شو بتنصحو السنافر ؟

[المهندس]

مساء الخير للجميع... واهلاً وسهلاً بجميع السنافر والبوكيمونات بكلية الحصن الجامعيه..

هوه سؤال للجميع ...شو بتنصح السنافر بكلية الحصن بالذات ..

أول شي... الله يسامحك ..ضروري تحط بالطلب الموحد البلقاء التطبيقيه...ما بتعرف انهم بيشوفو اول شي اصحاب سوء الاختيار (( يالي حاطين البلقاء التطبيقة )) بغض النظر عن المعدل وترتيب الخيارات بالطلب الموحد... وبحكو مسكناك.. وبودوك لهون ..على كلن الطعن بالفايت حرام..
المهم عندك واسطه... بتقدر تدبر حالك وتنقل.... لا حول ولا قوه إلا بالله ...خلص مش مشكله اربع خمس ست سنن بيعدو زي العسل لا تخاف... وبنصحك باختصار بما يلي... ورح ارجع احكيلك مش باختصار بعد ما نشوف شو بينصحك باقي الاعضاء...

استمتع بوقتك / بوقتكي ....
وتذكر ان المرحله الجامعيه
وبهذا العمر ...
تكون من اجمل ايام حياتك
لا تهكل هم المعدل
ولا تهكل هم المصروف
ولا تهكل هم المواصلات
وبرضوا لا تهكل هم
الامتحانات
و لا تهكل هم
التاخر عن المحاضرات
كل راس مالها
تقرير طبي
و بتشطب الغيابات تاعون المحاضرات
و حاول اتكون علاقتك بالدكاتره تاعونك
منيحه
لانو
الطالب الناجح
هو من يكون ناجح بعلاقاته وخصوصاً مع
الكادر التدريسي
ونرحب باي استفسار و المساعده

والسلام عليكم ...

ملاحظه هامه ... دير بالك تصدق انه فيه تسجيل أو سحب واضافه على النت... خطيتك برقبتي غير يخلص التسجيل وهمه مسكرين السيرفرات...

[سوسن]

تحضر كل محاضراتك ولا تتعود ما تحضر

تتعلم الصبر

وما ينزل معدلك عن 2

[3mran]

انصح جميع السنافر مايفكرو ولا بسنفوره خصوصي( الفصل الاول) بلاش اتلاقي حالك اخر الفصل مفصول يا امور

[samoora]

بنصحهم يخلو حد اكير منهم يمشي معهم خطوه بخطوه وما ينسو المختبرات بلى ما تتراكم عليهم واللي بيسأل ما بيتغلب...

[ابن الجنوب]

انصحهم بالابتعاد عن المعاصي وترك الذنوب ، والدراسه أولاً بأول والتوكل على الله والابتعاد
عن المشاكل ورفاق السوء .. وأن تكون علاقتهم جيده مع الجميع ... وبالتوفيق لهم جميعاً..ويا مرحبا بيهم بالكليه...

[سلطي أنا]

انصحه يرفع راسه قدام الكل لانه بيدرس بجامعه البلقاء التطبيقيه وهيك يركز على دراسته
ويتفوق ويتابع المواد اول باول ، وما يلتهي بمسلسلات رمضان لانه الفيرست على البواب

[*الجنتل*]

انصح جميع السنافر مايفكرو ولا بسنفوره خصوصي( الفصل الاول) بلاش اتلاقي حالك اخر الفصل مفصول يا امور

شكراً عالنصيحة...

