الى جميع طلاب اربد الدخول((والدعوه عامه))!!!

[نسرين أحمد]

الى جميع طلاب اربد الدخول -------------------------------------------------------------------------------- الجدول اليومي للفياعة في أربد 1. الافطار في أبو دريد (لطلاب جامعة اليرموك فقط ) (تجنب دخان الفايسوري حتى لو كنت طفران ) 2. الغداء في مكدونالز او بيتزا هت او البيتزا الايطالي أو بوبايز أو برجر كنج (كنتاكي على الطريق)تجنب الضيعة و أبو محمود - أحلق شعرك بشارع الجامعة ( أوعى تحلق بالحارات ) 3. لازم تاخذ حضور غياب من الدونتز تجنب كوفي شوب بالميرا والعصماللي 4. بعد العصر يفضل تروح على نيوز دائما...ولكن حضور نيوز اجباري يوم الاربعاء عشان الحفلة...وخصوصا في رمضان عشان تزكي صيامك 5. روح على يوني كافيه او برافيزتا معليش...بس الاربعاء لازم نيوز 6. مسموح تاكل بوظة في مانجو.. بس لا يحبذ 7. مسموح الاكل من لبناني سناك 8. الوقوف اجباري عن الدونتس وعن سكن هيوستن واوستن للطالبات تجنب سكن الجوهرة 9. مسموح تاكل من المطاعم الحفرتلية بالبيت بدون ماحدا يشوفك 10. حاول ماحدا يشوفك وانتا رايح عالفوال أو إذا كان في عجقا مش مشكلة إذا أكلت من طعمية بس حاول وقف عند الريم ( لطلاب التكنولوجيا )- حاول تركب باص العروبة حتى لو اتأخرت على المحاضرة / أو إذا ركبت الباصات العادية دير بالك حدا يشوفك - حاول اشرب عصير أو مي و خفف شرب البيبسي حتى لو كانت ماكس ( بفكروك ناصح )- افطر بيتزا أو معجنات بالجامعة ويفضل إلي عند الأكشاك مش مشكلة إزا أكلت فلافل بس لا تكثر ملاحظة : لتكون فايع, ممنوع التواجد في اربد ايام الخميس والجمعة والسبت وممنوع ايضا التواجد في اربد في الاعياد والعطل الرسمية لازم تروح على عمان هاي الفياعة رقم 1 و بدها من 500 -- 600 دينار شهري هذا و إذا كنت ساكن بسكن طلاب بدك على الأقل 700 دينار شهري لتعيش هاي الحياة __________________________________________________ _____________ الفياعة رقم 2 1. الافطار في أبو دريد (لطلاب جامعة اليرموك فقط ) (تجنب دخان الفايسوري حتى لو كنت طفران ) ( دخن ونستن أبيض بس لمى تعلن حالة الطوارئ من الطفر ) 2. الغداء في الجامعة نفسها و يوم الجمعة و السبت في مكدونالز او بيتزا هت او البيتزا الايطالي أو بوبايز أو برجر كنجتجنب الضيعة و أبو محمود 3. لازم تاخذ حضور غياب من الدونتز ( يومين في الأسبوع ) ( غير الجمعة و السبت .. لازم تقعد فيه ) 4. روح على يوني كافيه او برافيزتا يوم في الأسبوع ( غير الأربعاء ) 5. يوم الاربعاء لازم نيوز 6. مسموح تاكل بوظة في مانجو.. بس لا يحبذ 7. مسموح الاكل من لبناني سناك 8. الوقوف اجباري عن الدونتس وعن سكن هيوستن واوستن للطالبات تجنب سكن الجوهرة 9. مش مشكلة إذا أكلت من طعمية و حاول ما اتكتر أكل على شان ما اتطول عندوا ( لطلاب التكنولوجيا )- حاول تركب باص العروبة حتى لو اتأخرت على المحاضرة / أو إذا ركبت الباصات العادية دير بالك حدا يشوفك - حاول اشرب عصير أو مي و خفف شرب البيبسي حتى لو كانت ماكس ( بفكروك ناصح )- افطر بيتزا أو معجنات بالجامعة ويفضل إلي عند الأكشاك مش مشكلة إزا أكلت فلافل بس لا تكثر هاي الفياعة رقم 2 و بدها من 250 -- 350 دينار شهري هذا و إذا كنت ساكن بسكن طلاب بدك على الأقل 400 دينار شهري لتعيش هاي الحياة

