .. انا مع انها تشتغل عشانها هيه .. عشان شخصيته في البيت وبرا البيت .. عشان مستوى تفكيرها .. عشان تحضرها .. عشان يكون عندها علاقات و اصدقاء ... بعرف انه الولاد قضيه لازم يوقف عندها الواحد بس هيه غالبا محلوله .. امهاتنا او معظم امهاتنا كانوا عاملات وربونا وطلعنا بنجنن ما شاء الله علينا ... المهم هيه.. المرأه ...

لا تلغي نفسك ...

شكرا محمد .. جميل جدا

[النورس الحزين]

اقتباس:
المشاركة الأصلية كتبت بواسطة غسان

المرأه العامله ..

انا مش عارف ليش البنات قاعدين بيدرسوا لعاد اذا مش ناويين يشتغلوا .. بس عشان يتجوزوا .. ولا عشان تعرف تقري ولادها بالمستقبل ..طيب تاخذ شهادة محو اميه وان شاء الله بتقدر تدرس ولادها .... ولا عشان تكون سلاح بايدها .. بلكي جوزها طلقها وجار عليها الزمن .. كل الي ذكر برأيي حكي فاضي ....

الوحده لما تدرس 4 او 5 سنوات بتخصص معين ... وبتتخرج بتقدير وقدره ... واخر شي تروح تقعد بالدار تستنى راعي النصيب .. او بتظل تشتغل حتى يجي راعي النصيب ...

حرام عليكي ...

حرام عليكي يا حواء لما تفكري هيك ... انتي قاعده بتنهي حالك .. بتلغي حالك نهائيا .. انا برأيي الوحده لما تقعد ببيتها من دون شغل رح ينحدر مستوى تفكيرها .. حتى لو انها دكتوره او مهندسه .. سنه او سنتين بتكون ناسيه الهندسه كلها ..وبتصير كل سوالفيها وكل حكيها عن الطبخ والنفخ وفلان وفلانه ..

انا مع انه المرأه تشتغل .. حتى لو جوزها ملياردير .. انا مع انها تشتغل عشانها هيه .. عشان شخصيته في البيت وبرا البيت .. عشان مستوى تفكيرها .. عشان تحضرها .. عشان يكون عندها علاقات و اصدقاء ... بعرف انه الولاد قضيه لازم يوقف عندها الواحد بس هيه غالبا محلوله .. امهاتنا او معظم امهاتنا كانوا عاملات وربونا وطلعنا بنجنن ما شاء الله علينا ... المهم هيه.. المرأه ...

لا تلغي نفسك ...

شكرا محمد .. جميل جدا

غسان انت حكيت كلام يوزن بذهب بس اذا بدك تيجي للجانب التطبيقي بطلع حكي يعني (حكي مش فعل)
وأحنا زهقنا بالدنيا من كثر الحكي بدنا فعل تيجي خلينا الروح على الجانب الفعلي :...:...:

انا مش عارف ليش البنات قاعدين بيدرسوا لعاد اذا مش ناويين يشتغلوا .. بس عشان يتجوزوا .. ولا عشان تعرف تقري ولادها بالمستقبل ..طيب تاخذ شهادة محو اميه وان شاء الله بتقدر تدرس ولادها .... ولا عشان تكون سلاح بايدها .. بلكي جوزها طلقها وجار عليها الزمن .. كل الي ذكر برأيي حكي فاضي ....
الوحده لما تدرس 4 او 5 سنوات بتخصص معين ... وبتتخرج بتقدير وقدره ... واخر شي تروح تقعد بالدار تستنى راعي النصيب .. او بتظل تشتغل حتى يجي راعي النصيب ...

والله انو هاذا مش حكي فاضي الي قاعد بتقولو او انك انتا بدك تشوفو حكي فاضي لان البنت بتدرس عشان اولا تعلم اولادها والسبب الاهم وهوة الاساسي انو يكون سلاح بيدها ان جار عليها الزمن وكان معها اولاد بدل ما تروح وتعتاز الناس لا بتشتغل في هاذا الوقت وبطعمي ولادها احسن من ما تقول طعموني وأنا هاي نظرتي لما اخذ وحدة متعلمة مهندسة او دكتورة وكل واحد وألو رأيو وانا احترم رأيك بس مع بعض التعديلات.