[المنسي]

سوف تسمع هذهالعبارة بشكل متكرر:
"سنة أولى أهم سنة، و اذا كان معدلك في سنة أولى عالي رح يضل عالي حتى سنة خامسة، واذا بكون مخسوف رح يضل مخسوف"
و أنت أختي الطالبة ستسمعين نفس العبارة و لكن بلفظ آخر كالتالي:
"سنة أولى أهم سنة، و ازا كان معدلك في سنة أولى عالي رح يدل عالي حتى سنة خامسة، وازا بكون مخسوف رح يدل مخسوف"

و بغض النظر عن صحة هذه النظرية، لن تجد طالب سنة أولى يكره النجاح بل التفوق في سنة أولى، و لذلك هذه بعض النصائح من طالب سنة خامسة لأخوانه الصغار:

أولا: لا تراكم المواد الدراسية على نفسك، فالنهر ليس إلا نقاطا من الماء، فادرس المحاضرات أولا بأول.
ثانيا: تعاون مع أصدقائك و زملائك في تحصيل المعرفة و العلامة و لا تكن أنانيا في تحصيل العلم.
ثالثا: لا تجعل المختبرات ترهقك، و قم بعمل التقارير أولا بأول.
رابعا: أعط لكل مادة حقها من الدراسة و لا تركز على مواد دون أخرى.
خامسا: أكثر من حل الأسئلة خاصة في مواد الرياضيات و الفيزياء و الكيمياء، و قم بدراسة أسئلة السنوات السابقة.
سادسا: اياك ثم اياك عند الدراسة أن تقول: "هاظ الموضوع مش مهم لأنو الدكتور ما ركز عليه كثير"، لأنو يا فالح الدكتور دايما بجيب الأشياء اللي ما ركز عليها.
سابعا: لا تلعب الفنة في أسئلة ضع دائرة، اذا ما عرفت الجواب حط (أ) أحسن شي.
ثامنا: الصبر الصبر، هل تعلم أن ثلاثة أرباع الطلاب يدخلون الفصل يريدون أن يحصلوا على (A) و بعد امتحان الـ (First) نصهم بصير بدو (B) أو (C) و بعد الـ (Second) بدهم (D) و بين الفصلين كلهم يتمنى ينجح و يخلص من المادة. فقط صابر واحد بيوخذ (A).
تاسعا: ركز في دراستك و لا تشتت مخك في أمور أخرى، الأمور الأخرى كلنا يعرفها، و اذا أردت مزيدا من التفاصيل فاستخدم القاعدة التالية:
اذا كانت الفترة التي يكون فيها دفترك في التصوير أكبر من الفترة التي يكون فيها معك فهناك أمور أخرى تلهيك عن الدراسة.
عاشرا و أخيرا: قل لي من صديقك اقل لك من أنت فاياك أخي ورفقاء السوء فانهم يتحينون الفرصة للانقضاض فلا تغفل عنهم و لا تركن لمعسول كلامهم.

مع أجمل الامنيات بالنجاح و التفوق

[القيصر]

انا طالب خريج لا انصح اي طالب سنفور ان يبقى هنا ولو للحظة واحدة نصيحة من اخوكم القيصر لانه هنا تعيش في شريعة غاب حيث لاقوانين واجراءات مثل البشر
( لا يوجد شي تتحسف عليه) كذلك انصح اي سنفور بعدم اقناع الاخرين المحي هنا لو مجرد زيارة

لان هنا معاناة حقيقية سوف تعيشونها

[امير الظلام]

ول يا جماعة
مش لهالدرجة
انا طالب جديد بالكلية
يا جماعة ... خوفتوني ... ليش هيك
والله شكلي رح انقل للكرك اذا طلع كلامكم صحيح
بس يا جماعة
من اللي شفتوا خلال اول اسبوعين من الدوام
انو الكلية تعيش حالة من الفوضة الخانقة
لكن الامور بلشت اول باول تتحسن
والاصحاب اللي تعرفت عليهم
اغلبهم جدد مثلي وكلهم بحكوا نفس الحكي
كلية من القلة وانا شايف غير هيك
انا شايف غير هيك
شايف جيل رح يغير نظرة العالم للكلية
وان شاء الله خير
بس اذا صار ما صار
رح انتقل للكرك اشرفلي
لانوا ببقى عند اخوي هناك احسن
وشكرا لكم
محمد الزعبي