[العالي عالي]

مشكورة نسرين على الموضوع الرائع وراح اخد بالنصيحة

[BeisaN]

صادقة والله يا نسرين تقريبا

كل حركات الفياعة اللي حكيتيها

صحيحة

بس حسيت انك مستدرجه حدا و حكيلك
عن كل هل الاشياء


الله يجبر على اهالي هل الشباب

بس انت لازم تكتبي موضوع تاني عن فياعات الصبايا


او بنسجل انه موضوعك هاض تحت بند العنصرية ضد الجنس الاخر

ويسلموا على الموضوع

[OmaRZaghaL Al-QuraN]

الي بسمع بفكرك سكان عبدون او الصويفيه؟

بدريش انك من مخيم البقعه او الوحدات؟

[BeisaN]

الي بسمع بفكرك سكان عبدون او الصويفيه؟

بدريش انك من مخيم البقعه او الوحدات؟

سلام اخ OmaRZaghaL Al-QuraN

عن جد ردك كتير زوق وبمكانه

بس كمان بدي اياك تفهمني ايش الفرق بين الناس اللي سكان

عبدون والصويفية والناس اللي سكان مخيم البقعة والوحدات ؟!!!!!!!!!!!!!!!!

وبدي توضحلي من اي ناحية في فرق بالنسبة الك؛ هل هو من ناحية
اللهجة او المستوى المعيشة او المستوى الثقافي او المستوى المادي او....


وشكرا على المشاركة وحسن الرد

[BeisaN]

سلام اخ OmaRZaghaL Al-QuraN

عن جد ردك كتير زوق وبمكانه

بس كمان بدي اياك تفهمني ايش الفرق بين الناس اللي سكان

عبدون والصويفية والناس اللي سكان مخيم البقعة والوحدات ؟!!!!!!!!!!!!!!!!

وبدي توضحلي من اي ناحية في فرق بالنسبة الك؛ هل هو من ناحية
اللهجة او المستوى المعيشة او المستوى الثقافي او المستوى المادي او....


وشكرا على المشاركة وحسن الرد

ارجو الرد هنا

[ajluni top]

يا جماعة الخير وحدوا الله

كل الناس خير وبركه

[BeisaN]

يا جماعة الخير وحدوا الله

كل الناس خير وبركه

السلام عليك اخ عجلوني توب

ارجو ان تتفهمني فيما قصدت في الدي كتبته

انا لا اقصد اي شيء من اثارة اي من المواضيع التافهة
التي لا قيمة لها ولا يجب مناقشتها فهي لا وجود لها
الا في تلك القلوب المريضة

>>>>>>لكن اريد ان افهم فكرة الاخ عمر قرعان
ولنعمل على اصاله للفكرة الافضل

فما كما نعلم شعار هذا المنتدى الدي يجمعنا
هو "معا نبني العالم الجديد"

ااسف للاخت نسرين احمد لتحويل هدا الموضوع لهدا المسار لكن اضطررت على ذلك



مع جزيل الشكر للتفهم

[ساره]

مساء الخرير للجميع ، شكرا نسرين على الموضوع
انا مع الاخ بيسان في موضوعه ، تلميح عمر القرعان كان فيه نوع من العنصريه ، وشكرا

[ajluni top]

السلام عليك اخ عجلوني توب

ارجو ان تتفهمني فيما قصدت في الدي كتبته

انا لا اقصد اي شيء من اثارة اي من المواضيع التافهة
التي لا قيمة لها ولا يجب مناقشتها فهي لا وجود لها
الا في تلك القلوب المريضة

>>>>>>لكن اريد ان افهم فكرة الاخ عمر قرعان
ولنعمل على اصاله للفكرة الافضل

فما كما نعلم شعار هذا المنتدى الدي يجمعنا
هو "معا نبني العالم الجديد"

ااسف للاخت نسرين احمد لتحويل هدا الموضوع لهدا المسار لكن اضطررت على ذلك



مع جزيل الشكر للتفهم

انا بفهم قصدك وعداك العيب اخوي

والدنيا عيد وكل عام وانت بخير

(واذا خاطبهم الجاهلون قالوا سلاما)