حرام عليكي يا حواء لما تفكري هيك ... انتي قاعده بتنهي حالك .. بتلغي حالك نهائيا .. انا برأيي الوحده لما تقعد ببيتها من دون شغل رح ينحدر مستوى تفكيرها .. حتى لو انها دكتوره او مهندسه .. سنه او سنتين بتكون ناسيه الهندسه كلها ..وبتصير كل سوالفيها وكل حكيها عن الطبخ والنفخ وفلان وفلانه ..

لا ما في قانون او شي بقول بتلغي او بتنهي لان خلقت لتربي ولتعتني بزوجها ما تقلي غير هيك انت الكلام موجه الك محمد لو روحت يوم من الايام تعبان وما لاقيت لا اكل ولا مرة ولا شي والله لتتذايق وكثير كمان, بس ما علينا لما تكون داسة ومتخرجة بتقدير ممتاز او خلافه بتكون ناجحة في حياتها العملية مع زوجها في بيتها مع اولادها وحتى في تربية الاطفال .

انا مع انه المرأه تشتغل .. حتى لو جوزها ملياردير .. انا مع انها تشتغل عشانها هيه .. عشان شخصيته في البيت وبرا البيت .. عشان مستوى تفكيرها .. عشان تحضرها .. عشان يكون عندها علاقات و اصدقاء ... بعرف انه الولاد قضيه لازم يوقف عندها الواحد بس هيه غالبا محلوله .. امهاتنا او معظم امهاتنا كانوا عاملات وربونا وطلعنا بنجنن ما شاء الله علينا ... المهم هيه.. المرأه ...

لا تلغي نفسك ...

انا مش مع المرأة العاملة وهية مش عايزة تصرف شخصيتها تحددت وتفكيرها وسع وهية في مرحلة الجامعة وما تمنع انو يكون عندها علاقات وأصدقاء ولا لازم تشتغل عشان يكون عندها اصدقاء .
والولاد قضية كبيرة جدا جدا بنسبة لك يا زلمة شو حلها شو انت بدك تربيهم ولا تجيب مربية هاي الحلول كلها ما في احسن وأحن من صدر الام للطفل وما بدي اقول اكثر من هيك

انا بعتذر للأطالة وأرجو ان تتقبلو رأي

[آلجوري]

سمع سمع عبادة يا غسان

[أميرة قوس النصر]

الله الله عليك يا غسان حكيت كل اللي بنحكى

[The Gentle Man]

كأنه راح تصير هوشة

[saousana]

يا جماعةالموضوع كانه تفرع شوية
الحكي انت مش مع المرأة العاملة او لا او مع عمالة المرأة او لا

الموضوع انه اسرة المرأة العاملة فاشلة!!
طبعا هاد حكي فاضي
لانه بنحكي عن 90% من اسر المجتمع يعني بنحكم على مجتمعنا كله بالفشل
هاد لا يعني انه في اسر امهاتها عاملة مش فاشلة لانه هاد الحكي موجود ما بنقد ننكره بس السبب الرئيسي الاب والام مش لانهم عاملين بس لانهم ما عرفوا يكونو اسرة ويربوا اولادهم !!

هلا عمالة المرأة انت معها او ضدها ... هاد موضوع تاني
انا مثلا مع عمالة المرأة وما عندي اي مانع انه المرأة تشتغل وتطلع برة بيتها ... لا يعني اني معها اني بحب اكون امرأة عاملة
يمكن ظروف الشغل شوية متعبة للنساء .. يعني اذا بدها تشتغل شغلة مريحة وظروفها مناسبة من كل النواحي تطلع معلمة
وشغلة المعلمة كلها ما بتخرط مشطي ... ما بذم بكل المعلمين بس انا وحدة من الناس اللي مستحيل اتقن هيك شغلة
ممكن اشتغل اذا توفرتلي شغلة ظروفها مريحة من حيث الدوام والاجازات .. هاد موضوع اخر ..

الاسرة اللي امها عاملة : بتكون منظمة اكتر ، الاولاد عندهم مسؤولية اكبر ، ممكن الام بحسب علمها وخبرتها تفيد اولادها بصورة اكتر من الام اللي مش عاملة [/LIST]

[Ammar Qasaimeh]

موضوع سبق وحكينا فيه قبل هالمره, وتعددت الاراء وتفرعت المواضيع ..

بصراحه كل شخص بنظر لموضوع شغل المرأه خارج بيتها من خلال تربيته ومن خلال رأيه الشخصي او من خلال تجربه خضع الها قبل هالمره, بشكل عام التعميم يعتبر اغلوطه وكل حاله عباره عن حاله خاصه ما بتعتمد على غيرها .

الان, تعميم ارتباط عمل المرأه بفشل العائله امر عاري عن الصحه تماما ولو من نظرتي وقناعتي الشخصيه
من حق المرأه الي درست تشتغل وتثبت كيانها, رح تحكولي تثبت كيانه عند زوجها.. كيف يعني تثبت كيانها عند زوجها؟ شو هي موظفه عند زوجها ولازم تظل تحرث اله (مع احترامي طبعا) وممنوع تعمل اي شي اخر بحجه الاولاد وحق الزوج, في كثير من الاسر الي الزوجه فيها عامله بتكون اسره فعلا ناجحه واقرب للمثاليه , لو افترضتا شغلها من 8 لل 2 ..بتروح على بيتها بترتاحلها ساعة زمان وبتعمل واجباتها الي بتحكولي انه تثبت كيانها من خلالهم.. الامر كله بحاجه لنوع من الاداره والتنظيم لا اكثر ولا اقل , طيب احكولي عن النسوان الي بطلعوا من عز الصبح بلفوا جارات الاردن كلها ..على قر قر قر حكي وبرجعوا بعملوا واجباتهم هاذ اذا عملوها من الاصل.. مين الي بكون فعلا بقدم شي بحياته ؟

من نظره ماديه , مجتمعنا حاليا بنظر للمرأه العامله وكأنها كنز, اذا بتشتغل بتزوجها واذا لا ما بدي اياها, بسبب ظروف الحياه الصعبه بحتاج الرجل لراتبها لحتى يعيشوا.. من حق المرأه العامله ما تصرف من راتبها شي لانه الرجل الي مكلف شرعا انه يصرف عليهم..يعني المرأه هون بتكون عم تتبرع براتبها كرمال حياتهم الزوجيه واولادها.. روح التعاون في العائله هي اساس نجاحها و الاداره والتنظيم وسيلة للنجاح .

[عُبادة]

موضوع سبق وحكينا فيه قبل هالمره, وتعددت الاراء وتفرعت المواضيع ..

بصراحه كل شخص بنظر لموضوع شغل المرأه خارج بيتها من خلال تربيته ومن خلال رأيه الشخصي او من خلال تجربه خضع الها قبل هالمره, بشكل عام التعميم يعتبر اغلوطه وكل حاله عباره عن حاله خاصه ما بتعتمد على غيرها .

الان, تعميم ارتباط عمل المرأه بفشل العائله امر عاري عن الصحه تماما ولو من نظرتي وقناعتي الشخصيه
من حق المرأه الي درست تشتغل وتثبت كيانها, رح تحكولي تثبت كيانه عند زوجها.. كيف يعني تثبت كيانها عند زوجها؟ شو هي موظفه عند زوجها ولازم تظل تحرث اله (مع احترامي طبعا) وممنوع تعمل اي شي اخر بحجه الاولاد وحق الزوج, في كثير من الاسر الي الزوجه فيها عامله بتكون اسره فعلا ناجحه واقرب للمثاليه , لو افترضتا شغلها من 8 لل 2 ..بتروح على بيتها بترتاحلها ساعة زمان وبتعمل واجباتها الي بتحكولي انه تثبت كيانها من خلالهم.. الامر كله بحاجه لنوع من الاداره والتنظيم لا اكثر ولا اقل , طيب احكولي عن النسوان الي بطلعوا من عز الصبح بلفوا جارات الاردن كلها ..على قر قر قر حكي وبرجعوا بعملوا واجباتهم هاذ اذا عملوها من الاصل.. مين الي بكون فعلا بقدم شي بحياته ؟

من نظره ماديه , مجتمعنا حاليا بنظر للمرأه العامله وكأنها كنز, اذا بتشتغل بتزوجها واذا لا ما بدي اياها, بسبب ظروف الحياه الصعبه بحتاج الرجل لراتبها لحتى يعيشوا.. من حق المرأه العامله ما تصرف من راتبها شي لانه الرجل الي مكلف شرعا انه يصرف عليهم..يعني المرأه هون بتكون عم تتبرع براتبها كرمال حياتهم الزوجيه واولادها.. روح التعاون في العائله هي اساس نجاحها و الاداره والتنظيم وسيلة للنجاح .

طيب ما انا قلت يعني لو زي امهاتنا الموظفات او اللي من جيلهن كان 90% منهن معلمات يعني على ال2 بتكون بالدار

بس ما ظل وظايف زي هيك كل الوظايف لا تقل عن 9ساعات